Ljóð Sigurðar Pálssonar seljast og seljast og seljast og seljast Jakob Bjarnar skrifar 23. nóvember 2016 15:01 Sigurður Pálsson er að upplifa það nú á efri árum að selja ljóð sín í stórum stíl og árita baki í brotnu. visir/stefán „Það er fáheyrt að nýútkomin ljóðabók blandi sér í metsölubókaslaginn en sú er raunin með Ljóð muna rödd eftir Sigurð Pálsson sem er langsöluhæsta ljóðabókin,“ segir Egill Örn Jóhannsson, framkvæmdastjóri Forlagsins. Þetta sætir tíðindum. Ljóðið ratar til sinna, er stundum sagt, af mikilli hógværð en þá er vísað til þess að þau séu ekki engin sérstök markaðsvara. Hins vegar brá svo við að fyrsta prentun bókar Sigurðar seldist upp og var bók hans endurprentuð í enn stærra viðbótarupplag en dæmi eru um þegar ljóðabækur eiga í hlut. Nú er önnur prentun að klárast og verið að undirbúa þriðju prentun. „Á bókamessunni í Hörpunni varð atgangur í öskjunni þegar Sigurður áritaði bókina fyrir kaupendur báða daga messunnar og má segja að röð hafi verið útúr dyrum Hörpunnar þegar Sigurður sat við og áritaði. Birgðirnar hurfu eins og dögg fyrir sólu og þurfti í tvígang á neyðarsendingum á bókum að halda, slík var eftirspurnin,“ segir Egill Örn.Þeir Forlags-feðgar eru ánægðir með gott gengi síns manns.Egill bendir jafnframt á að bókin hefur hlotið einróma lof gagnrýnenda og lesenda og sögð meistaraverk. Bókin kemur út við sérstakar aðstæður en eins og komið hefur fram í viðtölum við skáldið þá glímir hann við ólæknandi krabbamein. Mörg ljóðanna fjalla um þá stöðu að standa frammi fyrir dauðanum en höfundur gerir það á sinn fallega hátt og lofsyngur ekki síður lífið og kærleikann í bókinni. Jóhann Páll Valdimarsson útgefandi Forlagsins er ánægður: „Fátt getur glatt mig meira en einstæðar móttökur við ljóðabók Sigurðar Pálssonar. Leið okkar í útgáfunni hefur legið saman frá og með hans annarri bók og samstarfið alltaf verið einstaklega ánægjulegt enda leitun að betri manni og skáldi en Sigurði. Hann er einstakur öðlingsdrengur.“ Mest lesið Villi Vill segir Gísla Örn gera stór mistök Lífið „Það var eiginlega ég sem bað hann um að giftast mér, held ég“ Lífið Sleit sambandinu með símtali Lífið Bara með bótox og biður um að vera látin í friði Lífið Kolbeinn Sigþórsson selur útsýnisíbúð á Kársnesinu Lífið „Þarna fékk ég að kynnast því hvað þunglyndi er“ Lífið „Smá stress en alltaf jafn skemmtilegt“ að elda ofan í Ramsay Matur „Hugsuðum hver andskotinn væri í gangi“ Lífið Heiðar Logi og Anny Björk eiga von á barni Lífið Komi heim úr fjölskyldufríinu með laskað mannorð og kvenhylli Lífið Fleiri fréttir Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
„Það er fáheyrt að nýútkomin ljóðabók blandi sér í metsölubókaslaginn en sú er raunin með Ljóð muna rödd eftir Sigurð Pálsson sem er langsöluhæsta ljóðabókin,“ segir Egill Örn Jóhannsson, framkvæmdastjóri Forlagsins. Þetta sætir tíðindum. Ljóðið ratar til sinna, er stundum sagt, af mikilli hógværð en þá er vísað til þess að þau séu ekki engin sérstök markaðsvara. Hins vegar brá svo við að fyrsta prentun bókar Sigurðar seldist upp og var bók hans endurprentuð í enn stærra viðbótarupplag en dæmi eru um þegar ljóðabækur eiga í hlut. Nú er önnur prentun að klárast og verið að undirbúa þriðju prentun. „Á bókamessunni í Hörpunni varð atgangur í öskjunni þegar Sigurður áritaði bókina fyrir kaupendur báða daga messunnar og má segja að röð hafi verið útúr dyrum Hörpunnar þegar Sigurður sat við og áritaði. Birgðirnar hurfu eins og dögg fyrir sólu og þurfti í tvígang á neyðarsendingum á bókum að halda, slík var eftirspurnin,“ segir Egill Örn.Þeir Forlags-feðgar eru ánægðir með gott gengi síns manns.Egill bendir jafnframt á að bókin hefur hlotið einróma lof gagnrýnenda og lesenda og sögð meistaraverk. Bókin kemur út við sérstakar aðstæður en eins og komið hefur fram í viðtölum við skáldið þá glímir hann við ólæknandi krabbamein. Mörg ljóðanna fjalla um þá stöðu að standa frammi fyrir dauðanum en höfundur gerir það á sinn fallega hátt og lofsyngur ekki síður lífið og kærleikann í bókinni. Jóhann Páll Valdimarsson útgefandi Forlagsins er ánægður: „Fátt getur glatt mig meira en einstæðar móttökur við ljóðabók Sigurðar Pálssonar. Leið okkar í útgáfunni hefur legið saman frá og með hans annarri bók og samstarfið alltaf verið einstaklega ánægjulegt enda leitun að betri manni og skáldi en Sigurði. Hann er einstakur öðlingsdrengur.“
Mest lesið Villi Vill segir Gísla Örn gera stór mistök Lífið „Það var eiginlega ég sem bað hann um að giftast mér, held ég“ Lífið Sleit sambandinu með símtali Lífið Bara með bótox og biður um að vera látin í friði Lífið Kolbeinn Sigþórsson selur útsýnisíbúð á Kársnesinu Lífið „Þarna fékk ég að kynnast því hvað þunglyndi er“ Lífið „Smá stress en alltaf jafn skemmtilegt“ að elda ofan í Ramsay Matur „Hugsuðum hver andskotinn væri í gangi“ Lífið Heiðar Logi og Anny Björk eiga von á barni Lífið Komi heim úr fjölskyldufríinu með laskað mannorð og kvenhylli Lífið Fleiri fréttir Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira