Tveir menn dæmdir í þriggja ára fangelsi fyrir nauðgun Sunna Kristín Hilmarsdóttir skrifar 9. júní 2016 16:27 Héraðsdómur Reykjavíkur Vísir/Valli Héraðsdómur Reykjavíkur dæmdi í dag tvo karlmenn, þá Inga Björn Ingason og Jakob Viðar Grétarsson, í þriggja ára fangelsi fyrir nauðgun sem átti sér stað á heimili Inga Björns í apríl 2014. Mennirnir eru báðir fæddir árið 1982. Í ákæru var þeim gert að sök að hafa þvingað konu inn í svefnherbergi þar sem þeir héldu henni niðri meðan á kynferðismökum stóð. Nýttu þeir sér bæði yfirburði sína vegna aðstöðu-og aflsmunar og þá staðreynd að hún gat ekki spornað við háttseminni sökum ölvunar. Hlaut konan marbletti á upphandleggi, hægri framhandlegg og hægri sköflung. Mennirnir neituðu báðir sök.Sagði þeim að láta sig í friði og reyndi að sparka í þá Í dómnum kemur fram að konan hafi hitt þá Inga Björn og Jakob Viðar inni á skemmtistaðnum Spot eftir að hún varð viðskila við vini sína. Hún hafi drukkið mikið þetta kvöld og ekki munað hvernig mennirnir tveir færðu hana upp í leigubíl en hún hafi skyndilega verið komin í ókunnugt hús. Málsatvikum er síðan lýst sem svo í dómi héraðsdóms: „Þar hafi ákærðu gripið í báða handleggi brotaþola og við það hafi armbönd hennar slitnað. Þeir hafi farið með hana nauðuga inn í svefnherbergi í íbúðinni og ýtt henni á rúmið. Hún hafi sagt þeim að láta sig í friði og reynt að sparka í þá. Ákærðu hafi leyst skóreimar hennar og tekið hana úr stígvélum. Því næst hafi þeir rifið hana úr sokkabuxum er hún var í. Ákærði Jakob Viðar hafi glennt fætur hennar sundur og haft við hana samfarir. Brotaþoli hafi reynt að komast í burtu en þá hafi ákærði Jakob stungið getnaðarlim sínum í munn hennar og í sama mund hafi ákærði Ingi Björn hafið samfarir við hana. Stuttu síðar hafi ákærði hætt og hún þá komist í burtu. Síminn hennar hafi hringt og hafi hún fundið hann á gólfinu. Fyrrum sambýlismaður hennar, B, hafi verið í símanum og hafi hún beðið hann um aðstoð.“ Á meðal gagna málsins er skýrsla um réttarfræðilega skoðun á konunni sem gerð var sama dag og nauðgunin átti sér stað. Í henni kemur fram að annar maðurinn hafi sagt henni að þeir hefðu tekið nauðgunina upp á myndband. Þá kemur fram í skýrslunni að konan hafi verið með marbletti á höndum og úlnlið sem geti samrýmst frásögn hennar um að henni hafi haldið.Lögðu á ráðin um að samræma sögu sína Þá eru einnig nokkur myndbönd á meðal gagna málsins að því er fram kemur í dómnum. Eitt þeirra er tekið stuttu eftir nauðgunina heima hjá Inga Birni. Í því sést konan standa við svalardyr þar sem hún er að reykja og tala í síma. Á upptökunni heyrist síðan í Jakobi og Inga Birni leggja á ráðin um að samræma sögu sína: „Af hljóðupptöku heyrist er ákærði Jakob hvíslar að ákærða Inga Birni að þeir séu tveir og að brotaþoli hyggist kæra þá. Eigi meðákærði að muna að meðákærði hafi haft samfarir við brotaþola og að ákærði hafi verið í stofunni á móti. Muni ákærði styðja sögu hans.“Framburður konunnar trúverðugur Við mat á sök mannanna lítur fjölskipaður héraðsdómur til þess að framburður mannanna hafi ekki verið á einn veg undir meðförum málsins. Konan hafi aftur á móti verið trúverðug í framburði sínum: „Hefur hún bæði hjá lögreglu sem og fyrir dómi staðhæft að hún muni atvik mjög lítið sökum ölvunar. Mundi hún einungis brot úr atburðarásinni, allt frá því hún varð ákærðu samferða í leigubílnum frá skemmtistaðnum Spot, allt þar til hún varð þess áskynja í [..., ...] að ákærðu hefðu haft við hana samræði. Framburður brotaþola að þessu leyti hefur stoð í gögnum málsins. Þannig ber myndskeið úr myndavél úr leigubifreið sem ákærðu og brotaþoli fóru með þessa nótt þess skýr merki að brotaþoli var mjög ölvuð. Bera svör hennar og athugsemdir við spurningum ákærðu vitni um þetta, auk þess sem augljóst er að brotaþoli er við það að sofna í bifreiðinni. Leiddi það til þess að ákærðu spurðu hana ítrekað í bifreiðinni hvort hún væri nokkuð að sofna. Þá bera myndskeið úr síma ákærða Jakobs Viðars þess merki að brotaþoli var mjög ölvuð í [..., ...]. Kemur fram að hún er illa áttuð og án nærfatnaðar og sokkabuxna, sem hún að eigin sögn gat ekki klætt sig í sökum ástands síns.“ Mennirnir voru því dæmdir í þriggja ára fangelsi eins og áður segir fyrir að nýta sér ástand konuna og misnota hana kynferðislega. Þá voru þeir einnig dæmdir hvor um sig til að borga konunni 1,2 milljónir króna í miskabætur og allan málskostnað.Dóm Héraðsdóms Reykjavíkur má sjá í heild sinni hér. Mest lesið Það sem við vitum og vitum ekki um manndrápið hrottalega Innlent Prestur sakar oddvita um ólýðræðislega hallarbyltingu í veiðifélagi Innlent Sólrún fundin á Spáni Innlent Enn skjálftahrina við Trölladyngju Innlent Stoppaður af vegfaranda sem spurði: „Hvað er þetta?“ Innlent Dregur úr skjálftavirkni í kvikugangi en hrina í Trölladyngju fannst víða Innlent Segir borgstjórn ekki bjóða neinar lausnir - bara óvissu Innlent Ekkert spurst til Sólrúnar á Spáni í nokkra daga Innlent Tólf mánaða fangelsi fyrir að bera sig og áreita börn Innlent Viðbúnaður í Vesturbæ vegna leitar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira
Héraðsdómur Reykjavíkur dæmdi í dag tvo karlmenn, þá Inga Björn Ingason og Jakob Viðar Grétarsson, í þriggja ára fangelsi fyrir nauðgun sem átti sér stað á heimili Inga Björns í apríl 2014. Mennirnir eru báðir fæddir árið 1982. Í ákæru var þeim gert að sök að hafa þvingað konu inn í svefnherbergi þar sem þeir héldu henni niðri meðan á kynferðismökum stóð. Nýttu þeir sér bæði yfirburði sína vegna aðstöðu-og aflsmunar og þá staðreynd að hún gat ekki spornað við háttseminni sökum ölvunar. Hlaut konan marbletti á upphandleggi, hægri framhandlegg og hægri sköflung. Mennirnir neituðu báðir sök.Sagði þeim að láta sig í friði og reyndi að sparka í þá Í dómnum kemur fram að konan hafi hitt þá Inga Björn og Jakob Viðar inni á skemmtistaðnum Spot eftir að hún varð viðskila við vini sína. Hún hafi drukkið mikið þetta kvöld og ekki munað hvernig mennirnir tveir færðu hana upp í leigubíl en hún hafi skyndilega verið komin í ókunnugt hús. Málsatvikum er síðan lýst sem svo í dómi héraðsdóms: „Þar hafi ákærðu gripið í báða handleggi brotaþola og við það hafi armbönd hennar slitnað. Þeir hafi farið með hana nauðuga inn í svefnherbergi í íbúðinni og ýtt henni á rúmið. Hún hafi sagt þeim að láta sig í friði og reynt að sparka í þá. Ákærðu hafi leyst skóreimar hennar og tekið hana úr stígvélum. Því næst hafi þeir rifið hana úr sokkabuxum er hún var í. Ákærði Jakob Viðar hafi glennt fætur hennar sundur og haft við hana samfarir. Brotaþoli hafi reynt að komast í burtu en þá hafi ákærði Jakob stungið getnaðarlim sínum í munn hennar og í sama mund hafi ákærði Ingi Björn hafið samfarir við hana. Stuttu síðar hafi ákærði hætt og hún þá komist í burtu. Síminn hennar hafi hringt og hafi hún fundið hann á gólfinu. Fyrrum sambýlismaður hennar, B, hafi verið í símanum og hafi hún beðið hann um aðstoð.“ Á meðal gagna málsins er skýrsla um réttarfræðilega skoðun á konunni sem gerð var sama dag og nauðgunin átti sér stað. Í henni kemur fram að annar maðurinn hafi sagt henni að þeir hefðu tekið nauðgunina upp á myndband. Þá kemur fram í skýrslunni að konan hafi verið með marbletti á höndum og úlnlið sem geti samrýmst frásögn hennar um að henni hafi haldið.Lögðu á ráðin um að samræma sögu sína Þá eru einnig nokkur myndbönd á meðal gagna málsins að því er fram kemur í dómnum. Eitt þeirra er tekið stuttu eftir nauðgunina heima hjá Inga Birni. Í því sést konan standa við svalardyr þar sem hún er að reykja og tala í síma. Á upptökunni heyrist síðan í Jakobi og Inga Birni leggja á ráðin um að samræma sögu sína: „Af hljóðupptöku heyrist er ákærði Jakob hvíslar að ákærða Inga Birni að þeir séu tveir og að brotaþoli hyggist kæra þá. Eigi meðákærði að muna að meðákærði hafi haft samfarir við brotaþola og að ákærði hafi verið í stofunni á móti. Muni ákærði styðja sögu hans.“Framburður konunnar trúverðugur Við mat á sök mannanna lítur fjölskipaður héraðsdómur til þess að framburður mannanna hafi ekki verið á einn veg undir meðförum málsins. Konan hafi aftur á móti verið trúverðug í framburði sínum: „Hefur hún bæði hjá lögreglu sem og fyrir dómi staðhæft að hún muni atvik mjög lítið sökum ölvunar. Mundi hún einungis brot úr atburðarásinni, allt frá því hún varð ákærðu samferða í leigubílnum frá skemmtistaðnum Spot, allt þar til hún varð þess áskynja í [..., ...] að ákærðu hefðu haft við hana samræði. Framburður brotaþola að þessu leyti hefur stoð í gögnum málsins. Þannig ber myndskeið úr myndavél úr leigubifreið sem ákærðu og brotaþoli fóru með þessa nótt þess skýr merki að brotaþoli var mjög ölvuð. Bera svör hennar og athugsemdir við spurningum ákærðu vitni um þetta, auk þess sem augljóst er að brotaþoli er við það að sofna í bifreiðinni. Leiddi það til þess að ákærðu spurðu hana ítrekað í bifreiðinni hvort hún væri nokkuð að sofna. Þá bera myndskeið úr síma ákærða Jakobs Viðars þess merki að brotaþoli var mjög ölvuð í [..., ...]. Kemur fram að hún er illa áttuð og án nærfatnaðar og sokkabuxna, sem hún að eigin sögn gat ekki klætt sig í sökum ástands síns.“ Mennirnir voru því dæmdir í þriggja ára fangelsi eins og áður segir fyrir að nýta sér ástand konuna og misnota hana kynferðislega. Þá voru þeir einnig dæmdir hvor um sig til að borga konunni 1,2 milljónir króna í miskabætur og allan málskostnað.Dóm Héraðsdóms Reykjavíkur má sjá í heild sinni hér.
Mest lesið Það sem við vitum og vitum ekki um manndrápið hrottalega Innlent Prestur sakar oddvita um ólýðræðislega hallarbyltingu í veiðifélagi Innlent Sólrún fundin á Spáni Innlent Enn skjálftahrina við Trölladyngju Innlent Stoppaður af vegfaranda sem spurði: „Hvað er þetta?“ Innlent Dregur úr skjálftavirkni í kvikugangi en hrina í Trölladyngju fannst víða Innlent Segir borgstjórn ekki bjóða neinar lausnir - bara óvissu Innlent Ekkert spurst til Sólrúnar á Spáni í nokkra daga Innlent Tólf mánaða fangelsi fyrir að bera sig og áreita börn Innlent Viðbúnaður í Vesturbæ vegna leitar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira