John Oliver tekur lögregluna fyrir

Grínistinn John Oliver tók lögregluna í Bandaríkjunum fyrir í nýjasta þætti sínum Last Week Tonight í gær. Þar fór hann yfir þau ferli sem eru til staðar til að rannsaka lögregluþjóna, hvernig þau virka og hvort þau virka.

Fjölmörg atvik hafa komið upp þar sem lögregluþjónar hafa skotið óvopnaða svarta menn til bana og hafa þau atvik valdið fjölda mótmæla víða um Bandaríkin.

Eins og oft áður tekst Oliver að nálgast alvarlegt málefni á skondinn og í senn mjög fræðandi hátt.