Dwain Chambers: Eytt síðasta áratug að bæta upp fyrir mistök mín Tómas Þór Þórðarson skrifar 22. janúar 2016 08:00 Dwain Chambers er staddur á Íslandi. vísir/getty Dwain Chambers, einn allra besti spretthlaupari Breta frá upphafi, keppir í 60 metra hlaupi á Reykjavík International Games, RIG, á laugardaginn. Chambers hleypur tvisvar sinnum í Höllinni á laugardaginn en þessi margverðlaunaði íþróttamaður hefur leik klukkan 13.00. Hann kom til landsins í gær og ræddi við blaðamann Vísis á Hóteli í Borgartúni áður en hann hélt í Háskólann í Reykjavík þar sem hann var einn fyrirlesara á ráðstefnu á vegum RIG. „Ég ætla að tala um endurkomuna, en vel hefur verið fjallað um fortíð mína. Ég nýti þetta sem tækifæri til að tala við ungmenni um mína reynslu af íþróttinni og að taka réttar ákvarðanir,“ sagði Chambers við Vísi.Chambers reynir að stýra ungmennum á rétta braut.vísir/gettyRangar ákvarðanir skaðlegar Chambers, sem á að baki fjölda verðlauna frá heims- og Evrópumeistaramótum jafnt innanhúss sem utanhúss, var árið 2003 dæmdur í tveggja ára bann fyrir steranotkun. Bretinn var þá 25 ára og hafði árið áður náð hápunkti á sínum ferli með sigri í 100 metra hlaupi á Evrópumótinu í München og þá var hann hluti af sigursveit Bretlands í 4x100 metra hlaupi á sama móti. Bæði verðlaunin voru tekin af Chambers og það sem verra er fyrir hann þurftu liðsfélagar hans úr boðhlaupssveitinni að skila sínum verðlaunum. „Rangar ákvarðarnir geta haft skaðleg áhrif á ferilinn eins og gerðist hjá mér. Síðasta áratuginn hef ég reynt að bæta upp fyrir mistök mín og gera hvað ég get til að breyta ímynd íþróttarinnar og minni eigin,“ sagði Chambers.Chambers gerir mikið af því að tala um mistök sín til að hjálpa öðrum.vísir/gettyVonandi kemst IAAF aftur á rétta braut Lyfjamál hafa í brennidepli hjá frjálsíþróttahreyfingunni undanfarna mánuði eftir að upp komst um stórfellt lyfjamisferli í Rússlandi. Keppendum þaðan var meinuð þátttaka á Ólympíuleikunum í Ríó í sumar. Í ljós kom að innan Alþjóðafrjálsíþróttasambandins voru yfirmenn sem leyfðu Rússunum að komast upp með slíkt gegn greiðslu. Mikillar tiltektar er þörf innan sambandsins. „Ég get bara talað fyrir mína hönd, en mér finnst ég skyldugur til að gera það sem ég geri núna. Það sem er að gerast hjá Alþjóðafrjálsíþróttasambandinu er leiðinlegt að sjá því þetta er íþróttin sem ég elska,“ sagði Chambers. „Það er leiðinlegt að sjá orðspor svona stofnunnar fara þessa leið. Vonandi kemst IAAF aftur á rétta braut en á meðan ætla ég að gera það sem ég get til að vernda ímynd íþróttarinnar.“ Chambers vinnur gull í 60 metra hlaupi á HM innanhúss 2010:Það sem gerðist, gerðist. Breska Ólympíunefndin meinaði Chambers að taka nokkurn tíma þátt aftur á Ólympíuleikunum en hann fór í mál, vann það og var á meðal keppenda í London fyrir fjórum árum. Vorkennir hann þeim Rússum sem ekki voru að dópa en mega ekki fara á ÓL? „Það er erfitt fyrir mig að tjá mig mikið um málið þar sem þetta mál er enn í rannsókn. Vonandi verður þetta mál leyst á endanum. Við verðum á meðan bara að halda höfðum okkar uppi og halda íþróttinni í réttu ljósi,“ svaraði Chambers. Hann segir fólk ekki taka sér illa neins staðar þar sem hann kemur að keppa eða tala vegna þess sem hann gerði fyrir þrettán árum síðan. „Alls ekki. Það sem gerðist, gerðist. Ég er kominn yfir þetta. Sem betur fer fyrir mig er ég í aðstöðu þar sem ég get talað um þetta opinskátt. Það mun ekki gleðja alla en einhverjir munu hlusta af athygli,“ sagði Chambers. „Þeir sem vilja hlusta á það sem ég segi geta vonandi nýtt sér reynslu mína til að taka skynsamari ákvarðanir. Það sem kom fyrir mig getur komið fyrir alla. Mistök gerast alls staðar. Viðkomandi sem gerir mistök þar að taka þeim eins og maður og setja fordæmi fyrir aðra.“Chambers þurfti að skila EM-gullverðlaununum frá 2002.vísir/gettyFerilinn ekki búinn Breski spretthlauparinn gerir mikið af því að ferðast á milli landa og halda fyrirlestra í bland við að keppa og hefur gaman að. „Ég nýt þess að gera þetta og mér finnst ég skyldugur til þess. Þetta er eitthvað sem ég kaus að gera. Enginn neyddi mig til þess. Ég hef gaman að þessu því það er fólk sem vill hlusta. Ef ég get haft áhrif á bara einn einstakling er vinnan þess virði,“ sagði Chambers sem var ekki tilbúinn til að velja hápunkt síns ferils á þessum tímapunkti. „Ferilinn er ekki búinn þannig ég vil ekki líta strax til baka. Ég á mörg ár eftir en þegar ferilinn klárast skal ég koma aftur og segja þér hver var hápunkturinn,“ sagði hann og skellihló. Chambers er 37 ára gamall í dag en er enn að hlaupa og hlaupa hratt. Hvernig heldur hann sér svona öflugum þrátt fyrir aldurinn.Chambers kemur fyrstur í mark í undanrásum á EM 2014.vísir/gettyÞjálfar samhliða keppni „Ég hef trú á sjálfum mér og ég elska það sem ég geri. Að elska það sem maður gerir kallar fram góða frammistöðu og spennu. Þetta er það sem kemur mér fram úr rúminu á hverjum degi. Reyndar eru það börnin sem gera það,“ sagði hann og hló dátt. Hann er byrjaður að þjálfa ásamt því að keppa og gæti farið út í það þegar ferlinum loks lýkur. „Það er ýmislegt sem stendur mér til boða. Ég er að þjálfa núna samhliða því að keppa. Ég er einkaþjálfari og þjálfa stjörnur og íþróttamenn. Ég er í góðri stöðu núna til að mata ungmenni á allri minni reynslu og það er góð tilbreyting frá því að keppa bara,“ sagði Dwain Chambers.Myndband af viðtalinu við Chambers má sjá hér að neðan. Beðist er velvirðingar á slæmu hljóði. Frjálsar íþróttir Ólympíuleikar 2016 í Ríó Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti KR kærir og segir KSÍ mismuna félögum Íslenski boltinn „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir Cailtin Clark áritaði kornabarn „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Gull, silfur og brúðkaup Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Stórt tap í undanúrslitum gegn Dönum Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna Ólétt af Ólympíumeistara þegar hún stóð sjálf á verðlaunapallinum „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Get ekki lýst því hversu hrædd ég var“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Sjá meira
Dwain Chambers, einn allra besti spretthlaupari Breta frá upphafi, keppir í 60 metra hlaupi á Reykjavík International Games, RIG, á laugardaginn. Chambers hleypur tvisvar sinnum í Höllinni á laugardaginn en þessi margverðlaunaði íþróttamaður hefur leik klukkan 13.00. Hann kom til landsins í gær og ræddi við blaðamann Vísis á Hóteli í Borgartúni áður en hann hélt í Háskólann í Reykjavík þar sem hann var einn fyrirlesara á ráðstefnu á vegum RIG. „Ég ætla að tala um endurkomuna, en vel hefur verið fjallað um fortíð mína. Ég nýti þetta sem tækifæri til að tala við ungmenni um mína reynslu af íþróttinni og að taka réttar ákvarðanir,“ sagði Chambers við Vísi.Chambers reynir að stýra ungmennum á rétta braut.vísir/gettyRangar ákvarðanir skaðlegar Chambers, sem á að baki fjölda verðlauna frá heims- og Evrópumeistaramótum jafnt innanhúss sem utanhúss, var árið 2003 dæmdur í tveggja ára bann fyrir steranotkun. Bretinn var þá 25 ára og hafði árið áður náð hápunkti á sínum ferli með sigri í 100 metra hlaupi á Evrópumótinu í München og þá var hann hluti af sigursveit Bretlands í 4x100 metra hlaupi á sama móti. Bæði verðlaunin voru tekin af Chambers og það sem verra er fyrir hann þurftu liðsfélagar hans úr boðhlaupssveitinni að skila sínum verðlaunum. „Rangar ákvarðarnir geta haft skaðleg áhrif á ferilinn eins og gerðist hjá mér. Síðasta áratuginn hef ég reynt að bæta upp fyrir mistök mín og gera hvað ég get til að breyta ímynd íþróttarinnar og minni eigin,“ sagði Chambers.Chambers gerir mikið af því að tala um mistök sín til að hjálpa öðrum.vísir/gettyVonandi kemst IAAF aftur á rétta braut Lyfjamál hafa í brennidepli hjá frjálsíþróttahreyfingunni undanfarna mánuði eftir að upp komst um stórfellt lyfjamisferli í Rússlandi. Keppendum þaðan var meinuð þátttaka á Ólympíuleikunum í Ríó í sumar. Í ljós kom að innan Alþjóðafrjálsíþróttasambandins voru yfirmenn sem leyfðu Rússunum að komast upp með slíkt gegn greiðslu. Mikillar tiltektar er þörf innan sambandsins. „Ég get bara talað fyrir mína hönd, en mér finnst ég skyldugur til að gera það sem ég geri núna. Það sem er að gerast hjá Alþjóðafrjálsíþróttasambandinu er leiðinlegt að sjá því þetta er íþróttin sem ég elska,“ sagði Chambers. „Það er leiðinlegt að sjá orðspor svona stofnunnar fara þessa leið. Vonandi kemst IAAF aftur á rétta braut en á meðan ætla ég að gera það sem ég get til að vernda ímynd íþróttarinnar.“ Chambers vinnur gull í 60 metra hlaupi á HM innanhúss 2010:Það sem gerðist, gerðist. Breska Ólympíunefndin meinaði Chambers að taka nokkurn tíma þátt aftur á Ólympíuleikunum en hann fór í mál, vann það og var á meðal keppenda í London fyrir fjórum árum. Vorkennir hann þeim Rússum sem ekki voru að dópa en mega ekki fara á ÓL? „Það er erfitt fyrir mig að tjá mig mikið um málið þar sem þetta mál er enn í rannsókn. Vonandi verður þetta mál leyst á endanum. Við verðum á meðan bara að halda höfðum okkar uppi og halda íþróttinni í réttu ljósi,“ svaraði Chambers. Hann segir fólk ekki taka sér illa neins staðar þar sem hann kemur að keppa eða tala vegna þess sem hann gerði fyrir þrettán árum síðan. „Alls ekki. Það sem gerðist, gerðist. Ég er kominn yfir þetta. Sem betur fer fyrir mig er ég í aðstöðu þar sem ég get talað um þetta opinskátt. Það mun ekki gleðja alla en einhverjir munu hlusta af athygli,“ sagði Chambers. „Þeir sem vilja hlusta á það sem ég segi geta vonandi nýtt sér reynslu mína til að taka skynsamari ákvarðanir. Það sem kom fyrir mig getur komið fyrir alla. Mistök gerast alls staðar. Viðkomandi sem gerir mistök þar að taka þeim eins og maður og setja fordæmi fyrir aðra.“Chambers þurfti að skila EM-gullverðlaununum frá 2002.vísir/gettyFerilinn ekki búinn Breski spretthlauparinn gerir mikið af því að ferðast á milli landa og halda fyrirlestra í bland við að keppa og hefur gaman að. „Ég nýt þess að gera þetta og mér finnst ég skyldugur til þess. Þetta er eitthvað sem ég kaus að gera. Enginn neyddi mig til þess. Ég hef gaman að þessu því það er fólk sem vill hlusta. Ef ég get haft áhrif á bara einn einstakling er vinnan þess virði,“ sagði Chambers sem var ekki tilbúinn til að velja hápunkt síns ferils á þessum tímapunkti. „Ferilinn er ekki búinn þannig ég vil ekki líta strax til baka. Ég á mörg ár eftir en þegar ferilinn klárast skal ég koma aftur og segja þér hver var hápunkturinn,“ sagði hann og skellihló. Chambers er 37 ára gamall í dag en er enn að hlaupa og hlaupa hratt. Hvernig heldur hann sér svona öflugum þrátt fyrir aldurinn.Chambers kemur fyrstur í mark í undanrásum á EM 2014.vísir/gettyÞjálfar samhliða keppni „Ég hef trú á sjálfum mér og ég elska það sem ég geri. Að elska það sem maður gerir kallar fram góða frammistöðu og spennu. Þetta er það sem kemur mér fram úr rúminu á hverjum degi. Reyndar eru það börnin sem gera það,“ sagði hann og hló dátt. Hann er byrjaður að þjálfa ásamt því að keppa og gæti farið út í það þegar ferlinum loks lýkur. „Það er ýmislegt sem stendur mér til boða. Ég er að þjálfa núna samhliða því að keppa. Ég er einkaþjálfari og þjálfa stjörnur og íþróttamenn. Ég er í góðri stöðu núna til að mata ungmenni á allri minni reynslu og það er góð tilbreyting frá því að keppa bara,“ sagði Dwain Chambers.Myndband af viðtalinu við Chambers má sjá hér að neðan. Beðist er velvirðingar á slæmu hljóði.
Frjálsar íþróttir Ólympíuleikar 2016 í Ríó Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti KR kærir og segir KSÍ mismuna félögum Íslenski boltinn „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir Cailtin Clark áritaði kornabarn „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Gull, silfur og brúðkaup Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Stórt tap í undanúrslitum gegn Dönum Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna Ólétt af Ólympíumeistara þegar hún stóð sjálf á verðlaunapallinum „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Get ekki lýst því hversu hrædd ég var“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Sjá meira