Heiður að fá myndir birtar í Elle Gyða Lóa Ólafsdóttir skrifar 10. nóvember 2015 09:00 Kári Sverriss keypti sér sína fyrstu myndavél árið 2005. Mynd/KáriSverriss Ljósmyndarinn Kári Sverriss hefur átt góðu gengi að fagna undanfarið. En hann myndaði nýverið myndaþætti fyrir tímaritið Elle, víetnömsku útgáfuna og þá króatísku, og einnig hefur breska útgáfa tískutímaritsins Vouge lýst yfir áhuga á að fá hann til þess að skjóta fyrir sig myndaþátt.Spennandi fyrirsæta „Ég hef nýlega gert tvo myndaþætti fyrir Elle. Í öðrum þeirra vann ég með stelpu sem var í topp sextán yfir vinsælustu fyrirsæturnar fyrir Spring/Summer 2016 sem var valið af Models.com. Hún var kosin bæði síðasta season og þetta season sem svona líklegust til að ná mjög langt. Hún er búin að gera mörg Vogue-blöð og hefur gengið fyrir meðal annars Chanel og Burberry.“ Fyrirsætan sem um ræðir er hin kínverska Luping Wang sem á tískuvikunni í París gekk pallana fyrir merki á borð við Stella McCartney og Hermès auk Chanel. Einnig hefur hún verið í myndaþáttum fyrir kínverskar útgáfur tímaritana Harper's Bazaar, Cosmopolitan, Vouge og ítalska Glamour. Kári var því spenntur fyrir verkefninu þegar kom í ljós hvaða fyrirsætu hann ætti að mynda. „Ég var beðinn um þetta á mánudegi og þurfti að fljúga strax frá Þýskalandi og yfir til London. Hún var látin fljúga inn frá París sama dag og við skutum þáttinn,“ segir hann.Heiður að fá myndir í Elle Nú í nóvember kemur tískuþáttur eftir Kára í króatíska Elle, þann þátt tók Kári í Þýskalandi. Hann segir það vissulega vera heiður að fá myndir birtar í tímaritum af stærðargráðum á borð við Elle. „Elle er náttúrulega stór samsteypa um allan heim og myndirnar fara í alþjóðlegan myndabanka. Að fá myndir birtar í svona tímariti er heiður myndi ég segja,“ segir Kári. „Þetta kom þannig til að stílisti sem ég kannast við og er búsettur í London hafði samband við mig. Þá voru þeir búnir að skoða myndir eftir mig og leist eitthvað vel á þær. Elle var þá líka búið að skoða heimasíðuna mína og þau vildu endilega fá mig í þetta verkefni.“ „Þetta var mjög gaman. Mér fannst þetta sérstaklega skemmtilegt af því mér fannst stelpan svo áhugaverð. Það lá við að mér þætti meira spennandi að vinna með henni en að þetta væri Elle,“ segir hann glaður í bragði og heldur áfram: „Það er svona eitt og eitt stórt blað sem myndir eftir mig eru búnar að birtast í en það er ekki á hverjum degi sem maður vinnur með svona toppstelpu sem er búin að gera allt það stærsta.“Ein af þeim myndum sem Kári tók af fyrirsætunni Luping Wang fyrir víetnamska Elle.Mynd/KáriSverrissBreska Vogue sýndi áhuga Kári útskrifaðist með meistaragráðu í tískuljósmyndun frá London College of Fashion í desember síðastliðnum og hefur síðan þá haft nóg að gera. Á dögunum hafði breska Vouge samband við hann og lýsti yfir áhuga á að fá hann til að vinna tískumyndaþátt fyrir sig. Kári segir það þó allt vera í startholunum ennþá en því er ekki að neita að um spennandi verkefni er að ræða fyrir nýútskrifaðan ljósmyndara. Áhuginn á ljósmyndun kviknaði þegar Kári starfaði fyrir fyrirtækið NTC. „Ég var þar í alls konar verkefnum. Sem verslunarstjóri, í gluggaútstillingum, að taka myndir fyrir þau og í innkaupum. Út frá því kviknaði áhuginn á tísku,“ segir hann og bætir við að við það hafi heimur tískunnar að einhverju leyti opnast fyrir honum. „Ég keypti mér mína fyrstu myndavél þegar ég var að vinna þar, það var árið 2005 og ég er búinn að vera að fikta síðan.“Samningur við Birgit Stöver Kári er búsettur í Þýskalandi þar sem hann segir nóg um að vera fyrir ljósmyndara og er hann nýkominn á samning hjá þýskri umboðskrifstofu fyrir ljósmyndara. Umboðsskrifstofan heitir Birgit Stöver og hefur í raun svipað hlutverk og umboðsskrifstofur fyrirsætna en skrifstofan setti sig sjálf í samband við Kára sem hann segir vissulega gaman þar sem hún sé ein af þeim bestu í landinu. „Þetta er umboðsskrifstofa sem tekur ekki marga ljósmyndara inn og er mjög vel þekkt hérna í Þýskalandi.“ Kári vinnur þó enn talsvert heima á Íslandi og sækir landið reglulega heim þó stefnan sé sett á að dvelja í Þýskalandi lengur, en hann kom til landsins til að vinna nokkra ljósmyndaþætti og kynntist í kjölfarið fólki úr sama geira. „Ég komst fljótt inn í bransann hérna og verkefnin eru mjög góð. Það er fullt af flottum editorial-verkefnum hérna sem eru kannski miklu meira spennandi en fólk gerir sér grein fyrir,“ segir hann og bætir við að fólk geri kannski stundum ráð fyrir að bitastæðustu verkefnin séu í London og París. „Það er fullt af flottu efni að koma héðan,“ segir hann að lokum. Hér má sjá heimasíðu Kára. Tíska og hönnun Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Ljósmyndarinn Kári Sverriss hefur átt góðu gengi að fagna undanfarið. En hann myndaði nýverið myndaþætti fyrir tímaritið Elle, víetnömsku útgáfuna og þá króatísku, og einnig hefur breska útgáfa tískutímaritsins Vouge lýst yfir áhuga á að fá hann til þess að skjóta fyrir sig myndaþátt.Spennandi fyrirsæta „Ég hef nýlega gert tvo myndaþætti fyrir Elle. Í öðrum þeirra vann ég með stelpu sem var í topp sextán yfir vinsælustu fyrirsæturnar fyrir Spring/Summer 2016 sem var valið af Models.com. Hún var kosin bæði síðasta season og þetta season sem svona líklegust til að ná mjög langt. Hún er búin að gera mörg Vogue-blöð og hefur gengið fyrir meðal annars Chanel og Burberry.“ Fyrirsætan sem um ræðir er hin kínverska Luping Wang sem á tískuvikunni í París gekk pallana fyrir merki á borð við Stella McCartney og Hermès auk Chanel. Einnig hefur hún verið í myndaþáttum fyrir kínverskar útgáfur tímaritana Harper's Bazaar, Cosmopolitan, Vouge og ítalska Glamour. Kári var því spenntur fyrir verkefninu þegar kom í ljós hvaða fyrirsætu hann ætti að mynda. „Ég var beðinn um þetta á mánudegi og þurfti að fljúga strax frá Þýskalandi og yfir til London. Hún var látin fljúga inn frá París sama dag og við skutum þáttinn,“ segir hann.Heiður að fá myndir í Elle Nú í nóvember kemur tískuþáttur eftir Kára í króatíska Elle, þann þátt tók Kári í Þýskalandi. Hann segir það vissulega vera heiður að fá myndir birtar í tímaritum af stærðargráðum á borð við Elle. „Elle er náttúrulega stór samsteypa um allan heim og myndirnar fara í alþjóðlegan myndabanka. Að fá myndir birtar í svona tímariti er heiður myndi ég segja,“ segir Kári. „Þetta kom þannig til að stílisti sem ég kannast við og er búsettur í London hafði samband við mig. Þá voru þeir búnir að skoða myndir eftir mig og leist eitthvað vel á þær. Elle var þá líka búið að skoða heimasíðuna mína og þau vildu endilega fá mig í þetta verkefni.“ „Þetta var mjög gaman. Mér fannst þetta sérstaklega skemmtilegt af því mér fannst stelpan svo áhugaverð. Það lá við að mér þætti meira spennandi að vinna með henni en að þetta væri Elle,“ segir hann glaður í bragði og heldur áfram: „Það er svona eitt og eitt stórt blað sem myndir eftir mig eru búnar að birtast í en það er ekki á hverjum degi sem maður vinnur með svona toppstelpu sem er búin að gera allt það stærsta.“Ein af þeim myndum sem Kári tók af fyrirsætunni Luping Wang fyrir víetnamska Elle.Mynd/KáriSverrissBreska Vogue sýndi áhuga Kári útskrifaðist með meistaragráðu í tískuljósmyndun frá London College of Fashion í desember síðastliðnum og hefur síðan þá haft nóg að gera. Á dögunum hafði breska Vouge samband við hann og lýsti yfir áhuga á að fá hann til að vinna tískumyndaþátt fyrir sig. Kári segir það þó allt vera í startholunum ennþá en því er ekki að neita að um spennandi verkefni er að ræða fyrir nýútskrifaðan ljósmyndara. Áhuginn á ljósmyndun kviknaði þegar Kári starfaði fyrir fyrirtækið NTC. „Ég var þar í alls konar verkefnum. Sem verslunarstjóri, í gluggaútstillingum, að taka myndir fyrir þau og í innkaupum. Út frá því kviknaði áhuginn á tísku,“ segir hann og bætir við að við það hafi heimur tískunnar að einhverju leyti opnast fyrir honum. „Ég keypti mér mína fyrstu myndavél þegar ég var að vinna þar, það var árið 2005 og ég er búinn að vera að fikta síðan.“Samningur við Birgit Stöver Kári er búsettur í Þýskalandi þar sem hann segir nóg um að vera fyrir ljósmyndara og er hann nýkominn á samning hjá þýskri umboðskrifstofu fyrir ljósmyndara. Umboðsskrifstofan heitir Birgit Stöver og hefur í raun svipað hlutverk og umboðsskrifstofur fyrirsætna en skrifstofan setti sig sjálf í samband við Kára sem hann segir vissulega gaman þar sem hún sé ein af þeim bestu í landinu. „Þetta er umboðsskrifstofa sem tekur ekki marga ljósmyndara inn og er mjög vel þekkt hérna í Þýskalandi.“ Kári vinnur þó enn talsvert heima á Íslandi og sækir landið reglulega heim þó stefnan sé sett á að dvelja í Þýskalandi lengur, en hann kom til landsins til að vinna nokkra ljósmyndaþætti og kynntist í kjölfarið fólki úr sama geira. „Ég komst fljótt inn í bransann hérna og verkefnin eru mjög góð. Það er fullt af flottum editorial-verkefnum hérna sem eru kannski miklu meira spennandi en fólk gerir sér grein fyrir,“ segir hann og bætir við að fólk geri kannski stundum ráð fyrir að bitastæðustu verkefnin séu í London og París. „Það er fullt af flottu efni að koma héðan,“ segir hann að lokum. Hér má sjá heimasíðu Kára.
Tíska og hönnun Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira