Aleppo nú alfarið undir stjórn sýrlenska hersins

Aleppoborg er nú komin alfarið undir stjórn sýrlenska hersins eftir að síðustu hópar uppreisnarmanna yfirgáfu borgina. BBC greinir frá.

Þetta er stærsti sigur stjórnarhers Assads forseta Sýrlands síðan að stríðið hófst árið 2011.  Telur sýrlenska stjórnin að þetta gæti orðið vendipunktur í borgarastyrjöldinni í landinu.

Í máli fulltrúa Sameinuðu þjóðanna kemur fram að 34 þúsund saklausra borgara sem og uppreisnarmanna hafa yfirgefið borgina frá því síðasta fimmtudag.