Eyddu nóttinni á salerni á Old Trafford: Hér er myndbandið

Tveir stuðningsmenn Manchester United dvöldu næturlangt á salerni á Old Trafford, heimavelli félagsins, aðfaranótt laugardags.

Þeir hafa nú ákveðið að birta myndband sem sýnir hvernig þeir fóru að öllu saman.

Vinirnir voru í skoðunarferð um Old Trafford en létu sig hverfa í miðjum klíðum í þeim tilgangi til að fela sig og komast þannig á leik United og Arsenal sem fór fram í hádeginu á laugardag.

Sjá einnig: Nótt inni á klósetti á Old Trafford til einskis

Þeir voru þó uppgötvaðir á laugardagsmorgun af öryggisvörðum og áætlun félaganna gekk þó ekki upp.

Lögreglan í Manchester ákvað þó að handtaka ekki mennnina ungu enda stafaði engin ógn af hegðun þeirra.

Á vef BBC var rætt við annan þeirra, Uosof Ahmadi, um uppátækið og önnur samskonar sem þeir hafa framkvæmt. Myndbandið má sjá í spilaranum hér fyrir ofan.