Jenson Button ökumaður McLaren liðsins í Formúlu 1 hefur ekki viljað spá fyrir um gengi liðsins á komandi tímabili. Hann segir að enn sé mikil vinna framundan vilji liðið verða samkeppnishæft.
McLaren-Honda átti ekki gott tímabil í fyrra og skorti bæði upp á getu bílsins og áreiðanleika. Honda vélin var stærsta vandamál liðsins að eigin sögn.
Árið 2016 hefur byrjað á jákvæðari nótum, McLaren gekk mun betur á æfingum fyrir tímabilið. Raunar gengu æfingarnar alveg stór áfallalaust fyrir sig.
Þrátt fyrir góða byrjun hefur Button ekki viljað spá fyrir um að liðið verði samkeppnishægt strax í upphafi.
„Ég vona að við verðum ekki hangandi aftast, það er mikill vinna framundan til að gera bílinn samkeppnishæfan,“ sagði Button í samtali við Crash.net.
„Það er mikil vinna eftir til að finna rétta upstillingu bílsins, við höfum ekki enn fundið hana,“ hélt Button áfram.
Button vill þess vegna ekki álykta of mikið um væntanlegt gengi liðsins á komandi tímabili.
„Ég hef ekkert ákveðið takmark. Mitt eina markmið er að halda uppi pressu og gefa allt sem við eigum og svo munum við sjá hver útkoman verður. Það hefur ekkert upp á sig ef ég fer að setja takmark núna, maður setur alltaf markið hærra en raunverulegt er og svo fær maður gagnrýni á markmiðið sitt frá öðru fólki, sem brýtur niður viljann í mann, svo það er ekki þess virði,“ sagði Button að lokum.
Button: Enn mikil vinna framundan

Tengdar fréttir

Nýtt fyrirkomulag tímatöku í Formúlu 1
Breyting á tímatökufyrirkomulaginu er yfirvofandi í Formúlu 1. Breytingin felur í sér útsláttarfyrirkomulag með nýrri nálgun.

Alonso: Ég held ég endi ferilinn hjá Mclaren
Fernando Alonso hefur sagt að hann muni líklega enda Formúlu 1 feril sinn hjá McLaren, liðinu sem hann ekur fyrir núna og að ferillinn gæti endað 2017.

Bandaríski kappaksturinn fer fram og Taylor Swift kemur fram
Framkvædastjóri Circuit of the Americas brautarinnar í Austin Texas, hefur staðfest að Formúlu 1 keppni mun fara fram á brautinni í ár.

Pirelli tilkynnir dekkjaval ökumanna fyrir Ástralíu
Pirelli, ítalski dekkjaframleiðandinn sem skaffar Formúlu 1 liðum dekk hefur gefið út upplýsingar um hvaða ökumaður valdi hvaða dekk fyrir fyrstu keppni tímabilsins.