Umfjöllun og viðtöl: FH - Grótta 28-34 | Grótta upp fyrir FH Anton Ingi Leifsson í Kaplakrika skrifar 23. mars 2016 21:30 Finnur Ingi Stefánsson skoraði sjö mörk fyrir Gróttu í kvöld. vísir/ernir Grótta skaust upp fyrir FH í fimmta sæti Olís-deilarinnar með sigri í leik liðanna í Kaplakrika í kvöld, en lokatölur urðu, 34-28, eftir að Grótta hafi leitt með þremur mörkum í hálfleik, 18-15. Fyrri hálfleikurinn var afar kaflaskiptur og skiptust liðin á að hafa forystu í leiknum, en Grótta leiddi í hálfleik. Þeir ríghéldu svo í það forskot og unnu að lokum mikilvægan sigur í baráttunni um heimavallarrétt í úrslitakeppni. Fyrri hálfleikurinn var afar furðulegur svo ekki sé meira sagt. FH byrjaði á því að taka forystuna, 2-1, en þá komu fjögur mörk í röð frá gestunum sem virtust með heljartök á leiknum. Heimamenn réðu ekkert við 5+1 vörn heimamanna, voru svo lengi að hlaupa til baka og fengu trekk í trekk hraðaupphlaupsmark í bakið. Þeir voru komnir 10-6 yfir þegar þeir hvítklæddu rönkuðu loks við sér. Þeir tóku þá 7-1 kafla og voru komnir yfir 13-11, en bæði lið voru mjög dugleg að keyra hratt á andstæðingana og hraðinn var mikill sem sást á skorinu í leiknum. Þegar sjö mínútur voru eftir var staðan 14-12, en þá skoruðu gestirnir sex mörk í röð og leiddu svo í hálfleik með þremur mörkum, 15-18. Afar skrautlegur fyrri hálfleikur þar sem lítið var um varnir og markvörslu, en maður vissi ekkert hverju maður ætti von á fyrir síðari hálfleikinn enda bæði lið skipst á að hafa forystuna í fyrri hálfleiknum. Þau voru bæði mjög dugleg við að glutra henni niður, en Grótta kláraði síðari hálfleikinn af mikilli fagmennsku. FH var án Ásbjörns Friðrikssonar lungan úr fyrri hálfleik og allan síðari hálfeik, en Ásbjörn virtist meiðast í fyrri hálfleik. Það hjálpaði FH liðinu ekki neitt, en Grótta hélt hreðjartökum á leiknum og byrjaði síðari hálfleikinn af miklum krafti. Þeir leiddu þegar tíu mínútur voru búnar af síðari hálfleik, 23-18, og heimamenn virtust hafa litla sem enga trú á að þeir gætu komið til baka. Í síðari hálfleik spiluðu gestirnir flata 6-0 vörn og FH, án Ásbjörns, átti fá svör gegn henni. Þeir voru einungis búnir að skora fimm mörk á fyrstu fimmtán mínútunum í fyrri hálfleik samanborið við að þeir skoruðu átta í fyrri hálfleik. Gestirnir spiluðu vel úr sínum málum í síðari hálfleik og kláruðu þennan leik af mikilli fagmennsku og yfirvegun. Lokatölur 34-28. Þessi sigur var liðsheildarsigur hjá Gróttunni. Það voru margir að leggja í púkkinn í sóknarleiknum, vanarleikurinn var fínn, þá ser í lagi í síðari hálfleik og Lárus varði vel á köflum í markinu. Finnur Ingi endaði markahæstur með sjö mörk, en Þráinn Orri var næst markahæstur með sjö. Bakslag hjá FH. Liðið hafði verið á góðu skriði, en þeir hafa spilalð mjög vel í síðustu fjórum leikjum og það voru allir útileikir, en svo voru þeir mættir aftur fyrir framan sitt fólk og klúðruðu heldur betur málunum. Einar Rafn Eiðsson (níu mörk) og Jóhann Birgir Ingvarsson (sjö mörk) voru í sérflokki hjá FH, en varnarleikurinn og markvarslan var í algjöru aukahlutverki. Eftir sigurinn er Grótta í fimmta sæti deildarinnar með 25 stig, jafn mörg og FH sem situr í sjötta sæti, en Grótta er með betri innbyrðisviðureign. Vonir FH um að byrja á heimavelli í úrslitakeppninni eru ekki úr sögunni þar sem ÍBV tapaði sínum leik og ljóst er að fjórða sætið er enn óráðið, en ÍBV, Grótta og FH berjast um það.Gunnar: Heildarbragurinn var góður „Mér fannst við vera með leikinn nánast allan tímann fyrir utan smá kafla í fyrri hálfleik,” sagði glaðbeittur Gunnar Andrésson, þjálfari Gróttu, í samtali við Vísi í leikslok. „Þeir komu aðeins til baka í fyrri hálfleik, en annars var ég bara nokkuð sáttur með þennan leik í heild sinni.” Leikurinn í fyrri hálfleik var afar kaflaskiptur og skiptu liðin á að taka langar rispur. „Í upphafi voru varnirnar ekkert sérstakar, en síðan kikkaði það inn þegar korter var búið af leiknum. Þá fannst mér við sterkari aðilinn í leiknum.” „Mér fannst heildarbragurinn vera mjög góður. Við vorum að fá fínar frammistöður á mörgum stöðum og margir komu með framlag í dag. Ég er mjög sáttur með það.” Með sigrinum skaust Grótta upp fyrir FH í fimmta sætið, en þeir eiga enn bullandi möguleika á að skjótast upp í fjórða sæti og byrja á heimavelli í úrslitakeppninni. „Eina sem við hugsum er að klára þessa deild og svo sjáum við hvar við lendum. Við erum ekkert að pæla of mikið í hverja við fáum í úrslitakeppninni,” en Grótta á fallna Víkinga eftir í lokaleiknum: „Við ætlum ekkert að slaka á klónni. Vð ætlum að halda áfram á fullri ferð,” sagði Gunnar léttur að lokum.Halldór: Einn lélegasti leikur okkar í vetur „Þetta var lélegur leikur hjá okkur og einn sá lélegasti í vetur. Það er biturt að það komi á þessum á tímapunkti,” sagði hundfúll Halldór Jóhann Sigfússon, þjálfari FH, í samtali við Vísi. „Við erum búnir að vera á góðu skriði og taka sjö stig úr síðustu fjórum útileikjum. Síðan komum við hérna í fyrsta heimaleikinn síðan um miðjan febrúar og við spilum ekki betur en þetta fyrir framan okkar fólk.” „Við komumst 14-12 yfir og það var allt með okkur. Við byrjuðum ekki vel, en vorum búnir að koma okkur inn í leikinn. Þá kom kafli þar sem við vorum að kasta boltanum frá okkur trekk í trekk og við erum að brjóta okkur út úr planinu sem við settum fyrir leikinn.” „Bæði varnar- og sóknarlega. Það eru allt of margir svona hlutir og menn verða að halda fókus, en við erum virkilega lélegir í að halda fókus í dag,” en á tímapunkti var hörmung að sjá FH-liðið. Liðið missti boltann og fáir nenntu að hlaupa til baka í vörn. „Ég á eftir að skoða leikinn aftur, en það eru ótrúlega margir svona hlutir sem eru ekki bara til staðar í dag. Við erum búnir að spila frábæran varnarleik og fá góða markvörslu alla leiki eftir áramót, en nú er hvorki vörn né markvarsla.” „Ég skil ekki afhverju við erum að hengja haus. Það gera allir mistök. Afhverju erum við að setja hausinn ofan í bringu og gera okkur þetta svona erfitt fyrir? Ég skil það bara ekki. Ég skil ekki afhverju þetta öryggi sem var komið í okkar leik gat ekki bara haldið áfram þrátt fyrir að hlutirnir hafa ekki alveg gengið upp, en þrátt fyrir á þetta bara að fúnkera áfram.” FH hafði verið á rosalegu skriði undanfarið, en i kvöld kom bakslag. Hvernig sér Halldór framhaldið? „Það er einn leikur eftir í deildinni og auðvitað förum við í hann til að vinna. Menn þurfa að átta sig á því að þessi stig sem við erum búnir að safna eftir áramót komu ekkert af því bara, af því einhver gaf okkur það,” sagði Halldór og hélt áfram: „Við erum búnir að vinna gífurlega fyrir þessum stigum og það er helvíti sárt að horfa á eftir þessum tveim. Skítt með stigin tvö, en það var sárt að horfa upp á þessa spilamennsku,” sagði Halldór hundfúll. Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Níræð tugþrautarkona með 35 heimsmet Sport Dagur Árni í liði mótsins á EM Handbolti Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
Grótta skaust upp fyrir FH í fimmta sæti Olís-deilarinnar með sigri í leik liðanna í Kaplakrika í kvöld, en lokatölur urðu, 34-28, eftir að Grótta hafi leitt með þremur mörkum í hálfleik, 18-15. Fyrri hálfleikurinn var afar kaflaskiptur og skiptust liðin á að hafa forystu í leiknum, en Grótta leiddi í hálfleik. Þeir ríghéldu svo í það forskot og unnu að lokum mikilvægan sigur í baráttunni um heimavallarrétt í úrslitakeppni. Fyrri hálfleikurinn var afar furðulegur svo ekki sé meira sagt. FH byrjaði á því að taka forystuna, 2-1, en þá komu fjögur mörk í röð frá gestunum sem virtust með heljartök á leiknum. Heimamenn réðu ekkert við 5+1 vörn heimamanna, voru svo lengi að hlaupa til baka og fengu trekk í trekk hraðaupphlaupsmark í bakið. Þeir voru komnir 10-6 yfir þegar þeir hvítklæddu rönkuðu loks við sér. Þeir tóku þá 7-1 kafla og voru komnir yfir 13-11, en bæði lið voru mjög dugleg að keyra hratt á andstæðingana og hraðinn var mikill sem sást á skorinu í leiknum. Þegar sjö mínútur voru eftir var staðan 14-12, en þá skoruðu gestirnir sex mörk í röð og leiddu svo í hálfleik með þremur mörkum, 15-18. Afar skrautlegur fyrri hálfleikur þar sem lítið var um varnir og markvörslu, en maður vissi ekkert hverju maður ætti von á fyrir síðari hálfleikinn enda bæði lið skipst á að hafa forystuna í fyrri hálfleiknum. Þau voru bæði mjög dugleg við að glutra henni niður, en Grótta kláraði síðari hálfleikinn af mikilli fagmennsku. FH var án Ásbjörns Friðrikssonar lungan úr fyrri hálfleik og allan síðari hálfeik, en Ásbjörn virtist meiðast í fyrri hálfleik. Það hjálpaði FH liðinu ekki neitt, en Grótta hélt hreðjartökum á leiknum og byrjaði síðari hálfleikinn af miklum krafti. Þeir leiddu þegar tíu mínútur voru búnar af síðari hálfleik, 23-18, og heimamenn virtust hafa litla sem enga trú á að þeir gætu komið til baka. Í síðari hálfleik spiluðu gestirnir flata 6-0 vörn og FH, án Ásbjörns, átti fá svör gegn henni. Þeir voru einungis búnir að skora fimm mörk á fyrstu fimmtán mínútunum í fyrri hálfleik samanborið við að þeir skoruðu átta í fyrri hálfleik. Gestirnir spiluðu vel úr sínum málum í síðari hálfleik og kláruðu þennan leik af mikilli fagmennsku og yfirvegun. Lokatölur 34-28. Þessi sigur var liðsheildarsigur hjá Gróttunni. Það voru margir að leggja í púkkinn í sóknarleiknum, vanarleikurinn var fínn, þá ser í lagi í síðari hálfleik og Lárus varði vel á köflum í markinu. Finnur Ingi endaði markahæstur með sjö mörk, en Þráinn Orri var næst markahæstur með sjö. Bakslag hjá FH. Liðið hafði verið á góðu skriði, en þeir hafa spilalð mjög vel í síðustu fjórum leikjum og það voru allir útileikir, en svo voru þeir mættir aftur fyrir framan sitt fólk og klúðruðu heldur betur málunum. Einar Rafn Eiðsson (níu mörk) og Jóhann Birgir Ingvarsson (sjö mörk) voru í sérflokki hjá FH, en varnarleikurinn og markvarslan var í algjöru aukahlutverki. Eftir sigurinn er Grótta í fimmta sæti deildarinnar með 25 stig, jafn mörg og FH sem situr í sjötta sæti, en Grótta er með betri innbyrðisviðureign. Vonir FH um að byrja á heimavelli í úrslitakeppninni eru ekki úr sögunni þar sem ÍBV tapaði sínum leik og ljóst er að fjórða sætið er enn óráðið, en ÍBV, Grótta og FH berjast um það.Gunnar: Heildarbragurinn var góður „Mér fannst við vera með leikinn nánast allan tímann fyrir utan smá kafla í fyrri hálfleik,” sagði glaðbeittur Gunnar Andrésson, þjálfari Gróttu, í samtali við Vísi í leikslok. „Þeir komu aðeins til baka í fyrri hálfleik, en annars var ég bara nokkuð sáttur með þennan leik í heild sinni.” Leikurinn í fyrri hálfleik var afar kaflaskiptur og skiptu liðin á að taka langar rispur. „Í upphafi voru varnirnar ekkert sérstakar, en síðan kikkaði það inn þegar korter var búið af leiknum. Þá fannst mér við sterkari aðilinn í leiknum.” „Mér fannst heildarbragurinn vera mjög góður. Við vorum að fá fínar frammistöður á mörgum stöðum og margir komu með framlag í dag. Ég er mjög sáttur með það.” Með sigrinum skaust Grótta upp fyrir FH í fimmta sætið, en þeir eiga enn bullandi möguleika á að skjótast upp í fjórða sæti og byrja á heimavelli í úrslitakeppninni. „Eina sem við hugsum er að klára þessa deild og svo sjáum við hvar við lendum. Við erum ekkert að pæla of mikið í hverja við fáum í úrslitakeppninni,” en Grótta á fallna Víkinga eftir í lokaleiknum: „Við ætlum ekkert að slaka á klónni. Vð ætlum að halda áfram á fullri ferð,” sagði Gunnar léttur að lokum.Halldór: Einn lélegasti leikur okkar í vetur „Þetta var lélegur leikur hjá okkur og einn sá lélegasti í vetur. Það er biturt að það komi á þessum á tímapunkti,” sagði hundfúll Halldór Jóhann Sigfússon, þjálfari FH, í samtali við Vísi. „Við erum búnir að vera á góðu skriði og taka sjö stig úr síðustu fjórum útileikjum. Síðan komum við hérna í fyrsta heimaleikinn síðan um miðjan febrúar og við spilum ekki betur en þetta fyrir framan okkar fólk.” „Við komumst 14-12 yfir og það var allt með okkur. Við byrjuðum ekki vel, en vorum búnir að koma okkur inn í leikinn. Þá kom kafli þar sem við vorum að kasta boltanum frá okkur trekk í trekk og við erum að brjóta okkur út úr planinu sem við settum fyrir leikinn.” „Bæði varnar- og sóknarlega. Það eru allt of margir svona hlutir og menn verða að halda fókus, en við erum virkilega lélegir í að halda fókus í dag,” en á tímapunkti var hörmung að sjá FH-liðið. Liðið missti boltann og fáir nenntu að hlaupa til baka í vörn. „Ég á eftir að skoða leikinn aftur, en það eru ótrúlega margir svona hlutir sem eru ekki bara til staðar í dag. Við erum búnir að spila frábæran varnarleik og fá góða markvörslu alla leiki eftir áramót, en nú er hvorki vörn né markvarsla.” „Ég skil ekki afhverju við erum að hengja haus. Það gera allir mistök. Afhverju erum við að setja hausinn ofan í bringu og gera okkur þetta svona erfitt fyrir? Ég skil það bara ekki. Ég skil ekki afhverju þetta öryggi sem var komið í okkar leik gat ekki bara haldið áfram þrátt fyrir að hlutirnir hafa ekki alveg gengið upp, en þrátt fyrir á þetta bara að fúnkera áfram.” FH hafði verið á rosalegu skriði undanfarið, en i kvöld kom bakslag. Hvernig sér Halldór framhaldið? „Það er einn leikur eftir í deildinni og auðvitað förum við í hann til að vinna. Menn þurfa að átta sig á því að þessi stig sem við erum búnir að safna eftir áramót komu ekkert af því bara, af því einhver gaf okkur það,” sagði Halldór og hélt áfram: „Við erum búnir að vinna gífurlega fyrir þessum stigum og það er helvíti sárt að horfa á eftir þessum tveim. Skítt með stigin tvö, en það var sárt að horfa upp á þessa spilamennsku,” sagði Halldór hundfúll.
Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Níræð tugþrautarkona með 35 heimsmet Sport Dagur Árni í liði mótsins á EM Handbolti Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira