Fjölmiðlum kennt um slakt gengi í forsetakosningum Jakob Bjarnar skrifar 26. júní 2016 12:13 Flestir forsetaframbjóðendur og stuðningsmenn þeirra kvörtuðu sáran undan fjölmiðlum og töldu þá vera sér andsnúna. Óli Björn Kárason fjölmiðlamaður og varaþingmaður Sjálfstæðisflokksins telur fjölmiðla hafa verið ósanngjarna í garð Davíðs Oddssonar. Hann telur ástæðu til að rannsaka þá sérstaklega í kjölfar forsetakosninga og þá sérstaklega Ríkisútvarpið. Fjölmiðlar voru mjög í brennidepli í þeim forsetakosningum sem fram komu. Nánast allir forsetaframbjóðendur, ef undan er skilinn nýkjörinn forseti Guðni Th. Jóhannesson, kvörtuðu sáran undan fjölmiðlum og settu fram alvarlega ávirðingar á hendur þeim.Illir fjölmiðlarÍ umræðuþætti á RÚV hélt Davíð Oddsson því beinlínis fram að RÚV væri með „sinn frambjóðanda“ og var þá að vísa til þrálátrar umræðu úr ranni stuðningsmanna sinna og reyndar Ástþórs Magnússonar, að Guðni væri í raun frambjóðandi Ríkissjónvarpsins. Hildur Þórðardóttir forsetaframbjóðandi hélt því til dæmis fram að hún hafi verið niðurlægð í Spegli Rásar 1, Andri Snær Magnason forsetaframbjóðandi gerði að sérstöku umfjöllunarefni það að hann hafi ekki fengið nægan tíma í sjónvarpi og Erla Gunnlaugsdóttir, upplýsingafulltrúi framboðs Davíðs, sagði í Fréttatímanum fjölmiðla hlutdræga gegn Davíð: „Við höfðum gert með okkur barnslegar hugmyndir um að fjölmiðlar þættust vera óháðir,“ segir Erla. Spurð hvort Morgunblaðið hafi ekki vegið upp á móti þar, segi hún að ef fréttaflutningur blaðsins sé skoðaður, þá komi í ljós að það eigi ekki við rök að styðjast að blaðið styðji sérstaklega við Davíð.“Óli Björn telur vert að rannsaka fjölmiðla sérstaklega og þátt þeirra í nýafstöðunum forsetakosningum -- sérstaklega RÚV.Í raun má segja að umræða um fjölmiðla, og meint annarleg sjónarmið sem þar eiga að hafa ráðið för hafi verið sem rauður þráður í þessari kosningabaráttu.Kosningabaráttan stuðningsmönnum Davíðs til mikils sómaÞetta sjónarmið, sem sjá má hjá Erlu, kristallaðist svo að nokkru í kosningasjónvarpi RÚV í gærkvöldi en eftir að fyrstu tölur komu fram var tekið hús á þeim í kosningamiðstöð Davíðs og þeir Óli Björn og Eyþór Arnalds stjórnmála- og athafnamaður, voru teknir tali. Þeir áttu erfitt með að leyna vonbrigðum sínum. „Fylgið við Höllu er miklu meira en skoðanakannanir sýndu fyrir nokkrum vikum. Og fylgið við Guðna er næstum helmingi minna en hann var með í fyrstu. Þetta sýnir það að skoðanakannanir eru ekki kosningar.“ Niðurstaðan átti svo eftir að verða sú að Davíð mátti lúta í lægra haldi fyrir Andra Snæ Magnasyni í baráttunni um fjórða sætið. Óli Björn viðurkenndi að þeir hafi átt von á því að Davíð yrði sterkari. „Við erum hins vegar mjög sátt við þessa kosningabaráttu. Og Davíð hefur komið fram með þeim hætti að það er honum og okkur, stuðningsmönnum hans, til mikils sóma.“Davíð heillaði en það kom ekki fram í fjölmiðlumÞá var tekið til við að greina hver væri ástæða þessarar útkomu og þá beindust spjótin fljótlega að fjölmiðlum. „Ég held að fólk hafi ekki verið komið með skýra sýn á frambjóðendurna. Guðni var, í raun og veru, nokkuð óskrifað blað þegar hann kemur fram fyrst og fær þá næstum 70 prósent fylgi,“ sagði Eyþór. Hann telur að fólk hafi þurft að kynnast frambjóðendum.Eyþór segir að hvar sem Davíð hafi farið, hafi hann heillað mannskapinn, en þetta komst ekkert í gegn í fjölmiðlum.„Ég held að það væri gott að fólk, og fjölmiðlar, myndu læra af því og taka ekki skoðanakönnunum sem kosningum. Og gera meira að því að kynna framboðin. Þetta er skólabókardæmi um það. Varðandi Davíð, allstaðar þar sem hann náði að koma koma og hitta fólk, þá heillaði hann fólk, en ég held að það hafi ekki náð að komast í gegnum fjölmiðlana. Það er í raun og veru það sem tókst ekki.“RÚV ósanngjarnt í garð DavíðsÓli Björn lýsti sig sammála þessu og taldi sérstakt tilefni, eftir þessar forsetakosningar, að fara yfir hvernig fjölmiðlar hafa tekið á þessari kosningabaráttu. „Það er alveg sérstakt umræðu og rannsóknarefni. Og sérstaklega sá fjölmiðill sem við erum í hér í kvöld.“ Hann sagði að sú umræða yrði að vera í fullkominni alvöru og hreinskilni. „Og ég vona að Ríkisútvarpið þoli þá umræðu og taki þátt í henni og lofi þá gagnrýnendum líka að koma í þá umræðu á vettvangi Ríkisútvarpsins.“Ertu að segja að Ríkisútvarpið hafi verið ósanngjarnt í garð Davíðs, spurði fréttamaður RÚV? „Já, við þurfum ekkert að fara mjög yfir það, og þá er ég ekki að tala um að það hafi verið sérstaklega ósanngjarnt gagnvart Davíð Oddssyni. Ég held að það hafi verið ósanngjarnt gagnvart líka fleiri frambjóðendum. Og hvernig svona uppsetningin hefur verið. En, eins og ég segi, þetta er umræðuefni sem menn ættu að taka í rólegheitum þegar vötnin verða orðin lygn eftir þessar kosningar.“ Mest lesið Nafn Íslendingsins sem fannst látinn í Taílandi Innlent Kourani tekur upp íslenskt nafn Innlent Lenti í ofbeldissambandi með frönskum bíl Innlent Þekkir Kamölu Harris: „Ég held að hún eigi eftir að rassskella hann nokkrum sinnum“ Erlent Fínn hvítur salli gerir íbúum Laugarneshverfis lífið leitt Innlent „Ég skil ekki af hverju þær fagna því ekki bara“ Innlent Þróunin sé merki um að afleiðingar Covid séu betur að koma í ljós Innlent Hollywood lofar Biden en Repúblikanar kalla eftir afsögn Erlent Par sem hugðist sigla frá Kanada til Asóreyja fannst látið Erlent Málflutningur Viðskiptaráðs óásættanlegur Innlent Fleiri fréttir Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Hafa áhyggjur af auknu ofbeldi, áhættuhegðun og vopnaburði barna Ná síður að hirða salernispappír vegna niðurskurðar „Ég skil ekki af hverju þær fagna því ekki bara“ Nafn Íslendingsins sem fannst látinn í Taílandi Málflutningur Viðskiptaráðs óásættanlegur Sú eina sem kemur til greina, afdráttarlaus ráðherra og klósettvandræði Mikill meirihluti landsmanna mótfallinn sjókvíaeldi Fjallar um móður sína sem er fyrsti Íslendingurinn ættleiddur frá Asíu Skerjafjarðarskáld skriplar á skötu en gefst ekki upp Þjófnaðir í matvöruverslunum og óvelkominn gestur „Eina spilið sem þeir áttu eftir á hendi“ Reiknar með 15 þúsund manns í Herjólfsdal „Ég hef ekki aðgang að vatni neins staðar annars staðar“ Opnun Sorpu frestað vegna ölvaðs manns með háreysti Glæsilegt biblíusafn í Vestmannaeyjum „Alvarlega vanfjármögnuð“ í viðhaldinu Næga atvinnu að hafa á Vopnafirði Gríðarleg sprunga í Hagafelli vekur athygli Vígreifur Trump, umdeild goslokaspá og vopnfirskt atvinnulíf Landtöku Ísraela skuli hætt Vegagerð, veðmálastarfsemi og kosningar vestanhafs Skógur á Snæfellsnesi undirlagður salernispappír Land rís enn með aukinni skjálftavirkni „Í engu ástandi til að sýsla með slík vopn“ Sjá meira
Óli Björn Kárason fjölmiðlamaður og varaþingmaður Sjálfstæðisflokksins telur fjölmiðla hafa verið ósanngjarna í garð Davíðs Oddssonar. Hann telur ástæðu til að rannsaka þá sérstaklega í kjölfar forsetakosninga og þá sérstaklega Ríkisútvarpið. Fjölmiðlar voru mjög í brennidepli í þeim forsetakosningum sem fram komu. Nánast allir forsetaframbjóðendur, ef undan er skilinn nýkjörinn forseti Guðni Th. Jóhannesson, kvörtuðu sáran undan fjölmiðlum og settu fram alvarlega ávirðingar á hendur þeim.Illir fjölmiðlarÍ umræðuþætti á RÚV hélt Davíð Oddsson því beinlínis fram að RÚV væri með „sinn frambjóðanda“ og var þá að vísa til þrálátrar umræðu úr ranni stuðningsmanna sinna og reyndar Ástþórs Magnússonar, að Guðni væri í raun frambjóðandi Ríkissjónvarpsins. Hildur Þórðardóttir forsetaframbjóðandi hélt því til dæmis fram að hún hafi verið niðurlægð í Spegli Rásar 1, Andri Snær Magnason forsetaframbjóðandi gerði að sérstöku umfjöllunarefni það að hann hafi ekki fengið nægan tíma í sjónvarpi og Erla Gunnlaugsdóttir, upplýsingafulltrúi framboðs Davíðs, sagði í Fréttatímanum fjölmiðla hlutdræga gegn Davíð: „Við höfðum gert með okkur barnslegar hugmyndir um að fjölmiðlar þættust vera óháðir,“ segir Erla. Spurð hvort Morgunblaðið hafi ekki vegið upp á móti þar, segi hún að ef fréttaflutningur blaðsins sé skoðaður, þá komi í ljós að það eigi ekki við rök að styðjast að blaðið styðji sérstaklega við Davíð.“Óli Björn telur vert að rannsaka fjölmiðla sérstaklega og þátt þeirra í nýafstöðunum forsetakosningum -- sérstaklega RÚV.Í raun má segja að umræða um fjölmiðla, og meint annarleg sjónarmið sem þar eiga að hafa ráðið för hafi verið sem rauður þráður í þessari kosningabaráttu.Kosningabaráttan stuðningsmönnum Davíðs til mikils sómaÞetta sjónarmið, sem sjá má hjá Erlu, kristallaðist svo að nokkru í kosningasjónvarpi RÚV í gærkvöldi en eftir að fyrstu tölur komu fram var tekið hús á þeim í kosningamiðstöð Davíðs og þeir Óli Björn og Eyþór Arnalds stjórnmála- og athafnamaður, voru teknir tali. Þeir áttu erfitt með að leyna vonbrigðum sínum. „Fylgið við Höllu er miklu meira en skoðanakannanir sýndu fyrir nokkrum vikum. Og fylgið við Guðna er næstum helmingi minna en hann var með í fyrstu. Þetta sýnir það að skoðanakannanir eru ekki kosningar.“ Niðurstaðan átti svo eftir að verða sú að Davíð mátti lúta í lægra haldi fyrir Andra Snæ Magnasyni í baráttunni um fjórða sætið. Óli Björn viðurkenndi að þeir hafi átt von á því að Davíð yrði sterkari. „Við erum hins vegar mjög sátt við þessa kosningabaráttu. Og Davíð hefur komið fram með þeim hætti að það er honum og okkur, stuðningsmönnum hans, til mikils sóma.“Davíð heillaði en það kom ekki fram í fjölmiðlumÞá var tekið til við að greina hver væri ástæða þessarar útkomu og þá beindust spjótin fljótlega að fjölmiðlum. „Ég held að fólk hafi ekki verið komið með skýra sýn á frambjóðendurna. Guðni var, í raun og veru, nokkuð óskrifað blað þegar hann kemur fram fyrst og fær þá næstum 70 prósent fylgi,“ sagði Eyþór. Hann telur að fólk hafi þurft að kynnast frambjóðendum.Eyþór segir að hvar sem Davíð hafi farið, hafi hann heillað mannskapinn, en þetta komst ekkert í gegn í fjölmiðlum.„Ég held að það væri gott að fólk, og fjölmiðlar, myndu læra af því og taka ekki skoðanakönnunum sem kosningum. Og gera meira að því að kynna framboðin. Þetta er skólabókardæmi um það. Varðandi Davíð, allstaðar þar sem hann náði að koma koma og hitta fólk, þá heillaði hann fólk, en ég held að það hafi ekki náð að komast í gegnum fjölmiðlana. Það er í raun og veru það sem tókst ekki.“RÚV ósanngjarnt í garð DavíðsÓli Björn lýsti sig sammála þessu og taldi sérstakt tilefni, eftir þessar forsetakosningar, að fara yfir hvernig fjölmiðlar hafa tekið á þessari kosningabaráttu. „Það er alveg sérstakt umræðu og rannsóknarefni. Og sérstaklega sá fjölmiðill sem við erum í hér í kvöld.“ Hann sagði að sú umræða yrði að vera í fullkominni alvöru og hreinskilni. „Og ég vona að Ríkisútvarpið þoli þá umræðu og taki þátt í henni og lofi þá gagnrýnendum líka að koma í þá umræðu á vettvangi Ríkisútvarpsins.“Ertu að segja að Ríkisútvarpið hafi verið ósanngjarnt í garð Davíðs, spurði fréttamaður RÚV? „Já, við þurfum ekkert að fara mjög yfir það, og þá er ég ekki að tala um að það hafi verið sérstaklega ósanngjarnt gagnvart Davíð Oddssyni. Ég held að það hafi verið ósanngjarnt gagnvart líka fleiri frambjóðendum. Og hvernig svona uppsetningin hefur verið. En, eins og ég segi, þetta er umræðuefni sem menn ættu að taka í rólegheitum þegar vötnin verða orðin lygn eftir þessar kosningar.“
Mest lesið Nafn Íslendingsins sem fannst látinn í Taílandi Innlent Kourani tekur upp íslenskt nafn Innlent Lenti í ofbeldissambandi með frönskum bíl Innlent Þekkir Kamölu Harris: „Ég held að hún eigi eftir að rassskella hann nokkrum sinnum“ Erlent Fínn hvítur salli gerir íbúum Laugarneshverfis lífið leitt Innlent „Ég skil ekki af hverju þær fagna því ekki bara“ Innlent Þróunin sé merki um að afleiðingar Covid séu betur að koma í ljós Innlent Hollywood lofar Biden en Repúblikanar kalla eftir afsögn Erlent Par sem hugðist sigla frá Kanada til Asóreyja fannst látið Erlent Málflutningur Viðskiptaráðs óásættanlegur Innlent Fleiri fréttir Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Hafa áhyggjur af auknu ofbeldi, áhættuhegðun og vopnaburði barna Ná síður að hirða salernispappír vegna niðurskurðar „Ég skil ekki af hverju þær fagna því ekki bara“ Nafn Íslendingsins sem fannst látinn í Taílandi Málflutningur Viðskiptaráðs óásættanlegur Sú eina sem kemur til greina, afdráttarlaus ráðherra og klósettvandræði Mikill meirihluti landsmanna mótfallinn sjókvíaeldi Fjallar um móður sína sem er fyrsti Íslendingurinn ættleiddur frá Asíu Skerjafjarðarskáld skriplar á skötu en gefst ekki upp Þjófnaðir í matvöruverslunum og óvelkominn gestur „Eina spilið sem þeir áttu eftir á hendi“ Reiknar með 15 þúsund manns í Herjólfsdal „Ég hef ekki aðgang að vatni neins staðar annars staðar“ Opnun Sorpu frestað vegna ölvaðs manns með háreysti Glæsilegt biblíusafn í Vestmannaeyjum „Alvarlega vanfjármögnuð“ í viðhaldinu Næga atvinnu að hafa á Vopnafirði Gríðarleg sprunga í Hagafelli vekur athygli Vígreifur Trump, umdeild goslokaspá og vopnfirskt atvinnulíf Landtöku Ísraela skuli hætt Vegagerð, veðmálastarfsemi og kosningar vestanhafs Skógur á Snæfellsnesi undirlagður salernispappír Land rís enn með aukinni skjálftavirkni „Í engu ástandi til að sýsla með slík vopn“ Sjá meira