Leitar að útlenskum konum í aðalhlutverk Gyða Lóa Ólafsdóttir skrifar 27. júlí 2015 09:00 Ásthildi þykir sagan spennandi og segir hana eiga erindi í íslenskt samfélag í dag. Vísir/Valli „Handritið er byggt á Tryggðarpanti eftir Auði Jónsdóttur, saga Auðar gerist á óræðum stað í óræðri borg og ég er búin að heimfæra þessa sögu upp á Reykjavík dagsins í dag,“ segir kvikmyndagerðarkonan Ásthildur Kjartansdóttir sem vinnur nú að sinni fyrstu leiknu kvikmynd í fullri lengd. „Sagan segir frá konu sem leigir erlendum konum herbergi heima hjá sér til þess að ná endum saman, það gerir hún líka af því að hún hefur starfað sem blaðamaður af og til og fær það verkefni að skrifa um útlendinga. Sambúðin gengur ágætlega til að byrja með og svo fer allt fjandans til,“ segir hún um handritið. „Mér fannst sagan rosalega spennandi og eiga erindi í íslenskt samfélag. Sagan vekur upp áleitnar spurningar varðandi útlendinga sem brenna á okkur í dag.“ Ásthildur er 64 ára gömul og líkt og áður sagði er þetta hennar fyrsta leikna kvikmynd í fullri lengd en hana hefur langað til þess að vinna að slíku verkefni. Hún hefur leikstýrt og framleitt fjölda heimildarmynda og einnig gert stuttmyndir og leikið sjónvarpsefni og segist alla tíð hafa haft áhuga á kvikmyndagerð. „Ég hafði alltaf áhuga en gerði nú ekkert úr því fyrr ég var rúmlega þrítug. Þegar ég var að útskrifast úr MR þekkti ég enga konu sem hafði farið í kvikmyndagerð en ég dreif mig samt. Þetta hefur breyst mikið núna.“ Ásthildur og Eva Sigurðardóttir, framleiðandi hjá Askja Films sem framleiðir myndina, leita nú að útlenskum konum til að fara með tvö aðalhlutverk í myndinni og hefur Ásthildur þegar rætt við nokkrar sem koma til greina en vill hitta enn fleiri en í öðru aðalhlutverki í myndinni er leikkonan Elma Lísa Gunnarsdóttir. Stefnt er á að tökur hefjist nú í október en myndin hlaut ekki styrk frá Kvikmyndasjóði sem Ásthildur segir hafa verið ákveðin vonbrigði. „Reynsla mín og annarra kvenna af Kvikmyndasjóði hefur ekki verið góð og þá sögu vil ég segja við annað tækifæri,“ en hún hafi samt sem áður ákveðið að láta slag standa og leitað annarra leiða til að fjármagna verkefnið. „Það þýðir ekkert annað en að vera bjartsýn. Þetta er mjög skemmtilegt verkefni og nýstárlegt,“ segir hún glöð í bragði að lokum.Eva Sigurðardóttir framleiðir myndina.Vísir/ValliAllt á réttri leið „Ásthildur hafði samband við mig í fyrra og þá var hún komin með réttinn á þessari bók og við þróuðum handritið áfram,“ segir Eva Sigurðardóttir, framleiðandi og stofnandi Askja Films, kvikmyndaframleiðslufyrirtækis sem leggur áherslu á að miðla sögum um og eftir konur. Eva er framleiðslustjóri kvikmyndarinnar Hrúta og hlaut tilnefningu til BAFTA-verðlaunanna árið 2013 fyrir stuttmyndina Good Night. Eva bjó lengi í London og starfaði við framleiðslu á barnaefni hjá BBC, kom heim fyrir tveimur árum og stofnaði Askja Films. „Þegar ég kom heim var mikil gróska í umræðunni um konur í kvikmyndagerð og ég hef bara jákvæða hluti að segja um það sem hefur verið að gerast hér heima. Þetta er allt á réttri leið,“ segir Eva og bætir við að hún telji að á næstu fimm árum höldum við áfram að sjá breytingar í þessum málum. „Það er rosalega flott hjá honum að stíga svona fram og standa með okkur, konur í kvikmyndagerð eru búnar að berjast fyrir þessu lengi,“ segir hún spurð að því hvað henni hafi þótt um ummæli Baltasars Kormáks um að setja kynjakvóta á úthlutanir úr Kvikmyndasjóði. Ásthildur og Eva leita nú að útlenskum konum í tvö af aðalhlutverkum myndarinnar og segir Eva það engu skipta hvaðan þær koma eða hvort þær séu leikaramenntaðar þar sem handritið verði að einhverju leyti aðlagað í æfingaferlinu. „Þær þurfa að vera á aldrinum 25-50 ára og tala einhverja lágmarks íslensku þar sem það eru ákveðnar senur sem fara fram á íslensku.“ Áhugasömum er bent á að senda tölvupóst á askjacasting@gmail.com með mynd, upplýsingum og umsókn. Bíó og sjónvarp Tengdar fréttir Ásthildur hlaut aðalverðlaunin Stuttmyndin Brynhildur og Kjartan þótti best á kvikmyndahátíðinni Arctic Heat. 22. febrúar 2013 21:00 Mest lesið „Undrabarn“ keppir á undanþágu og tekur pabba í kennslustund Lífið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið Krakkatían: Flugfélög, landafræði og krakkalög Lífið Fréttatía vikunnar: Pólitík, andlát og bíó Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið Faðir Payne las minningarorð og þakkaði aðdáendum Lífið Rekinn af útgáfunni stuttu fyrir andlátið Lífið Fleiri fréttir Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Sjá meira
„Handritið er byggt á Tryggðarpanti eftir Auði Jónsdóttur, saga Auðar gerist á óræðum stað í óræðri borg og ég er búin að heimfæra þessa sögu upp á Reykjavík dagsins í dag,“ segir kvikmyndagerðarkonan Ásthildur Kjartansdóttir sem vinnur nú að sinni fyrstu leiknu kvikmynd í fullri lengd. „Sagan segir frá konu sem leigir erlendum konum herbergi heima hjá sér til þess að ná endum saman, það gerir hún líka af því að hún hefur starfað sem blaðamaður af og til og fær það verkefni að skrifa um útlendinga. Sambúðin gengur ágætlega til að byrja með og svo fer allt fjandans til,“ segir hún um handritið. „Mér fannst sagan rosalega spennandi og eiga erindi í íslenskt samfélag. Sagan vekur upp áleitnar spurningar varðandi útlendinga sem brenna á okkur í dag.“ Ásthildur er 64 ára gömul og líkt og áður sagði er þetta hennar fyrsta leikna kvikmynd í fullri lengd en hana hefur langað til þess að vinna að slíku verkefni. Hún hefur leikstýrt og framleitt fjölda heimildarmynda og einnig gert stuttmyndir og leikið sjónvarpsefni og segist alla tíð hafa haft áhuga á kvikmyndagerð. „Ég hafði alltaf áhuga en gerði nú ekkert úr því fyrr ég var rúmlega þrítug. Þegar ég var að útskrifast úr MR þekkti ég enga konu sem hafði farið í kvikmyndagerð en ég dreif mig samt. Þetta hefur breyst mikið núna.“ Ásthildur og Eva Sigurðardóttir, framleiðandi hjá Askja Films sem framleiðir myndina, leita nú að útlenskum konum til að fara með tvö aðalhlutverk í myndinni og hefur Ásthildur þegar rætt við nokkrar sem koma til greina en vill hitta enn fleiri en í öðru aðalhlutverki í myndinni er leikkonan Elma Lísa Gunnarsdóttir. Stefnt er á að tökur hefjist nú í október en myndin hlaut ekki styrk frá Kvikmyndasjóði sem Ásthildur segir hafa verið ákveðin vonbrigði. „Reynsla mín og annarra kvenna af Kvikmyndasjóði hefur ekki verið góð og þá sögu vil ég segja við annað tækifæri,“ en hún hafi samt sem áður ákveðið að láta slag standa og leitað annarra leiða til að fjármagna verkefnið. „Það þýðir ekkert annað en að vera bjartsýn. Þetta er mjög skemmtilegt verkefni og nýstárlegt,“ segir hún glöð í bragði að lokum.Eva Sigurðardóttir framleiðir myndina.Vísir/ValliAllt á réttri leið „Ásthildur hafði samband við mig í fyrra og þá var hún komin með réttinn á þessari bók og við þróuðum handritið áfram,“ segir Eva Sigurðardóttir, framleiðandi og stofnandi Askja Films, kvikmyndaframleiðslufyrirtækis sem leggur áherslu á að miðla sögum um og eftir konur. Eva er framleiðslustjóri kvikmyndarinnar Hrúta og hlaut tilnefningu til BAFTA-verðlaunanna árið 2013 fyrir stuttmyndina Good Night. Eva bjó lengi í London og starfaði við framleiðslu á barnaefni hjá BBC, kom heim fyrir tveimur árum og stofnaði Askja Films. „Þegar ég kom heim var mikil gróska í umræðunni um konur í kvikmyndagerð og ég hef bara jákvæða hluti að segja um það sem hefur verið að gerast hér heima. Þetta er allt á réttri leið,“ segir Eva og bætir við að hún telji að á næstu fimm árum höldum við áfram að sjá breytingar í þessum málum. „Það er rosalega flott hjá honum að stíga svona fram og standa með okkur, konur í kvikmyndagerð eru búnar að berjast fyrir þessu lengi,“ segir hún spurð að því hvað henni hafi þótt um ummæli Baltasars Kormáks um að setja kynjakvóta á úthlutanir úr Kvikmyndasjóði. Ásthildur og Eva leita nú að útlenskum konum í tvö af aðalhlutverkum myndarinnar og segir Eva það engu skipta hvaðan þær koma eða hvort þær séu leikaramenntaðar þar sem handritið verði að einhverju leyti aðlagað í æfingaferlinu. „Þær þurfa að vera á aldrinum 25-50 ára og tala einhverja lágmarks íslensku þar sem það eru ákveðnar senur sem fara fram á íslensku.“ Áhugasömum er bent á að senda tölvupóst á askjacasting@gmail.com með mynd, upplýsingum og umsókn.
Bíó og sjónvarp Tengdar fréttir Ásthildur hlaut aðalverðlaunin Stuttmyndin Brynhildur og Kjartan þótti best á kvikmyndahátíðinni Arctic Heat. 22. febrúar 2013 21:00 Mest lesið „Undrabarn“ keppir á undanþágu og tekur pabba í kennslustund Lífið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið Krakkatían: Flugfélög, landafræði og krakkalög Lífið Fréttatía vikunnar: Pólitík, andlát og bíó Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið Faðir Payne las minningarorð og þakkaði aðdáendum Lífið Rekinn af útgáfunni stuttu fyrir andlátið Lífið Fleiri fréttir Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Sjá meira
Ásthildur hlaut aðalverðlaunin Stuttmyndin Brynhildur og Kjartan þótti best á kvikmyndahátíðinni Arctic Heat. 22. febrúar 2013 21:00