Umfjöllun, myndir og viðtöl: Valur - Haukar 73-79 | Helena með þrennu og sigur í systraslagnum Ingvi Þór Sæmundsson skrifar 4. nóvember 2015 17:14 Haukar eru með fullt hús stiga í Domino's deild kvenna en Hafnfirðingar unnu sinn fimmta leik í röð þegar þeir sóttu Val heim í Vodafone-höllina í kvöld. Lokatölur 73-79, Haukum í vil.Ernir Eyjólfsson, ljósmyndari Vísis og Fréttablaðsins, var á leiknum á Hlíðarenda í kvöld og náði þessum myndum hér fyrir ofan. Leikurinn í kvöld var merkilegur fyrir þær sakir að þar mættust landsliðskonurnar og systurnar Helena og Guðbjörg Sverrisdætur í fyrsta sinn í deildarleik. Þær hafa verið tveir allra bestu leikmenn Domino's deildarinnar til þessa en í kvöld hafði stóra systir betur. Helena var með þrennu þriðja leikinn í röð en hún skoraði 16 stig, tók 12 fráköst og gaf 10 stoðsendingar. Guðbjörg var hins vegar með 12 stig, níu fráköst, sex stoðsendingar og tvo stolna bolta. Valskonur byrjuðu leikinn betur og skoruðu fyrstu sjö stig hans. Karisma Chapman skoraði fjögur þessara stiga en fleiri urðu stigin ekki hjá henni í 1. leikhluta. Haukar unnu sig þó fljótt inn í leikinn og eftir fimm stig í röð frá Pálínu Gunnlaugsdóttur var munurinn aðeins eitt stig, 9-8. Gestirnir spiluðu svo betur úr sínum málum á lokakafla 1. leikhluta og leiddu að honum loknum, 15-16. Chapman skoraði fyrstu körfu 2. leikhluta en þá kom frábær 14-4 kafli hjá Haukum sem komust níu stigum yfir, 21-30. Í kjölfarið fóru Haukar að hreyfa liðið sitt og Pálína og Helena fengu sér báðar sæti bekknum. Og það nýttu Valskonur sér, þó engin betur en Chapman sem tók hreinlega yfir leikinn um miðbik 2. leikhluta. Hún skoraði 11 af næstu 13 stigum Vals og kom liðinu yfir, 35-34. Frábær 14-4 kafli hjá heimakonum sem nýttu sér tímann þegar lykilmenn Hauka sátu á bekknum frábærlega. Haukar áttu þó síðasta orðið í 2. leikhluta og leiddu því í hálfleik, 35-36. Í 3. leikhluta tóku Haukar öll völd á vellinum en munurinn á liðunum lá einna helst í fráköstunum. Haukar tóku hvert sóknarfrákastið á fætur öðru á meðan Valskonum virtist hreinlega fyrirmunað að stíga út. Fyrir vikið fengu gestirnir ítrekað nýja sókn og til að bæta gráu ofan á svart fyrir Val fóru Haukakonur að hitta vel fyrir utan. Haukar unnu 3. leikhlutann 29-18 og leiddu því með 12 stigum, 53-65, fyrir lokaleikhlutann. Það sama var uppi á teningnum framan af honum; Haukakonur tóku heilan haug af sóknarfráköstum og á einhverjum tímapunkti var staðan 15-1 í sóknarfráköstunum, Haukum í vil. Haukar náðu mest 21 stigs forystu, 56-77, en þá fóru gestirnir að slaka á og hleyptu Valskonum inn í leikinn. Chapman, sem var ósýnileg í 3. leikhluta, fór aftur í gang og Valur vann síðustu sex mínútur leiksins 14-0. Munurinn var hins vegar of mikill og svo fór að Haukar unnu sex stiga sigur, 73-79. Helena var stigahæst í liði Hauka með 16 stig en Pálína og Sylvía Rún Hálfdanardóttir komu næstar með 15 stig hvor. Haukar fengu flott framlag frá bekknum í kvöld; alls 20 stig gegn aðeins þremur hjá Val. Chapman var atkvæðamest í liði Vals með 36 stig og 18 fráköst. Þrátt fyrir þessar rosalegu tölur átti hún misjafnan leik en Valur hefði eflaust þegið meira og betra framlag frá henni í 3. leikhluta þegar leikurinn svo gott sem tapaðist. Guðbjörg kom næst með 12 stig og þá skoraði Dagbjört Samúelsdóttir 10 stig.Helena og Guðbjörg: Kunnum alveg að vera vinkonur Systurnar Helena og Guðbjörg Sverrisdætur mættust í fyrsta sinn í deildarleik þegar Valur og Haukar leiddu saman hesta sína í Domino's deild kvenna í kvöld. Haukar, með Helenu í broddi fylkingar, höfðu betur, 73-79, en sigurinn var öruggari en lokatölurnar gefa til kynna. "Þetta var gaman en samt svolítið spes," sagði Helenu aðspurð hvernig það hafi verið að spila á móti litlu systur. "Ég hef alltaf haldið með henni og viljað að henni gangi vel þannig að það var pínu skrítið að þjálfa og spila á móti henni," sagði Helena sem er einn þriggja þjálfara Hauka, auk þess að spila með liðinu. Guðbjörg segir að stemmningin á vellinum hafi aldrei orðið vandræðaleg í kvöld. "Nei, alls ekki. Við kunnum alveg að vera vinkonur, hvort sem það er innan eða utan vallar. Það var auðvelt að skipta á milli," sagði Guðbjörg sem lauk leik með 12 stig, níu fráköst og sex stoðsendingar. Munurinn var aðeins eitt stig í hálfleik, 35-36, en í 3. leikhluta höfðu Haukar mikla yfirburði og náðu góðri forystu sem þeir létu ekki af hendi þrátt fyrir ágætis endasprett hjá Val. "Þær komust einhverjum 10-15 stigum yfir og við gáfumst eiginlega upp og hættum að stíga út," sagði Guðbjörg. Helena var sammála blaðamanni um að 3. leikhlutinn í kvöld væri einn sá besti hjá Haukaliðinu í ár. "Við höfum ekki skotið vel en þegar þristarnir detta lítur þetta ótrúlega vel út. Við vorum duglegar að sækja inn í teiginn og setja boltann aftur út. Við sýndum líka frábæra baráttu og gerðum mjög vel í kvöld," sagði Helena en Haukar tóku 18 sóknarfráköst gegn átta hjá Val. "Mér fannst samt vera kaflar í 2. og 4. leikhluta þar sem við vorum alls ekki nógu góðar. Við viljum frekar vera stöðugar en upp og niður. En við erum alltaf að taka skref fram á við," sagði Helena var með þrennu í kvöld; 16 stig, 12 fráköst og 10 stoðsendingar. Haukar hafa unnið alla fimm leiki sína í deildinni til þessa. En er eitthvað lið sem getur stöðvað Haukahraðlestina? "Já, já. Þetta þarf að koma frá okkur og við þurfum að sækja þessa sigra. Þetta er ekki búið fyrr lokaflautið gellur," sagði Helena að lokum.Hér fyrir neðan má sjá beina textalýsingu frá leik Vals og Hauka;Tweets by @Visirkarfa1 Guðbjörg Sverrisdóttir fer hér framhjá stóru systur en það var Helena Sverrisdóttir fagnaði sigri í lokin. Vísir/ErnirHelena Sverrisdóttir með boltann í leiknum.Vísir/Ernir Dominos-deild kvenna Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Í beinni: ÍA - Víkingur | Víkingar ætla að halda toppsætinu Íslenski boltinn Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Í beinni: Man. Utd. - Brentford | Hitnar enn frekar undir Ten Hag? Enski boltinn Þrjú mörk á sjö mínútum í sannfærandi sigri Spurs Enski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira
Haukar eru með fullt hús stiga í Domino's deild kvenna en Hafnfirðingar unnu sinn fimmta leik í röð þegar þeir sóttu Val heim í Vodafone-höllina í kvöld. Lokatölur 73-79, Haukum í vil.Ernir Eyjólfsson, ljósmyndari Vísis og Fréttablaðsins, var á leiknum á Hlíðarenda í kvöld og náði þessum myndum hér fyrir ofan. Leikurinn í kvöld var merkilegur fyrir þær sakir að þar mættust landsliðskonurnar og systurnar Helena og Guðbjörg Sverrisdætur í fyrsta sinn í deildarleik. Þær hafa verið tveir allra bestu leikmenn Domino's deildarinnar til þessa en í kvöld hafði stóra systir betur. Helena var með þrennu þriðja leikinn í röð en hún skoraði 16 stig, tók 12 fráköst og gaf 10 stoðsendingar. Guðbjörg var hins vegar með 12 stig, níu fráköst, sex stoðsendingar og tvo stolna bolta. Valskonur byrjuðu leikinn betur og skoruðu fyrstu sjö stig hans. Karisma Chapman skoraði fjögur þessara stiga en fleiri urðu stigin ekki hjá henni í 1. leikhluta. Haukar unnu sig þó fljótt inn í leikinn og eftir fimm stig í röð frá Pálínu Gunnlaugsdóttur var munurinn aðeins eitt stig, 9-8. Gestirnir spiluðu svo betur úr sínum málum á lokakafla 1. leikhluta og leiddu að honum loknum, 15-16. Chapman skoraði fyrstu körfu 2. leikhluta en þá kom frábær 14-4 kafli hjá Haukum sem komust níu stigum yfir, 21-30. Í kjölfarið fóru Haukar að hreyfa liðið sitt og Pálína og Helena fengu sér báðar sæti bekknum. Og það nýttu Valskonur sér, þó engin betur en Chapman sem tók hreinlega yfir leikinn um miðbik 2. leikhluta. Hún skoraði 11 af næstu 13 stigum Vals og kom liðinu yfir, 35-34. Frábær 14-4 kafli hjá heimakonum sem nýttu sér tímann þegar lykilmenn Hauka sátu á bekknum frábærlega. Haukar áttu þó síðasta orðið í 2. leikhluta og leiddu því í hálfleik, 35-36. Í 3. leikhluta tóku Haukar öll völd á vellinum en munurinn á liðunum lá einna helst í fráköstunum. Haukar tóku hvert sóknarfrákastið á fætur öðru á meðan Valskonum virtist hreinlega fyrirmunað að stíga út. Fyrir vikið fengu gestirnir ítrekað nýja sókn og til að bæta gráu ofan á svart fyrir Val fóru Haukakonur að hitta vel fyrir utan. Haukar unnu 3. leikhlutann 29-18 og leiddu því með 12 stigum, 53-65, fyrir lokaleikhlutann. Það sama var uppi á teningnum framan af honum; Haukakonur tóku heilan haug af sóknarfráköstum og á einhverjum tímapunkti var staðan 15-1 í sóknarfráköstunum, Haukum í vil. Haukar náðu mest 21 stigs forystu, 56-77, en þá fóru gestirnir að slaka á og hleyptu Valskonum inn í leikinn. Chapman, sem var ósýnileg í 3. leikhluta, fór aftur í gang og Valur vann síðustu sex mínútur leiksins 14-0. Munurinn var hins vegar of mikill og svo fór að Haukar unnu sex stiga sigur, 73-79. Helena var stigahæst í liði Hauka með 16 stig en Pálína og Sylvía Rún Hálfdanardóttir komu næstar með 15 stig hvor. Haukar fengu flott framlag frá bekknum í kvöld; alls 20 stig gegn aðeins þremur hjá Val. Chapman var atkvæðamest í liði Vals með 36 stig og 18 fráköst. Þrátt fyrir þessar rosalegu tölur átti hún misjafnan leik en Valur hefði eflaust þegið meira og betra framlag frá henni í 3. leikhluta þegar leikurinn svo gott sem tapaðist. Guðbjörg kom næst með 12 stig og þá skoraði Dagbjört Samúelsdóttir 10 stig.Helena og Guðbjörg: Kunnum alveg að vera vinkonur Systurnar Helena og Guðbjörg Sverrisdætur mættust í fyrsta sinn í deildarleik þegar Valur og Haukar leiddu saman hesta sína í Domino's deild kvenna í kvöld. Haukar, með Helenu í broddi fylkingar, höfðu betur, 73-79, en sigurinn var öruggari en lokatölurnar gefa til kynna. "Þetta var gaman en samt svolítið spes," sagði Helenu aðspurð hvernig það hafi verið að spila á móti litlu systur. "Ég hef alltaf haldið með henni og viljað að henni gangi vel þannig að það var pínu skrítið að þjálfa og spila á móti henni," sagði Helena sem er einn þriggja þjálfara Hauka, auk þess að spila með liðinu. Guðbjörg segir að stemmningin á vellinum hafi aldrei orðið vandræðaleg í kvöld. "Nei, alls ekki. Við kunnum alveg að vera vinkonur, hvort sem það er innan eða utan vallar. Það var auðvelt að skipta á milli," sagði Guðbjörg sem lauk leik með 12 stig, níu fráköst og sex stoðsendingar. Munurinn var aðeins eitt stig í hálfleik, 35-36, en í 3. leikhluta höfðu Haukar mikla yfirburði og náðu góðri forystu sem þeir létu ekki af hendi þrátt fyrir ágætis endasprett hjá Val. "Þær komust einhverjum 10-15 stigum yfir og við gáfumst eiginlega upp og hættum að stíga út," sagði Guðbjörg. Helena var sammála blaðamanni um að 3. leikhlutinn í kvöld væri einn sá besti hjá Haukaliðinu í ár. "Við höfum ekki skotið vel en þegar þristarnir detta lítur þetta ótrúlega vel út. Við vorum duglegar að sækja inn í teiginn og setja boltann aftur út. Við sýndum líka frábæra baráttu og gerðum mjög vel í kvöld," sagði Helena en Haukar tóku 18 sóknarfráköst gegn átta hjá Val. "Mér fannst samt vera kaflar í 2. og 4. leikhluta þar sem við vorum alls ekki nógu góðar. Við viljum frekar vera stöðugar en upp og niður. En við erum alltaf að taka skref fram á við," sagði Helena var með þrennu í kvöld; 16 stig, 12 fráköst og 10 stoðsendingar. Haukar hafa unnið alla fimm leiki sína í deildinni til þessa. En er eitthvað lið sem getur stöðvað Haukahraðlestina? "Já, já. Þetta þarf að koma frá okkur og við þurfum að sækja þessa sigra. Þetta er ekki búið fyrr lokaflautið gellur," sagði Helena að lokum.Hér fyrir neðan má sjá beina textalýsingu frá leik Vals og Hauka;Tweets by @Visirkarfa1 Guðbjörg Sverrisdóttir fer hér framhjá stóru systur en það var Helena Sverrisdóttir fagnaði sigri í lokin. Vísir/ErnirHelena Sverrisdóttir með boltann í leiknum.Vísir/Ernir
Dominos-deild kvenna Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Í beinni: ÍA - Víkingur | Víkingar ætla að halda toppsætinu Íslenski boltinn Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Í beinni: Man. Utd. - Brentford | Hitnar enn frekar undir Ten Hag? Enski boltinn Þrjú mörk á sjö mínútum í sannfærandi sigri Spurs Enski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira