Umfjöllun og viðtöl: Fram - Valur 26-25 | Fram nældi í oddaleik eftir framlengingu Guðmundur Marinó Ingvarsson í Valshöllinni skrifar 17. apríl 2016 18:30 Geir Guðmundsson sækir að marki Fram. vísir/pjetur Fram lagði Val 26-25 í framlengdum öðrum leik liðanna í átta liða úrslitum Olís deildar karla í handbolta og tryggði sér oddaleik með að jafna einvígið 1-1. Tvíframlengja þurfti fyrsta leik liðanna í rimmunni og þá vann Valur en nú náði Fram að svara eftir eina framlengingu. Valur hafnaði í öðru sæti Olís deildarinnar en Fram því sjöunda en það er ekki að sjá í þessu hnífjafna einvígi en leikurinn í kvöld var jafn á nánast öllum tölum. Aldrei munaði meira en einu marki á liðunum í fyrri hálfleik og var staðan í hálfleik jöfn, 7-7. Valur varð fyrir miklu áfalli snemma leiks þegar Ómar Ingi meiddist að því er virtist illa á hné. Beðið er frekari fregna af meiðslum hans. Valur byrjaði seinni hálfleikinn betur og náði tveggja marka forystu en munurinn á liðunum var aldrei meiri en það. Bæði lið léku frábærlega í vörn í fyrri hálfleik venjulegs leiktíma en varnirnar voru ekki eins góðar í seinni hálfleik og fyrir vikið mun meira skorað. Valur var að mestu með frumkvæðið í seinni hálfleik og komst yfir þegar 14 sekúndur voru eftir af leiknum. Valsmenn héldu sig hafa klárað leikinn þegar þeir náðu að brjóta á Þorgrími Smára Ólafssyni en leiktíminn var stöðvaður því Guðmundur Hólmar Helgason fékk tveggja mínútna brottvísun og fjórar sekúndur eftir. Þessi tími dugði Fram til að knýja fram framlengingu því Stefán Baldvin Stefánsson skoraði úr þröngu færi rétt áður en leiktímanum lauk. Fram var með frumkvæðið alla framlenginguna þó jafnt væri á flestum tölum. Valur stal framlengingu undir lok venjulegs leiktíma í fyrsta leiknum og því snérist dæmið algjörlega við í kvöld. Þorgrímur Smári og Stefán Darri fóru fyrir Fram í sóknarleiknum en margir leikmenn settu mark sitt á sóknarleik beggja liða. Oddaleikurinn verður leikinn á þriðjudaginn í Valshöllinn að Hlíðarenda og miðað við gæði og spennu leikjanna tveggja sem búnir eru í einvíginu ætti húsið að verða smekkfullt. Þorgrímur Smári: Stálum þessu í endann„Þetta er frábært. Þetta var spennutryllir og ég held að áhorfendur hafi fengið allt fyrir peninginn sinn,“ sagði Þorgrímur Smári Ólafsson eftir sigurinn í dag. „Þeir komust tveimur mörkum yfir í seinni hálfleik og Gulli tók leikhlé. Þá náðum við að stilla aftur, fá vörnina upp aftur og það gekk upp.“ Valur stal framlengingu í fyrri leiknum með að jafna í lokin og í dag var komið að Fram að jafna á síðustu sekúndunum. „Við ætluðum að vinna síðast og áttum það skilið miðað við hvernig sá leikur spilaðist. Við stálum þessu í endann núna. Við áttum þetta inni. „Nú þurfum við að endurhlaða. Það er bara einn dagur í pásu. Við þurfum nóg af Voltareni, liggja heima uppi í rúmi og fara á æfingar á milli,“ sagði Þorgrímur sem óttaðist það lítið það lykilmenn hafi spilað stóran hluta af framlengdum leikjunum tveimur. „Við erum allir ungir. Ég er næst elstur 26 ára. Þeir eru allir með nóg púst og ég fæ vonandi auka púst frá þeim.“ Óskar Bjarni: Eigum mikið inni„Ég held þetta sé sanngjarnt, út frá leikjunum tveimur, því miður,“ sagði Óskar Bjarni Óskarsson þjálfari Vals. „Ég hefði að sjálfsögðu viljað klára þetta og við áttum að vinna þetta í seinni hálfleik. Þetta var mjög vel dæmdur leikur og frábært einvígi. Svona hafa leikirnir okkar verið.“ Óskar Bjarni segir lið sitt geta leikið mun betur nánast hvar sem litið er niður. „Við eigum mikið inni bæði sóknar- og varnarlega. Við þurfum að kíkja í eigin barm. Við náðum ekki að laga nógu mikið fyrir þennan leik. Það snýr að okkur þjálfurunum kannski. „Það þurfa fleiri að stíga upp í svona leik. Menn eiga að elska að spila við svona aðstæður. Við þurfum að stíga meira á bensínið og gera þetta af meiri krafti,“ sagði Óskar Bjarni sem sá húmorinn í því að liðin hafi aðeins skorað 14 mörk samtals í fyrri hálfleik en liðinn skoraði sín hvor 14 mörkin í seinni hálfleik venjulegs leiktíma. „Það var Hálogalandsstemning yfir þessu. Það var ekki búið að finna upp hröðu miðjuna og boltinn var tveimur númerum of stór. „Nei, þetta var spennustig. Tvær frábærar varnir og hægur leikur. Menn voru að spila á kúplingunni. Það þarf að stíga almennilega á bensíngjöfina. Gera þetta af meiri krafti. „Varnarlega vorum við flottir í fyrri hálfleik en ekki nógu góðir í seinni hálfleik og framlengingunni. Það var fínt að skora 14 mörk á móti sterkri vörn í seinni hálfleik. Leikmenn verða að vera þolinmóðir og fá fleiri hraðaupphlaup,“ sagði Óskar Bjarni sem vildi sérstaklega hrósa dómgæslu Heimis Arnar Árnasonar og Sigurðar Hjartar Þrastarsonar. Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Dagur Árni í liði mótsins á EM Handbolti Níræð tugþrautarkona með 35 heimsmet Sport Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
Fram lagði Val 26-25 í framlengdum öðrum leik liðanna í átta liða úrslitum Olís deildar karla í handbolta og tryggði sér oddaleik með að jafna einvígið 1-1. Tvíframlengja þurfti fyrsta leik liðanna í rimmunni og þá vann Valur en nú náði Fram að svara eftir eina framlengingu. Valur hafnaði í öðru sæti Olís deildarinnar en Fram því sjöunda en það er ekki að sjá í þessu hnífjafna einvígi en leikurinn í kvöld var jafn á nánast öllum tölum. Aldrei munaði meira en einu marki á liðunum í fyrri hálfleik og var staðan í hálfleik jöfn, 7-7. Valur varð fyrir miklu áfalli snemma leiks þegar Ómar Ingi meiddist að því er virtist illa á hné. Beðið er frekari fregna af meiðslum hans. Valur byrjaði seinni hálfleikinn betur og náði tveggja marka forystu en munurinn á liðunum var aldrei meiri en það. Bæði lið léku frábærlega í vörn í fyrri hálfleik venjulegs leiktíma en varnirnar voru ekki eins góðar í seinni hálfleik og fyrir vikið mun meira skorað. Valur var að mestu með frumkvæðið í seinni hálfleik og komst yfir þegar 14 sekúndur voru eftir af leiknum. Valsmenn héldu sig hafa klárað leikinn þegar þeir náðu að brjóta á Þorgrími Smára Ólafssyni en leiktíminn var stöðvaður því Guðmundur Hólmar Helgason fékk tveggja mínútna brottvísun og fjórar sekúndur eftir. Þessi tími dugði Fram til að knýja fram framlengingu því Stefán Baldvin Stefánsson skoraði úr þröngu færi rétt áður en leiktímanum lauk. Fram var með frumkvæðið alla framlenginguna þó jafnt væri á flestum tölum. Valur stal framlengingu undir lok venjulegs leiktíma í fyrsta leiknum og því snérist dæmið algjörlega við í kvöld. Þorgrímur Smári og Stefán Darri fóru fyrir Fram í sóknarleiknum en margir leikmenn settu mark sitt á sóknarleik beggja liða. Oddaleikurinn verður leikinn á þriðjudaginn í Valshöllinn að Hlíðarenda og miðað við gæði og spennu leikjanna tveggja sem búnir eru í einvíginu ætti húsið að verða smekkfullt. Þorgrímur Smári: Stálum þessu í endann„Þetta er frábært. Þetta var spennutryllir og ég held að áhorfendur hafi fengið allt fyrir peninginn sinn,“ sagði Þorgrímur Smári Ólafsson eftir sigurinn í dag. „Þeir komust tveimur mörkum yfir í seinni hálfleik og Gulli tók leikhlé. Þá náðum við að stilla aftur, fá vörnina upp aftur og það gekk upp.“ Valur stal framlengingu í fyrri leiknum með að jafna í lokin og í dag var komið að Fram að jafna á síðustu sekúndunum. „Við ætluðum að vinna síðast og áttum það skilið miðað við hvernig sá leikur spilaðist. Við stálum þessu í endann núna. Við áttum þetta inni. „Nú þurfum við að endurhlaða. Það er bara einn dagur í pásu. Við þurfum nóg af Voltareni, liggja heima uppi í rúmi og fara á æfingar á milli,“ sagði Þorgrímur sem óttaðist það lítið það lykilmenn hafi spilað stóran hluta af framlengdum leikjunum tveimur. „Við erum allir ungir. Ég er næst elstur 26 ára. Þeir eru allir með nóg púst og ég fæ vonandi auka púst frá þeim.“ Óskar Bjarni: Eigum mikið inni„Ég held þetta sé sanngjarnt, út frá leikjunum tveimur, því miður,“ sagði Óskar Bjarni Óskarsson þjálfari Vals. „Ég hefði að sjálfsögðu viljað klára þetta og við áttum að vinna þetta í seinni hálfleik. Þetta var mjög vel dæmdur leikur og frábært einvígi. Svona hafa leikirnir okkar verið.“ Óskar Bjarni segir lið sitt geta leikið mun betur nánast hvar sem litið er niður. „Við eigum mikið inni bæði sóknar- og varnarlega. Við þurfum að kíkja í eigin barm. Við náðum ekki að laga nógu mikið fyrir þennan leik. Það snýr að okkur þjálfurunum kannski. „Það þurfa fleiri að stíga upp í svona leik. Menn eiga að elska að spila við svona aðstæður. Við þurfum að stíga meira á bensínið og gera þetta af meiri krafti,“ sagði Óskar Bjarni sem sá húmorinn í því að liðin hafi aðeins skorað 14 mörk samtals í fyrri hálfleik en liðinn skoraði sín hvor 14 mörkin í seinni hálfleik venjulegs leiktíma. „Það var Hálogalandsstemning yfir þessu. Það var ekki búið að finna upp hröðu miðjuna og boltinn var tveimur númerum of stór. „Nei, þetta var spennustig. Tvær frábærar varnir og hægur leikur. Menn voru að spila á kúplingunni. Það þarf að stíga almennilega á bensíngjöfina. Gera þetta af meiri krafti. „Varnarlega vorum við flottir í fyrri hálfleik en ekki nógu góðir í seinni hálfleik og framlengingunni. Það var fínt að skora 14 mörk á móti sterkri vörn í seinni hálfleik. Leikmenn verða að vera þolinmóðir og fá fleiri hraðaupphlaup,“ sagði Óskar Bjarni sem vildi sérstaklega hrósa dómgæslu Heimis Arnar Árnasonar og Sigurðar Hjartar Þrastarsonar.
Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Dagur Árni í liði mótsins á EM Handbolti Níræð tugþrautarkona með 35 heimsmet Sport Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira