Yrði algjört æði að kveðja með titli Óskar Ófeigur Jónsson skrifar 22. apríl 2015 06:30 Sara Rún Hinriksdóttir í leik með Keflavíkurliðinu. Fréttablaðið/stefán Hin átján ára gamla Sara Rún Hinriksdóttir er í stóru hlutverki hjá kvennaliði Keflavíkur sem hefur ekki tapað í úrslitakeppninni í ár þegar liðið mætir í fyrsta leik lokaúrslitanna á móti deildarmeisturum Snæfells í kvöld. Leikirnir í lokaúrslitunum verða síðustu leikir Söru með Keflavíkurliðinu því hún er á leiðinni út í háskólanám í Bandaríkjunum næsta vetur. „Við erum allar orðnar mjög spenntar enda erum við búnar að bíða í heila viku,“ segir Sara Rún en Keflavík vann 3-0 sigur á Haukum í undanúrslitunum. Keflavíkurkonur töpuðu fyrir Grindavík í bikarúrslitaleiknum og þær ætla sér að bæta fyrir það. „Við ætlum ekki að missa að þessum líka. Við vorum mjög svekktar eftir hann en ætlum okkur að vinna þennan,“ segir Sara. Framundan eru síðustu leikir hennar með Keflavíkurliðinu í bili. „Þetta er löngu ákveðið og ég er búin að stefna að þessu mjög lengi. Ég er mjög glöð með að þetta sé að ganga upp en ég er ekki alveg að átta mig á því að það sé svona stutt í þetta,“ segir Sara. Keflavíkurliðið virðist vera að koma upp á réttum tíma. „Við spiluðum rosalega vel saman í vörn sem sókn á móti Haukunum. Vonandi heldur það áfram á móti Snæfelli,“ segir Sara sem skoraði 17,0 stig að meðaltali í seríunni og varð stigahæsti íslenski leikmaðurinn í undanúrslitunum. Hún vill ekki gera of mikið úr sínu hlutverki eða pressunni á liðinu. „Það er mikið af góðum stelpum í Keflavíkurliðinu og það eru því margir lykilleikmenn sem gætu stigið fram í úrslitaleikjunum. Ábyrgðin er því að dreifast hjá okkur. Það er kannski engin sérstök pressa á okkur. Keflavík er samt Keflavík og það búast allir við titli. Ég held að pressan komi aðallega frá okkur sjálfum,“ segir Sara.Klárar á þremur árum Tvíburasystir Söru, Bríet, er einnig í Keflavíkurliðinu og þær hafa spilað saman með öllum liðum, bæði félagsliðum og landsliðum. Nú spila þær ekki saman næsta vetur. „Hún er ekki að útskrifast alveg strax en ég er að útskrifast á þremur árum,“ segir Sara. Hún talar samt eins og þríburi því jafnaldri hennar og Bríetar, Sandra Lind Þrastardóttir, hefur einnig spilað við hlið hennar alla tíð. „Við erum þrjár bestu vinkonur og alveg límdar saman. Við vorum að átta okkur á því í fyrradag að þetta yrðu síðustu leikirnir okkar saman,“ segir Sara og viðurkennir að hafa þá sýnt tilfinningar. Sara ætlar sér líka stóra hluti í náminu. „Ég er ekki búin að ákveða mig en ég ætla að ná mér í gott nám. Ég er að skoða læknisfræði en það er ekki orðið staðfest,“ segir Sara sem valdi Canisius úr góðum hópi skóla sem vildu fá hana. Hún fékk að fara í heimsókn til Buffalo og heillaðist strax.Tilbúnar í alvöru seríu Keflavík sló Snæfell út úr undanúrslitunum bikarsins og liðin unnu tvo leiki hvort í deildarkeppninni. „Þær eru mjög góðar á heimavelli og við höfum alveg fengið að finna fyrir því. Við unnum þær samt í fyrsta leiknum sem við spiluðum í Hólminum í vetur þannig að við vitum að það er hægt,“ segir Sara en hvað þarf helst að ganga upp? „Það þarf eiginlega allt að ganga upp hjá okkur því Snæfellsliðið er með mjög góða leikmenn. Við þurfum kannski helst að stoppa þessi hraðaupphlaup hjá þeim. Við höfum bæði breidd og leikmenn í allar stöður. Við erum alveg tilbúnar í alvöru seríu,“ segir Sara Rún og bætir við að lokum: „Það yrði algjört æði að kveðja með Íslandsmeistaratitli.“ Dominos-deild kvenna Mest lesið Bein útsending: Fimm eftir í morgunsárið Sport Arnar Gunnlaugsson í banni í úrslitaleiknum Fótbolti „Hefði látið Elías Inga blása og er ekki viss um að hann hefði fengið keyra heim“ Íslenski boltinn Stærsta lið Noregs í þrot Handbolti „Dæmið okkur eftir eftir næstu sjö leiki“ Fótbolti FIFA setur Viðar Örn í sex mánaða bann Fótbolti Rakel María endaði upp á spítala: „Ég á bara ótrúlega erfitt“ Sport Körfuboltakvöld: Áhyggjur af Álftanesi Körfubolti „Ég trúi þessu ekki ennþá“ Fótbolti „Ég reyndi að standa mig eins og í öllum öðrum leikjum“ Íslenski boltinn Fleiri fréttir Körfuboltakvöld: Áhyggjur af Álftanesi Grindavík og Njarðvík örugglega áfram Martin klikkaði á lokaskotinu og Alba Berlin tapaði Grizzlies semja við lágvaxnasta leikmann NBA deildarinnar Skiptar skoðanir á nýju merki Njarðvíkur „Hún er hjartað og lungað í liðinu“ „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Sjá meira
Hin átján ára gamla Sara Rún Hinriksdóttir er í stóru hlutverki hjá kvennaliði Keflavíkur sem hefur ekki tapað í úrslitakeppninni í ár þegar liðið mætir í fyrsta leik lokaúrslitanna á móti deildarmeisturum Snæfells í kvöld. Leikirnir í lokaúrslitunum verða síðustu leikir Söru með Keflavíkurliðinu því hún er á leiðinni út í háskólanám í Bandaríkjunum næsta vetur. „Við erum allar orðnar mjög spenntar enda erum við búnar að bíða í heila viku,“ segir Sara Rún en Keflavík vann 3-0 sigur á Haukum í undanúrslitunum. Keflavíkurkonur töpuðu fyrir Grindavík í bikarúrslitaleiknum og þær ætla sér að bæta fyrir það. „Við ætlum ekki að missa að þessum líka. Við vorum mjög svekktar eftir hann en ætlum okkur að vinna þennan,“ segir Sara. Framundan eru síðustu leikir hennar með Keflavíkurliðinu í bili. „Þetta er löngu ákveðið og ég er búin að stefna að þessu mjög lengi. Ég er mjög glöð með að þetta sé að ganga upp en ég er ekki alveg að átta mig á því að það sé svona stutt í þetta,“ segir Sara. Keflavíkurliðið virðist vera að koma upp á réttum tíma. „Við spiluðum rosalega vel saman í vörn sem sókn á móti Haukunum. Vonandi heldur það áfram á móti Snæfelli,“ segir Sara sem skoraði 17,0 stig að meðaltali í seríunni og varð stigahæsti íslenski leikmaðurinn í undanúrslitunum. Hún vill ekki gera of mikið úr sínu hlutverki eða pressunni á liðinu. „Það er mikið af góðum stelpum í Keflavíkurliðinu og það eru því margir lykilleikmenn sem gætu stigið fram í úrslitaleikjunum. Ábyrgðin er því að dreifast hjá okkur. Það er kannski engin sérstök pressa á okkur. Keflavík er samt Keflavík og það búast allir við titli. Ég held að pressan komi aðallega frá okkur sjálfum,“ segir Sara.Klárar á þremur árum Tvíburasystir Söru, Bríet, er einnig í Keflavíkurliðinu og þær hafa spilað saman með öllum liðum, bæði félagsliðum og landsliðum. Nú spila þær ekki saman næsta vetur. „Hún er ekki að útskrifast alveg strax en ég er að útskrifast á þremur árum,“ segir Sara. Hún talar samt eins og þríburi því jafnaldri hennar og Bríetar, Sandra Lind Þrastardóttir, hefur einnig spilað við hlið hennar alla tíð. „Við erum þrjár bestu vinkonur og alveg límdar saman. Við vorum að átta okkur á því í fyrradag að þetta yrðu síðustu leikirnir okkar saman,“ segir Sara og viðurkennir að hafa þá sýnt tilfinningar. Sara ætlar sér líka stóra hluti í náminu. „Ég er ekki búin að ákveða mig en ég ætla að ná mér í gott nám. Ég er að skoða læknisfræði en það er ekki orðið staðfest,“ segir Sara sem valdi Canisius úr góðum hópi skóla sem vildu fá hana. Hún fékk að fara í heimsókn til Buffalo og heillaðist strax.Tilbúnar í alvöru seríu Keflavík sló Snæfell út úr undanúrslitunum bikarsins og liðin unnu tvo leiki hvort í deildarkeppninni. „Þær eru mjög góðar á heimavelli og við höfum alveg fengið að finna fyrir því. Við unnum þær samt í fyrsta leiknum sem við spiluðum í Hólminum í vetur þannig að við vitum að það er hægt,“ segir Sara en hvað þarf helst að ganga upp? „Það þarf eiginlega allt að ganga upp hjá okkur því Snæfellsliðið er með mjög góða leikmenn. Við þurfum kannski helst að stoppa þessi hraðaupphlaup hjá þeim. Við höfum bæði breidd og leikmenn í allar stöður. Við erum alveg tilbúnar í alvöru seríu,“ segir Sara Rún og bætir við að lokum: „Það yrði algjört æði að kveðja með Íslandsmeistaratitli.“
Dominos-deild kvenna Mest lesið Bein útsending: Fimm eftir í morgunsárið Sport Arnar Gunnlaugsson í banni í úrslitaleiknum Fótbolti „Hefði látið Elías Inga blása og er ekki viss um að hann hefði fengið keyra heim“ Íslenski boltinn Stærsta lið Noregs í þrot Handbolti „Dæmið okkur eftir eftir næstu sjö leiki“ Fótbolti FIFA setur Viðar Örn í sex mánaða bann Fótbolti Rakel María endaði upp á spítala: „Ég á bara ótrúlega erfitt“ Sport Körfuboltakvöld: Áhyggjur af Álftanesi Körfubolti „Ég trúi þessu ekki ennþá“ Fótbolti „Ég reyndi að standa mig eins og í öllum öðrum leikjum“ Íslenski boltinn Fleiri fréttir Körfuboltakvöld: Áhyggjur af Álftanesi Grindavík og Njarðvík örugglega áfram Martin klikkaði á lokaskotinu og Alba Berlin tapaði Grizzlies semja við lágvaxnasta leikmann NBA deildarinnar Skiptar skoðanir á nýju merki Njarðvíkur „Hún er hjartað og lungað í liðinu“ „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Sjá meira