Vill eitt ástarævintýri í viðbót

Jack Nicholson væri til í eitt ástarævintýri í viðbót.

Hinn 77 ára leikari átti í ástarsambandi með leikkonunni Anjelicu Huston á áttunda og níunda áratugnum, auk þess sem hann var kvæntur Söndru Knight á árunum 1962 til 1968.

„Það væri frábært að eiga eitt ástarævintýri í viðbót. En ég er ekki viss um að það geti gerst. Ég get samt ekki neitað því að löngunin er til staðar,“ sagði Nicholson, sem á fjögur börn á aldrinum 22 til 51 árs.