Umfjöllun, viðtöl, einkunnir og myndir: FH - Fylkir 2-2 | Jafnt eftir tvö mörk í uppbótartíma | Sjáðu mörkin Guðmundur Marinó Ingvarsson á Kaplakrikavelli skrifar 12. júlí 2015 22:00 Ásgeir Örn Arnþórsson í baráttunni við Kassim Doumbia. vísir/ernir FH og Fylkir skildu jöfn 2-2 í æsispennandi leik í Pepsí deild karla í fótbolta í Kaplakrika í kvöld. Staðan í hálfleik var 0-0. Evrópuleikurinn gegn SJK frá Finnlandi virtist hafa setið í FH-ingum því ekki var sjón að sjá liðið lengst framan af fyrri hálfleik. Afskaplega fátt gekk upp hjá liðinu og Fylkir átti auðvelt með að beita skyndisóknum sem þó vantaði herslumuninn á að liðið næði að nýta sér. Eftir markalausan fyrri hálfleik komst Fylkir yfir snemma í seinni hálfleik og þá vaknaði FH-liðið. FH lék mun hraðari fótbolta þar sem boltinn gekk betur á milli kanta. Þrátt fyrir það náði FH ekki að skapa sér mörg færi og mesta hættan skapaðist við mark Fylkis eftir föst leikatriði en bæði mörk FH komu eftir slík, horn annars vegar og aukaspyrnu hins vegar. Þegar FH komst yfir í uppbótartíma héldu flestir að stigin þrjú hjá toppliðinu væru í höfn en Fylkir barðist án afláts í leiknum og uppskar jöfnunarmark mínútu eftir að FH komst yfir og tryggði í raun verðskuldað stig. Hermann Hreiðarsson var að stýra Fylki í fyrsta sinn og má segja að handbragð hans hafi strax sést á liðinu. Leikmenn voru ákaflega baráttuglaðir og létu mikið fyrir sér finna. Værukærð einkenndi leik FH allt þar til Fylkir komst yfir og ljóst að liðið þarf að leika mun betur í harðnandi toppbaráttunni sem framundan er. FH er á toppnum, stigi á undan KR og verður það þegar deildin verður hálfnuð annað kvöld. Fylkir er með 14 stig í 7. sæti.vísir/valliHermann: Það var skemmtilegra að þetta fór 2-2 en 1-1 „Við erum mjög sáttir að koma hingað og mæta frábæru fótboltaliði og fá stig, það er enginn spurning,“ sagði Hermann Hreiðarsson eftir leikinn í kvöld. „Það var mikill kraftur í þessu. Við byrjuðum vel en það vantaði herslumuninn að fá færi. Við komumst í góðar stöður eftir hraðar sóknir. Ég var rosalega ánægður með fyrri hálfleikinn.“ Fylkir komst yfir snemma í seinni hálfleik en þá vaknaði FH og sótti mikið. „Það eru svakaleg gæði í FH og við vissum að það myndi reyna vel á okkur í þessum leik. Það sem maður er fúlastur með er að jöfnunarmarkið komi úr föstu leikatriði og ég tek það á mig. Þeir eru með sterkt og hávaxið lið,“ sagði Hermann sem missti ekki trúna þó FH hafi komist yfir í uppbótartíma. „Maður veit að þetta er ekki búið fyrr en flautað er af. Það var trú og kraftur í liðinu allan leikinn og við hættum ekkert fyrr en það er búið að flauta af. „Það var frábært að fá jöfnunarmarkið því það var algjört kjaftshögg að fá markið á sig í lokin. Það var að sama skapi gleðilegt að jafna. Það var skemmtilegra að þetta fór 2-2 en 1-1. „Leikmenn eru í toppstandi. Það er kraftur, vilji og allt til staðar hérna. Þvílík liðsheild og það sýndi sig að þegar allir eru að skila sínu og rúmlega það þá er allt hægt og þá verður fótboltinn líka skemmtilegri fyrir vikið. Ég var að drepast úr þreytu að horfa á þá. Það fór rosa kraftur og orka í þetta og svona á þetta að vera,“ sagði Hermann sem er mjög ánægður með að vera kominn aftur í boltann og þá ekki síst í búningsklefann. „Þegar maður er kominn með bakteríuna og líður vel í klefanum þá er þetta hrikalega gaman. Og svona óvænt líka, þetta var ekkert á dagskránni fyrr en kannski í haust.“Heimir: Vorum steinsofandi í lokin „Það var engin þreyta í liðinu. Ég hélt að menn vildu frekar spila en æfa og þetta með þreytuna ef menn halda að þeir séu þreyttir þá eru þeir þreyttir og ef menn halda það ekki þá eru þeir það ekki,“ sagði Heimir Guðjónsson þjálfari FH aðspurður hvort Evrópuþreyta sæti í liðinu. „Vandræðin í fyrri hálfleik voru að við vorum að spila of mikið í sama svæðinu. Við löguðum það í seinni hálfleik og náðum að skipta boltanum á milli vængja og skapa okkur eitthvað en reynslumikið lið eins og FH á að klára þetta,“ sagði Heimir sem var allt annað en sáttur við jöfnunarmark Fylkis. „Við erum steinsofandi. Þeir byrja miðju og hefðu átt að sjá það þegar það standa þrír leikmenn eða fjórir klárir að hlaupa að það væri ekki verið að fara að spila boltanum til baka heldur að senda boltann langt. Við vorum steinsofandi og gáfum innkast og svo vorum við steinsofandi í dekkningunni. „Við vorum miklu betri í þessum leik en það er ekki nóg. Fyrri hálfleikur var ekkert sérstakur en seinni var betri. „Við komum okkur oft í góðar stöður en vorum að klikka á síðustu sendingunni og svo vantar okkur meiri græðgi í boxinu,“ sagði Heimir.Ásgeir Örn Arnþórsson kemur Fylki í 0-1: Böðvar Böðvarsson jafnar í 1-1: Brynjar Ásgeir Guðmundsson heldur að hann sé að tryggja FH sigur í uppbótartíma: Kjartan Ágúst Breiðdal tryggir Fylki stig: Heimir Guðjónsson á hliðarlínunni í kvöld.vísir/ernirHermann Hreiðarsson stýrði Fylki í fyrsta sinn.vísir/ernir Pepsi Max-deild karla Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Birkir á leið til Vals á nýjan leik Íslenski boltinn Neyddir í eina stystu rútuferð sögunnar Fótbolti Ten Hag neitaði að kenna Eriksen um jöfnunarmarkið Fótbolti Stjóri West Ham meiddist gegn Liverpool og yfirgaf völlinn á hækjum Enski boltinn Engin vandræði þrátt fyrir að vera manni færri nær allan leikinn Fótbolti Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira
FH og Fylkir skildu jöfn 2-2 í æsispennandi leik í Pepsí deild karla í fótbolta í Kaplakrika í kvöld. Staðan í hálfleik var 0-0. Evrópuleikurinn gegn SJK frá Finnlandi virtist hafa setið í FH-ingum því ekki var sjón að sjá liðið lengst framan af fyrri hálfleik. Afskaplega fátt gekk upp hjá liðinu og Fylkir átti auðvelt með að beita skyndisóknum sem þó vantaði herslumuninn á að liðið næði að nýta sér. Eftir markalausan fyrri hálfleik komst Fylkir yfir snemma í seinni hálfleik og þá vaknaði FH-liðið. FH lék mun hraðari fótbolta þar sem boltinn gekk betur á milli kanta. Þrátt fyrir það náði FH ekki að skapa sér mörg færi og mesta hættan skapaðist við mark Fylkis eftir föst leikatriði en bæði mörk FH komu eftir slík, horn annars vegar og aukaspyrnu hins vegar. Þegar FH komst yfir í uppbótartíma héldu flestir að stigin þrjú hjá toppliðinu væru í höfn en Fylkir barðist án afláts í leiknum og uppskar jöfnunarmark mínútu eftir að FH komst yfir og tryggði í raun verðskuldað stig. Hermann Hreiðarsson var að stýra Fylki í fyrsta sinn og má segja að handbragð hans hafi strax sést á liðinu. Leikmenn voru ákaflega baráttuglaðir og létu mikið fyrir sér finna. Værukærð einkenndi leik FH allt þar til Fylkir komst yfir og ljóst að liðið þarf að leika mun betur í harðnandi toppbaráttunni sem framundan er. FH er á toppnum, stigi á undan KR og verður það þegar deildin verður hálfnuð annað kvöld. Fylkir er með 14 stig í 7. sæti.vísir/valliHermann: Það var skemmtilegra að þetta fór 2-2 en 1-1 „Við erum mjög sáttir að koma hingað og mæta frábæru fótboltaliði og fá stig, það er enginn spurning,“ sagði Hermann Hreiðarsson eftir leikinn í kvöld. „Það var mikill kraftur í þessu. Við byrjuðum vel en það vantaði herslumuninn að fá færi. Við komumst í góðar stöður eftir hraðar sóknir. Ég var rosalega ánægður með fyrri hálfleikinn.“ Fylkir komst yfir snemma í seinni hálfleik en þá vaknaði FH og sótti mikið. „Það eru svakaleg gæði í FH og við vissum að það myndi reyna vel á okkur í þessum leik. Það sem maður er fúlastur með er að jöfnunarmarkið komi úr föstu leikatriði og ég tek það á mig. Þeir eru með sterkt og hávaxið lið,“ sagði Hermann sem missti ekki trúna þó FH hafi komist yfir í uppbótartíma. „Maður veit að þetta er ekki búið fyrr en flautað er af. Það var trú og kraftur í liðinu allan leikinn og við hættum ekkert fyrr en það er búið að flauta af. „Það var frábært að fá jöfnunarmarkið því það var algjört kjaftshögg að fá markið á sig í lokin. Það var að sama skapi gleðilegt að jafna. Það var skemmtilegra að þetta fór 2-2 en 1-1. „Leikmenn eru í toppstandi. Það er kraftur, vilji og allt til staðar hérna. Þvílík liðsheild og það sýndi sig að þegar allir eru að skila sínu og rúmlega það þá er allt hægt og þá verður fótboltinn líka skemmtilegri fyrir vikið. Ég var að drepast úr þreytu að horfa á þá. Það fór rosa kraftur og orka í þetta og svona á þetta að vera,“ sagði Hermann sem er mjög ánægður með að vera kominn aftur í boltann og þá ekki síst í búningsklefann. „Þegar maður er kominn með bakteríuna og líður vel í klefanum þá er þetta hrikalega gaman. Og svona óvænt líka, þetta var ekkert á dagskránni fyrr en kannski í haust.“Heimir: Vorum steinsofandi í lokin „Það var engin þreyta í liðinu. Ég hélt að menn vildu frekar spila en æfa og þetta með þreytuna ef menn halda að þeir séu þreyttir þá eru þeir þreyttir og ef menn halda það ekki þá eru þeir það ekki,“ sagði Heimir Guðjónsson þjálfari FH aðspurður hvort Evrópuþreyta sæti í liðinu. „Vandræðin í fyrri hálfleik voru að við vorum að spila of mikið í sama svæðinu. Við löguðum það í seinni hálfleik og náðum að skipta boltanum á milli vængja og skapa okkur eitthvað en reynslumikið lið eins og FH á að klára þetta,“ sagði Heimir sem var allt annað en sáttur við jöfnunarmark Fylkis. „Við erum steinsofandi. Þeir byrja miðju og hefðu átt að sjá það þegar það standa þrír leikmenn eða fjórir klárir að hlaupa að það væri ekki verið að fara að spila boltanum til baka heldur að senda boltann langt. Við vorum steinsofandi og gáfum innkast og svo vorum við steinsofandi í dekkningunni. „Við vorum miklu betri í þessum leik en það er ekki nóg. Fyrri hálfleikur var ekkert sérstakur en seinni var betri. „Við komum okkur oft í góðar stöður en vorum að klikka á síðustu sendingunni og svo vantar okkur meiri græðgi í boxinu,“ sagði Heimir.Ásgeir Örn Arnþórsson kemur Fylki í 0-1: Böðvar Böðvarsson jafnar í 1-1: Brynjar Ásgeir Guðmundsson heldur að hann sé að tryggja FH sigur í uppbótartíma: Kjartan Ágúst Breiðdal tryggir Fylki stig: Heimir Guðjónsson á hliðarlínunni í kvöld.vísir/ernirHermann Hreiðarsson stýrði Fylki í fyrsta sinn.vísir/ernir
Pepsi Max-deild karla Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Birkir á leið til Vals á nýjan leik Íslenski boltinn Neyddir í eina stystu rútuferð sögunnar Fótbolti Ten Hag neitaði að kenna Eriksen um jöfnunarmarkið Fótbolti Stjóri West Ham meiddist gegn Liverpool og yfirgaf völlinn á hækjum Enski boltinn Engin vandræði þrátt fyrir að vera manni færri nær allan leikinn Fótbolti Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira