Uma Thurman á batavegi eftir fall af hestbaki

Uma Thurman er á batavegi eftir að hafa brotið nokkur bein þegar hún féll af hestbaki í vikunni.

„Uma varð fyrir því óláni að ungt, hreinræktað trippi kastaði henni af baki þegar hún var að temja hestinn. Hesturinn hafði fælst með þessum afleiðingum,“ sagði talsmaður leikkonunnar í samtali við New York Post.

Talið er að sár hinnar 46 ára gömlu leikkonu, sem þekktust er fyrir leik sinn í Pulp Fiction og Kill Bill tvíleiknum, muni gróa að fullu með tíð og tíma.