Getur Tígurinn enn bitið frá sér? Henry Birgir Gunnarsson skrifar 1. desember 2016 06:00 Tiger Woods er einn sigursælasti kylfingur allra tíma og snýr nú aftur til keppni eftir langa fjarveru vegna bakmeiðsla. vísir/getty Í dag eru liðnir 467 dagar síðan Tiger Woods tók síðast þátt í golfmóti. Á þeim tíma hefur hann hrunið niður í 898. sæti á heimslistanum. Þetta verður í fyrsta skipti sem heimsbyggðin mun fylgjast grannt með kylfingi sem er nálægt þúsundasta sæti heimslistans. Mótið sem Tiger tekur þátt í heitir Hero World Challenge og það sem meira er þá er þetta mót á hans vegum. Í mótinu taka þátt 18 af bestu kylfingum heims í glæsilegu umhverfi á Bahamaeyjum. Á þessum langa tíma sem hann hefur haldið sig frá vellinum hefur Tiger gengist undir tvær bakaðgerðir og verið þjáður af verkjum. Hann átti erfitt með gang um tíma og í rauninni var þá ekki útlit fyrir að hann ætti afturkvæmt á golfvöllinn. Tiger var algjör yfirburðakylfingur er hann kom fram á sjónarsviðið. Um það bera vitni 79 sigrar í PGA-mótum og 14 risatitlar. Síðasti sigurinn í risamóti kom þó árið 2008. Síðasta mót sem hann vann var árið 2013. Nú er Tiger orðinn fertugur. Búinn að ganga í gegnum ýmislegt og hefur nú seinni hluta ferilsins. Nýtt upphaf eftir miklar raunir. En er eitthvert bit í honum enn? Hans allra hörðustu aðdáendur hafa trú á því. Bíða eftir að það kvikni á ljósi og gamli góði Tiger komi aftur. Aðrir segja að þetta sé einfaldlega búið spil. Hann muni aldrei ná álíka styrk eftir allt sem á undan er gengið. „Ég vil spila golf allt mitt líf en ég get ekki keppt að eilífu. Ég kalla þetta seinni hlutann á ferli mínum. Ég myndi glaður vilja geta keppt við þá bestu allt mitt líf en það er víst ekki raunhæft,“ sagði Tiger. Þó að hann sé ekki lengur sami kylfingurinn og hann var, er metnaðurinn alltaf sá sami. Hann ætlar að sigra í öllum mótum sem hann tekur þátt í. „Þeir munu gera sitt besta til þess að vinna mig og ég ætla mér að vinna þá. Í hvert skipti sem ég fer í mót þá ætla ég að sigra. Ég veit að það er metnaðarfullt markmið en metnaðurinn og trúin er enn til staðar.“ Tiger segist hafa lagt mikið á sig til þess að geta komið til baka. „Þetta var áskorun sem hefur kostað blóð, svita og tár. Þetta hefur líka reynt á þolinmæðina sem hefur ekki alltaf verið mín sterkasta hlið. Þessi vinna hefur skilað mér hingað. Það er langt síðan ég hef fengið adrenalín í líkamann. Ég er tilbúinn,“ sagði Tiger ákveðinn en viðurkennir að það sé spenna í honum. „Ég er stressaður. Ég er stressaður fyrir öll mót sem ég tek þátt í. Ef mér stendur ekki á sama þá verð ég stressaður. Það er gott að hafa það þannig. Að nýta spennuna í grimmd og einbeitingu. Það er mjög gott. Ef ég væri ekki stressaður þá væri mér alveg sama. Þá vil ég ekki vera lengur á vellinum. Ég get fullvissað alla um að ég get ekki beðið eftir því að komast aftur út á völlinn.“ Tiger þurfti líka að venjast því á nýjan leik að ganga heilan golfvöll. Þegar hann var að byrja að spila golfið aftur notaði hann alltaf golfbíl. Kylfusveinninn hans var fljótur að henda honum inn í bílskúr. „Það er skrítið að segja það en ég þurfti að venjast göngunni aftur. Maður gleymir muninum á því að vera í golfskóm og íþróttaskóm. Ég get gengið á hlaupabretti í tvo til þrjá tíma en það er ekki það sama og að ganga á golfvelli,“ sagði Tiger. „Það er mikill munur á því. Líka bara að standa mikið. Það er mikill munur á því að spila golf og ganga eða keyra. Ég þurfti að koma mér í takt í að ganga á vellinum og byrja að tala eins og ég geri þar.“Mótið verður í beinni á Golfstöðinni og hefst útsending klukkan 18.00. grafík/fréttablaðið Golf Mest lesið Kærir UEFA fyrir að nota nýja keppnisfyrirkomulagið án leyfis Fótbolti Stúkan: Lárus Orri vann milljón en Albert giskaði vitlaust Íslenski boltinn Mount meiddur aftur: „Ég vil að þið heyrið frá mér sjálfum hversu pirraður ég er“ Enski boltinn HK sektað um 250 þúsund krónur fyrir ónýta markið Íslenski boltinn Tímabilið byrjar brösuglega hjá Real Madrid Fótbolti „Það er komið að þessu, litli klúbburinn er orðinn stór“ Fótbolti Fjögur Íslendingalið unnu sín einvígi Fótbolti Emilía heldur áfram að skora og Nordsjælland trónir á toppnum Fótbolti Uppgjörið: Santa Coloma - Víkingur 0-0 | Engin flugeldasýning en sætið tryggt Fótbolti Chelsea tapaði gegn Servette en vann einvígið Fótbolti Fleiri fréttir McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Golf er stundum furðuleg íþrótt: Úr verstu upplifun kylfings í þá bestu Nýi meistarinn viðurkenndi að hafa tapað fyrir Jordan Hulda Clara og Aron Snær Íslandsmeistarar í golfi Schauffele sigldi sigrinum heim Efsti maður heimslistans segist aldrei hafa spilað í jafn erfiðum aðstæðum og í gær Horschel leiðir þrátt fyrir leiðinda rigningu Táningurinn Eva leiðir ásamt ríkjandi Íslandsmeistara Gunnlaugur Árni bætti vallarmetið og blandar sér í toppbaráttuna McIlroy segist ekki hafa ráðið við vindinn Lowry leiðir eftir annan hring á meðan Woods og McIlroy eru úr leik Böðvar Bragi sló vallarmetið á Hólmsvelli Ríkjandi Íslandsmeistari komin í forystu Lýsandi harðlega gagnrýndur fyrir ósmekkleg ummæli um Tiger Brown leiðir eftir fyrsta hring Sigurður Arnar og Aron Snær jafnir eftir dag eitt Eva í forystu eftir fyrsta hring Aron Snær og Sigurður Arnar á sex undir Fór holu í höggi á Íslandsmótinu í golfi Sjá meira
Í dag eru liðnir 467 dagar síðan Tiger Woods tók síðast þátt í golfmóti. Á þeim tíma hefur hann hrunið niður í 898. sæti á heimslistanum. Þetta verður í fyrsta skipti sem heimsbyggðin mun fylgjast grannt með kylfingi sem er nálægt þúsundasta sæti heimslistans. Mótið sem Tiger tekur þátt í heitir Hero World Challenge og það sem meira er þá er þetta mót á hans vegum. Í mótinu taka þátt 18 af bestu kylfingum heims í glæsilegu umhverfi á Bahamaeyjum. Á þessum langa tíma sem hann hefur haldið sig frá vellinum hefur Tiger gengist undir tvær bakaðgerðir og verið þjáður af verkjum. Hann átti erfitt með gang um tíma og í rauninni var þá ekki útlit fyrir að hann ætti afturkvæmt á golfvöllinn. Tiger var algjör yfirburðakylfingur er hann kom fram á sjónarsviðið. Um það bera vitni 79 sigrar í PGA-mótum og 14 risatitlar. Síðasti sigurinn í risamóti kom þó árið 2008. Síðasta mót sem hann vann var árið 2013. Nú er Tiger orðinn fertugur. Búinn að ganga í gegnum ýmislegt og hefur nú seinni hluta ferilsins. Nýtt upphaf eftir miklar raunir. En er eitthvert bit í honum enn? Hans allra hörðustu aðdáendur hafa trú á því. Bíða eftir að það kvikni á ljósi og gamli góði Tiger komi aftur. Aðrir segja að þetta sé einfaldlega búið spil. Hann muni aldrei ná álíka styrk eftir allt sem á undan er gengið. „Ég vil spila golf allt mitt líf en ég get ekki keppt að eilífu. Ég kalla þetta seinni hlutann á ferli mínum. Ég myndi glaður vilja geta keppt við þá bestu allt mitt líf en það er víst ekki raunhæft,“ sagði Tiger. Þó að hann sé ekki lengur sami kylfingurinn og hann var, er metnaðurinn alltaf sá sami. Hann ætlar að sigra í öllum mótum sem hann tekur þátt í. „Þeir munu gera sitt besta til þess að vinna mig og ég ætla mér að vinna þá. Í hvert skipti sem ég fer í mót þá ætla ég að sigra. Ég veit að það er metnaðarfullt markmið en metnaðurinn og trúin er enn til staðar.“ Tiger segist hafa lagt mikið á sig til þess að geta komið til baka. „Þetta var áskorun sem hefur kostað blóð, svita og tár. Þetta hefur líka reynt á þolinmæðina sem hefur ekki alltaf verið mín sterkasta hlið. Þessi vinna hefur skilað mér hingað. Það er langt síðan ég hef fengið adrenalín í líkamann. Ég er tilbúinn,“ sagði Tiger ákveðinn en viðurkennir að það sé spenna í honum. „Ég er stressaður. Ég er stressaður fyrir öll mót sem ég tek þátt í. Ef mér stendur ekki á sama þá verð ég stressaður. Það er gott að hafa það þannig. Að nýta spennuna í grimmd og einbeitingu. Það er mjög gott. Ef ég væri ekki stressaður þá væri mér alveg sama. Þá vil ég ekki vera lengur á vellinum. Ég get fullvissað alla um að ég get ekki beðið eftir því að komast aftur út á völlinn.“ Tiger þurfti líka að venjast því á nýjan leik að ganga heilan golfvöll. Þegar hann var að byrja að spila golfið aftur notaði hann alltaf golfbíl. Kylfusveinninn hans var fljótur að henda honum inn í bílskúr. „Það er skrítið að segja það en ég þurfti að venjast göngunni aftur. Maður gleymir muninum á því að vera í golfskóm og íþróttaskóm. Ég get gengið á hlaupabretti í tvo til þrjá tíma en það er ekki það sama og að ganga á golfvelli,“ sagði Tiger. „Það er mikill munur á því. Líka bara að standa mikið. Það er mikill munur á því að spila golf og ganga eða keyra. Ég þurfti að koma mér í takt í að ganga á vellinum og byrja að tala eins og ég geri þar.“Mótið verður í beinni á Golfstöðinni og hefst útsending klukkan 18.00. grafík/fréttablaðið
Golf Mest lesið Kærir UEFA fyrir að nota nýja keppnisfyrirkomulagið án leyfis Fótbolti Stúkan: Lárus Orri vann milljón en Albert giskaði vitlaust Íslenski boltinn Mount meiddur aftur: „Ég vil að þið heyrið frá mér sjálfum hversu pirraður ég er“ Enski boltinn HK sektað um 250 þúsund krónur fyrir ónýta markið Íslenski boltinn Tímabilið byrjar brösuglega hjá Real Madrid Fótbolti „Það er komið að þessu, litli klúbburinn er orðinn stór“ Fótbolti Fjögur Íslendingalið unnu sín einvígi Fótbolti Emilía heldur áfram að skora og Nordsjælland trónir á toppnum Fótbolti Uppgjörið: Santa Coloma - Víkingur 0-0 | Engin flugeldasýning en sætið tryggt Fótbolti Chelsea tapaði gegn Servette en vann einvígið Fótbolti Fleiri fréttir McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Golf er stundum furðuleg íþrótt: Úr verstu upplifun kylfings í þá bestu Nýi meistarinn viðurkenndi að hafa tapað fyrir Jordan Hulda Clara og Aron Snær Íslandsmeistarar í golfi Schauffele sigldi sigrinum heim Efsti maður heimslistans segist aldrei hafa spilað í jafn erfiðum aðstæðum og í gær Horschel leiðir þrátt fyrir leiðinda rigningu Táningurinn Eva leiðir ásamt ríkjandi Íslandsmeistara Gunnlaugur Árni bætti vallarmetið og blandar sér í toppbaráttuna McIlroy segist ekki hafa ráðið við vindinn Lowry leiðir eftir annan hring á meðan Woods og McIlroy eru úr leik Böðvar Bragi sló vallarmetið á Hólmsvelli Ríkjandi Íslandsmeistari komin í forystu Lýsandi harðlega gagnrýndur fyrir ósmekkleg ummæli um Tiger Brown leiðir eftir fyrsta hring Sigurður Arnar og Aron Snær jafnir eftir dag eitt Eva í forystu eftir fyrsta hring Aron Snær og Sigurður Arnar á sex undir Fór holu í höggi á Íslandsmótinu í golfi Sjá meira