Stærstu leikirnir alltaf skemmtilegastir Óskar Ófeigur Jónsson skrifar 2. júní 2016 06:30 Dagný Brynjarsdóttir. mynd/hilmar ksí Íslenska kvennalandsliðið getur annað kvöld stigið risastórt skref í átt að því að tryggja sér sæti á Evrópumótinu í Hollandi aðeins nokkrum dögum áður en karlalandsliðið spilar sinn fyrsta leik á EM í Frakklandi. Stelpurnar eru komnar til Skotlands þar sem fram undan er uppgjör toppliða riðilsins, tveggja liða sem hafa ekki enn tapað stigi í keppninni. Sá leikmaður íslenska liðsins sem þurfti að ferðast langlengst í leikinn en Dagný Brynjarsdóttir sem hefur þegar stimplað sig inn hjá bandaríska atvinnumannaliðinu Portland Thorns. Dagný var að spila leik á sunnudaginn í meira en sjö þúsund kílómetra fjarlægð. Dagný þarf því ekki aðeins að jafna sig á ferðalaginu heldur einnig tímamismuninum sem er átta tímar á milli Portland og Skotlands.Hefur gert þetta mörgum sinnum „Ég er í ágætisæfingu eftir að hafa búið á austurströndinni í fjögur ár en ég viðurkenni alveg að þetta tekur á. Ég er að jafna mig en þekki þetta vel því ég hef þurft að gera þetta mjög mörgum sinnum,“ sagði Dagný þegar Fréttablaðið heyrði í henni en þá var hún á leiðinni á sína aðra æfingu með landsliðinu þann daginn. Dagnýju líst vel á íslenska liðið. „Þetta lítur mjög vel út. Við höfum undirbúið okkur mjög vel og æfingarnar hafa gengið mjög. Ég held að þetta verði hörkuleikur og mjög spennandi,“ segir hún, Dagný yfirgaf Selfoss eftir síðasta tímabil og samdi við Portland Thorns. „Ég er mjög ánægð,“ segir hún. Liðið hefur unnið þrjá leiki og gert fjögur jafntefli sem skilar liðinu upp í annað sætið, stigi á eftir Chicago Red Stars. „Við erum ennþá taplausar en búnar að gera óþarflega mörg jafntefli. Það er samt skárra að fá eitt stig heldur en ekkert,“ segir Dagný. Hún hefur skorað tvö mörk í fyrstu sjö leikjunum og er búin að verja í byrjunarliðinu frá fyrsta leik. „Það er gaman að fá að spila mikið en það er samt ótrúlega mikil samkeppni í liðinu og mikið af stórum nöfnum,“ segir Dagný. Hún hefur spilað 597 mínútur af 630 í boði á tímabilinu. Það hafa tveir leikmenn liðsins spilað meira en hún. Dagný var ekki sú eina í Portland-liðinu sem var á leiðinni í landsliðsverkefnið. „Ég held að við höfum verið tíu af þessum tuttugu manna hópi sem vorum að fara í landsleiki,“ segir Dagný og það segir mikið um styrk Portland-liðsins.Vill sjá hápressuna áfram Skoska liðið hefur unnið fyrstu fimm leiki sína í riðlinum og skorað í þeim 27 mörk eða 5,4 mörk að meðaltali í leik. „Þær eru með hörkulið en ég held að það sé mikilvægt að við spilum okkar leik á móti þeim. Hápressan okkar hefur verið mjög góð og þá höfum verið að spila vel og nýta færin okkar vel í undanförnum landsleikjum,“ segir Dagný sem vill ekki að íslenska liðið breyti um leikstíl frá því í fjórum öruggum sigrum liðsins á slakari liðum riðilsins. „Ég sé enga ástæðu til þess að mæta eitthvað varnarsinnaðri í þennan leik en hina á undan þar sem hápressan okkar hefur verið að virka vel. Við erum með leikmenn til að spila hápressu og erum góðar í því að vinna boltann hátt á vellinum. Það er engin ástæða til að fara að breyta því,“ segir Dagný.Miðjumannahugarfarið Dagný er búin að skora fjögur mörk í fyrstu fjórum leikjunum og er annar markahæsti leikmaður íslenska liðsins í undankeppninni. „Það skiptir ekki öllu máli hver skorar heldur að vinna leikina og skora mörg mörk. Kannski er ég bara með þetta miðjumannahugarfar að vilja bara vinna. Ég mun alltaf spila á manninn í besta færinu,“ segir Dagný. Hún hrósar líka samherjum sínum fyrir óeigingirni. „Það sem mér finnst við vera að gera vel að undanförnu er að við erum ekki að skjóta úr vonlausum færum heldur erum við að finna mennina í bestu færunum. Þess vegna erum við að nýta færin okkar betur og skora fleiri mörk,“ segir Dagný Íslenska liðið er með markatöluna 17-0 og hefur enn ekki fengið á sig mark eftir 360 mínútna leik. Íslenska liðið tryggir sig inn á EM með sigri í riðlinum og stórt skref í átt að því væri að vinna Skotana. „Við ætlum okkur að loka á þeirra sterkustu leikmenn og spila okkar leik. Eins og staðan er núna þá erum við í góðri stöðu til að vinna riðilinn. Ég hef fulla trú á því að við getum gert það. Stærstu leikirnir eru alltaf skemmtilegastir og öllum íþróttamönnum finnst það örugglega. Við höfum verið sterkari en liðin sem við höfum spilað við. Það er spennandi verkefni að fá núna hörkuleik,“ segir Dagný að lokum. Fótbolti Mest lesið Átján ára skíðakona lést á æfingu Sport Í beinni: Álftanes - Tindastóll | Ná heimamenn að töfra fram svör? Körfubolti Sjáðu vélina sem „saumar saman“ Laugardalsvöllinn Íslenski boltinn Aldrei selst fleiri miðar á heimaleik hjá Álftanesi Körfubolti Magnús býður sig fram til forseta ÍSÍ Sport Sara ætlar að komast á heimsleikana í gegnum Afríku Sport Læknir Maradona í réttarsalnum: Hann var mjög erfiður sjúklingur Fótbolti „Hér verður enginn í hættu, það er loforð“ Íslenski boltinn Frederik Schram aftur til Vals: „Enginn svekktari en Ömmi sjálfur“ Íslenski boltinn Hópur Snorra fyrir síðustu leikina: Reynir að verða einn af strákunum okkar Handbolti Fleiri fréttir Tók Karólínu Leu stundarfjórðung að komast á blað Gunnar Jarl reif flautuna af hillunni Þýskt Íslendingalið gjaldþrota Cecilía örugg um silfrið eftir sigur í borgarslagnum Ancelotti skammaði Endrick fyrir trúðslæti inn á vellinum Læknir Maradona í réttarsalnum: Hann var mjög erfiður sjúklingur Fótboltafélagið inn á borð hjá dýraeftilitinu og matvælastofnun Frederik Schram aftur til Vals: „Enginn svekktari en Ömmi sjálfur“ Sjáðu vélina sem „saumar saman“ Laugardalsvöllinn Rikki G mjög forvitinn um dularfullu dolluna hjá Mosfellingum „Hér verður enginn í hættu, það er loforð“ Mörkin úr Bestu deildinni: Vítið sem felldi Víkinga og markaveisla Eyjamanna Frestað vegna andláts sjúkraþjálfarans Kidd kominn í eigendahóp Everton „Beindu þeim inn á miðju og átu þær þar“ „Menn voru að spila af gleði og þá gerast góðir hlutir“ Ósáttur Ólafur á förum Kostulegt viðtal bræðranna eftir sigurinn Uppgjörið: Afturelding - Víkingur 1-0 | Fyrsti sigur Mosfellinga kominn í hús Hlynur Freyr tryggði Brommapojkarna stig Kolbeinn vildi rautt á Arnór Ingva í dramatískum sigri Stuðningsmenn Vestra úti í horni vegna kröfu um aðskilnað Uppgjörið: ÍBV - Fram 3-1 | Verðskuldaður sigur Eyjamanna Pjakkarnir erlendis þegar KR mætir Blikum „Skil bara ekki að KSÍ leyfi þetta“ Sjáðu hetjumark Höskuldar, kvartettinn í Kaplakrika og öll hin frá því í gær Hættir eftir langan tíma og Orri fær nýjan þjálfara Leicester kveður „geitina“ sem félagið sótti í utandeildina Snýr aftur eftir lungnabólguna Liverpool getur tryggt sér titilinn á sunnudaginn Sjá meira
Íslenska kvennalandsliðið getur annað kvöld stigið risastórt skref í átt að því að tryggja sér sæti á Evrópumótinu í Hollandi aðeins nokkrum dögum áður en karlalandsliðið spilar sinn fyrsta leik á EM í Frakklandi. Stelpurnar eru komnar til Skotlands þar sem fram undan er uppgjör toppliða riðilsins, tveggja liða sem hafa ekki enn tapað stigi í keppninni. Sá leikmaður íslenska liðsins sem þurfti að ferðast langlengst í leikinn en Dagný Brynjarsdóttir sem hefur þegar stimplað sig inn hjá bandaríska atvinnumannaliðinu Portland Thorns. Dagný var að spila leik á sunnudaginn í meira en sjö þúsund kílómetra fjarlægð. Dagný þarf því ekki aðeins að jafna sig á ferðalaginu heldur einnig tímamismuninum sem er átta tímar á milli Portland og Skotlands.Hefur gert þetta mörgum sinnum „Ég er í ágætisæfingu eftir að hafa búið á austurströndinni í fjögur ár en ég viðurkenni alveg að þetta tekur á. Ég er að jafna mig en þekki þetta vel því ég hef þurft að gera þetta mjög mörgum sinnum,“ sagði Dagný þegar Fréttablaðið heyrði í henni en þá var hún á leiðinni á sína aðra æfingu með landsliðinu þann daginn. Dagnýju líst vel á íslenska liðið. „Þetta lítur mjög vel út. Við höfum undirbúið okkur mjög vel og æfingarnar hafa gengið mjög. Ég held að þetta verði hörkuleikur og mjög spennandi,“ segir hún, Dagný yfirgaf Selfoss eftir síðasta tímabil og samdi við Portland Thorns. „Ég er mjög ánægð,“ segir hún. Liðið hefur unnið þrjá leiki og gert fjögur jafntefli sem skilar liðinu upp í annað sætið, stigi á eftir Chicago Red Stars. „Við erum ennþá taplausar en búnar að gera óþarflega mörg jafntefli. Það er samt skárra að fá eitt stig heldur en ekkert,“ segir Dagný. Hún hefur skorað tvö mörk í fyrstu sjö leikjunum og er búin að verja í byrjunarliðinu frá fyrsta leik. „Það er gaman að fá að spila mikið en það er samt ótrúlega mikil samkeppni í liðinu og mikið af stórum nöfnum,“ segir Dagný. Hún hefur spilað 597 mínútur af 630 í boði á tímabilinu. Það hafa tveir leikmenn liðsins spilað meira en hún. Dagný var ekki sú eina í Portland-liðinu sem var á leiðinni í landsliðsverkefnið. „Ég held að við höfum verið tíu af þessum tuttugu manna hópi sem vorum að fara í landsleiki,“ segir Dagný og það segir mikið um styrk Portland-liðsins.Vill sjá hápressuna áfram Skoska liðið hefur unnið fyrstu fimm leiki sína í riðlinum og skorað í þeim 27 mörk eða 5,4 mörk að meðaltali í leik. „Þær eru með hörkulið en ég held að það sé mikilvægt að við spilum okkar leik á móti þeim. Hápressan okkar hefur verið mjög góð og þá höfum verið að spila vel og nýta færin okkar vel í undanförnum landsleikjum,“ segir Dagný sem vill ekki að íslenska liðið breyti um leikstíl frá því í fjórum öruggum sigrum liðsins á slakari liðum riðilsins. „Ég sé enga ástæðu til þess að mæta eitthvað varnarsinnaðri í þennan leik en hina á undan þar sem hápressan okkar hefur verið að virka vel. Við erum með leikmenn til að spila hápressu og erum góðar í því að vinna boltann hátt á vellinum. Það er engin ástæða til að fara að breyta því,“ segir Dagný.Miðjumannahugarfarið Dagný er búin að skora fjögur mörk í fyrstu fjórum leikjunum og er annar markahæsti leikmaður íslenska liðsins í undankeppninni. „Það skiptir ekki öllu máli hver skorar heldur að vinna leikina og skora mörg mörk. Kannski er ég bara með þetta miðjumannahugarfar að vilja bara vinna. Ég mun alltaf spila á manninn í besta færinu,“ segir Dagný. Hún hrósar líka samherjum sínum fyrir óeigingirni. „Það sem mér finnst við vera að gera vel að undanförnu er að við erum ekki að skjóta úr vonlausum færum heldur erum við að finna mennina í bestu færunum. Þess vegna erum við að nýta færin okkar betur og skora fleiri mörk,“ segir Dagný Íslenska liðið er með markatöluna 17-0 og hefur enn ekki fengið á sig mark eftir 360 mínútna leik. Íslenska liðið tryggir sig inn á EM með sigri í riðlinum og stórt skref í átt að því væri að vinna Skotana. „Við ætlum okkur að loka á þeirra sterkustu leikmenn og spila okkar leik. Eins og staðan er núna þá erum við í góðri stöðu til að vinna riðilinn. Ég hef fulla trú á því að við getum gert það. Stærstu leikirnir eru alltaf skemmtilegastir og öllum íþróttamönnum finnst það örugglega. Við höfum verið sterkari en liðin sem við höfum spilað við. Það er spennandi verkefni að fá núna hörkuleik,“ segir Dagný að lokum.
Fótbolti Mest lesið Átján ára skíðakona lést á æfingu Sport Í beinni: Álftanes - Tindastóll | Ná heimamenn að töfra fram svör? Körfubolti Sjáðu vélina sem „saumar saman“ Laugardalsvöllinn Íslenski boltinn Aldrei selst fleiri miðar á heimaleik hjá Álftanesi Körfubolti Magnús býður sig fram til forseta ÍSÍ Sport Sara ætlar að komast á heimsleikana í gegnum Afríku Sport Læknir Maradona í réttarsalnum: Hann var mjög erfiður sjúklingur Fótbolti „Hér verður enginn í hættu, það er loforð“ Íslenski boltinn Frederik Schram aftur til Vals: „Enginn svekktari en Ömmi sjálfur“ Íslenski boltinn Hópur Snorra fyrir síðustu leikina: Reynir að verða einn af strákunum okkar Handbolti Fleiri fréttir Tók Karólínu Leu stundarfjórðung að komast á blað Gunnar Jarl reif flautuna af hillunni Þýskt Íslendingalið gjaldþrota Cecilía örugg um silfrið eftir sigur í borgarslagnum Ancelotti skammaði Endrick fyrir trúðslæti inn á vellinum Læknir Maradona í réttarsalnum: Hann var mjög erfiður sjúklingur Fótboltafélagið inn á borð hjá dýraeftilitinu og matvælastofnun Frederik Schram aftur til Vals: „Enginn svekktari en Ömmi sjálfur“ Sjáðu vélina sem „saumar saman“ Laugardalsvöllinn Rikki G mjög forvitinn um dularfullu dolluna hjá Mosfellingum „Hér verður enginn í hættu, það er loforð“ Mörkin úr Bestu deildinni: Vítið sem felldi Víkinga og markaveisla Eyjamanna Frestað vegna andláts sjúkraþjálfarans Kidd kominn í eigendahóp Everton „Beindu þeim inn á miðju og átu þær þar“ „Menn voru að spila af gleði og þá gerast góðir hlutir“ Ósáttur Ólafur á förum Kostulegt viðtal bræðranna eftir sigurinn Uppgjörið: Afturelding - Víkingur 1-0 | Fyrsti sigur Mosfellinga kominn í hús Hlynur Freyr tryggði Brommapojkarna stig Kolbeinn vildi rautt á Arnór Ingva í dramatískum sigri Stuðningsmenn Vestra úti í horni vegna kröfu um aðskilnað Uppgjörið: ÍBV - Fram 3-1 | Verðskuldaður sigur Eyjamanna Pjakkarnir erlendis þegar KR mætir Blikum „Skil bara ekki að KSÍ leyfi þetta“ Sjáðu hetjumark Höskuldar, kvartettinn í Kaplakrika og öll hin frá því í gær Hættir eftir langan tíma og Orri fær nýjan þjálfara Leicester kveður „geitina“ sem félagið sótti í utandeildina Snýr aftur eftir lungnabólguna Liverpool getur tryggt sér titilinn á sunnudaginn Sjá meira