Ömurlegur endir á Íslandsdvöl í Jökulsárlóni: „Is it our car?“ Kolbeinn Tumi Daðason skrifar 3. nóvember 2016 09:15 Ljósin kviknuð og bíllinn á leiðinni ofan í Jökulsárlón. Mynd/Jónas Jónasson Erlendir ferðamenn fengu heldur súra upplifun á lokadegi sínum á Íslandi í gær. Eftir að hafa virt Jökulsárlón fyrir sér í nokkrar mínútur í rökkrinu á sjöunda tímanum í gær sáu þau óvænta sjón í lóninu. Ekki voru það selir á svamli eða ísjakar að brotna í þetta skiptið. Bíll var kominn út í lónið. Ferðamennirnir fullyrða að bíllinn hafi verið í handbremsu. Jónas Jónasson, leiðsögumaður sem var með sjö manna hóp í lóninu í gær, varð vitni að uppákomunni sem skaut fólki skelk í bringu í fyrstu. „Við vorum mjög óttaslegin fyrst. Héldum fyrst að einhver væri inni í bílnum, að þetta væri sjálfsvíg. Þetta var eitthvað svo út í bláinn,“ segir Jónas í samtali við Vísi. Skömmu áður hafði Jónas rennt í hlað með hóp sinn og rétt á eftir þeim kom erlenda parið og lagði við hliðina. Jónas áttaði sig á því að um þann bíl var að ræða og skömmu síðar heyrði hann spurt: „Is it our car?“ Lögreglumaður ræðir við ökumanninn seinheppna á vettvangi árið 2007.MYND/Óðinn Árnason Allur farangurinn í bílnum Jónas hringdi í 112 og tilkynnti atvikið og gat um leið upplýst lögreglu um að engin hætta væri á ferðum þótt tjónið væri eitthvað. Allur farangur parsins, pilts frá Frakklandi og stúlku frá Taílandi, var í bílnum. Þar með talinn flugmiði og vegabréf. Allt í rauninni nema myndavélarnar sem þau voru að nota til að mynda lónið í bak og fyrir.Stúlkunni var sérstaklega brugðið og grét í geðshræringu. Þau leituðu í framhaldinu til starfsfólksins í þjónustumiðstöðinni.Að neðan má sjá myndband sem Jónas tók af bílnum fljótandi í Jökulsárlóni.Að minnsta kosti tvisvar hefur það gerst undanfarin tíu ár að bíll hafnar í lóninu. Vísir greindi frá því árið 2007, þegar Pólverji var stálheppinn að bíllinn fór ekki alla leið út í Lónið, og RÚV árið 2012 þegar sömuleiðis var ekki gengið nægjanlega vel frá bílnum.Jónas segir hóp sinn, sem er allur skipaður konum frá Ástralíu, Hong Kong, Bandaríkjunum og víðar, hafa verið brugðið í fyrstu en svo hafi uppákoman kryddað daginn þeirra. Þetta sé ekki eitthvað sem fólk sjái á hverjum degi. Það hafi í raun verið mögnuð sjón að fylgjast með bílnum í lóninu.Bíllinn í Lóninu í gær áður en hann fór niður í soginu.Mynd/JónasLjósin og rúðuþurrkur í gang „Það var magnað hvað hann flaut, líklega í tíu til fimmtán mínútur,“ segir Jónas. Til að byrja með flaut hann nokkuð hátt í lóninu. Þegar bíllinn byrjaði svo að sökkva gerðist það hratt. Þá hafði kviknað á ljósunum á bílnum og rúðuþurrkurnar voru farnar á fullt.Jónas ræddi við hóp sinn og sagði líklegustu skýringuna vera þá að gleymst hefði að setja bílinn í handbremsu. Já, eða handbremsudraugurinn hefði verið á vettvangi enda virðist það vera orðið endurtekið vandamál að bílar hafni í Jökulsárlóni.Að neðan má sjá myndband af bílnum sökkva í lónið.Slys hefðu hæglega getað orðið á fólki þegar bíllinn rann af stað. Tvennt var í fjöruborðinu þegar þau heyrðu bílinn renna niður af bílastæðinu og í átt að lóninu. Hefðu viðkomandi til dæmis verið með tónlist í eyrum hefðu þau orðið fyrir bílnum sem var á töluverðri ferð að sögn Jónasar. Hann veltir fyrir sér, í ljósi þess að um endurtekið vandamál virðist vera að ræða, hvort ekki þurfi að koma upp einhverjum þröskuldum á bílastæðið til að hindra að þetta geti gerst.Jónas er á sjö daga ferð um landið í fyrstu ferð ársins hjá Extreme Iceland. Þau ætla aftur í lónið í fyrramálið en þau gista í Gerði við Hala, austan af Jökulsárlóni. Þau ætla að virða lónið fyrir sér aftur í fyrramálið.Uppfært klukkan 9:45Ferðamenn í hópi Jónasar ræddu við parið eftir að bíllinn rann út í lónið. Þau fullyrða að handbremsan hafi verið á og segjast ekki skilja hvernig þetta hafi getað gerst. Þá er rétt að taka fram að ástæða þess að bíllinn flaut svo lengi er sú að hann hefur verið lokaður, allir gluggar lokaðir, og loft ekki komist inn. Hefðu rúður verið niðri hefði hann sokkið um leið. Ferðamennska á Íslandi Mest lesið Full ástæða til að vara foreldra við Innlent Merki Coolbet fjarlægt eftir símtal fréttamanns Innlent Með veiðistangir en neituðu því að hafa verið að veiða Innlent Skökk gangstéttarhella eyðilagði líf Ragnheiðar Innlent Biðst velvirðingar á myndbirtingunni Innlent Útskýrir ummælin um barnlausar kattarkonur Erlent Málið óheppilegt og mjög klaufalegt Innlent Bálhýsi á skógræktarsvæði á Borg í Grímsnesi Innlent Ekki verið ætlun þeirra að gera bílakaupin opinber Innlent FBI dregur forstjórann í land og staðfestir að Trump hafi orðið fyrir byssukúlu Erlent Fleiri fréttir Bílakaup verðandi forseta og Druslugangan Lögreglan búin að finna manninn sem beraði sig Skipuleggjendur Druslugöngunnar þurftu fljótlega að loka fyrir innsendingar Skökk gangstéttarhella eyðilagði líf Ragnheiðar Merki Coolbet fjarlægt eftir símtal fréttamanns Bálhýsi á skógræktarsvæði á Borg í Grímsnesi Biðst velvirðingar á myndbirtingunni Með veiðistangir en neituðu því að hafa verið að veiða Full ástæða til að vara foreldra við Málið óheppilegt og mjög klaufalegt Fíkniefni á samfélagsmiðlum og bílakaup verðandi forseta Ekki verið ætlun þeirra að gera bílakaupin opinber Forstjóri Brimborgar á athyglisverðum gestalista Höllu Kæra Byko vegna límmiða úr sögunni Ármúlinn verði vel nothæfur leikskóli eftir tvær vikur Hnífamaðurinn í Lundi áfram bak við lás og slá „Hann meiddi mig ekki mikið“ Umboðsmaður barna krefst svara um nýtt námsmat Sala á fíkniefnum fari fram fyrir opnum tjöldum Ferðamennirnir lausir úr haldi eftir líkamsárás Sala fíkniefna fyrir opnum tjöldum og stemmning á Húsavík Ný líkön sýna umfang hraunsins Allt í háaloft þegar faðirinn sneri til baka úr veikindaleyfi Óbreyttir bændur í Mýrdalnum hafi ekki efni á malbiki Ragnar Þór kennir Pawel eitt og annað í kennslufræðum Segir málið hið sérkennilegasta og krefst svara Boðar laugardagsbongó Verstu skemmdarverk í sögu Lystigarðsins Ók gegn rauðu ljósi og olli hörðum árekstri Vörumerkistákn við fréttir RÚV að kröfu Ólympíunefndarinnar Sjá meira
Erlendir ferðamenn fengu heldur súra upplifun á lokadegi sínum á Íslandi í gær. Eftir að hafa virt Jökulsárlón fyrir sér í nokkrar mínútur í rökkrinu á sjöunda tímanum í gær sáu þau óvænta sjón í lóninu. Ekki voru það selir á svamli eða ísjakar að brotna í þetta skiptið. Bíll var kominn út í lónið. Ferðamennirnir fullyrða að bíllinn hafi verið í handbremsu. Jónas Jónasson, leiðsögumaður sem var með sjö manna hóp í lóninu í gær, varð vitni að uppákomunni sem skaut fólki skelk í bringu í fyrstu. „Við vorum mjög óttaslegin fyrst. Héldum fyrst að einhver væri inni í bílnum, að þetta væri sjálfsvíg. Þetta var eitthvað svo út í bláinn,“ segir Jónas í samtali við Vísi. Skömmu áður hafði Jónas rennt í hlað með hóp sinn og rétt á eftir þeim kom erlenda parið og lagði við hliðina. Jónas áttaði sig á því að um þann bíl var að ræða og skömmu síðar heyrði hann spurt: „Is it our car?“ Lögreglumaður ræðir við ökumanninn seinheppna á vettvangi árið 2007.MYND/Óðinn Árnason Allur farangurinn í bílnum Jónas hringdi í 112 og tilkynnti atvikið og gat um leið upplýst lögreglu um að engin hætta væri á ferðum þótt tjónið væri eitthvað. Allur farangur parsins, pilts frá Frakklandi og stúlku frá Taílandi, var í bílnum. Þar með talinn flugmiði og vegabréf. Allt í rauninni nema myndavélarnar sem þau voru að nota til að mynda lónið í bak og fyrir.Stúlkunni var sérstaklega brugðið og grét í geðshræringu. Þau leituðu í framhaldinu til starfsfólksins í þjónustumiðstöðinni.Að neðan má sjá myndband sem Jónas tók af bílnum fljótandi í Jökulsárlóni.Að minnsta kosti tvisvar hefur það gerst undanfarin tíu ár að bíll hafnar í lóninu. Vísir greindi frá því árið 2007, þegar Pólverji var stálheppinn að bíllinn fór ekki alla leið út í Lónið, og RÚV árið 2012 þegar sömuleiðis var ekki gengið nægjanlega vel frá bílnum.Jónas segir hóp sinn, sem er allur skipaður konum frá Ástralíu, Hong Kong, Bandaríkjunum og víðar, hafa verið brugðið í fyrstu en svo hafi uppákoman kryddað daginn þeirra. Þetta sé ekki eitthvað sem fólk sjái á hverjum degi. Það hafi í raun verið mögnuð sjón að fylgjast með bílnum í lóninu.Bíllinn í Lóninu í gær áður en hann fór niður í soginu.Mynd/JónasLjósin og rúðuþurrkur í gang „Það var magnað hvað hann flaut, líklega í tíu til fimmtán mínútur,“ segir Jónas. Til að byrja með flaut hann nokkuð hátt í lóninu. Þegar bíllinn byrjaði svo að sökkva gerðist það hratt. Þá hafði kviknað á ljósunum á bílnum og rúðuþurrkurnar voru farnar á fullt.Jónas ræddi við hóp sinn og sagði líklegustu skýringuna vera þá að gleymst hefði að setja bílinn í handbremsu. Já, eða handbremsudraugurinn hefði verið á vettvangi enda virðist það vera orðið endurtekið vandamál að bílar hafni í Jökulsárlóni.Að neðan má sjá myndband af bílnum sökkva í lónið.Slys hefðu hæglega getað orðið á fólki þegar bíllinn rann af stað. Tvennt var í fjöruborðinu þegar þau heyrðu bílinn renna niður af bílastæðinu og í átt að lóninu. Hefðu viðkomandi til dæmis verið með tónlist í eyrum hefðu þau orðið fyrir bílnum sem var á töluverðri ferð að sögn Jónasar. Hann veltir fyrir sér, í ljósi þess að um endurtekið vandamál virðist vera að ræða, hvort ekki þurfi að koma upp einhverjum þröskuldum á bílastæðið til að hindra að þetta geti gerst.Jónas er á sjö daga ferð um landið í fyrstu ferð ársins hjá Extreme Iceland. Þau ætla aftur í lónið í fyrramálið en þau gista í Gerði við Hala, austan af Jökulsárlóni. Þau ætla að virða lónið fyrir sér aftur í fyrramálið.Uppfært klukkan 9:45Ferðamenn í hópi Jónasar ræddu við parið eftir að bíllinn rann út í lónið. Þau fullyrða að handbremsan hafi verið á og segjast ekki skilja hvernig þetta hafi getað gerst. Þá er rétt að taka fram að ástæða þess að bíllinn flaut svo lengi er sú að hann hefur verið lokaður, allir gluggar lokaðir, og loft ekki komist inn. Hefðu rúður verið niðri hefði hann sokkið um leið.
Ferðamennska á Íslandi Mest lesið Full ástæða til að vara foreldra við Innlent Merki Coolbet fjarlægt eftir símtal fréttamanns Innlent Með veiðistangir en neituðu því að hafa verið að veiða Innlent Skökk gangstéttarhella eyðilagði líf Ragnheiðar Innlent Biðst velvirðingar á myndbirtingunni Innlent Útskýrir ummælin um barnlausar kattarkonur Erlent Málið óheppilegt og mjög klaufalegt Innlent Bálhýsi á skógræktarsvæði á Borg í Grímsnesi Innlent Ekki verið ætlun þeirra að gera bílakaupin opinber Innlent FBI dregur forstjórann í land og staðfestir að Trump hafi orðið fyrir byssukúlu Erlent Fleiri fréttir Bílakaup verðandi forseta og Druslugangan Lögreglan búin að finna manninn sem beraði sig Skipuleggjendur Druslugöngunnar þurftu fljótlega að loka fyrir innsendingar Skökk gangstéttarhella eyðilagði líf Ragnheiðar Merki Coolbet fjarlægt eftir símtal fréttamanns Bálhýsi á skógræktarsvæði á Borg í Grímsnesi Biðst velvirðingar á myndbirtingunni Með veiðistangir en neituðu því að hafa verið að veiða Full ástæða til að vara foreldra við Málið óheppilegt og mjög klaufalegt Fíkniefni á samfélagsmiðlum og bílakaup verðandi forseta Ekki verið ætlun þeirra að gera bílakaupin opinber Forstjóri Brimborgar á athyglisverðum gestalista Höllu Kæra Byko vegna límmiða úr sögunni Ármúlinn verði vel nothæfur leikskóli eftir tvær vikur Hnífamaðurinn í Lundi áfram bak við lás og slá „Hann meiddi mig ekki mikið“ Umboðsmaður barna krefst svara um nýtt námsmat Sala á fíkniefnum fari fram fyrir opnum tjöldum Ferðamennirnir lausir úr haldi eftir líkamsárás Sala fíkniefna fyrir opnum tjöldum og stemmning á Húsavík Ný líkön sýna umfang hraunsins Allt í háaloft þegar faðirinn sneri til baka úr veikindaleyfi Óbreyttir bændur í Mýrdalnum hafi ekki efni á malbiki Ragnar Þór kennir Pawel eitt og annað í kennslufræðum Segir málið hið sérkennilegasta og krefst svara Boðar laugardagsbongó Verstu skemmdarverk í sögu Lystigarðsins Ók gegn rauðu ljósi og olli hörðum árekstri Vörumerkistákn við fréttir RÚV að kröfu Ólympíunefndarinnar Sjá meira