Uppbótartíminn: FH-ingar í sjöunda himni | Myndbönd 27. september 2015 15:54 FH-ingar eru vel að Íslandsmeistaratitlinum komnir. vísir/þórdís Tuttugasta og fyrsta umferð Pepsi-deildar karla í knattspyrnu fór fram í gær. Hverjir áttu góðan dag og hverjir áttu erfiðan dag? Hvað segir tölfræðin og hver var umræðan á Twitter? Vísir gerir hér upp umferðina á léttu nótunum. FH tryggði sér sinn sjöunda Íslandsmeistaratitil með 2-1 sigri á Fjölni. KR staðfesti Evrópusætið og sendi Leikni í leiðinni niður um deild. Blikar geirnegldu annað sætið með sigri á Eyjamönnum sem eru hólpnir. Hermann Hreiðarsson lét reka sig út af í annað sinn á tímabilinu þegar Fylkir og Víkingur gerðu markalaust jafntefli og Skagamenn héldu hreinu í fjórða leiknum í röð þegar þeir unnu 1-0 sigur á Val. Og Stjörnumenn niðurlægðu Keflvíkinga á Samsung-vellinum.Umfjöllun og viðtöl úr leikjum umferðarinnar:FH 2-1 FjölnirLeiknir 0-2 KRStjarnan 7-0 KeflavíkBreiðablik 1-0 ÍBVVíkingur 0-0 FylkirÍA 1-0 ValurÁrmann Smári og félagar í vörn ÍA hafa haldið hreinu í fjórum leikjum í röð.vísir/vilhelmGóð umferð fyrir ...... FH-inga Auðvelt val. Fimleikafélagið er Íslandsmeistari í sjöunda sinn en allir þessir sjö titlar hafa unnist á síðustu 12 árum. Það var mikil pressa á FH-ingum fyrir mót og þeir þurftu að hafa mikið fyrir því að landa þessum titli en það tókst á endanum. Eftir 1-3 tapið fyrir KR í 12. umferð hafa FH-ingar verið óstöðvandi og unnið átta af síðustu níu leikjum sínum. Þeir eru vel að þessum titli komnir.... vörn ÍA Skagamenn héldu hreinu í fjórða leiknum í röð þegar þeir unnu 1-0 sigur á Val í miklum rokleik á Skaganum. Akurnesingar hafa verið vaxandi í allt sumar og geta vel við unað enda búnir að tryggja sér áframhaldandi sæti í efstu deild. Ármann Smári Björnsson hefur átt sitt besta tímabil í langan tíma og bundið Skagavörnina saman og fyrir aftan hana hefur Árni Snær Ólafsson átt gott sumar.... Guðjón Baldvinsson Guðjón skoraði sína aðra þrennu í efstu deild þegar Stjörnumenn kjöldrógu fallna Keflvíkinga á Samsung-vellinum. Guðjón var lengi í gang eftir að hann kom frá Nordsjælland um mitt sumar en hefur verið að hitna að undanförnu og er kominn með fimm mörk í síðustu fjórum leikjum Stjörnunnar sem hefur fengið 10 stig úr þessum fjórum leikjum og haldið þrisvar sinnum hreinu í röð. Sumarið er vonbrigði en Stjörnumenn geta farið nokkuð brattir inn í undirbúningstímabilið eftir góðan endasprett.Keflvíkingar hafa fengið á sig 59 mörk í sumar.vísir/antonVond umferð ...... vörn og markmann Keflavíkur Keflavík fékk á sig sjö mörk gegn Stjörnunni og jafnaði um leið vafasamt met Víkinga frá 1993 en engin lið hafa fengið á sig fleiri mörk á einu tímabili en þau, eða 59 mörk. Keflavík hefur aldrei haldið hreinu í sumar og tvívegis fengið á sig sjö mörk í leik. Haukur Ingi Guðnason og Jóhann B. Guðmundsson ákváðu að setja Sigmar Inga Sigurðarson í markið gegn Stjörnunni en sú ákvörðun var gagnrýnd í Pepsi-mörkunum í gær. Sigmari var vorkunn að standa fyrir aftan þessa vörn en hann leit samt sem áður illa út í nokkrum mörkum Stjörnunnar, þá sérstaklega fimmta markinu.... Leiknismenn Stuttri dvöl Leiknismanna í deild þeirra bestu er lokið. Breiðhyltingum hefur verið hrósað fyrir baráttugleði og samstöðu en þegar upp var staðið vantaði meiri gæði í liðið, sérstaklega fram á við. Leiknir hefur aðeins skorað 18 mörk í 21 deildarleik og mennirnir sem voru fengnir til að skora mörkin, Elvar Páll Sigurðsson, Kolbeinn Kárason og Danny Schreurs, hafa aðeins skilað einu marki samtals í sumar. Varnarleikurinn var lengst af fínn en hann hefur lekið í síðustu leikjum.... Hermann Hreiðarsson Eyjamaðurinn er búinn að stýra Fylki í 10 leikjum en í þeim hefur hann tvisvar verið rekinn af velli. Framkoma hans í leiknum gegn Val fyrir nokkrum vikum var til skammar og hann missti aftur stjórn skapi sínu í Víkinni í gær. Hermann fékk orð í eyra frá sérfræðingum Pepsi-markanna og það er ljóst að hann þarf að hafa meiri stjórn á skapi sínu. Óvíst er hvort Hermann verður þjálfari liðsins á næsta tímabili en ef svo verður, þá hefur Árbæjarliðið ekki efni á hafa hann reglulega uppi í stúku.Guðjón er kominn með fimm mörk í síðustu fjórum leikjum Stjörnunnar.vísir/antonSkemmtilegir punktar af Boltavaktinni: Árni Jóhannson á Samsung-vellinum: Já, Stjarnan er komin með 2 mörk í forskot. Guðjón Baldvinsson fékk boltann í teig Keflvíkinga af varnarmanni og smellti honum í hornið anni að markvörðurinn náði ekki til. Hversu mörg verð mörkin í dag? Ég þori ekki að spá um það en þau verða líklega öll Stjörnumegin.Guðmundur Marinó Ingvarsson á Leiknisvelli: Aðstæður hér á Leiknisvellinum eru áhugaverðar. Byrjum á því jákvæða. Sólin er að glenna sig og grasið lítur afskaplega vel út. Þá hið neikvæða. Grasið er á floti vegna slagveðursrigningar og það er hávaðarok.Tryggvi Páll Tryggvason á Víkingsvelli: Hermann Hreiðarsson er alveg vitlaus hérna á hliðarlínunni og lætur aðstoðardómarann heyra það.Hæstu og lægstu einkunnir umferðarinnar:Guðjón Baldvinsson, Stjarnan - 9 Sigmar Ingi Sigurðarson, Keflavík - 2Umræðan #pepsi365Gaman í Birkiberginu, virkilega skemmtilegt að fa að lita inn! Cc @jonjonssonmusic#pepsi365pic.twitter.com/7uTq0IxRGB — Sveinn Arnarsson (@Sveinn_A) September 26, 2015Það getur ekki talist eðlilegt að hver einasta markspyrna skagamanna taki 20 sekúndur #fotbolti#pepsi365 — Ómar Ingi (@OmarIngiGud) September 26, 2015Besti leikmaður Leiknis í sumar! Má ekki detta í liðamelluna og fara eitthvað annað #Fotboltinet#Pepsi365pic.twitter.com/6KrZVzMroE — Maggi Peran (@maggiperan) September 26, 2015LeiknisLjón kvetja eins og þeim sé borgað fyrir það! Eru þeir búinir að finna sér nýtt lið í #Pepsi365 fyrir næsta tímabil? Velkomnir í FH! — Bjarki Gunn (@bjarci) September 26, 2015Þetta er eins og kosningasjónvarp #pepsi365 — Katrín Atladóttir (@katrinat) September 26, 2015Mark 21. umferðar Atvik 21. umferðar Markasyrpa 21. umferðar Pepsi Max-deild karla Mest lesið Gagnrýnir HSÍ harðlega: „Enginn metnaður til að gera betur“ Handbolti Enginn ákærður vegna andláts Adam Johnson Sport Pabbi Haliburtons ögraði Giannis: „Mikil vanvirðing“ Körfubolti Stúkan um Stjörnuna: „Er algjört kjaftæði“ Íslenski boltinn Uppgjörið: Tindastóll - Álftanes 105-104 | Lygilegar lokamínútur Körfubolti Bjarki um gjaldþrotið: „Þú ert niðurlægður á ákveðinn hátt“ Íslenski boltinn Sigtryggur Arnar eignaðist strák rétt fyrir stórleik kvöldsins Körfubolti ITV styður Ian Wright og gæti losað sig við Eni Aluko Enski boltinn Arnór Borg í Vestra og Fram fann markmann Íslenski boltinn Slapp vel frá rafmagnsleysinu Körfubolti Fleiri fréttir Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ „Ekki áhyggjuefni, þetta var bara hörkuleikur“ Uppgjörið: Fram - Afturelding 3-0 | Mosfellingum kippt niður á jörðina Uppgjörið: Valur - Víkingur 1-1 | Jafntefli sanngjarnt þegar hvorugt lið sækir til sigurs Uppgjörið: Stjarnan - ÍBV 2-3 | Gott gengi Eyjamanna heldur áfram Dagur Örn sagður á leið til FH Sjáðu mörkin: Endurkoma Stjörnunnar og mörkin hjá Val og FH Sjáðu markaveislu KR og rothögg KA gegn FH „Kom bara í hörkustandi inn í þennan leik“ Uppgjörið: Valur - Þór/KA 3-0| Valur kláraði dæmið í síðari hálfleik Uppgjörið: Tindastóll - Stjarnan 1-2 | Ótrúleg endurkoma Garðbæinga Sjá meira
Tuttugasta og fyrsta umferð Pepsi-deildar karla í knattspyrnu fór fram í gær. Hverjir áttu góðan dag og hverjir áttu erfiðan dag? Hvað segir tölfræðin og hver var umræðan á Twitter? Vísir gerir hér upp umferðina á léttu nótunum. FH tryggði sér sinn sjöunda Íslandsmeistaratitil með 2-1 sigri á Fjölni. KR staðfesti Evrópusætið og sendi Leikni í leiðinni niður um deild. Blikar geirnegldu annað sætið með sigri á Eyjamönnum sem eru hólpnir. Hermann Hreiðarsson lét reka sig út af í annað sinn á tímabilinu þegar Fylkir og Víkingur gerðu markalaust jafntefli og Skagamenn héldu hreinu í fjórða leiknum í röð þegar þeir unnu 1-0 sigur á Val. Og Stjörnumenn niðurlægðu Keflvíkinga á Samsung-vellinum.Umfjöllun og viðtöl úr leikjum umferðarinnar:FH 2-1 FjölnirLeiknir 0-2 KRStjarnan 7-0 KeflavíkBreiðablik 1-0 ÍBVVíkingur 0-0 FylkirÍA 1-0 ValurÁrmann Smári og félagar í vörn ÍA hafa haldið hreinu í fjórum leikjum í röð.vísir/vilhelmGóð umferð fyrir ...... FH-inga Auðvelt val. Fimleikafélagið er Íslandsmeistari í sjöunda sinn en allir þessir sjö titlar hafa unnist á síðustu 12 árum. Það var mikil pressa á FH-ingum fyrir mót og þeir þurftu að hafa mikið fyrir því að landa þessum titli en það tókst á endanum. Eftir 1-3 tapið fyrir KR í 12. umferð hafa FH-ingar verið óstöðvandi og unnið átta af síðustu níu leikjum sínum. Þeir eru vel að þessum titli komnir.... vörn ÍA Skagamenn héldu hreinu í fjórða leiknum í röð þegar þeir unnu 1-0 sigur á Val í miklum rokleik á Skaganum. Akurnesingar hafa verið vaxandi í allt sumar og geta vel við unað enda búnir að tryggja sér áframhaldandi sæti í efstu deild. Ármann Smári Björnsson hefur átt sitt besta tímabil í langan tíma og bundið Skagavörnina saman og fyrir aftan hana hefur Árni Snær Ólafsson átt gott sumar.... Guðjón Baldvinsson Guðjón skoraði sína aðra þrennu í efstu deild þegar Stjörnumenn kjöldrógu fallna Keflvíkinga á Samsung-vellinum. Guðjón var lengi í gang eftir að hann kom frá Nordsjælland um mitt sumar en hefur verið að hitna að undanförnu og er kominn með fimm mörk í síðustu fjórum leikjum Stjörnunnar sem hefur fengið 10 stig úr þessum fjórum leikjum og haldið þrisvar sinnum hreinu í röð. Sumarið er vonbrigði en Stjörnumenn geta farið nokkuð brattir inn í undirbúningstímabilið eftir góðan endasprett.Keflvíkingar hafa fengið á sig 59 mörk í sumar.vísir/antonVond umferð ...... vörn og markmann Keflavíkur Keflavík fékk á sig sjö mörk gegn Stjörnunni og jafnaði um leið vafasamt met Víkinga frá 1993 en engin lið hafa fengið á sig fleiri mörk á einu tímabili en þau, eða 59 mörk. Keflavík hefur aldrei haldið hreinu í sumar og tvívegis fengið á sig sjö mörk í leik. Haukur Ingi Guðnason og Jóhann B. Guðmundsson ákváðu að setja Sigmar Inga Sigurðarson í markið gegn Stjörnunni en sú ákvörðun var gagnrýnd í Pepsi-mörkunum í gær. Sigmari var vorkunn að standa fyrir aftan þessa vörn en hann leit samt sem áður illa út í nokkrum mörkum Stjörnunnar, þá sérstaklega fimmta markinu.... Leiknismenn Stuttri dvöl Leiknismanna í deild þeirra bestu er lokið. Breiðhyltingum hefur verið hrósað fyrir baráttugleði og samstöðu en þegar upp var staðið vantaði meiri gæði í liðið, sérstaklega fram á við. Leiknir hefur aðeins skorað 18 mörk í 21 deildarleik og mennirnir sem voru fengnir til að skora mörkin, Elvar Páll Sigurðsson, Kolbeinn Kárason og Danny Schreurs, hafa aðeins skilað einu marki samtals í sumar. Varnarleikurinn var lengst af fínn en hann hefur lekið í síðustu leikjum.... Hermann Hreiðarsson Eyjamaðurinn er búinn að stýra Fylki í 10 leikjum en í þeim hefur hann tvisvar verið rekinn af velli. Framkoma hans í leiknum gegn Val fyrir nokkrum vikum var til skammar og hann missti aftur stjórn skapi sínu í Víkinni í gær. Hermann fékk orð í eyra frá sérfræðingum Pepsi-markanna og það er ljóst að hann þarf að hafa meiri stjórn á skapi sínu. Óvíst er hvort Hermann verður þjálfari liðsins á næsta tímabili en ef svo verður, þá hefur Árbæjarliðið ekki efni á hafa hann reglulega uppi í stúku.Guðjón er kominn með fimm mörk í síðustu fjórum leikjum Stjörnunnar.vísir/antonSkemmtilegir punktar af Boltavaktinni: Árni Jóhannson á Samsung-vellinum: Já, Stjarnan er komin með 2 mörk í forskot. Guðjón Baldvinsson fékk boltann í teig Keflvíkinga af varnarmanni og smellti honum í hornið anni að markvörðurinn náði ekki til. Hversu mörg verð mörkin í dag? Ég þori ekki að spá um það en þau verða líklega öll Stjörnumegin.Guðmundur Marinó Ingvarsson á Leiknisvelli: Aðstæður hér á Leiknisvellinum eru áhugaverðar. Byrjum á því jákvæða. Sólin er að glenna sig og grasið lítur afskaplega vel út. Þá hið neikvæða. Grasið er á floti vegna slagveðursrigningar og það er hávaðarok.Tryggvi Páll Tryggvason á Víkingsvelli: Hermann Hreiðarsson er alveg vitlaus hérna á hliðarlínunni og lætur aðstoðardómarann heyra það.Hæstu og lægstu einkunnir umferðarinnar:Guðjón Baldvinsson, Stjarnan - 9 Sigmar Ingi Sigurðarson, Keflavík - 2Umræðan #pepsi365Gaman í Birkiberginu, virkilega skemmtilegt að fa að lita inn! Cc @jonjonssonmusic#pepsi365pic.twitter.com/7uTq0IxRGB — Sveinn Arnarsson (@Sveinn_A) September 26, 2015Það getur ekki talist eðlilegt að hver einasta markspyrna skagamanna taki 20 sekúndur #fotbolti#pepsi365 — Ómar Ingi (@OmarIngiGud) September 26, 2015Besti leikmaður Leiknis í sumar! Má ekki detta í liðamelluna og fara eitthvað annað #Fotboltinet#Pepsi365pic.twitter.com/6KrZVzMroE — Maggi Peran (@maggiperan) September 26, 2015LeiknisLjón kvetja eins og þeim sé borgað fyrir það! Eru þeir búinir að finna sér nýtt lið í #Pepsi365 fyrir næsta tímabil? Velkomnir í FH! — Bjarki Gunn (@bjarci) September 26, 2015Þetta er eins og kosningasjónvarp #pepsi365 — Katrín Atladóttir (@katrinat) September 26, 2015Mark 21. umferðar Atvik 21. umferðar Markasyrpa 21. umferðar
Pepsi Max-deild karla Mest lesið Gagnrýnir HSÍ harðlega: „Enginn metnaður til að gera betur“ Handbolti Enginn ákærður vegna andláts Adam Johnson Sport Pabbi Haliburtons ögraði Giannis: „Mikil vanvirðing“ Körfubolti Stúkan um Stjörnuna: „Er algjört kjaftæði“ Íslenski boltinn Uppgjörið: Tindastóll - Álftanes 105-104 | Lygilegar lokamínútur Körfubolti Bjarki um gjaldþrotið: „Þú ert niðurlægður á ákveðinn hátt“ Íslenski boltinn Sigtryggur Arnar eignaðist strák rétt fyrir stórleik kvöldsins Körfubolti ITV styður Ian Wright og gæti losað sig við Eni Aluko Enski boltinn Arnór Borg í Vestra og Fram fann markmann Íslenski boltinn Slapp vel frá rafmagnsleysinu Körfubolti Fleiri fréttir Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ „Ekki áhyggjuefni, þetta var bara hörkuleikur“ Uppgjörið: Fram - Afturelding 3-0 | Mosfellingum kippt niður á jörðina Uppgjörið: Valur - Víkingur 1-1 | Jafntefli sanngjarnt þegar hvorugt lið sækir til sigurs Uppgjörið: Stjarnan - ÍBV 2-3 | Gott gengi Eyjamanna heldur áfram Dagur Örn sagður á leið til FH Sjáðu mörkin: Endurkoma Stjörnunnar og mörkin hjá Val og FH Sjáðu markaveislu KR og rothögg KA gegn FH „Kom bara í hörkustandi inn í þennan leik“ Uppgjörið: Valur - Þór/KA 3-0| Valur kláraði dæmið í síðari hálfleik Uppgjörið: Tindastóll - Stjarnan 1-2 | Ótrúleg endurkoma Garðbæinga Sjá meira