Kanye West fékk far með paparazzi ljósmyndara - Myndband

Rapparinn Kanye West lenti í smá vandræðum með að panta leigubíl í vikunni eftir að hann hafði skellt sér í ræktina með eiginkonu sinni Kim Kardashian.

West var að bíða eftir Uber-leigubíl fyrir utan líkamsræktarstöðina þegar paparazzi ljósmyndari mætti á svæðið og fór að ræða við rapparann, sem hefur verið mikið í fjölmiðlum undanfarnar vikur.

Leigubíllinn var lengi á leiðinni og varð kappinn þreyttur á því að bíða. Ljósmyndarinn ákvað því að bjóða honum far, sem hann þáði með þökkum.

Hér að neðan má sjá upptöku af samskiptum ljósmyndarans og Kanye West.