Teljum okkur geta farið alla leið Ingvi Þór Sæmundsson skrifar 11. apríl 2016 06:00 Sigrún Sjöfn var stigahæst í liði Grindavíkur í leik fjögur. vísir/anton Grindavík fær í kvöld þriðja tækifærið til að tryggja sér sæti í úrslitum Domino's deildar kvenna í körfubolta þegar liðið mætir Haukum í oddaleik á Ásvöllum. Grindvíkingar komu flestum á óvart og unnu tvo fyrstu leikina en Haukar svöruðu fyrir sig með sigri í næstu tveimur og því ræðst það í kvöld hvort liðið mætir Íslandsmeisturum Snæfells í úrslitum. Fjórði leikur liðanna í Röstinni á föstudagskvöldið var gríðarlega spennandi þar Grindvíkingar sóttu hart að Haukum á lokamínútum. Heimakonur áttu þó ekki svör við stórleik Helenu Sverrisdóttur sem skoraði 32 stig í leiknum, þar af 11 í 4. leikhluta. Hjá Grindavík var önnur landsliðskona, Sigrún Sjöfn Ámundadóttir, stigahæst með 20 stig. Og þrátt fyrir að hafa tvisvar misst af tækifærinu til að tryggja sér sæti í úrslitunum hefur Sigrún fulla trú á að það takist í þriðju tilraun í kvöld. „Auðvitað er visst svekkelsi að hafa ekki náð að klára þetta á föstudaginn. En málið er að Haukar eru með hörkulið og við vissum að þetta yrði erfitt. Við vissum það líka að þær myndu ekkert gefa okkur þetta eftir að við komumst í 2-0 og við þurfum að hafa virkilega mikið fyrir því að vinna,“ sagði Sigrún, en finnst Grindavíkurliðinu að þær hefðu þurft að klára einvígið 3-0 ef þær ætluðu að klára það á annað borð? „Það hefði verið þægilegt að klára þetta 3-0, það hefði verið virkilega gott. En þetta gekk ekki í leik þrjú og þær burstuðu okkur eiginlega þar,“ sagði Sigrún en Haukar unnu þriðja leikinn 72-45, þar sem Grindavík skoraði aðeins 18 stig í fyrri hálfleik. „Fjórði leikurinn var jafn og hefði getað dottið okkar megin hefðum við verið heppnar með nokkur skot og passað boltann aðeins betur. Það hefði verið best að klára þetta heima en núna er ekkert annað í stöðunni en að mæta grimmar á Ásvelli og gera allt sem í okkar valdi stendur til að vinna.“Landsliðskonurnar Sigrún Sjöfn Ámundadóttir, Helena Sverrisdóttir og Ingunn Embla Kristínardóttir í baráttunni.vísir/antonÁðurnefnd Helena hefur verið óstöðvandi í einvíginu við Grindavík en tölurnar tala sínu máli. Helena er með 29,8 stig að meðaltali í leik, 12,3 fráköst, 5,5 stoðsendingar og 31,8 framlagsstig. Í fyrstu tveimur leikjunum tókst Grindvíkingum hins vegar að stöðva aðra leikmenn Haukaliðsins sem hafði mikið að segja. „Við þurfum náttúrulega að stoppa alla þeirra leikmenn. Helena er bara hörkuleikmaður og skilar alltaf sínu, hvort sem hún er með 20 eða 30 stig. Hún er það góð að hún skilar alltaf sínum tölum,“ sagði Sigrún og áréttar að hver einasti leikmaður Grindavíkur þurfi að taka ábyrgð á sínum manni í vörninni. Gengi Grindavíkur í vetur hefur verið upp og ofan en meiðsli gerðu liðinu erfitt fyrir lengi vel. Og raunar þurfti Grindavík að vinna Keflavík í hreinum úrslitaleik um fjórða og síðasta sætið í úrslitakeppninni í lokaumferð deildarinnar. Sigrún segir að gengið í vetur gefi ekki alveg rétta mynd af styrk Grindavíkurliðsins. „Við erum með hörkuhóp og fullt af leikmönnum sem vita hvað þarf gera til að vinna og hafa unnið mikið áður,“ sagði Sigrún en í leikmannahópi Grindavíkur eru sjö leikmenn sem hafa spilað A-landsleik fyrir Íslands hönd. „Hópurinn er sterkur en það hefur mikið gengið á, og meira en maður á að venjast. Það hefur sett strik í reikninginn en það telur ekkert núna, við erum með fullmannaðan hóp og lið sem við teljum að geti farið alla leið.“ Sigrún lék með Norrköping Dolphins í Svíþjóð í fyrra og lætur mjög vel af dvölinni þar. „Ég tók bara eitt tímabil úti. Ég ætlaði að fara aftur út til þeirra en þau gengu ekki í gegn, samningamálin. En þetta var frábær reynsla og mér leið mjög vel úti, ég var heppin með lið, liðsfélaga og þjálfara,“ sagði Sigrún sem stefnir að því að komast aftur út í atvinnumennsku. „Já, algjörlega. Ef það kemur eitthvað kemur upp lít ég að sjálfsögðu á það og skoða hvort það er eitthvað sem mér líst vel á.“ Dominos-deild kvenna Mest lesið Tiger hringdi í Trump til að segja honum frá sambandinu Golf Arne Slot: Við vorum ekki heppnir, reglan er svona Enski boltinn Stuðningsmenn Chelsea og Man. City þurfa að afhenda lögreglu vegabréf sín Enski boltinn Mourinho reif í nefið á stjóra mótherjanna eftir leik Fótbolti Ellefu Íslendingar hluti af hinu eftirsótta eina prósenti í CrossFit heiminum Sport Söfnuðu milljörðum og eiga nú meirihluta í leikvangi félagsins Fótbolti Fjórir vinsælustu leikmennirnir eru konur Körfubolti Kári Jóns meiddist illa á hné í kvöld Körfubolti Dagskráin: Stúkan hitar upp fyrir sumarið og úrslitakeppnin í Bónus karla Sport Einn besti dómari landsins fær ekki leik Körfubolti Fleiri fréttir Fjórir vinsælustu leikmennirnir eru konur Kári Jóns meiddist illa á hné í kvöld Uppgjör: Tindastóll - Keflavík 94-87 | Stólarnir sterkari í lokin Styrmir stigahæstur á vellinum Uppgjörið: Valur - Grindavík 94-89| Valsarar sluppu fyrir horn „Undir okkur komið að hamra járnið á meðan það er heitt“ Einn besti dómari landsins fær ekki leik Jokic skoraði 61 stig en Westbrook eyðilagði allt Fimm fengu bann fyrir slagsmálin „Ekki tími ársins til að fara inn í einhverja skel“ Uppgjörið: Njarðvík 84-75 Stjarnan | Njarðvík tekur foyrsuna í kaflaskiptum leik „Verðum að nýta hvert einasta tækifæri sem við fáum“ Uppgjörið: Þór - Valur 86-92 | Sterkur sigur sóttur í fyrsta leik Pelikanarnir búnir að gefast upp Reiknar ekki með öðru en Chris Paul taki annað tímabil „Ætluðum að gera þetta fyrir hana í kvöld“ „Frábært að stela heimavellinum“ „Gerðum ekki ráð fyrir einhverri rosalegri flugeldasýningu“ Uppgjörið: Keflavík - Tindastóll 92-63 | Keflvíkingar gáfu engin grið Uppgjörið: Haukar - Grindavík 86-91 | Háspenna og framlenging í upphafi úrslitakeppni Vildu sjá Kjartan Atla og Rúnar lenda í slag eins og í NBA Eldmóður í nýjum þjálfara: „Meira en spenntur“ Pekka Salminen nýr landsliðsþjálfari Sjáðu nýjan þjálfara Íslands kynna sig Hópslagsmál í NBA og sjö hent úr húsi Hafa engar áhyggjur af hugarfari Njarðvíkinga Tryggvi með rifu í vöðva og verður frá næstu vikur Svefnlítill Emil sagði stopp en var stressaður fyrir kveðjustundinni Eini þjálfarinn sem hefur orðið deildarmeistari og dottið strax út „Flotti fíni Garðabær á móti Breiðholtinu“ Sjá meira
Grindavík fær í kvöld þriðja tækifærið til að tryggja sér sæti í úrslitum Domino's deildar kvenna í körfubolta þegar liðið mætir Haukum í oddaleik á Ásvöllum. Grindvíkingar komu flestum á óvart og unnu tvo fyrstu leikina en Haukar svöruðu fyrir sig með sigri í næstu tveimur og því ræðst það í kvöld hvort liðið mætir Íslandsmeisturum Snæfells í úrslitum. Fjórði leikur liðanna í Röstinni á föstudagskvöldið var gríðarlega spennandi þar Grindvíkingar sóttu hart að Haukum á lokamínútum. Heimakonur áttu þó ekki svör við stórleik Helenu Sverrisdóttur sem skoraði 32 stig í leiknum, þar af 11 í 4. leikhluta. Hjá Grindavík var önnur landsliðskona, Sigrún Sjöfn Ámundadóttir, stigahæst með 20 stig. Og þrátt fyrir að hafa tvisvar misst af tækifærinu til að tryggja sér sæti í úrslitunum hefur Sigrún fulla trú á að það takist í þriðju tilraun í kvöld. „Auðvitað er visst svekkelsi að hafa ekki náð að klára þetta á föstudaginn. En málið er að Haukar eru með hörkulið og við vissum að þetta yrði erfitt. Við vissum það líka að þær myndu ekkert gefa okkur þetta eftir að við komumst í 2-0 og við þurfum að hafa virkilega mikið fyrir því að vinna,“ sagði Sigrún, en finnst Grindavíkurliðinu að þær hefðu þurft að klára einvígið 3-0 ef þær ætluðu að klára það á annað borð? „Það hefði verið þægilegt að klára þetta 3-0, það hefði verið virkilega gott. En þetta gekk ekki í leik þrjú og þær burstuðu okkur eiginlega þar,“ sagði Sigrún en Haukar unnu þriðja leikinn 72-45, þar sem Grindavík skoraði aðeins 18 stig í fyrri hálfleik. „Fjórði leikurinn var jafn og hefði getað dottið okkar megin hefðum við verið heppnar með nokkur skot og passað boltann aðeins betur. Það hefði verið best að klára þetta heima en núna er ekkert annað í stöðunni en að mæta grimmar á Ásvelli og gera allt sem í okkar valdi stendur til að vinna.“Landsliðskonurnar Sigrún Sjöfn Ámundadóttir, Helena Sverrisdóttir og Ingunn Embla Kristínardóttir í baráttunni.vísir/antonÁðurnefnd Helena hefur verið óstöðvandi í einvíginu við Grindavík en tölurnar tala sínu máli. Helena er með 29,8 stig að meðaltali í leik, 12,3 fráköst, 5,5 stoðsendingar og 31,8 framlagsstig. Í fyrstu tveimur leikjunum tókst Grindvíkingum hins vegar að stöðva aðra leikmenn Haukaliðsins sem hafði mikið að segja. „Við þurfum náttúrulega að stoppa alla þeirra leikmenn. Helena er bara hörkuleikmaður og skilar alltaf sínu, hvort sem hún er með 20 eða 30 stig. Hún er það góð að hún skilar alltaf sínum tölum,“ sagði Sigrún og áréttar að hver einasti leikmaður Grindavíkur þurfi að taka ábyrgð á sínum manni í vörninni. Gengi Grindavíkur í vetur hefur verið upp og ofan en meiðsli gerðu liðinu erfitt fyrir lengi vel. Og raunar þurfti Grindavík að vinna Keflavík í hreinum úrslitaleik um fjórða og síðasta sætið í úrslitakeppninni í lokaumferð deildarinnar. Sigrún segir að gengið í vetur gefi ekki alveg rétta mynd af styrk Grindavíkurliðsins. „Við erum með hörkuhóp og fullt af leikmönnum sem vita hvað þarf gera til að vinna og hafa unnið mikið áður,“ sagði Sigrún en í leikmannahópi Grindavíkur eru sjö leikmenn sem hafa spilað A-landsleik fyrir Íslands hönd. „Hópurinn er sterkur en það hefur mikið gengið á, og meira en maður á að venjast. Það hefur sett strik í reikninginn en það telur ekkert núna, við erum með fullmannaðan hóp og lið sem við teljum að geti farið alla leið.“ Sigrún lék með Norrköping Dolphins í Svíþjóð í fyrra og lætur mjög vel af dvölinni þar. „Ég tók bara eitt tímabil úti. Ég ætlaði að fara aftur út til þeirra en þau gengu ekki í gegn, samningamálin. En þetta var frábær reynsla og mér leið mjög vel úti, ég var heppin með lið, liðsfélaga og þjálfara,“ sagði Sigrún sem stefnir að því að komast aftur út í atvinnumennsku. „Já, algjörlega. Ef það kemur eitthvað kemur upp lít ég að sjálfsögðu á það og skoða hvort það er eitthvað sem mér líst vel á.“
Dominos-deild kvenna Mest lesið Tiger hringdi í Trump til að segja honum frá sambandinu Golf Arne Slot: Við vorum ekki heppnir, reglan er svona Enski boltinn Stuðningsmenn Chelsea og Man. City þurfa að afhenda lögreglu vegabréf sín Enski boltinn Mourinho reif í nefið á stjóra mótherjanna eftir leik Fótbolti Ellefu Íslendingar hluti af hinu eftirsótta eina prósenti í CrossFit heiminum Sport Söfnuðu milljörðum og eiga nú meirihluta í leikvangi félagsins Fótbolti Fjórir vinsælustu leikmennirnir eru konur Körfubolti Kári Jóns meiddist illa á hné í kvöld Körfubolti Dagskráin: Stúkan hitar upp fyrir sumarið og úrslitakeppnin í Bónus karla Sport Einn besti dómari landsins fær ekki leik Körfubolti Fleiri fréttir Fjórir vinsælustu leikmennirnir eru konur Kári Jóns meiddist illa á hné í kvöld Uppgjör: Tindastóll - Keflavík 94-87 | Stólarnir sterkari í lokin Styrmir stigahæstur á vellinum Uppgjörið: Valur - Grindavík 94-89| Valsarar sluppu fyrir horn „Undir okkur komið að hamra járnið á meðan það er heitt“ Einn besti dómari landsins fær ekki leik Jokic skoraði 61 stig en Westbrook eyðilagði allt Fimm fengu bann fyrir slagsmálin „Ekki tími ársins til að fara inn í einhverja skel“ Uppgjörið: Njarðvík 84-75 Stjarnan | Njarðvík tekur foyrsuna í kaflaskiptum leik „Verðum að nýta hvert einasta tækifæri sem við fáum“ Uppgjörið: Þór - Valur 86-92 | Sterkur sigur sóttur í fyrsta leik Pelikanarnir búnir að gefast upp Reiknar ekki með öðru en Chris Paul taki annað tímabil „Ætluðum að gera þetta fyrir hana í kvöld“ „Frábært að stela heimavellinum“ „Gerðum ekki ráð fyrir einhverri rosalegri flugeldasýningu“ Uppgjörið: Keflavík - Tindastóll 92-63 | Keflvíkingar gáfu engin grið Uppgjörið: Haukar - Grindavík 86-91 | Háspenna og framlenging í upphafi úrslitakeppni Vildu sjá Kjartan Atla og Rúnar lenda í slag eins og í NBA Eldmóður í nýjum þjálfara: „Meira en spenntur“ Pekka Salminen nýr landsliðsþjálfari Sjáðu nýjan þjálfara Íslands kynna sig Hópslagsmál í NBA og sjö hent úr húsi Hafa engar áhyggjur af hugarfari Njarðvíkinga Tryggvi með rifu í vöðva og verður frá næstu vikur Svefnlítill Emil sagði stopp en var stressaður fyrir kveðjustundinni Eini þjálfarinn sem hefur orðið deildarmeistari og dottið strax út „Flotti fíni Garðabær á móti Breiðholtinu“ Sjá meira