Stjórnvöld í Venesúela, Ekvador og Bólivíu hafa öll kallað sendiherra sína heim í mótmælaskyni eftir að öldungadeild brasilíska þingsins vék Dilmu Rousseff frá völdum í gær.
Nicolas Maduro, forseti Venesúela, segir ákvörðun öldungadeildarinnar vera valdarán sem beinist að Suður-Ameríku allri og ríkjum í og við Karíbahaf.
José Serra, utanríkisráðherra Brasilíu, ákvað í kjölfar ákvörðunar Venesúelastjórnar að kalla sendiherra Brasilíu heim og segir Maduro ekki eiga rétt á að gagnrýna Brasilíu þar sem hann segir Venesúela ekki lengur vera lýðræðisríki.
Öll ríki Suður-Ameríku eru þó ekki eins gagnrýnin á framvindu mála í Brasilíu og hafa stjórnir í Argentínu, Chile og Paragvæ allar sagst virða ákvörðun brasilíska þingsins.
Rousseff var sakfelld fyrir embættisglöp eftir að hún var sögð hafa hagrætt fjárlögum landsins til að hylma yfir vaxandi tekjuhalla ríkisins.
Kalla sendiherra sína heim frá Brasilíu
Tengdar fréttir
Segir samvisku sína vera hreina
Dilma Rousseff, forseti Brasilíu, sagðist í gær saklaus af öllum ásökunum.
Rousseff segir ákæruna tilraun til valdaráns
Dilma Rousseff, forseti Brasilíu, gaf í dag skýrslu fyrir öldungadeild þingsins, en hún sætir ákæru um embættisglöp.
Rouseff vikið úr embætti forseta
Brasilískir öldungadeildarþingmenn kusu gegn forsetanum sem hefur verið sökuð um hylma yfir vaxandi tekjuhalla ríkisins.
