Gagnrýna einhliða og grimma umræðu Erla Björg Gunnarsdóttir skrifar 22. janúar 2016 07:00 Börn í Melaskóla standa hönd i hönd á skólalóðinni en samheldnin virðist minni meðal starfsmanna skólans. vísir/Vilhelm Síðustu daga hafa verið fluttar fréttir af þrjátíu kennurum Melaskóla sem hótað hafa uppsögn við skólann ef skólastjórinn, Dagný Annasdóttir, kemur aftur til starfa í lok mars eftir veikindaleyfi. Þó er enn mjög á huldu hvar vandinn nákvæmlega liggur. Í Stundinni var birt nafnlaust viðtal við kennara í Melaskóla sem sagði Dagnýju leggja kennara í einelti og stjórna með harðri hendi. Engin sértæk dæmi eru tínd til. Dagný vill ekki tjá sig um málið í fjölmiðlum. „Með hagsmuni barnanna í skólanum að leiðarljósi tel ég ekki rétt að tjá mig um málið,“ útskýrir hún. „Afstaða mín byggist líka á því að halda eins mikinn frið um skólastarfið og mögulegt er við þessar aðstæður.“Mætti strax mikilli andúð Í fimm áratugi, frá árinu 1959 til 2013, tók innanhúsmaður við stöðu skólastjóra í Melaskóla. Í flestum tilfellum erfði aðstoðarskólastjóri stöðuna. Fyrir þremur árum var sú hefð brotin þegar Dagný var ráðin skólastjóri en sextán sóttu um stöðuna, þar á meðal starfandi aðstoðarskólastjóri Melaskóla.Dagný Annasdóttir til vinstriKennari við Melaskóla sem Fréttablaðið ræddi við segir Dagnýju aldrei hafa fengið tækifæri innan veggja skólans og hún hafi strax mætt mikilli andúð. Hann segir kennararæði ríkja í skólanum og fólk alls ekki tilbúið að taka stjórn. Því hafi tilburðir Dagnýjar til að taka stjórnina fallið í grýttan jarðveg. Hún hafi þurft að fara í erfiðar aðgerðir, niðurskurð og fylgja kjarasamningum, en uppskorið persónulega óvild í sinn garð. Kennarinn vill ekki koma fram undir nafni af ótta við útskúfun í kennarahópnum en hann segir mikinn þrýsting vera meðal kennarahópsins að koma Dagnýju úr starfi. Fullyrðir hann að margir kennarar sem skrifuðu undir undirskriftalistann hafi verið beittir þrýstingi til þess og ótti sé ríkjandi við sterka kennaraklíku sem gangi hvað harðast gegn Dagnýju. Ómöguleiki í kringum Dagnýju Annar kennari sem Fréttablaðið ræddi við segir upplifun sína af skólastjóranum stangast á við það sem komið hefur fram í fjölmiðlum. Hann segir Dagnýju vissulega hafa viljað gera breytingar þegar hún hóf störf – en margar hafi verið mjög af hinu góða – enda tækjakostur og húsnæði í niðurníðslu. Kennarinn tekur dæmi um kaffistofu kennara. Hún hefur alltaf verið tvískipt og lengi verið vilji kennara að sameina stofuna. Þegar Dagný réðst í það verk þá varð mikil óánægjubylgja meðal kennara. Segir kennarinn að þetta sé dæmi um þann ómöguleika sem ríkir í kringum skólastjórann. Síðustu ár erfið fyrir skólastjóra Guðlaug Erla Gunnarsdóttir, formaður Skólastjórafélags Reykjavíkur, fordæmir einhliða umfjöllun fjölmiðla síðustu daga. „Mér finnst þetta óvægið og fjölmiðlar eiga ekki að vinna svona. Þetta snýst um manneskju og þetta eru alvarlegar ásakanir. Þessi einhliða umfjöllun hefur áhrif á traust til skólans og getur skaðað starfsemina,“ segir hún.Guðlaug Erla Gunnarsdóttir, formaður Skólastjórafélags ReykjavíkurÞess má geta að ítrekað hefur verið reynt að ná í Dagnýju og óskað eftir viðbrögðum hennar síðustu daga. Ekki hefur því fengist önnur hlið á málinu fyrr en nú. Í því samhengi játar Guðlaug að ábyrgðin liggi einnig hjá kennurum Melaskóla. „Þetta á að fara í eðlilega ferla. Ef fólk hefur áhyggjur af stjórnun í skólanum á það að láta vita á réttum stöðum. En ekki fara í fjölmiðla.“ Guðlaug segir síðustu ár hafa verið erfið fyrir skólastjórnendur. Það hafi hún heyrt úr fleiri en einni átt. „Við erum oft í því hlutverki að ganga inn í mál, skera niður og semja við okkar fólk um önnur kjör og aðrar aðstæður. Þetta er ekki alltaf vinsælt.“ Frá hruni hefur verið skorið niður í skólakerfinu og nýir kjarasamningar hafa ekki farið vel í alla kennara. „En stjórnandi þarf að taka ábyrgðina og taka erfiðar ákvarðanir. Það er hans starf.“ Guðlaug ítrekar að það eigi að fara réttan farveg í svo viðkvæmum málum. „Mér finnst þetta forkastanlegt og að draga foreldra út í þetta finnst mér skelfilegt. Svo eru stjórnendur bundnir trúnaði og geta ekki varið sig.“ Tengdar fréttir Foreldrafundir í Melaskóla vegna skólastjóradeilunnar Áfram verður fundað út vikuna og undirskriftum safnað við ályktun þess efnis að þrjátíu kennarar segi upp ef skólastjórinn snýr aftur úr leyfi. 18. janúar 2016 23:00 Kennarauppreisn í Melaskóla 30 kennarar hóta að hætta ef Dagný Annasdóttir tekur aftur við sem skólastjóri Melaskóla. 18. janúar 2016 13:25 Mest lesið „Fyrst hélt ég að þetta væri eitthvað grín“ Innlent Þrír látnir eftir skotárás í Uppsölum Erlent Varðstjóri leystur undan vinnuskyldu vegna gruns um njósnir Innlent „Viltu ekki tala við mig eins og ég sé gamalmenni“ Innlent „Í guðanna bænum höldum vöku okkar við aksturinn" Innlent „Við þrífumst ekki til lengdar ein“ Innlent Furðar sig á umdeildri Exit-auglýsingu og hækkar veiðigjöldin Innlent Ný stjórn Ríkisútvarpsins kjörin Innlent Von á allhvössum vindi og rigningu Veður Selfyssingar buðu lægst í brúasmíði á Vestfjörðum Innlent Fleiri fréttir „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Sjá meira
Síðustu daga hafa verið fluttar fréttir af þrjátíu kennurum Melaskóla sem hótað hafa uppsögn við skólann ef skólastjórinn, Dagný Annasdóttir, kemur aftur til starfa í lok mars eftir veikindaleyfi. Þó er enn mjög á huldu hvar vandinn nákvæmlega liggur. Í Stundinni var birt nafnlaust viðtal við kennara í Melaskóla sem sagði Dagnýju leggja kennara í einelti og stjórna með harðri hendi. Engin sértæk dæmi eru tínd til. Dagný vill ekki tjá sig um málið í fjölmiðlum. „Með hagsmuni barnanna í skólanum að leiðarljósi tel ég ekki rétt að tjá mig um málið,“ útskýrir hún. „Afstaða mín byggist líka á því að halda eins mikinn frið um skólastarfið og mögulegt er við þessar aðstæður.“Mætti strax mikilli andúð Í fimm áratugi, frá árinu 1959 til 2013, tók innanhúsmaður við stöðu skólastjóra í Melaskóla. Í flestum tilfellum erfði aðstoðarskólastjóri stöðuna. Fyrir þremur árum var sú hefð brotin þegar Dagný var ráðin skólastjóri en sextán sóttu um stöðuna, þar á meðal starfandi aðstoðarskólastjóri Melaskóla.Dagný Annasdóttir til vinstriKennari við Melaskóla sem Fréttablaðið ræddi við segir Dagnýju aldrei hafa fengið tækifæri innan veggja skólans og hún hafi strax mætt mikilli andúð. Hann segir kennararæði ríkja í skólanum og fólk alls ekki tilbúið að taka stjórn. Því hafi tilburðir Dagnýjar til að taka stjórnina fallið í grýttan jarðveg. Hún hafi þurft að fara í erfiðar aðgerðir, niðurskurð og fylgja kjarasamningum, en uppskorið persónulega óvild í sinn garð. Kennarinn vill ekki koma fram undir nafni af ótta við útskúfun í kennarahópnum en hann segir mikinn þrýsting vera meðal kennarahópsins að koma Dagnýju úr starfi. Fullyrðir hann að margir kennarar sem skrifuðu undir undirskriftalistann hafi verið beittir þrýstingi til þess og ótti sé ríkjandi við sterka kennaraklíku sem gangi hvað harðast gegn Dagnýju. Ómöguleiki í kringum Dagnýju Annar kennari sem Fréttablaðið ræddi við segir upplifun sína af skólastjóranum stangast á við það sem komið hefur fram í fjölmiðlum. Hann segir Dagnýju vissulega hafa viljað gera breytingar þegar hún hóf störf – en margar hafi verið mjög af hinu góða – enda tækjakostur og húsnæði í niðurníðslu. Kennarinn tekur dæmi um kaffistofu kennara. Hún hefur alltaf verið tvískipt og lengi verið vilji kennara að sameina stofuna. Þegar Dagný réðst í það verk þá varð mikil óánægjubylgja meðal kennara. Segir kennarinn að þetta sé dæmi um þann ómöguleika sem ríkir í kringum skólastjórann. Síðustu ár erfið fyrir skólastjóra Guðlaug Erla Gunnarsdóttir, formaður Skólastjórafélags Reykjavíkur, fordæmir einhliða umfjöllun fjölmiðla síðustu daga. „Mér finnst þetta óvægið og fjölmiðlar eiga ekki að vinna svona. Þetta snýst um manneskju og þetta eru alvarlegar ásakanir. Þessi einhliða umfjöllun hefur áhrif á traust til skólans og getur skaðað starfsemina,“ segir hún.Guðlaug Erla Gunnarsdóttir, formaður Skólastjórafélags ReykjavíkurÞess má geta að ítrekað hefur verið reynt að ná í Dagnýju og óskað eftir viðbrögðum hennar síðustu daga. Ekki hefur því fengist önnur hlið á málinu fyrr en nú. Í því samhengi játar Guðlaug að ábyrgðin liggi einnig hjá kennurum Melaskóla. „Þetta á að fara í eðlilega ferla. Ef fólk hefur áhyggjur af stjórnun í skólanum á það að láta vita á réttum stöðum. En ekki fara í fjölmiðla.“ Guðlaug segir síðustu ár hafa verið erfið fyrir skólastjórnendur. Það hafi hún heyrt úr fleiri en einni átt. „Við erum oft í því hlutverki að ganga inn í mál, skera niður og semja við okkar fólk um önnur kjör og aðrar aðstæður. Þetta er ekki alltaf vinsælt.“ Frá hruni hefur verið skorið niður í skólakerfinu og nýir kjarasamningar hafa ekki farið vel í alla kennara. „En stjórnandi þarf að taka ábyrgðina og taka erfiðar ákvarðanir. Það er hans starf.“ Guðlaug ítrekar að það eigi að fara réttan farveg í svo viðkvæmum málum. „Mér finnst þetta forkastanlegt og að draga foreldra út í þetta finnst mér skelfilegt. Svo eru stjórnendur bundnir trúnaði og geta ekki varið sig.“
Tengdar fréttir Foreldrafundir í Melaskóla vegna skólastjóradeilunnar Áfram verður fundað út vikuna og undirskriftum safnað við ályktun þess efnis að þrjátíu kennarar segi upp ef skólastjórinn snýr aftur úr leyfi. 18. janúar 2016 23:00 Kennarauppreisn í Melaskóla 30 kennarar hóta að hætta ef Dagný Annasdóttir tekur aftur við sem skólastjóri Melaskóla. 18. janúar 2016 13:25 Mest lesið „Fyrst hélt ég að þetta væri eitthvað grín“ Innlent Þrír látnir eftir skotárás í Uppsölum Erlent Varðstjóri leystur undan vinnuskyldu vegna gruns um njósnir Innlent „Viltu ekki tala við mig eins og ég sé gamalmenni“ Innlent „Í guðanna bænum höldum vöku okkar við aksturinn" Innlent „Við þrífumst ekki til lengdar ein“ Innlent Furðar sig á umdeildri Exit-auglýsingu og hækkar veiðigjöldin Innlent Ný stjórn Ríkisútvarpsins kjörin Innlent Von á allhvössum vindi og rigningu Veður Selfyssingar buðu lægst í brúasmíði á Vestfjörðum Innlent Fleiri fréttir „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Sjá meira
Foreldrafundir í Melaskóla vegna skólastjóradeilunnar Áfram verður fundað út vikuna og undirskriftum safnað við ályktun þess efnis að þrjátíu kennarar segi upp ef skólastjórinn snýr aftur úr leyfi. 18. janúar 2016 23:00
Kennarauppreisn í Melaskóla 30 kennarar hóta að hætta ef Dagný Annasdóttir tekur aftur við sem skólastjóri Melaskóla. 18. janúar 2016 13:25