Fullkominn leikur í gær, vann mótið í dag

Keiluspilarinn Arnar Davíð Jónsson hefur átt ótrúlega helgi en hann gerði sér lítið fyrir og spilaði fullkominn leik í gær á Moss Open í Noregi. Það þýðir að hann náði í 300 stig.

Úrslitin fóru síðan fram í dag og var Arnar fyrir daginn í 8. sæti. Arnar hélt uppteknum hætti áfram í dag og hreinlega vann mótið.

Vikan hefur verið tíðindamikil hjá honum, fyrst valinn keilari ársins, spilaði svo 300 leik í gær og tryggir sér sigur á þessu sterka móti í dag.