Meiri sala á hönnun en fyrir hrun Sæunn Gísladóttir skrifar 16. mars 2016 09:00 Á fimm árum hafa fimmtán nýjar verslanir bæst í flóru verslananna í miðbænum, Kringlunni og Smáralind. Vísir/Pjetur Sannkölluð sprenging hefur orðið í innanhússhönnunarvöruverslunum frá hruni. Á fimm árum hafa fimmtán nýjar verslanir bæst í flóru verslananna í miðbænum, Kringlunni og Smáralind, samkvæmt talningu Markaðarins. Þær telja nú helming þeirra hönnunarvöruverslana sem starfa á svæðinu. Þá er ekki meðtalinn fjöldi „lundabúða“ sem hafa sprottið upp í miðbænum og selja hönnunarvörur, auk fjölmargra netverslana. Draga má þá ályktun að hönnunarvöruverslanir hafi aldrei verið fleiri. Svo virðist sem áhugi Íslendinga á hönnunarvöru hafi aldrei verið meiri. Hagnaður hönnunarfyrirtækja hefur farið vaxandi undanfarin árin. Árið 2014 tvöfaldaðist hagnaður Epal og nam 56 milljónum króna. Árið 2015 var svo það besta í fjörutíu ára sögu Epal að sögn forstjóra fyrirtækisins. Sömuleiðis var árið 2015 það besta hjá Hrími sem hóf starfsemi árið 2010 og rekur þrjár verslanir.Eigandi Hrím segir að þessi gríðarlega aukning í fjölda hönnunarbúða styrki bara starfsemina. Í ljósi hennar sé mikilvægt að fara ótroðnar slóðir í vöruleit og sérhæfa sig betur. Íslendingar virðast kaupa hönnunarvöru í auknum mæli í verslunarmiðstöðvum og hafa verslanir á síðustu árum flutt sig þangað eða opnað aðra verslun þar til að anna eftirspurninni. Ferðamenn sækja hins vegar mikið í hönnunarverslanir í miðbænum og hefur Finnska búðin meðal annars breytt nafninu sínu niður í bæ og starfsemi sinni þar, með því að auka fókus á íslenska hönnun til að anna eftirspurn ferðamanna eftir henni. Íslendingar sækja mikið í íslenska hönnun en hafa einnig verið mjög duglegir að versla skandinavíska hönnun undanfarin misseri. Iittala-æði þjóðarinnar sem hefur sótt í sig veðrið á árunum eftir hrun heldur að sögn verslunarstjóra ótrautt áfram og var sér iittala verslun opnuð í Kringlunni í fyrra. Auk iittala-vara njóta Kahler-, og Marimekko-vörur áfram mikilla vinsælda. Georg Jensen og Royal Copenhagen eru sívinsæl.Eyjólfur Pálsson er forstjóri Epal.Árið 2015 var það besta í fjörutíu ára sögu EpalÁrið 2015 var besta árið í fjörutíu ára rekstrarsögu Epal, að sögn Eyjólfs Pálssonar, forstjóra. Hann segir að það sé meira að seljast núna en fyrir hrun. Honum finnst aukin áhugi meðal Íslendinga á hönnun. „Mér finnst það og ég held að þeir beri traust til okkar því við erum þetta gamalt og öruggt fyrirtæki,“ segir Eyjólfur. Árið 2015 opnaði Epal verslun í Kringlunni. Eyjólfur sagði eina af ástæðunum fyrir því vera að hætt var að selja íslenska hönnun í flugstöðinni. „Við sóttum bara um í Kringlunni og fengum þar inni og það var tiltölulega hagkvæmt að opna þar. Það styrkir okkur bara að vera með fleiri verslanir, Harpan gengur vel, Kringlan gegngur vel og Skeifan gengur mjög vel,“ segir Eyjólfur. Hann segir að það sé mest um ferðamenn í Hörpu en Íslendinga í Kringlunni. Árið 2015 var ekki einungis gjöfult fyrir Epal. Tinna Brá Baldvinsdóttir, eigandi Hríms, segir að árið hafi einnig verið það besta í sögu Hríms. „Það kom önnur búð inn og það fylgdi kostnaður við hana, og há leiga í Kringlunni, en þetta var besta árið okkar,“ segir Tinna. Besta ár Hríms fram til þess var árið 2013 þegar fyrirtækið hagnaðist um 9,7 milljónir. Hagnaður Epal á árunum 2007 til 2014 var hæstur árið 2014 þegar hann tvöfaldaðist milli ára og nam þá 56 milljónum króna í tveimur félögum, Epal hf. og Epal design ehf.Iittala-æðið ekki búiðBæði íslensk og skandinavísk hönnun nýtur sérstakra vinsælda í þeim hönnunarbúðum sem Markaðurinn ræddi við. Iittala-æði Íslendinga sem færðist í aukana eftir hrun virðist ekki vera á enda í þeim búðum sem selja vörumerkið. „Nei, ég held að það sé ekki búið, en auðvitað jafnar þetta sig að hluta. Þeir hjá iittala hafa staðið sig vel í að halda hlutunum spennandi, koma með nýjar vörur og svo framvegis. Þannig að iittala er enn þá mjög vinsælt,“ segir Auður Jóhannesdóttir, verslunarstjóri Dúku í Kringlunni. Hún segir íslenskar vörur mjög vinsælar hjá versluninni. „Við seljum mikið af íslenskri hönnunarvöru, Sveinbjörg Hallgrímsdóttir og Hekla Guðmundsdóttir hafa verið vinsælar. Babell-diskurinn er líka mjög vinsæll. Við seljum líka mjög mikið af teppum, við erum með mjög mörg íslensk teppi og svo Klippan-teppi frá Svíþjóð,“ segir Auður. Eyjólfur Pálsson, forstjóri Epal, segist finna fyrir auknum vinsældum hönnunar í búðinni. Hann segir að skandinavískar og íslenskar vörur njóti mikilla vinsælda. Örn Svavarsson, eigandi Minju, segir að meðal annars HEICO-dýralamparnir og önnur lítil náttljós séu sívinsælar vörur, svo og Cubebot-róbótinn frá Areaware, hálsfestarnar frá Hlín Reykdal, og Pyropet-kertin hennar Þórunnar Árnadóttur. Vinsælustu vörurnar hjá Kúnígúnd eru danskar. „Georg Jensen er kóngurinn hérna. Royal Copenhagen og Georg Jensen eru langstærstu og flottustu merkin okkar. Georg Jensen Damask sem er alls óskylt Georg Jensen er líka mjög vinsælt og Rosendahl og Villeroy & Boch,“ segir Jóhanna Ingimundardóttir sem starfar í versluninni. Satu Ramo, ein eigenda Finnsku búðarinnar og Reykjavik’s Cutest segir langvinsælustu vörurnar í Finnsku búðinni vera Marimekko-fatnað og Moomin-vörur. Hún segir að áhuginn hafi ekki minnkað á þeim vörum. „Áhuginn hefur bara aukist á Marimekko. Það er hágæða fatnaður sem er ekki rándýr og passar vel Íslendingum,“ segir Satu.Tinna Brá Baldvinsdóttir, eigandi Hrím.Þarf að fara ótroðnar slóðir í vöruleitTinna Brá Baldvinsdóttir, eigandi Hríms, flutti verslunina til Reykjavíkur í miðbæinn fyrir fjórum árum. Þremur árum síðar var hún komin með þrjár Hrímsverslanir í Reykjavík, eina í viðbót, Hrím Eldhús, í miðbænum og aðra í Kringlunni. Hún segir þessa útrás hönnunarbúða á tímabilinu einungis hafa styrkt starfsemi Hríms. „Maður þarf bara aðeins að sérhæfa sig betur og halda betur í merkin sín. Þessar nýju verslanir sem hafa verið opnaðar og skipt um eigendur og svona hafa verið að stela merkjum frá manni. Maður reynir bara að fara ótroðnar slóðir í vöruleit,“ segir Tinna. Vinsælustu vörurnar hjá Hrími hafa að sögn Tinnu verið Reykjavik Posters og vörur frá Studio Arhoj, en fyrirtækið hefur einmitt náð að vera eina búðin sem selur vörur Studio Arhoj. Þær vörur hafa verið mjög vinsælar og við höfum náð að halda því ein, en vitum að aðrar búðir hafa verið að reyna að ná því merki til sín,“ segir Tinna. Hrím er ein þeirra verslanakeðja sem hafa bætt við sig verslun í verslunarmiðstöð, en aðrar verslanir sem hafa gert það eru meðal annars Epal og Finnska búðin. Tinna segir að staðan sé sú að ferðamenn séu mest að versla í miðbænum en Íslendingarnir í Kringlunni. „Því miður eru allt of lítið af Íslendingum að koma í bæinn og þeim fækkar með hverjum mánuðinum. Það er engin niðursveifla í búðunum hjá mér, kúnnahópurinn er bara annar.“ Satu Ramo tekur undir þetta. Hún segir að eftir að þær opnuðu Finnsku búðina í Kringlunni sáu þær að Íslendingarnir væru að fara þangað að versla. „Við ákváðum af því að það koma svona margir ferðamenn inn í miðbænum og spyrja hvort til sé eitthvað íslenskt að breyta úrvalinu og aðeins að breyta nafninu svo að útlendingar skildu hvað væri til sölu. Við höfum því tekið inn íslenskar vörur þarna og leggjum áherslu á íslenska hönnun,“ segir Satu.18 þúsund í hóp fyrir notaðar hönnunarvörurMargar hönnunarbúðanna á höfuðborgarsvæðinu eru einnig með netverslun, auk þeirra er fjöldi verslana sem eru einungis á netinu. Svo virðist sem Íslendingar séu einnig duglegir að selja hönnunarvörur sín á milli. Tæplega 18 þúsund manns tilheyra Facebook-hópnum Notaðar hönnunarvörur. Þar skiptast margir á vörum í mismunandi litum auk þess að selja hönnunarvörur. Vinsælar vörur þar eru meðal annars Georg Jensenjólaóróar, iittala-kertastjakar, Marimekko-skálar og Kähler-vasar. Auk hans eru sérstakir hópar fyrir notaðar hönnunarvörur á Norðurlandi og á Suðurnesjum. Ferðamennska á Íslandi Mest lesið Lágvöruverðsverslunin Prís opnar í dag Neytendur Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Telja minni líkur á samdrætti í ferðaþjónustu með aukinni kortaveltu Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
Sannkölluð sprenging hefur orðið í innanhússhönnunarvöruverslunum frá hruni. Á fimm árum hafa fimmtán nýjar verslanir bæst í flóru verslananna í miðbænum, Kringlunni og Smáralind, samkvæmt talningu Markaðarins. Þær telja nú helming þeirra hönnunarvöruverslana sem starfa á svæðinu. Þá er ekki meðtalinn fjöldi „lundabúða“ sem hafa sprottið upp í miðbænum og selja hönnunarvörur, auk fjölmargra netverslana. Draga má þá ályktun að hönnunarvöruverslanir hafi aldrei verið fleiri. Svo virðist sem áhugi Íslendinga á hönnunarvöru hafi aldrei verið meiri. Hagnaður hönnunarfyrirtækja hefur farið vaxandi undanfarin árin. Árið 2014 tvöfaldaðist hagnaður Epal og nam 56 milljónum króna. Árið 2015 var svo það besta í fjörutíu ára sögu Epal að sögn forstjóra fyrirtækisins. Sömuleiðis var árið 2015 það besta hjá Hrími sem hóf starfsemi árið 2010 og rekur þrjár verslanir.Eigandi Hrím segir að þessi gríðarlega aukning í fjölda hönnunarbúða styrki bara starfsemina. Í ljósi hennar sé mikilvægt að fara ótroðnar slóðir í vöruleit og sérhæfa sig betur. Íslendingar virðast kaupa hönnunarvöru í auknum mæli í verslunarmiðstöðvum og hafa verslanir á síðustu árum flutt sig þangað eða opnað aðra verslun þar til að anna eftirspurninni. Ferðamenn sækja hins vegar mikið í hönnunarverslanir í miðbænum og hefur Finnska búðin meðal annars breytt nafninu sínu niður í bæ og starfsemi sinni þar, með því að auka fókus á íslenska hönnun til að anna eftirspurn ferðamanna eftir henni. Íslendingar sækja mikið í íslenska hönnun en hafa einnig verið mjög duglegir að versla skandinavíska hönnun undanfarin misseri. Iittala-æði þjóðarinnar sem hefur sótt í sig veðrið á árunum eftir hrun heldur að sögn verslunarstjóra ótrautt áfram og var sér iittala verslun opnuð í Kringlunni í fyrra. Auk iittala-vara njóta Kahler-, og Marimekko-vörur áfram mikilla vinsælda. Georg Jensen og Royal Copenhagen eru sívinsæl.Eyjólfur Pálsson er forstjóri Epal.Árið 2015 var það besta í fjörutíu ára sögu EpalÁrið 2015 var besta árið í fjörutíu ára rekstrarsögu Epal, að sögn Eyjólfs Pálssonar, forstjóra. Hann segir að það sé meira að seljast núna en fyrir hrun. Honum finnst aukin áhugi meðal Íslendinga á hönnun. „Mér finnst það og ég held að þeir beri traust til okkar því við erum þetta gamalt og öruggt fyrirtæki,“ segir Eyjólfur. Árið 2015 opnaði Epal verslun í Kringlunni. Eyjólfur sagði eina af ástæðunum fyrir því vera að hætt var að selja íslenska hönnun í flugstöðinni. „Við sóttum bara um í Kringlunni og fengum þar inni og það var tiltölulega hagkvæmt að opna þar. Það styrkir okkur bara að vera með fleiri verslanir, Harpan gengur vel, Kringlan gegngur vel og Skeifan gengur mjög vel,“ segir Eyjólfur. Hann segir að það sé mest um ferðamenn í Hörpu en Íslendinga í Kringlunni. Árið 2015 var ekki einungis gjöfult fyrir Epal. Tinna Brá Baldvinsdóttir, eigandi Hríms, segir að árið hafi einnig verið það besta í sögu Hríms. „Það kom önnur búð inn og það fylgdi kostnaður við hana, og há leiga í Kringlunni, en þetta var besta árið okkar,“ segir Tinna. Besta ár Hríms fram til þess var árið 2013 þegar fyrirtækið hagnaðist um 9,7 milljónir. Hagnaður Epal á árunum 2007 til 2014 var hæstur árið 2014 þegar hann tvöfaldaðist milli ára og nam þá 56 milljónum króna í tveimur félögum, Epal hf. og Epal design ehf.Iittala-æðið ekki búiðBæði íslensk og skandinavísk hönnun nýtur sérstakra vinsælda í þeim hönnunarbúðum sem Markaðurinn ræddi við. Iittala-æði Íslendinga sem færðist í aukana eftir hrun virðist ekki vera á enda í þeim búðum sem selja vörumerkið. „Nei, ég held að það sé ekki búið, en auðvitað jafnar þetta sig að hluta. Þeir hjá iittala hafa staðið sig vel í að halda hlutunum spennandi, koma með nýjar vörur og svo framvegis. Þannig að iittala er enn þá mjög vinsælt,“ segir Auður Jóhannesdóttir, verslunarstjóri Dúku í Kringlunni. Hún segir íslenskar vörur mjög vinsælar hjá versluninni. „Við seljum mikið af íslenskri hönnunarvöru, Sveinbjörg Hallgrímsdóttir og Hekla Guðmundsdóttir hafa verið vinsælar. Babell-diskurinn er líka mjög vinsæll. Við seljum líka mjög mikið af teppum, við erum með mjög mörg íslensk teppi og svo Klippan-teppi frá Svíþjóð,“ segir Auður. Eyjólfur Pálsson, forstjóri Epal, segist finna fyrir auknum vinsældum hönnunar í búðinni. Hann segir að skandinavískar og íslenskar vörur njóti mikilla vinsælda. Örn Svavarsson, eigandi Minju, segir að meðal annars HEICO-dýralamparnir og önnur lítil náttljós séu sívinsælar vörur, svo og Cubebot-róbótinn frá Areaware, hálsfestarnar frá Hlín Reykdal, og Pyropet-kertin hennar Þórunnar Árnadóttur. Vinsælustu vörurnar hjá Kúnígúnd eru danskar. „Georg Jensen er kóngurinn hérna. Royal Copenhagen og Georg Jensen eru langstærstu og flottustu merkin okkar. Georg Jensen Damask sem er alls óskylt Georg Jensen er líka mjög vinsælt og Rosendahl og Villeroy & Boch,“ segir Jóhanna Ingimundardóttir sem starfar í versluninni. Satu Ramo, ein eigenda Finnsku búðarinnar og Reykjavik’s Cutest segir langvinsælustu vörurnar í Finnsku búðinni vera Marimekko-fatnað og Moomin-vörur. Hún segir að áhuginn hafi ekki minnkað á þeim vörum. „Áhuginn hefur bara aukist á Marimekko. Það er hágæða fatnaður sem er ekki rándýr og passar vel Íslendingum,“ segir Satu.Tinna Brá Baldvinsdóttir, eigandi Hrím.Þarf að fara ótroðnar slóðir í vöruleitTinna Brá Baldvinsdóttir, eigandi Hríms, flutti verslunina til Reykjavíkur í miðbæinn fyrir fjórum árum. Þremur árum síðar var hún komin með þrjár Hrímsverslanir í Reykjavík, eina í viðbót, Hrím Eldhús, í miðbænum og aðra í Kringlunni. Hún segir þessa útrás hönnunarbúða á tímabilinu einungis hafa styrkt starfsemi Hríms. „Maður þarf bara aðeins að sérhæfa sig betur og halda betur í merkin sín. Þessar nýju verslanir sem hafa verið opnaðar og skipt um eigendur og svona hafa verið að stela merkjum frá manni. Maður reynir bara að fara ótroðnar slóðir í vöruleit,“ segir Tinna. Vinsælustu vörurnar hjá Hrími hafa að sögn Tinnu verið Reykjavik Posters og vörur frá Studio Arhoj, en fyrirtækið hefur einmitt náð að vera eina búðin sem selur vörur Studio Arhoj. Þær vörur hafa verið mjög vinsælar og við höfum náð að halda því ein, en vitum að aðrar búðir hafa verið að reyna að ná því merki til sín,“ segir Tinna. Hrím er ein þeirra verslanakeðja sem hafa bætt við sig verslun í verslunarmiðstöð, en aðrar verslanir sem hafa gert það eru meðal annars Epal og Finnska búðin. Tinna segir að staðan sé sú að ferðamenn séu mest að versla í miðbænum en Íslendingarnir í Kringlunni. „Því miður eru allt of lítið af Íslendingum að koma í bæinn og þeim fækkar með hverjum mánuðinum. Það er engin niðursveifla í búðunum hjá mér, kúnnahópurinn er bara annar.“ Satu Ramo tekur undir þetta. Hún segir að eftir að þær opnuðu Finnsku búðina í Kringlunni sáu þær að Íslendingarnir væru að fara þangað að versla. „Við ákváðum af því að það koma svona margir ferðamenn inn í miðbænum og spyrja hvort til sé eitthvað íslenskt að breyta úrvalinu og aðeins að breyta nafninu svo að útlendingar skildu hvað væri til sölu. Við höfum því tekið inn íslenskar vörur þarna og leggjum áherslu á íslenska hönnun,“ segir Satu.18 þúsund í hóp fyrir notaðar hönnunarvörurMargar hönnunarbúðanna á höfuðborgarsvæðinu eru einnig með netverslun, auk þeirra er fjöldi verslana sem eru einungis á netinu. Svo virðist sem Íslendingar séu einnig duglegir að selja hönnunarvörur sín á milli. Tæplega 18 þúsund manns tilheyra Facebook-hópnum Notaðar hönnunarvörur. Þar skiptast margir á vörum í mismunandi litum auk þess að selja hönnunarvörur. Vinsælar vörur þar eru meðal annars Georg Jensenjólaóróar, iittala-kertastjakar, Marimekko-skálar og Kähler-vasar. Auk hans eru sérstakir hópar fyrir notaðar hönnunarvörur á Norðurlandi og á Suðurnesjum.
Ferðamennska á Íslandi Mest lesið Lágvöruverðsverslunin Prís opnar í dag Neytendur Temu kaupin getu hæglega orðið að fíkn Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Verðstríð að hefjast á matvörumarkaði Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Telja minni líkur á samdrætti í ferðaþjónustu með aukinni kortaveltu Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira