Twitter Tómasarnir þrír í auglýsingu fyrir HeForShe

Tómasarnir Tómas Geir Howser Harðarson, Tómas Guðbjartsson og Tómas Hrafn Sveinsson leika aðalhlutverkin í nýrri auglýsingu HeForShe verkefnis UN Women. Greint var frá málinu á Vísi en nú er auglýsingin komin í loftið. Nútíminn sagði fyrstur frá því.

Þremenningarnir eiga allir sameiginlegt að hafa orðið að trendi á Twitter. Tómas Geir undir #Tilfinningatómas fyrir frammistöðu sína í Gettu Betur og Tómas Hrafn sem #Talningatómas eftir ógleymanlegt kvöld sem formaður yfirkjörstjórnar í Reykjavík í síðustu borgarstjórnarkosningum. Guðbjartsson varð svo stjarna eftir ævintýralega björgun á manni sem hafði verið stunginn í hjartað.

#læknatómas, #talningatómas, #tilfinningatómas og #ljóðatómas samankomnir. Þetta er söguleg stund. pic.twitter.com/hWDtwywK4A

— Tomas Howser (@TomasHowser) May 4, 2015

Fjórði Tómasinn fylgist með steini runninn en það er Tómas Guðmundsson ljóðskáld. Styttan er gerð af Höllu Gunnarsdóttur. Sjá má auglýsinguna hér fyrir neðan.