FM95BLÖ og Harmageddon saman í fyrsta sinn

Útvarpsþátturinn FM95BLÖ verður með öðruvísi sniði í dag en í fyrsta skipti verður Harmageddon og FM95BLÖ saman með þátt.

Þeir Frosti Logason og Þorkell Máni Pétursson mæta og leysa Egil Einarsson og Steinda Jr. af hólmi klukkan fjögur í dag og sjá um þáttinn ásamt Auðunni Blöndal.

Hefðbundnir dagskráliðir verða á sínum stað, eins og Hvort myndir þú frekar og Giftast, sofa hjá eða drepa. Einnig mun Auðunn henda þeim Harmageddon bræðrum í nokkur símtöl. Eins og áður segir hefst þátturinn klukkan fjögur og stendur til sex. Hægt er að hlusta á hann hér.