Umfjöllun Kastljóss beinlínis ósönn að sögn barna Júlíusar Vífils Nanna Elísa Jakobsdóttir skrifar 19. maí 2016 21:46 Hér sést Íris Þóra ásamt föður sínum á mikilvægri stundu. Í bakgrunni er bílasalan Ingvar Helgason þegar allt var í blóma. Vísir/Aðsend Börn Júlíusar Vífils Ingvarssonar fyrrverandi borgarfulltrúa, þau Íris Þóra Júlíusdóttir og Helgi Vífill Júlíusson, gera alvarlegar athugasemdir við umfjöllun Kastljóss í gærkvöldi. Þetta kemur fram á Facebook-síðum systkinanna en þau skrifuðu hvort um sig færslu um málið. Í þættinum var fjallað um uppgjör á dánarbúi foreldra Júlíusar Vífils en móðir hans lést á síðasta ári. Foreldrar Júlíusar Vífils voru þau Ingvar Helgason og Sigríður Guðmundsdóttir og áttu bílaumboðið Ingvar Helgason ehf. Í þættinum báru systkini Júlíusar Vífils hann og bróður hans, Guðmund Ágúst Ingvarsson, þungum sökum en þau fullyrða að þeir bræður feli eftirlaunasjóð föður síns í aflandsfélagi og að sjóðurinn hlaupi á mörg hundruð milljónum. Sjá einnig: Segir systkinin hafa tekið tugi milljóna af bankareikning móður sinnar Sjónarmið Júlíusar ekki tekin með í umfjöllunina Írisi Þóru þótti stundum erfitt að hrista ekki hausinn á meðan hún fylgdist með þættinum yfir vitleysunni sem kom fram eins og hún kemst að orði í færslu á Facebook-síðu sinni. Hún gagnrýnir harðlega vinnubrögð Kastljóss og þykir ljóst að ekki hafi verið hlustað á föður hennar við gerð þáttarins. „Mér þykir miður hvernig fréttamennska hér á Íslandi hefur tekið á sig svip æsifréttamennsku þar sem sannleikurinn skiptir litlu sem engu máli svo lengi sem fréttin er nógu krafsandi fyrir almenning. Mér finnst það vera nokkuð ljóst þar sem ég heyrði pabba tala í símann bæði við Helga Seljan og Þóru Arnórsdóttur, ritstjóra Kastljóss, að þarna væri verið að vega illa að honum með hreinum lygum,“ skrifar Íris Þóra. Hún skírði frumburð sinn í höfuðið á föður sínum og mærir föður sinn í færslunni. Guðrún Ingvarsdóttir systir Júlíusar Vífils Ingvarssonar fer með rangt mál að sögn frændsystkina sinna í þættinum um týnt fé föður síns.Skjáskot af RÚV Það gerir einnig Helgi Vífill og segist jafnframt þekkja fjármál föður síns nánast jafn vel og sín eigin. „Það er rangt að hann hafi sölsað undir sig fjármuni annarra.“ Hann segir í færslu sinni frá því að föðurfjölskyldan hafi staðið í útistöðum eins lengi og hann man eftir sér. Undirliggjandi öfund í blómlegum fyrirtækjarekstri „Það helgast fyrst og fremst af því að pabbi og bræður hans, og afi á meðan hans naut við, stóðu í stafni fyrirtækja fjölskyldunnar sem í áratugi stóðu í miklum blóma og voru leiðandi á markaði. Öll systkini þeirra bræðra nutu góðs af en engu að síður var undirliggjandi, eyðileggjandi öfund og átök og oft hafa þau brugðist við með óvæntum og mannskemmandi hætti,“ skrifar Helgi. Sjá einnig: Guðmundur Ágúst segir ásakanir í Kastljóss-þætti þvælu Hann segir að það sé margt sem þurfi að leiðrétta varðandi fréttaflutning af málinu og að viðmælendur Kastljóss séu engan veginn traust heimild. „Þau stefndu til dæmis móður sinni og bræðrum fyrir Héraðsdómi Reykjavíkur til að sækjast eftir stærri hlut í fyrirtækjunum. Dómsmálinu var vísað frá. Annað dæmi er að faðir minn varð að segja upp eiginmanni Guðrúnar frænku, sem fram kom í Kastljósi, vegna þess hann umgekkst fjármuni fyrirtækisins af algjöru ábyrgðarleysi. Umrætt fólk er ekki traust heimild.“ Segir að Kastljós hafi látið spila með sigSystkinin furða sig bæði á því að fullyrt hafi verið að amma þeirra, Sigríður heitin, hafi átt í vandræðum fjárhagslega á efri árum. Það segja þau alrangt og nefna bæði að hún hafi verið sérstaklega fjársterk. Fréttaumfjöllun síðustu daga hefur tekið á fjölskylduna að sögn systkinanna eins og vonlegt er. Hvorki Íris né Helgi telja sannleikann hafa komið fram í umfjöllun Kastljóss í gær. „Kastljós, sem ætti að vera grandvar fjölmiðill, lét því miður spila með sig. Mistök Þóru Arnórsdóttur og Helga Seljan eru alvarleg. Það er með ólíkindum að fjölmiðill skuli birta frétt af þessum toga án þess að dómstólar hafi tekið málið til meðferðar enda eru afleiðingarnar fyrir þá sem fjallað er um mjög alvarlegar og óafturkræfar,“ skrifar Helgi Vífill. Júlíus Vífill hefur sjálfur sent frá sér yfirlýsingu vegna málsins þar sem hann segir að í þættinum komi fram ýmist ósannindi eða ómerkileg illmælgi. Júlíus Vífill ákærður fyrir peningaþvætti Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent Stoppaður af vegfaranda sem spurði: „Hvað er þetta?“ Innlent „Kokkurinn“ í Bandidos látinn Erlent Viðbúnaður í Vesturbæ vegna leitar Innlent Fleiri fréttir „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sjá meira
Börn Júlíusar Vífils Ingvarssonar fyrrverandi borgarfulltrúa, þau Íris Þóra Júlíusdóttir og Helgi Vífill Júlíusson, gera alvarlegar athugasemdir við umfjöllun Kastljóss í gærkvöldi. Þetta kemur fram á Facebook-síðum systkinanna en þau skrifuðu hvort um sig færslu um málið. Í þættinum var fjallað um uppgjör á dánarbúi foreldra Júlíusar Vífils en móðir hans lést á síðasta ári. Foreldrar Júlíusar Vífils voru þau Ingvar Helgason og Sigríður Guðmundsdóttir og áttu bílaumboðið Ingvar Helgason ehf. Í þættinum báru systkini Júlíusar Vífils hann og bróður hans, Guðmund Ágúst Ingvarsson, þungum sökum en þau fullyrða að þeir bræður feli eftirlaunasjóð föður síns í aflandsfélagi og að sjóðurinn hlaupi á mörg hundruð milljónum. Sjá einnig: Segir systkinin hafa tekið tugi milljóna af bankareikning móður sinnar Sjónarmið Júlíusar ekki tekin með í umfjöllunina Írisi Þóru þótti stundum erfitt að hrista ekki hausinn á meðan hún fylgdist með þættinum yfir vitleysunni sem kom fram eins og hún kemst að orði í færslu á Facebook-síðu sinni. Hún gagnrýnir harðlega vinnubrögð Kastljóss og þykir ljóst að ekki hafi verið hlustað á föður hennar við gerð þáttarins. „Mér þykir miður hvernig fréttamennska hér á Íslandi hefur tekið á sig svip æsifréttamennsku þar sem sannleikurinn skiptir litlu sem engu máli svo lengi sem fréttin er nógu krafsandi fyrir almenning. Mér finnst það vera nokkuð ljóst þar sem ég heyrði pabba tala í símann bæði við Helga Seljan og Þóru Arnórsdóttur, ritstjóra Kastljóss, að þarna væri verið að vega illa að honum með hreinum lygum,“ skrifar Íris Þóra. Hún skírði frumburð sinn í höfuðið á föður sínum og mærir föður sinn í færslunni. Guðrún Ingvarsdóttir systir Júlíusar Vífils Ingvarssonar fer með rangt mál að sögn frændsystkina sinna í þættinum um týnt fé föður síns.Skjáskot af RÚV Það gerir einnig Helgi Vífill og segist jafnframt þekkja fjármál föður síns nánast jafn vel og sín eigin. „Það er rangt að hann hafi sölsað undir sig fjármuni annarra.“ Hann segir í færslu sinni frá því að föðurfjölskyldan hafi staðið í útistöðum eins lengi og hann man eftir sér. Undirliggjandi öfund í blómlegum fyrirtækjarekstri „Það helgast fyrst og fremst af því að pabbi og bræður hans, og afi á meðan hans naut við, stóðu í stafni fyrirtækja fjölskyldunnar sem í áratugi stóðu í miklum blóma og voru leiðandi á markaði. Öll systkini þeirra bræðra nutu góðs af en engu að síður var undirliggjandi, eyðileggjandi öfund og átök og oft hafa þau brugðist við með óvæntum og mannskemmandi hætti,“ skrifar Helgi. Sjá einnig: Guðmundur Ágúst segir ásakanir í Kastljóss-þætti þvælu Hann segir að það sé margt sem þurfi að leiðrétta varðandi fréttaflutning af málinu og að viðmælendur Kastljóss séu engan veginn traust heimild. „Þau stefndu til dæmis móður sinni og bræðrum fyrir Héraðsdómi Reykjavíkur til að sækjast eftir stærri hlut í fyrirtækjunum. Dómsmálinu var vísað frá. Annað dæmi er að faðir minn varð að segja upp eiginmanni Guðrúnar frænku, sem fram kom í Kastljósi, vegna þess hann umgekkst fjármuni fyrirtækisins af algjöru ábyrgðarleysi. Umrætt fólk er ekki traust heimild.“ Segir að Kastljós hafi látið spila með sigSystkinin furða sig bæði á því að fullyrt hafi verið að amma þeirra, Sigríður heitin, hafi átt í vandræðum fjárhagslega á efri árum. Það segja þau alrangt og nefna bæði að hún hafi verið sérstaklega fjársterk. Fréttaumfjöllun síðustu daga hefur tekið á fjölskylduna að sögn systkinanna eins og vonlegt er. Hvorki Íris né Helgi telja sannleikann hafa komið fram í umfjöllun Kastljóss í gær. „Kastljós, sem ætti að vera grandvar fjölmiðill, lét því miður spila með sig. Mistök Þóru Arnórsdóttur og Helga Seljan eru alvarleg. Það er með ólíkindum að fjölmiðill skuli birta frétt af þessum toga án þess að dómstólar hafi tekið málið til meðferðar enda eru afleiðingarnar fyrir þá sem fjallað er um mjög alvarlegar og óafturkræfar,“ skrifar Helgi Vífill. Júlíus Vífill hefur sjálfur sent frá sér yfirlýsingu vegna málsins þar sem hann segir að í þættinum komi fram ýmist ósannindi eða ómerkileg illmælgi.
Júlíus Vífill ákærður fyrir peningaþvætti Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent Stoppaður af vegfaranda sem spurði: „Hvað er þetta?“ Innlent „Kokkurinn“ í Bandidos látinn Erlent Viðbúnaður í Vesturbæ vegna leitar Innlent Fleiri fréttir „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sjá meira