Tilbúinn að fórna miklu Eiríkur Stefán Ásgeirsson skrifar 8. desember 2016 06:00 Ólafur Björn Loftsson sér fram á betri tíð í golfinu eftir tvö erfið ár vegna þrálátra meiðsla í mjöðm. Vísir/GVA Atvinnukylfingurinn Ólafur Björn Loftsson hefur þurft að spila þrátt fyrir talsverða erfiðleika vegna meiðsla í mjöðm síðustu tvö árin, en erfiðlega gekk að greina meiðslin rétt. Ólafur greindi frá meiðslunum á Facebook-síðu sinni í fyrradag og segir að aðgerð sem hann fór í í fyrra hafi ekki borið árangur. Það var ekki fyrr en í síðasta mánuði, eftir mikla þrautagöngu, að hann fékk rétta greiningu á meiðslum sínum. Í ljós kom tvenns konar kviðslit og var annað þeirra afar sjaldgæft en er þekkt fyrir að valda sársauka í mjöðm, líkt og Ólafur hefur upplifað á golfvellinum undanfarin tvö ár.Haltraði síðustu holurnar „Ég fór í fyrstu myndatökuna fyrir tveimur árum og síðan þá hefur þetta farið stigvaxandi. Á þessum tíma hitti ég marga lækna, sjúkraþjálfara, kírópraktora – mikið af góðu fólki sem vann í þessu með mér,“ segir hann í samtali við Fréttablaðið. Eftir að hann fékk rétta greiningu í síðasta mánuði gekkst hann undir aðgerð sem gekk vel. En Ólafur viðurkennir fúslega að síðustu tvö árin hafi ekki verið auðveld. „Þetta byrjaði rólega og lýsti sér í fyrstu í auknum stífleika. Ég var að vinna í ákveðnum breytingum á sveiflunni en gat ekki komið mér í ákveðnar stöður,“ segir hann. „Í sumar var þetta orðið það slæmt að ég var farinn að slá mjög stutt. Þegar leið á hringinn byrjaði ég svo að haltra og finna fyrir miklum sársauka.“Gott að fá niðurstöðu Hann segir erfitt að átta sig á nákvæmum tímapunkti meiðslanna eða orsökum þeirra. „Ég kann ekki skýringuna á meiðslunum og hef varið miklum tíma í að komast að þessu. En ég vona innilega að það sé búið að laga þetta. Aðgerðin var fyrir tveimur vikum og ég vonast til að geta byrjað að slá aftur innan skamms.“ Ólafur segir að það hafi verið léttir að fá loksins rétta greiningu. „Yfirleitt þegar maður fer til læknis og fær að heyra að ekkert sé að er það af hinu góða. En það getur líka verið neikvætt þegar maður finnur fyrir miklum sársauka og gengur í gegnum mikla erfiðleika. Þetta eru því blendnar tilfinningar en það var gott að fá loksins að vita hvað væri að.“Ólafur Björn Loftsson.Vísir/DaníelFyrstur Íslendinga á PGA Ólafur Björn átti farsælan feril með háskóla sínum í Bandaríkjunum og fékk keppnisrétt á Wyndham Championship-mótinu árið 2011 eftir að hafa borið sigur úr býtum á sterku áhugamannamóti. Varð hann þar með fyrsti Íslendingurinn til að keppa á PGA-mótaröðinni en það gerði hann sem áhugamaður. Ólafur Björn var einu höggi frá því að komast í gegnum niðurskurðinn á þessu ógnarsterka móti. Eftir útskrift hefur hann gert atlögu að því að fá keppnisrétt á Evrópumótaröðinni, nú síðast í haust, en án árangurs. „Mínir draumar og mín markmið eru enn þau sömu,“ segir hann. „Það hefur ekkert breyst þrátt fyrir meiðslin. Ég á gott bakland og mun halda mínu striki.“ Hann er með þátttökurétt á mótaröð atvinnukylfinga á Norðurlöndum, Nordic Golf League, en hann hélt keppnisrétti sínum á undanþágu sem hann fékk vegna meiðslanna. „Það er frábært að geta haldið áfram þar og þurfa ekki að byrja aftur á byrjunarreit. Margir af betri kylfingum Norðurlandanna spila á þessari mótaröð sem er sú þriðja sterkasta í Evrópu.“Þung fjárhagsleg byrði Sem fyrr segir reyndi Ólafur Björn fyrir sér á fyrsta stigi úrtökumótaraðarinnar fyrir Evrópumótaröðina í haust en hann komst ekki áfram. „Það gekk þrátt fyrir allt mjög vel. Ég náði að vinna vel úr mínum hlutum og var einu höggi frá því að komast áfram. Það voru vonbrigði en ég var samt ánægður með hvernig ég náði að vinna úr mínum hlutum,“ segir hann. Ólafur Björn hefur síðustu vikur sinnt sérverkefnum fyrir Samtök atvinnulífsins enda vildi hann ekki sitja heima aðgerðalaus á meðan hann jafnaði sig á meiðslunum. En nú er þeim verkefnum lokið og ætlar hann að hella sér út í íþróttina af fullum krafti á nýjan leik. „Það er auðvitað stór pakki sem er erfitt að fjármagna. Það er eins með mig og allt annað afreksíþróttafólk á Íslandi. Maður þarf að reiða sig á mikinn stuðning en ég er með mikið af flottu fólki í kringum mig – fjölskyldu, vini og velunnara. Ég mun leggja mig allan fram til að geta fjármagnað þetta. Það þýðir að maður þarf að fórna miklu en ég er tilbúinn til þess.“ Golf Mest lesið Íslenska íþróttafólkið fékk gefins síma og smokka Sport „Ég varð fyrir vonbrigðum með Gylfa“ Íslenski boltinn Þórir fékk gleðifréttir í gær Handbolti Wembanyama mætti 57 sentímetra minni manni Körfubolti Uppgjörið: Drita - Breiðablik 1-0 | Evrópusumarið á enda runnið Fótbolti Anton Sveinn komst áfram í undanúrslit Sport Gylfi ekki með Val til Skotlands Fótbolti Fagnaði sigri á Ólympíuleikunum komin sjö mánuði á leið Sport Hringdi strax í ömmu sína og sýndi henni Ólympíugullið Sport Áfrýja stigafrádrættinum en ekki leikbanni þjálfarans fyrrverandi Fótbolti Fleiri fréttir Golf er stundum furðuleg íþrótt: Úr verstu upplifun kylfings í þá bestu Nýi meistarinn viðurkenndi að hafa tapað fyrir Jordan Hulda Clara og Aron Snær Íslandsmeistarar í golfi Schauffele sigldi sigrinum heim Efsti maður heimslistans segist aldrei hafa spilað í jafn erfiðum aðstæðum og í gær Horschel leiðir þrátt fyrir leiðinda rigningu Táningurinn Eva leiðir ásamt ríkjandi Íslandsmeistara Gunnlaugur Árni bætti vallarmetið og blandar sér í toppbaráttuna McIlroy segist ekki hafa ráðið við vindinn Lowry leiðir eftir annan hring á meðan Woods og McIlroy eru úr leik Böðvar Bragi sló vallarmetið á Hólmsvelli Ríkjandi Íslandsmeistari komin í forystu Lýsandi harðlega gagnrýndur fyrir ósmekkleg ummæli um Tiger Brown leiðir eftir fyrsta hring Sigurður Arnar og Aron Snær jafnir eftir dag eitt Eva í forystu eftir fyrsta hring Aron Snær og Sigurður Arnar á sex undir Fór holu í höggi á Íslandsmótinu í golfi Tiger svaf ekki eftir morðtilræðið gegn Trump Einn sá skrautlegasti mættur á Opna breska Ótrúleg hola í höggi: Meira en hálfa mínútu að fara niður Íslenska karlalandsliðið í golfi í deild þeirra bestu Sturluðust allir úr gleði þegar myndband náðist af Ágústi fara holu í höggi Keegan Bradley útnefndur fyrirliði eftir að Tiger Woods sagði nei takk Missir af milljónum af því að hann er ekki atvinnumaður Tiger sagður hafa afþakkað fyrirliðastöðuna Sú besta í heimi bitin af hundi Fór holu í höggi á tveimur holum í röð Rahm brjálaður: „Djöfulsins drónar“ Tiger Woods fær lífstíðarpassa fyrir afrek sín Sjá meira
Atvinnukylfingurinn Ólafur Björn Loftsson hefur þurft að spila þrátt fyrir talsverða erfiðleika vegna meiðsla í mjöðm síðustu tvö árin, en erfiðlega gekk að greina meiðslin rétt. Ólafur greindi frá meiðslunum á Facebook-síðu sinni í fyrradag og segir að aðgerð sem hann fór í í fyrra hafi ekki borið árangur. Það var ekki fyrr en í síðasta mánuði, eftir mikla þrautagöngu, að hann fékk rétta greiningu á meiðslum sínum. Í ljós kom tvenns konar kviðslit og var annað þeirra afar sjaldgæft en er þekkt fyrir að valda sársauka í mjöðm, líkt og Ólafur hefur upplifað á golfvellinum undanfarin tvö ár.Haltraði síðustu holurnar „Ég fór í fyrstu myndatökuna fyrir tveimur árum og síðan þá hefur þetta farið stigvaxandi. Á þessum tíma hitti ég marga lækna, sjúkraþjálfara, kírópraktora – mikið af góðu fólki sem vann í þessu með mér,“ segir hann í samtali við Fréttablaðið. Eftir að hann fékk rétta greiningu í síðasta mánuði gekkst hann undir aðgerð sem gekk vel. En Ólafur viðurkennir fúslega að síðustu tvö árin hafi ekki verið auðveld. „Þetta byrjaði rólega og lýsti sér í fyrstu í auknum stífleika. Ég var að vinna í ákveðnum breytingum á sveiflunni en gat ekki komið mér í ákveðnar stöður,“ segir hann. „Í sumar var þetta orðið það slæmt að ég var farinn að slá mjög stutt. Þegar leið á hringinn byrjaði ég svo að haltra og finna fyrir miklum sársauka.“Gott að fá niðurstöðu Hann segir erfitt að átta sig á nákvæmum tímapunkti meiðslanna eða orsökum þeirra. „Ég kann ekki skýringuna á meiðslunum og hef varið miklum tíma í að komast að þessu. En ég vona innilega að það sé búið að laga þetta. Aðgerðin var fyrir tveimur vikum og ég vonast til að geta byrjað að slá aftur innan skamms.“ Ólafur segir að það hafi verið léttir að fá loksins rétta greiningu. „Yfirleitt þegar maður fer til læknis og fær að heyra að ekkert sé að er það af hinu góða. En það getur líka verið neikvætt þegar maður finnur fyrir miklum sársauka og gengur í gegnum mikla erfiðleika. Þetta eru því blendnar tilfinningar en það var gott að fá loksins að vita hvað væri að.“Ólafur Björn Loftsson.Vísir/DaníelFyrstur Íslendinga á PGA Ólafur Björn átti farsælan feril með háskóla sínum í Bandaríkjunum og fékk keppnisrétt á Wyndham Championship-mótinu árið 2011 eftir að hafa borið sigur úr býtum á sterku áhugamannamóti. Varð hann þar með fyrsti Íslendingurinn til að keppa á PGA-mótaröðinni en það gerði hann sem áhugamaður. Ólafur Björn var einu höggi frá því að komast í gegnum niðurskurðinn á þessu ógnarsterka móti. Eftir útskrift hefur hann gert atlögu að því að fá keppnisrétt á Evrópumótaröðinni, nú síðast í haust, en án árangurs. „Mínir draumar og mín markmið eru enn þau sömu,“ segir hann. „Það hefur ekkert breyst þrátt fyrir meiðslin. Ég á gott bakland og mun halda mínu striki.“ Hann er með þátttökurétt á mótaröð atvinnukylfinga á Norðurlöndum, Nordic Golf League, en hann hélt keppnisrétti sínum á undanþágu sem hann fékk vegna meiðslanna. „Það er frábært að geta haldið áfram þar og þurfa ekki að byrja aftur á byrjunarreit. Margir af betri kylfingum Norðurlandanna spila á þessari mótaröð sem er sú þriðja sterkasta í Evrópu.“Þung fjárhagsleg byrði Sem fyrr segir reyndi Ólafur Björn fyrir sér á fyrsta stigi úrtökumótaraðarinnar fyrir Evrópumótaröðina í haust en hann komst ekki áfram. „Það gekk þrátt fyrir allt mjög vel. Ég náði að vinna vel úr mínum hlutum og var einu höggi frá því að komast áfram. Það voru vonbrigði en ég var samt ánægður með hvernig ég náði að vinna úr mínum hlutum,“ segir hann. Ólafur Björn hefur síðustu vikur sinnt sérverkefnum fyrir Samtök atvinnulífsins enda vildi hann ekki sitja heima aðgerðalaus á meðan hann jafnaði sig á meiðslunum. En nú er þeim verkefnum lokið og ætlar hann að hella sér út í íþróttina af fullum krafti á nýjan leik. „Það er auðvitað stór pakki sem er erfitt að fjármagna. Það er eins með mig og allt annað afreksíþróttafólk á Íslandi. Maður þarf að reiða sig á mikinn stuðning en ég er með mikið af flottu fólki í kringum mig – fjölskyldu, vini og velunnara. Ég mun leggja mig allan fram til að geta fjármagnað þetta. Það þýðir að maður þarf að fórna miklu en ég er tilbúinn til þess.“
Golf Mest lesið Íslenska íþróttafólkið fékk gefins síma og smokka Sport „Ég varð fyrir vonbrigðum með Gylfa“ Íslenski boltinn Þórir fékk gleðifréttir í gær Handbolti Wembanyama mætti 57 sentímetra minni manni Körfubolti Uppgjörið: Drita - Breiðablik 1-0 | Evrópusumarið á enda runnið Fótbolti Anton Sveinn komst áfram í undanúrslit Sport Gylfi ekki með Val til Skotlands Fótbolti Fagnaði sigri á Ólympíuleikunum komin sjö mánuði á leið Sport Hringdi strax í ömmu sína og sýndi henni Ólympíugullið Sport Áfrýja stigafrádrættinum en ekki leikbanni þjálfarans fyrrverandi Fótbolti Fleiri fréttir Golf er stundum furðuleg íþrótt: Úr verstu upplifun kylfings í þá bestu Nýi meistarinn viðurkenndi að hafa tapað fyrir Jordan Hulda Clara og Aron Snær Íslandsmeistarar í golfi Schauffele sigldi sigrinum heim Efsti maður heimslistans segist aldrei hafa spilað í jafn erfiðum aðstæðum og í gær Horschel leiðir þrátt fyrir leiðinda rigningu Táningurinn Eva leiðir ásamt ríkjandi Íslandsmeistara Gunnlaugur Árni bætti vallarmetið og blandar sér í toppbaráttuna McIlroy segist ekki hafa ráðið við vindinn Lowry leiðir eftir annan hring á meðan Woods og McIlroy eru úr leik Böðvar Bragi sló vallarmetið á Hólmsvelli Ríkjandi Íslandsmeistari komin í forystu Lýsandi harðlega gagnrýndur fyrir ósmekkleg ummæli um Tiger Brown leiðir eftir fyrsta hring Sigurður Arnar og Aron Snær jafnir eftir dag eitt Eva í forystu eftir fyrsta hring Aron Snær og Sigurður Arnar á sex undir Fór holu í höggi á Íslandsmótinu í golfi Tiger svaf ekki eftir morðtilræðið gegn Trump Einn sá skrautlegasti mættur á Opna breska Ótrúleg hola í höggi: Meira en hálfa mínútu að fara niður Íslenska karlalandsliðið í golfi í deild þeirra bestu Sturluðust allir úr gleði þegar myndband náðist af Ágústi fara holu í höggi Keegan Bradley útnefndur fyrirliði eftir að Tiger Woods sagði nei takk Missir af milljónum af því að hann er ekki atvinnumaður Tiger sagður hafa afþakkað fyrirliðastöðuna Sú besta í heimi bitin af hundi Fór holu í höggi á tveimur holum í röð Rahm brjálaður: „Djöfulsins drónar“ Tiger Woods fær lífstíðarpassa fyrir afrek sín Sjá meira