Chelsea-tríó með doktorsgráðu í markafræði Tómas Þór Þórðarson skrifar 27. desember 2016 06:00 PhD: Pedro, Eden Hazard og Diego Costa, eru búnir að skora 27 mörk og leggja upp ellefu en það er svipað og MSN og betri árangur en hjá BBC. vísir/Getty Chelsea vann leik í ensku úrvalsdeildinni í gær þegar hin víðfræga umferð á öðrum degi jóla fór fram (mínus tveir leikir). Það þykir ekki saga til næsta bæjar þessa dagana því Chelsea getur ekki tapað. Lærisveinar Antonios Conte unnu tólfta leikinn í röð í ensku úrvalsdeildinni í gær sem er met en ekkert lið hefur áður unnið svo marga leiki í röð á einu tímabili. Metið átti Manchester United sem er reyndar komið á skrið líka. Chelsea heldur sex stiga forskoti á toppi deildarinnar en allt hefur breyst hjá Lundúnaliðinu eftir að knattspyrnustjóri þess, Antonio Conte, breytti í 3-4-3 leikkerfið sem hann fór langt með að fullkomna með Juventus á Ítalíu. Conte var nóg boðið eftir 3-0 tap gegn Arsenal í lok september og frumsýndi 3-4-3 í næsta leik gegn Hull. Síðan þá er liðið búið að innbyrða 36 stig af 36 mögulegum og þykir líklegast til að vinna deildina.Ný skammstöfun í bænum Í spænsku 1. deildinni snýst meira og minna allt um baráttu Cristianos Ronaldo og Lionels Messi. Þegar menn eru ekki bara uppteknir af þeim þykir mikið sport að tala um framherjatríóin sem hafa verið skírð MSN (Messi, Suárez, Neymar) og BBC (Bale, Benzema, Cristiano Ronaldo). Erfitt var að ímynda sér að hægt væri að búa til betri þrenningar en Chelsea er búið að finna sína heilögu þrenningu. Pedro Rodríguez, Eden Hazard og Diego Costa eru óstöðvandi þessa dagana og hafa fengið sína eigin skammstöfun. Hún tengist ekki fréttavefjum eins og MSN og BBC heldur er leitað í læknisfræðina. Þremenningarnir eru kallaðir PhD og má því segja að þeir séu komnir með doktorsgráðu í markafræði enda gera þeir lítið annað en að skora eða leggja upp mörk. Pedro skoraði tvö og lagði upp eitt í 3-0 sigrinum á Bournemouth í gær og er nú búinn að skora fimm og leggja upp fimm önnur. Hann er baneitraður á Brúnni en þar hafa öll mörkin og stoðsendingarnar litið dagsins ljós.Á pari við MSN Eden Hazard skoraði eitt og er nú búinn að skora níu og leggja upp eitt en Diego Costa er þeirra hættulegastur með þrettán mörk og fimm stoðsendingar. Samtals er PhD-tríóið búið að skora 27af 38 mörkum Chelsea og leggja upp önnur ellefu. Þetta er á pari við hið ótrúlega MSN-tríó Börsunga sem er búið að skora 28 mörk og leggja upp önnur 16 í spænsku 1. deildinni. Chelsea er vissulega ekki í Meistaradeildinni en sé tölfræðin þar tekin með er MSN í sérflokki. BBC-tríóið hefur verið svolítið meitt og aðeins spilað ellefu leiki á kjaft í spænsku deildinni en það er „aðeins“ búið að skora 19 mörk og leggja upp fimm. Ronaldo ber það tríó á herðum sér með tíu mörk eða meira en Benzema og Bale til samans.Kominn í hóp með Eiði Smára Markið sem Eden Hazard skoraði fyrir Chelsea í gær er það 50. sem Belginn magnaði setur í búningi Chelsea. Hann varð um leið sjötti maðurinn til að skora 50 mörk fyrir Lundúnaliðið og er þar kominn í hóp með ansi góðum mönnum. Einn þeirra er okkar eigin Eiður Smári Guðjohnsen en auk hans skoruðu Frank Lampard, Didier Drogba, Jimmy Floyd Hasselbaink og Gianfranco Zola allir að minnsta kosti 50 mörk fyrir Chelsea. Haldi Pedro, Hazard og Costa áfram í framhaldsnáminu er erfitt að sjá nokkurt lið stöðva Chelsea á leið að titlinum. tomas@365.is Enski boltinn Mest lesið Schumacher sást meðal fólks í fyrsta sinn í ellefu ár Formúla 1 Tók einn og hálfan tíma að finna ungu hjólreiðakonuna sem lést Sport Ekki ánægður með stöðu Hákons Rafns Fótbolti Landsliðshópurinn: Sverrir kemur inn og Brynjólfur valinn Fótbolti Margbrotnaði á andliti, gæti verið dofinn fyrir lífstíð en ætlar að spila áfram Sport Bann og sekt fyrir að kalla fjórða dómara „litla helvítis kuntu“ Enski boltinn Sakar leikmenn United um leti á æfingum Enski boltinn Þúsund Walesverjar í Dalnum og Åge kallar eftir hjálp Fótbolti Snýr aftur heim í KR Íslenski boltinn Dæmdi ekki í Meistaradeildinni eftir að hafa hótað að drepa leikmann Fótbolti Fleiri fréttir „Hann er klárlega magnaður þjálfari“ Leikmaður City handtekinn fyrir að stela síma Sakar leikmenn United um leti á æfingum Bann og sekt fyrir að kalla fjórða dómara „litla helvítis kuntu“ Rauða spjaldið hans Bruno dregið til baka Scholes brjálaður: De Ligt geti ekkert og ten Hag þjálfi liðið varla Fyrirliðinn segir Íslendingaliðið of gott fyrir C-deildina Heimamenn kláruðu dæmið í fyrri hálfleik Dómarinn fyrrverandi segir Bruno hafa átt að fá gult Leikmenn láta í sér heyra: „Við erum í hættu“ Liverpool ekki meistaraefni: „Eru langt á eftir City og Arsenal“ Spilar ekki í deildinni fyrr en í nóvember Ten Hag verði ekki rekinn Leikurinn ekki stöðvaður þó svo maður hafi dáið í stúkunni „Viðbjóðsleg“ frammistaða sem lætur stjóra missa starfið Dagný fékk gult þegar Hamrarnir nældu í sitt fyrsta stig Delap bjargaði stigi fyrir nýliðina Tottenham lék tíu United-menn grátt Upphafið að endinum hjá Ten Hag? Gerði grín að Konaté sem vildi verða maður leiksins Willum Þór skoraði í endurkomu sigri Birmingham Einstakt afrek Brentford dugði skammt en Everton vann loksins Arsenal skaut Refina í blálokin Palmer skoraði fernu í fyrri hálfleik Liverpool á toppnum „Við tökum stiginu“ Vandræði Man City án Rodri halda áfram Stuðningsmaður safnað milljónum eftir að völlur félagsins skemmdist Markvarslan Alisson í blóð borin Efast um dugnað og hugarfar Rashford Sjá meira
Chelsea vann leik í ensku úrvalsdeildinni í gær þegar hin víðfræga umferð á öðrum degi jóla fór fram (mínus tveir leikir). Það þykir ekki saga til næsta bæjar þessa dagana því Chelsea getur ekki tapað. Lærisveinar Antonios Conte unnu tólfta leikinn í röð í ensku úrvalsdeildinni í gær sem er met en ekkert lið hefur áður unnið svo marga leiki í röð á einu tímabili. Metið átti Manchester United sem er reyndar komið á skrið líka. Chelsea heldur sex stiga forskoti á toppi deildarinnar en allt hefur breyst hjá Lundúnaliðinu eftir að knattspyrnustjóri þess, Antonio Conte, breytti í 3-4-3 leikkerfið sem hann fór langt með að fullkomna með Juventus á Ítalíu. Conte var nóg boðið eftir 3-0 tap gegn Arsenal í lok september og frumsýndi 3-4-3 í næsta leik gegn Hull. Síðan þá er liðið búið að innbyrða 36 stig af 36 mögulegum og þykir líklegast til að vinna deildina.Ný skammstöfun í bænum Í spænsku 1. deildinni snýst meira og minna allt um baráttu Cristianos Ronaldo og Lionels Messi. Þegar menn eru ekki bara uppteknir af þeim þykir mikið sport að tala um framherjatríóin sem hafa verið skírð MSN (Messi, Suárez, Neymar) og BBC (Bale, Benzema, Cristiano Ronaldo). Erfitt var að ímynda sér að hægt væri að búa til betri þrenningar en Chelsea er búið að finna sína heilögu þrenningu. Pedro Rodríguez, Eden Hazard og Diego Costa eru óstöðvandi þessa dagana og hafa fengið sína eigin skammstöfun. Hún tengist ekki fréttavefjum eins og MSN og BBC heldur er leitað í læknisfræðina. Þremenningarnir eru kallaðir PhD og má því segja að þeir séu komnir með doktorsgráðu í markafræði enda gera þeir lítið annað en að skora eða leggja upp mörk. Pedro skoraði tvö og lagði upp eitt í 3-0 sigrinum á Bournemouth í gær og er nú búinn að skora fimm og leggja upp fimm önnur. Hann er baneitraður á Brúnni en þar hafa öll mörkin og stoðsendingarnar litið dagsins ljós.Á pari við MSN Eden Hazard skoraði eitt og er nú búinn að skora níu og leggja upp eitt en Diego Costa er þeirra hættulegastur með þrettán mörk og fimm stoðsendingar. Samtals er PhD-tríóið búið að skora 27af 38 mörkum Chelsea og leggja upp önnur ellefu. Þetta er á pari við hið ótrúlega MSN-tríó Börsunga sem er búið að skora 28 mörk og leggja upp önnur 16 í spænsku 1. deildinni. Chelsea er vissulega ekki í Meistaradeildinni en sé tölfræðin þar tekin með er MSN í sérflokki. BBC-tríóið hefur verið svolítið meitt og aðeins spilað ellefu leiki á kjaft í spænsku deildinni en það er „aðeins“ búið að skora 19 mörk og leggja upp fimm. Ronaldo ber það tríó á herðum sér með tíu mörk eða meira en Benzema og Bale til samans.Kominn í hóp með Eiði Smára Markið sem Eden Hazard skoraði fyrir Chelsea í gær er það 50. sem Belginn magnaði setur í búningi Chelsea. Hann varð um leið sjötti maðurinn til að skora 50 mörk fyrir Lundúnaliðið og er þar kominn í hóp með ansi góðum mönnum. Einn þeirra er okkar eigin Eiður Smári Guðjohnsen en auk hans skoruðu Frank Lampard, Didier Drogba, Jimmy Floyd Hasselbaink og Gianfranco Zola allir að minnsta kosti 50 mörk fyrir Chelsea. Haldi Pedro, Hazard og Costa áfram í framhaldsnáminu er erfitt að sjá nokkurt lið stöðva Chelsea á leið að titlinum. tomas@365.is
Enski boltinn Mest lesið Schumacher sást meðal fólks í fyrsta sinn í ellefu ár Formúla 1 Tók einn og hálfan tíma að finna ungu hjólreiðakonuna sem lést Sport Ekki ánægður með stöðu Hákons Rafns Fótbolti Landsliðshópurinn: Sverrir kemur inn og Brynjólfur valinn Fótbolti Margbrotnaði á andliti, gæti verið dofinn fyrir lífstíð en ætlar að spila áfram Sport Bann og sekt fyrir að kalla fjórða dómara „litla helvítis kuntu“ Enski boltinn Sakar leikmenn United um leti á æfingum Enski boltinn Þúsund Walesverjar í Dalnum og Åge kallar eftir hjálp Fótbolti Snýr aftur heim í KR Íslenski boltinn Dæmdi ekki í Meistaradeildinni eftir að hafa hótað að drepa leikmann Fótbolti Fleiri fréttir „Hann er klárlega magnaður þjálfari“ Leikmaður City handtekinn fyrir að stela síma Sakar leikmenn United um leti á æfingum Bann og sekt fyrir að kalla fjórða dómara „litla helvítis kuntu“ Rauða spjaldið hans Bruno dregið til baka Scholes brjálaður: De Ligt geti ekkert og ten Hag þjálfi liðið varla Fyrirliðinn segir Íslendingaliðið of gott fyrir C-deildina Heimamenn kláruðu dæmið í fyrri hálfleik Dómarinn fyrrverandi segir Bruno hafa átt að fá gult Leikmenn láta í sér heyra: „Við erum í hættu“ Liverpool ekki meistaraefni: „Eru langt á eftir City og Arsenal“ Spilar ekki í deildinni fyrr en í nóvember Ten Hag verði ekki rekinn Leikurinn ekki stöðvaður þó svo maður hafi dáið í stúkunni „Viðbjóðsleg“ frammistaða sem lætur stjóra missa starfið Dagný fékk gult þegar Hamrarnir nældu í sitt fyrsta stig Delap bjargaði stigi fyrir nýliðina Tottenham lék tíu United-menn grátt Upphafið að endinum hjá Ten Hag? Gerði grín að Konaté sem vildi verða maður leiksins Willum Þór skoraði í endurkomu sigri Birmingham Einstakt afrek Brentford dugði skammt en Everton vann loksins Arsenal skaut Refina í blálokin Palmer skoraði fernu í fyrri hálfleik Liverpool á toppnum „Við tökum stiginu“ Vandræði Man City án Rodri halda áfram Stuðningsmaður safnað milljónum eftir að völlur félagsins skemmdist Markvarslan Alisson í blóð borin Efast um dugnað og hugarfar Rashford Sjá meira