Í hinum frjálsari verkum er konan stundum innbyggð í fígúrurnar Gunnþóra Gunnarsdóttir skrifar 24. október 2015 10:45 "Hann gerði mynd af mér án þess að ég þyrfti að sitja fyrir,“ segir Birgitta standandi við listaverkið af henni sjálfri. Vísir/GVA Birgitta Spur opnar dyrnar inn í Listasafn Íslands, Sigurjónssafn, á Laugarnestanga þar sem sýningin Gyðjur hefur nýlega verið sett upp. Hún er ekkja myndhöggvarans Sigurjóns Ólafssonar. „Ég bý í húsinu sem hann Ragnar í Smára lét reisa handa okkur hér við hliðina. Það tilheyrir auðvitað safninu en einhvernsstaðar verða vondir að vera,“ segir hún glettnislega. Sýningarsalurinn er opinn gestum um helgar og Birgitta útskýrir merkingu þeirra listaverka sem þar blasa við. „Okkur sem tengjumst þessu safni datt í hug að gaman væri að setja upp sýningu með kvennaportrettum Sigurjóns í tilefni af 100 ára kosningaafmæli kvenna á Íslandi. Hann gerði ekki eins mörg portrett af konum og af körlum. Af yfir 200 portrettum Sigurjóns eru bara um tuttugu og fimm af konum. Á sýningunni eru átján en í hinum frjálsari verkum hans er konan stundum innbyggð í fígúrurnar svo við blöndum þeim saman við, þó þau séu meira abstrakt. Það er enginn vafi að Sigurjón hafði gaman af að vinna út frá konunni og kvenlíkamanum og viðhafði allskonar tilbrigði. Í kvenportettum hefur hann stundum verið að upphefja konuna í gyðjulíki, jafnvel þó portrettið sé af einhverri vissri, það er hluti af galdrinum. Sum verkin bera gyðjunöfn þannig okkur fannst tilhlýðilegt að sýningin bæri nafnið Gyðjur.“ Birgitta kveðst þekkja flestar konurnar í portrettunum. „Í sumum tilfellum var Sigurjón með ljósmyndir af konum og þær þekki ég ekki en hef kynnst öllum hinum.“ Spurð hvort hún hafi einhverntíma setið fyrir hjá honum svarar hún hlæjandi. „Hann gerði mynd af mér án þess að ég þyrfti að sitja fyrir. Hún er nú svolítið abstrakt enda hafði hann alveg frjálsar hendur við gerð hennar. Þetta var ekki pantað verk en hann gerði tilraunir með form og efni. Sýningin Gyðjur verður uppi við fram á vor en Sigurjónssafn verður lokað í desember og janúar. „Við opnum í kringum safnanótt aftur og höfum opið um helgar eftir það fram til vor. Kaffistofan verður opin á sama tíma.“ Bakar þú enn meðlætið sjálf. „Já, já, en þú þarft nú ekki að skrifa það.“ Mest lesið Hefur gefið út tvö hundruð lög á fimm mánuðum Lífið „Þetta er enginn helvítis félagskvíði, það bara þolir mig enginn“ Áskorun Heitustu hinsegin pör landsins Lífið Byrjaði í smábrotum en vatt svo upp á sig Lífið Harðfisk-, laxa- og beikonís á Ísdeginum í Hveragerði Lífið Dóttir Snæfríðar og Högna komin með nafn Lífið Ekki búið spil Lífið Dró Antonio grunlausan með sér í Gamla bíó Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Birgitta Spur opnar dyrnar inn í Listasafn Íslands, Sigurjónssafn, á Laugarnestanga þar sem sýningin Gyðjur hefur nýlega verið sett upp. Hún er ekkja myndhöggvarans Sigurjóns Ólafssonar. „Ég bý í húsinu sem hann Ragnar í Smára lét reisa handa okkur hér við hliðina. Það tilheyrir auðvitað safninu en einhvernsstaðar verða vondir að vera,“ segir hún glettnislega. Sýningarsalurinn er opinn gestum um helgar og Birgitta útskýrir merkingu þeirra listaverka sem þar blasa við. „Okkur sem tengjumst þessu safni datt í hug að gaman væri að setja upp sýningu með kvennaportrettum Sigurjóns í tilefni af 100 ára kosningaafmæli kvenna á Íslandi. Hann gerði ekki eins mörg portrett af konum og af körlum. Af yfir 200 portrettum Sigurjóns eru bara um tuttugu og fimm af konum. Á sýningunni eru átján en í hinum frjálsari verkum hans er konan stundum innbyggð í fígúrurnar svo við blöndum þeim saman við, þó þau séu meira abstrakt. Það er enginn vafi að Sigurjón hafði gaman af að vinna út frá konunni og kvenlíkamanum og viðhafði allskonar tilbrigði. Í kvenportettum hefur hann stundum verið að upphefja konuna í gyðjulíki, jafnvel þó portrettið sé af einhverri vissri, það er hluti af galdrinum. Sum verkin bera gyðjunöfn þannig okkur fannst tilhlýðilegt að sýningin bæri nafnið Gyðjur.“ Birgitta kveðst þekkja flestar konurnar í portrettunum. „Í sumum tilfellum var Sigurjón með ljósmyndir af konum og þær þekki ég ekki en hef kynnst öllum hinum.“ Spurð hvort hún hafi einhverntíma setið fyrir hjá honum svarar hún hlæjandi. „Hann gerði mynd af mér án þess að ég þyrfti að sitja fyrir. Hún er nú svolítið abstrakt enda hafði hann alveg frjálsar hendur við gerð hennar. Þetta var ekki pantað verk en hann gerði tilraunir með form og efni. Sýningin Gyðjur verður uppi við fram á vor en Sigurjónssafn verður lokað í desember og janúar. „Við opnum í kringum safnanótt aftur og höfum opið um helgar eftir það fram til vor. Kaffistofan verður opin á sama tíma.“ Bakar þú enn meðlætið sjálf. „Já, já, en þú þarft nú ekki að skrifa það.“
Mest lesið Hefur gefið út tvö hundruð lög á fimm mánuðum Lífið „Þetta er enginn helvítis félagskvíði, það bara þolir mig enginn“ Áskorun Heitustu hinsegin pör landsins Lífið Byrjaði í smábrotum en vatt svo upp á sig Lífið Harðfisk-, laxa- og beikonís á Ísdeginum í Hveragerði Lífið Dóttir Snæfríðar og Högna komin með nafn Lífið Ekki búið spil Lífið Dró Antonio grunlausan með sér í Gamla bíó Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira