Læti á Alþingi: „Virðulegur forseti, þetta er fáránlegt“ Sunna Kristín Hilmarsdóttir skrifar 12. apríl 2016 14:29 Ragnheiður Ríkharðsdóttir Vísir/gva Þingmenn stjórnarandstöðunnar komu hver af öðrum upp í pontu við upphaf þingfundar í dag og kvöddu sér hljóðs undir liðnum fundarstjórn forseta. Kölluðu þeir allir eftir því að dagsetning yrði sett strax á kosningar sem stjórnarflokkarnir hafa boðað í haust en á fundi Sigurðar Inga Jóhannssonar, forsætisráðherra, með forystumönnunum í morgun var hvorki gefin upp dagsetning á kosningar né málalisti nýrrar ríkisstjórnarinnar.Vilja dagsetningu á þingkosningar Róbert Marshall, þingmaður Bjartrar framtíðar, sagði að hann hefði þurft að láta segja sér það tvisvar í morgun að ekkert væri að frétta eftir fundinn í morgun; engin dagsetning og enginn málalisti. Hann sagði nauðsynlegt að fá dagsetningu á kosningarnar. „Dagsetningu á þessar kosningar takk og svo getum við talað um hvaða mál þarf að klára fyrir þær,“ sagði Róbert. Þá sagðist Sigríður Ingibjörg Ingadóttir, þingmaður Samfylkingarinnar, ekki telja að hægt væri að halda fundi á Alþingi fyrr en dagsetning kosninganna lægi fyrir.Furðaði sig á „pirringi“ stjórnarandstöðunnar Ásmundur Einar Daðason, þingmaður Framsóknarflokksins, kom í ræðustól og lýsti furðu sinni á því sem hann kallaði „pirring“ stjórnarandstöðunnar enda hefði forsætisráðherra fundað með forystumönnum hennar í morgun. Hann sagði lagt upp með af hálfu stjórnarflokkanna að klára mikilvæg mál og kjósa svo í haust. „Hæstvirtur forsætisráðherra, Sigurður Ingi Jóhannsson, hefur talað við stjórnarandstöðuna og er að reyna að leita leiða til þess að samræma þessi sjónarmið að þá er stjórnarandstaðan hér og veður uppi með miklu pirringi og miklum látum. Virðulegur forseti, okkur er ekkert að vanbúnaði að ganga til dagskrár sem liggur fyrir þessum fundi,“ sagði Ásmundur Einar.„Þú ættir að skammast þín“ Ragnheiður Ríkharðsdóttir, þingmaður Sjálfstæðisflokksins, kom einnig í pontu og var nokkuð harðorð í garð stjórnarandstöðunnar. Vísaði hún meðal annars til þess að á seinasta kjörtímabili hefði Jóhanna Sigurðardóttir, þáverandi forsætisráðherra, farið gegn jafnréttislögum. Þá vísaði hún jafnframt til ógildingar dómstóla á ákvörðun Svandísar Svavarsdóttur, þáverandi umhverfisráðherra. Hvorug þeirra hefði þó ekki sagt af sér og virtist Ragnheiði blöskra mjög: „Menn geta verið ósammála um þá stöðu sem hér er uppi og ekki ætla ég að standa hér og mæla fyrir aflandsfélögum, víðs fjarri. Síðasta ríkisstjórn skipaði líka stjórnlagaráð þrátt fyrir ógildingu kosninga í Hæstarétti. Svo kemur þetta sama fólk hér, virðulegur forseti, og talar hér eins og helgislepjan sé engin í heiminum. Valdhroki þingflokksformanns Pírata sem sendir sínu eigin fólki þannig tóninn að það sé best til þess fallið til að þrífa stendur svo hér eins og heilög kýr og segir öðrum fyrir verkum. Virðulegur forseti, þetta er fáránlegt,“ sagði Ragnheiður og vísaði þar til Birgittu Jónsdóttur. Nokkur læti urðu í þingsalnum í kjölfar þessara orða og heyrðist einhver þingmaður í salnum hrópa „þú ættir að skammast þín.“ Þurfti Einar K. Guðfinnsson, forseti þingsins, að slá ítrekað í bjöllu sína til að fá ró í salnum og geta hleypt Óttari Proppé, þingmanni Bjartrar framtíðar, að.Sagði ástandið „óboðlegt“ Á eftir Óttari kom Birgitta Jónsdóttir, þingflokksformaður Pírata, svo í pontu og sagði að ríkisstjórnin væri nú að finna ástæður til þess að svíkja loforð sitt til þjóðarinnar um að gengið yrði fyrr til kosninga. „Því var lofað til þjóðarinnar eftir stærstu mótmæli Íslandssögunnar að það yrði rofið þing. En síðan hafa þingmenn stjórnarinnar og ráðherrar komið hver á fætur öðrum og hótað því að það eigi ekki að standa við þetta heldur velti það algjörlega á stjórnarandstöðunni að taka þátt í því að leysa út óútfylltan tékka ríkisstjórnarinnar. Þetta er óboðlegt ástand og ætla það að við förum hér í hefðbundin þingstörf og látum eins og ekkert hafi gerst hér á landinu er ekki í boði. [...] Þingflokksformenn stjórnarandstöðunnar krefjast þess að fá dagsetningu og hér verða engin hefðbundin þingstörf fyrr en það hefur gerst,“ sagði Birgitta. Á meðal þess sem er á dagskrá þingsins í dag er frumvarp heilbrigðisráðherra um sjúkratryggingar og kostnaðarþátttöku sjúklinga. Alþingi Tengdar fréttir Enginn málalisti og engin dagsetning á kosningar Katrín Jakobsdóttir, formaður Vinstri grænna, segir að fátt nýtt hafi komið fram á fundi forystumanna stjórnarandstöðunnar með Sigurði Inga Jóhannssyni, forsætisráðherra, í morgun. 12. apríl 2016 11:17 Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent „Kokkurinn“ í Bandidos látinn Erlent Tóku mið af viðskiptahalla en ekki tollum Erlent Býst við kolsvartri skýrslu Innlent Fleiri fréttir Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Sjá meira
Þingmenn stjórnarandstöðunnar komu hver af öðrum upp í pontu við upphaf þingfundar í dag og kvöddu sér hljóðs undir liðnum fundarstjórn forseta. Kölluðu þeir allir eftir því að dagsetning yrði sett strax á kosningar sem stjórnarflokkarnir hafa boðað í haust en á fundi Sigurðar Inga Jóhannssonar, forsætisráðherra, með forystumönnunum í morgun var hvorki gefin upp dagsetning á kosningar né málalisti nýrrar ríkisstjórnarinnar.Vilja dagsetningu á þingkosningar Róbert Marshall, þingmaður Bjartrar framtíðar, sagði að hann hefði þurft að láta segja sér það tvisvar í morgun að ekkert væri að frétta eftir fundinn í morgun; engin dagsetning og enginn málalisti. Hann sagði nauðsynlegt að fá dagsetningu á kosningarnar. „Dagsetningu á þessar kosningar takk og svo getum við talað um hvaða mál þarf að klára fyrir þær,“ sagði Róbert. Þá sagðist Sigríður Ingibjörg Ingadóttir, þingmaður Samfylkingarinnar, ekki telja að hægt væri að halda fundi á Alþingi fyrr en dagsetning kosninganna lægi fyrir.Furðaði sig á „pirringi“ stjórnarandstöðunnar Ásmundur Einar Daðason, þingmaður Framsóknarflokksins, kom í ræðustól og lýsti furðu sinni á því sem hann kallaði „pirring“ stjórnarandstöðunnar enda hefði forsætisráðherra fundað með forystumönnum hennar í morgun. Hann sagði lagt upp með af hálfu stjórnarflokkanna að klára mikilvæg mál og kjósa svo í haust. „Hæstvirtur forsætisráðherra, Sigurður Ingi Jóhannsson, hefur talað við stjórnarandstöðuna og er að reyna að leita leiða til þess að samræma þessi sjónarmið að þá er stjórnarandstaðan hér og veður uppi með miklu pirringi og miklum látum. Virðulegur forseti, okkur er ekkert að vanbúnaði að ganga til dagskrár sem liggur fyrir þessum fundi,“ sagði Ásmundur Einar.„Þú ættir að skammast þín“ Ragnheiður Ríkharðsdóttir, þingmaður Sjálfstæðisflokksins, kom einnig í pontu og var nokkuð harðorð í garð stjórnarandstöðunnar. Vísaði hún meðal annars til þess að á seinasta kjörtímabili hefði Jóhanna Sigurðardóttir, þáverandi forsætisráðherra, farið gegn jafnréttislögum. Þá vísaði hún jafnframt til ógildingar dómstóla á ákvörðun Svandísar Svavarsdóttur, þáverandi umhverfisráðherra. Hvorug þeirra hefði þó ekki sagt af sér og virtist Ragnheiði blöskra mjög: „Menn geta verið ósammála um þá stöðu sem hér er uppi og ekki ætla ég að standa hér og mæla fyrir aflandsfélögum, víðs fjarri. Síðasta ríkisstjórn skipaði líka stjórnlagaráð þrátt fyrir ógildingu kosninga í Hæstarétti. Svo kemur þetta sama fólk hér, virðulegur forseti, og talar hér eins og helgislepjan sé engin í heiminum. Valdhroki þingflokksformanns Pírata sem sendir sínu eigin fólki þannig tóninn að það sé best til þess fallið til að þrífa stendur svo hér eins og heilög kýr og segir öðrum fyrir verkum. Virðulegur forseti, þetta er fáránlegt,“ sagði Ragnheiður og vísaði þar til Birgittu Jónsdóttur. Nokkur læti urðu í þingsalnum í kjölfar þessara orða og heyrðist einhver þingmaður í salnum hrópa „þú ættir að skammast þín.“ Þurfti Einar K. Guðfinnsson, forseti þingsins, að slá ítrekað í bjöllu sína til að fá ró í salnum og geta hleypt Óttari Proppé, þingmanni Bjartrar framtíðar, að.Sagði ástandið „óboðlegt“ Á eftir Óttari kom Birgitta Jónsdóttir, þingflokksformaður Pírata, svo í pontu og sagði að ríkisstjórnin væri nú að finna ástæður til þess að svíkja loforð sitt til þjóðarinnar um að gengið yrði fyrr til kosninga. „Því var lofað til þjóðarinnar eftir stærstu mótmæli Íslandssögunnar að það yrði rofið þing. En síðan hafa þingmenn stjórnarinnar og ráðherrar komið hver á fætur öðrum og hótað því að það eigi ekki að standa við þetta heldur velti það algjörlega á stjórnarandstöðunni að taka þátt í því að leysa út óútfylltan tékka ríkisstjórnarinnar. Þetta er óboðlegt ástand og ætla það að við förum hér í hefðbundin þingstörf og látum eins og ekkert hafi gerst hér á landinu er ekki í boði. [...] Þingflokksformenn stjórnarandstöðunnar krefjast þess að fá dagsetningu og hér verða engin hefðbundin þingstörf fyrr en það hefur gerst,“ sagði Birgitta. Á meðal þess sem er á dagskrá þingsins í dag er frumvarp heilbrigðisráðherra um sjúkratryggingar og kostnaðarþátttöku sjúklinga.
Alþingi Tengdar fréttir Enginn málalisti og engin dagsetning á kosningar Katrín Jakobsdóttir, formaður Vinstri grænna, segir að fátt nýtt hafi komið fram á fundi forystumanna stjórnarandstöðunnar með Sigurði Inga Jóhannssyni, forsætisráðherra, í morgun. 12. apríl 2016 11:17 Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent „Kokkurinn“ í Bandidos látinn Erlent Tóku mið af viðskiptahalla en ekki tollum Erlent Býst við kolsvartri skýrslu Innlent Fleiri fréttir Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Sjá meira
Enginn málalisti og engin dagsetning á kosningar Katrín Jakobsdóttir, formaður Vinstri grænna, segir að fátt nýtt hafi komið fram á fundi forystumanna stjórnarandstöðunnar með Sigurði Inga Jóhannssyni, forsætisráðherra, í morgun. 12. apríl 2016 11:17