Ekki uppskrift íslenska þjálfarans Óskar Ófeigur Jónsson skrifar 8. ágúst 2016 07:00 Þórir Hergeirsson horfði upp á sínar stelpur tapa fyrir Brasilíu á laugardaginn. vísir/anton Þórir Hergeirsson hefur á síðustu tveimur árum gert norska kvennalandsliðið að bæði heims- og Evrópumeisturum og nú eiga norsku stelpurnar möguleika á því að vinna þriðja Ólympíugullið í röð. Þórir var aðstoðarþjálfari þegar fyrsta Ólympíugullið vannst í Peking 2008 en var orðinn aðalþjálfari fyrir fjórum árum í London. Norsku stelpurnar byrjuðu handboltakeppni Ólympíuleikanna í Ríó ekki vel því þær töpuðu með þriggja marka mun á móti heimakonum í Brasilíu snemma á laugardagsmorguninn. Það var mikil stemning á leiknum og miðað við frammistöðu brasilíska liðsins þá getur það farið langt á mótinu. Þórir gagnrýndi sérstaklega markverði sína fyrir frammistöðuna í leiknum á móti Brasilíu. Brasilíska liðið skoraði 31 mark og hvorugur markvörður norska liðsins fann fjölina sína. „Það vantaði mikið varnarlega og markvörslu hjá okkur í þessum leik. Það er óvenjulegt að við séum að verja aðeins 23 til 24 prósent skotanna. Það er ekki nógu gott. Vörnin var í sjálfu sér nógu góð og við eigum því að fá fleiri varða bolta því þá vex vörnin líka,“ sagði Þórir eftir leik.Þórir hefur náð frábærum árangri með norska liðið.vísir/antonBrasilíska liðið var morgunhresst og var komið með fjögurra marka forskot í fyrri hálfleik. Brasilísku áhorfendurnir settu það ekki fyrir sig að leikurinn fór fram svo snemma morguns og norska liðið spilaði ekki bara á móti sjö Brössum inn á vellinum heldur einnig þúsundum í stúkunni. Brassar hafa trú á þessu skemmtilega liði sínu sem vann gull á HM 2013 með nánast sama lið. Þeim sem þekkja til norska liðsins hafa eflaust ekki miklar áhyggjur af þeim norsku þrátt fyrir tap í fyrsta leik. Liðið tapaði fyrsta leik á ÓL í London en kom síðan til baka og vann gullið. Norska liðið varð líka heimsmeistari í desember síðastliðnum þrátt fyrir að hafa tapað fyrsta leik. Þá má einnig rifja það upp að þegar norsku stelpurnar unnu sitt fyrsta HM-gull undir stjórn Þóris þá töpuðu þær einnig sínum fyrsta leik. Sú heimsmeistarakeppni fór einmitt fram í Brasilíu fyrir tæpum fimm árum síðan. „Það er ekkert sem er planað. Brasilía er bara erfiður andstæðingur og eitt besta liðið í heiminum í dag. Þær eru með geysilega reynslu og helmingurinn af liðinu spilaði á Ólympíuleikunum í Peking 2008 og næstum því allar voru með í London,“ segir Þórir og bætir við. „Þær eru búnar að vera saman lengi, eru með rosalega sterkt lið og það er engin spurning um að þetta lið er medalíukandídat. Ef þú ert ekki að spila betur varnarlega en við gerðum í dag þá vinnur þú ekki á móti svona liði,“ segir Þórir. Hann neitar því þó ekki að bæði hann og norsku stelpurnar þekki þessa stöðu og það hvað þarf til ef liðið á að vinna sig inn í mótið. „Það er gott að vita að við höfum komið til baka eftir tap í fyrsta leik. Við höfum mjög mikinn liðsanda og við eigum eftir að koma til baka. Það er samt ekki nóg að segja: „Við byrjum illa og svo bara kemur þetta.“ Þetta kemur ekki af sjálfu sér heldur er þetta mikil vinna,“ segir Þórir. Hann er heldur ekkert að hugsa um einhver verðlaun strax enda kannski engin ástæða til þegar liðið hans stendur uppi stigalaust eftir fyrsta leik. „Við ætlum fyrst að koma okkur í bikarleikina. Við þurfum að komast í átta liða úrslit og það er aðalmálið núna,“ sagði Þórir. Fyrsta skrefið er leikur á móti Spáni í dag. Spænska liðið sýndi að þar fer öflugt lið en þær spænsku unnu Svartfjallaland í fyrsta leik sínum. Ólympíuleikar 2016 í Ríó Mest lesið Tiger hringdi í Trump til að segja honum frá sambandinu Golf Ellefu Íslendingar hluti af hinu eftirsótta eina prósenti í CrossFit heiminum Sport Arne Slot: Við vorum ekki heppnir, reglan er svona Enski boltinn Stuðningsmenn Chelsea og Man. City þurfa að afhenda lögreglu vegabréf sín Enski boltinn Mourinho reif í nefið á stjóra mótherjanna eftir leik Fótbolti Söfnuðu milljörðum og eiga nú meirihluta í leikvangi félagsins Fótbolti Fjórir vinsælustu leikmennirnir eru konur Körfubolti Kári Jóns meiddist illa á hné í kvöld Körfubolti Dagskráin: Stúkan hitar upp fyrir sumarið og úrslitakeppnin í Bónus karla Sport Einn besti dómari landsins fær ekki leik Körfubolti Fleiri fréttir Ómar Ingi markahæstur í sigri í Meistaradeildinni Súrt kvöld fyrir íslensku landsliðskonurnar „Eins og draumur að rætast“ Íslendingalið í átta liða úrslit Evrópudeildarinnar Þórey aftur inn í landsliðið: „Þurftum bara aðeins að hreinsa andrúmsloftið“ Valskonur fá seinni leikinn heima KA kaus að losa sig við þjálfarann Íslendingalið í bullandi tapi og getur ekki sótt fleiri stjörnur Köstuðu blysum en segja hina hafa hrækt og hellt bjór á leikmenn „Okkar besti leikur á tímabilinu“ „Forréttindi að fá að vera hluti af þessu liði“ Skara í undanúrslit eftir vítakeppni Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Andrea í undanúrslit eftir dramatík í vító „Getum brotið blað í sögu handboltans“ „Getum gert góða hluti gegn þessu liði“ Haukar úr leik í Evrópubikarnum eftir stórt tap úti í Bosníu Þórsarar tryggðu sér úrvalsdeildarsæti með sigri í lokaumferðinni Elvar markahæstur í endurkomu úr meiðslum „Þær eru steiktar en þær eru líka geggjaðar“ Andri Már markahæstur en Ýmir hafði betur í Íslendingaslagnum Aldís Ásta og félagar í lykilstöðu eftir stórsigur Sveinbjörn bikarmeistari í Ísrael „Væri helvíti gaman að enda ferilinn svona“ Sorrí Valdi og allir hinir Var ósátt en er nú mætt aftur í landsliðið „Trúi ekki öðru en að við fáum fullt hús af áhorfendum“ Varði fimm skot gegn gömlu félögunum Uppgjörið: Grótta - Valur 19-30 | Meistararnir eru deildarmeistarar Oddaleikur framundan milli Íslendingaliðanna Sjá meira
Þórir Hergeirsson hefur á síðustu tveimur árum gert norska kvennalandsliðið að bæði heims- og Evrópumeisturum og nú eiga norsku stelpurnar möguleika á því að vinna þriðja Ólympíugullið í röð. Þórir var aðstoðarþjálfari þegar fyrsta Ólympíugullið vannst í Peking 2008 en var orðinn aðalþjálfari fyrir fjórum árum í London. Norsku stelpurnar byrjuðu handboltakeppni Ólympíuleikanna í Ríó ekki vel því þær töpuðu með þriggja marka mun á móti heimakonum í Brasilíu snemma á laugardagsmorguninn. Það var mikil stemning á leiknum og miðað við frammistöðu brasilíska liðsins þá getur það farið langt á mótinu. Þórir gagnrýndi sérstaklega markverði sína fyrir frammistöðuna í leiknum á móti Brasilíu. Brasilíska liðið skoraði 31 mark og hvorugur markvörður norska liðsins fann fjölina sína. „Það vantaði mikið varnarlega og markvörslu hjá okkur í þessum leik. Það er óvenjulegt að við séum að verja aðeins 23 til 24 prósent skotanna. Það er ekki nógu gott. Vörnin var í sjálfu sér nógu góð og við eigum því að fá fleiri varða bolta því þá vex vörnin líka,“ sagði Þórir eftir leik.Þórir hefur náð frábærum árangri með norska liðið.vísir/antonBrasilíska liðið var morgunhresst og var komið með fjögurra marka forskot í fyrri hálfleik. Brasilísku áhorfendurnir settu það ekki fyrir sig að leikurinn fór fram svo snemma morguns og norska liðið spilaði ekki bara á móti sjö Brössum inn á vellinum heldur einnig þúsundum í stúkunni. Brassar hafa trú á þessu skemmtilega liði sínu sem vann gull á HM 2013 með nánast sama lið. Þeim sem þekkja til norska liðsins hafa eflaust ekki miklar áhyggjur af þeim norsku þrátt fyrir tap í fyrsta leik. Liðið tapaði fyrsta leik á ÓL í London en kom síðan til baka og vann gullið. Norska liðið varð líka heimsmeistari í desember síðastliðnum þrátt fyrir að hafa tapað fyrsta leik. Þá má einnig rifja það upp að þegar norsku stelpurnar unnu sitt fyrsta HM-gull undir stjórn Þóris þá töpuðu þær einnig sínum fyrsta leik. Sú heimsmeistarakeppni fór einmitt fram í Brasilíu fyrir tæpum fimm árum síðan. „Það er ekkert sem er planað. Brasilía er bara erfiður andstæðingur og eitt besta liðið í heiminum í dag. Þær eru með geysilega reynslu og helmingurinn af liðinu spilaði á Ólympíuleikunum í Peking 2008 og næstum því allar voru með í London,“ segir Þórir og bætir við. „Þær eru búnar að vera saman lengi, eru með rosalega sterkt lið og það er engin spurning um að þetta lið er medalíukandídat. Ef þú ert ekki að spila betur varnarlega en við gerðum í dag þá vinnur þú ekki á móti svona liði,“ segir Þórir. Hann neitar því þó ekki að bæði hann og norsku stelpurnar þekki þessa stöðu og það hvað þarf til ef liðið á að vinna sig inn í mótið. „Það er gott að vita að við höfum komið til baka eftir tap í fyrsta leik. Við höfum mjög mikinn liðsanda og við eigum eftir að koma til baka. Það er samt ekki nóg að segja: „Við byrjum illa og svo bara kemur þetta.“ Þetta kemur ekki af sjálfu sér heldur er þetta mikil vinna,“ segir Þórir. Hann er heldur ekkert að hugsa um einhver verðlaun strax enda kannski engin ástæða til þegar liðið hans stendur uppi stigalaust eftir fyrsta leik. „Við ætlum fyrst að koma okkur í bikarleikina. Við þurfum að komast í átta liða úrslit og það er aðalmálið núna,“ sagði Þórir. Fyrsta skrefið er leikur á móti Spáni í dag. Spænska liðið sýndi að þar fer öflugt lið en þær spænsku unnu Svartfjallaland í fyrsta leik sínum.
Ólympíuleikar 2016 í Ríó Mest lesið Tiger hringdi í Trump til að segja honum frá sambandinu Golf Ellefu Íslendingar hluti af hinu eftirsótta eina prósenti í CrossFit heiminum Sport Arne Slot: Við vorum ekki heppnir, reglan er svona Enski boltinn Stuðningsmenn Chelsea og Man. City þurfa að afhenda lögreglu vegabréf sín Enski boltinn Mourinho reif í nefið á stjóra mótherjanna eftir leik Fótbolti Söfnuðu milljörðum og eiga nú meirihluta í leikvangi félagsins Fótbolti Fjórir vinsælustu leikmennirnir eru konur Körfubolti Kári Jóns meiddist illa á hné í kvöld Körfubolti Dagskráin: Stúkan hitar upp fyrir sumarið og úrslitakeppnin í Bónus karla Sport Einn besti dómari landsins fær ekki leik Körfubolti Fleiri fréttir Ómar Ingi markahæstur í sigri í Meistaradeildinni Súrt kvöld fyrir íslensku landsliðskonurnar „Eins og draumur að rætast“ Íslendingalið í átta liða úrslit Evrópudeildarinnar Þórey aftur inn í landsliðið: „Þurftum bara aðeins að hreinsa andrúmsloftið“ Valskonur fá seinni leikinn heima KA kaus að losa sig við þjálfarann Íslendingalið í bullandi tapi og getur ekki sótt fleiri stjörnur Köstuðu blysum en segja hina hafa hrækt og hellt bjór á leikmenn „Okkar besti leikur á tímabilinu“ „Forréttindi að fá að vera hluti af þessu liði“ Skara í undanúrslit eftir vítakeppni Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Andrea í undanúrslit eftir dramatík í vító „Getum brotið blað í sögu handboltans“ „Getum gert góða hluti gegn þessu liði“ Haukar úr leik í Evrópubikarnum eftir stórt tap úti í Bosníu Þórsarar tryggðu sér úrvalsdeildarsæti með sigri í lokaumferðinni Elvar markahæstur í endurkomu úr meiðslum „Þær eru steiktar en þær eru líka geggjaðar“ Andri Már markahæstur en Ýmir hafði betur í Íslendingaslagnum Aldís Ásta og félagar í lykilstöðu eftir stórsigur Sveinbjörn bikarmeistari í Ísrael „Væri helvíti gaman að enda ferilinn svona“ Sorrí Valdi og allir hinir Var ósátt en er nú mætt aftur í landsliðið „Trúi ekki öðru en að við fáum fullt hús af áhorfendum“ Varði fimm skot gegn gömlu félögunum Uppgjörið: Grótta - Valur 19-30 | Meistararnir eru deildarmeistarar Oddaleikur framundan milli Íslendingaliðanna Sjá meira
Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða