24 látnir í flóðum á Jövu

Að minnsta kosti 24 eru látnir og 26 er saknað eftir mikil flóð á indónesísku eyjunni Jövu í gær. Mikil rigning var í gær sem olli aurskriðum víða á svæðinu.

Indónesíski herinn og lögreglan vinna nú með sjálfboðaliðum til að rýma svæðin sem hafa orðið illa úti og leita þeirra sem enn er saknað.

Júní er alla jafna þurr mánuður í Indónesíu en veðurfræðingar þar í landi vara við því að rigningin geti haldið áfram næstu vikur með tilheyrandi asaflóðum og aurskriðum.