Umfjöllun, viðtöl og myndir: Afturelding - Haukar 25-28 | Haukar jöfnuðu metin Guðmundur Marinó Ingvarsson í Mosfellsbæ skrifar 11. maí 2016 21:45 Janus Daði Smárason hleður í skot. vísir/anton Haukar jöfnuðu metin í úrslitaeinvíginu um Íslandsmeistaratitilinn Í Olís deild karla í handbolta gegn Aftureldingu með 28-25 sigri á útivelli í kvöld. Afturelding vann fyrsta leikinn í Hafnarfirði og því er staðan jöfn 1-1 eftir tvo leiki. Vinna þarf þrjá leiki til að vinna Íslandsmeistaratitilinn.Anton Brink, ljósmyndari Fréttablaðsins og Vísis, var í Mosfellsbænum í kvöld og tók meðfylgjandi myndir. Lélegur varnarleikur einkenndi fyrsta leikinn en allt annað var uppi á teningnum í kvöld þó leikurinn hafi verið hraður. Leikurinn var í járnum í fyrri hálfleik en Haukar gerðu sig seka um að klúðra fjórum dauðafærum á línunni í hálfleiknum og áttu í miklum vandræðum með Davíð Svansson sem fór á kostum í mark Aftureldingar. Afturelding var tveimur mörkum yfir í hálfleik en Haukar mættu mun einbeittari til leiks í seinni hálfleik og skutu mun betur á markið. Á sama tíma dró af leikmönnum Aftureldingar sóknarlega og fundu lykilmenn eins og Mikk Pinnonen og Jóhann Gunnar Einarsson sig ekki í seinni hálfleiknum. Haukar náðu sex marka forystu en Afturelding skoraði aðeins 8 mörk á 26 fyrstu mínútum seinni hálfleiks. Heimamenn náðu að skora fimm mörk á síðustu fjórum mínútunum og fyrir vikið komst spenna í leikinn undir lokin. Janus Daði Smárason sem bar Haukasóknina á herðum sér í leiknum skoraði þó síðasta mark leiksins og þegar uppi var staðið var forskot Hauka of mikið fyrir Aftureldingu að vinna upp á knöppum tíma. Vörn Hauka var lengst af mjög öflug í leiknum. Leikmenn liðsins voru ákveðnir og hreyfanlegir og fengu Mosfellingar fá skot án þess að út í þá væri gengið. Janus Daði átti stórleik í sókninni og Jón Þorbjörn Jóhannesson nýtti færin mjög vel í seinni hálfleik eftir erfiðan fyrri hálfleik. Egill Eiríksson átti einnig góða innkomu hjá Haukum og skoraði mikilvæg mörk. Adam Haukur Baumruk náði sér ekki á strik sóknarlega en lék mjög góða vörn gegn hægri skyttum Mosfellinga. Davíð Svansson var besti maður Aftureldingar fyrir aftan fína vörnina sem réð fyrst og fremst illa við Janus. Árni Bragi Eyjólfsson skilaði sínu en miklu munaði um að lykilmenn virtust þreytast nokkuð er leið á leikinn. Þriðji leikur liðanna verður á laugardaginn klukkan 16 í Schenkerhöllinni að Ásvöllum.Jón Þorbjörn: Fengum nokkur vel valin orð inni í klefa Jón Þorbjörn var mjög öflugur í hjarta varnarinnar hjá Haukum en hann og aðrir leikmenn Hauka voru ákveðnir í að bjóða ekki upp á sama hripleka varnarleikinn og í fyrsta leik liðanna. „Ég efast um að þú sjáir þetta aftur næstu árin. Þetta var ógeðslega lélegt í síðasta leik, sérstaklega í fyrri hálfleik. Við gátum ekki gert annað en að bæta fyrir það,“ sagði Jón Þorbjörn eftir leikinn í kvöld. „Ég veit ekki hvað gerðist síðast. Gunni (Gunnar Magnússon) tók tvo fundi á tveimur dögum og við erum komnir með nóg að því. Nenntum því ekki aftur,“ gantaðist Jón. „Þetta eru búin að vera tvö lið með mjög góða vörn í allan vetur. 40 mörk í fyrri hálfleik í leik milli okkar gengur ekki. Við vissum allan tímann að þetta yrði eðlilegra.“ Línumenn Hauka og þá ekki síst Jón Þorbjörn gerðu sig seka um að fara illa með dauðafærin í fyrri hálfleik en Jón bætti fyrir það með mjög góðri frammistöðu í sókninni í seinni hálfleik. „Við töluðum um hvað við vorum að gera vitlaust. Við skutum á fyrsta tempói í fyrri hálfleik og Davíð (Svansson) er það góður markmaður að hann tekur það. Svo biðum við á hann og þá náðum við að setja hann, bæði ég og Heimir (Óli Heimisson). „Við förum með fjögur færi á línunni í fyrri hálfleik. Þetta voru allt dauðafæri. Það gengur ekki ef maður ætlar að vinna leikina. „Ég og Heimir töluðum saman á leiðinni inn í klefa og svo fengum við nokkur vel valin orð frá nokkrum inni í klefa og við urðum að svara fyrir það. Við erum betri en þetta, bæði ég og Heimir,“ sagði Jón. Eftir að Afturelding vann fyrsta leikinn var mikið rætt og ritað um það að Mosfellingar væru líklegri í einvíginu með unninn heimavallarrétt. Haukar heyrðu þetta og notuðu sem hvatningu fyrir leikinn í kvöld. „Auðvitað les maður blöðin og allt þetta. En það er allt annað mál hvort við höfum hlustað á þetta. Við erum betri en við sýndum í síðsta leik og ætluðum að sýna það og það gerðum við. Nú er þetta einvígi aftur. Það eru Ásvellir næst og ég hlakka bara til,“ sagði Jón Þorbjörn að lokum.Einar Andri: Getum unnið aftur á Ásvöllum „Við spiluðum mjög góðan fyrri hálfleik og vorum í nokkuð góðum málum. Svo byrjum við seinni hálfleikinn illa og við gefum eftir hægt og rólega,“ sagði Einar Andri Einarsson þjálfari Aftureldingar. „Ég hefði kannski átt að rúlla liðinu meira allan seinni hálfleikinn. Það var kannski einhver þreyta en Haukarnir spiluðu vel í seinni hálfleik og voru betri en við. „Við héldum alltaf áfram en skotin urðu ónákvæmari og svo fengu þeir þrjú sóknarfráköst og ódýr mörk. Við breytum aðeins vörninni sem gekk fyrst en svo datt botninn úr því.“ Haukar fóru illa með dauðafærin í fyrri hálfleik en það snérist við í seinni hálfleik og á þeim kafla þegar Haukar lögðu grunninn að forskoti sínu voru það heimamenn sem fóru illa að ráði sínu í góðum færum. „Þetta eru tvö jöfn og góð lið og þetta fellur oft á þessu. Við vorum yfir 16-15. Svo komast þeir í 18-16 og við vorum í yfirtölu og förum illa með tvö dauðafæri. Við hefðum getað verið yfir ef við hefðum nýtt færin. Þetta er oft það sem skilur á milli.“ Afturelding vann fyrsta leikinn á Ásvöllum og hefur Einar Andri fulla trú á að Afturelding geti endurtekið þann leik. „Það er verkefnið. Við unnum þar síðast og þá getum við alveg gert það aftur. Við erum með stórkostlegan stuðning með okkur. Það er aðeins öðruvísi gólfið og veggirnir en annars er þetta sama og alltaf 20 sinnum 40,“ sagði Einar og vísaði þar til stærðar vallarins.Einar Andri á hliðarlínunni í kvöld.vísir/antonJón Þorbjörn var öflugur á línunni.vísir/anton Olís-deild karla Mest lesið Hafþór Júlíus annar sterkasti maður jarðar: Setti tvö heimsmet Sport Fékk rautt spjald fyrir að pissa Fótbolti Vill eignast lið í hverri heimsálfu Fótbolti Undirbýr sig fyrir NBA tímabilið á bólakafi Körfubolti Níræð tugþrautarkona með 35 heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Segir Sterling hafa brugðist liðsfélögum sínum Enski boltinn Bronshetja Svía í bann fyrir mótmælin Sport „Við erum með YouTube-gaur að berjast við besta boxara sögunnar“ Sport Fleiri fréttir Fóru illa að ráði sínu gegn Egyptum Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Sjá meira
Haukar jöfnuðu metin í úrslitaeinvíginu um Íslandsmeistaratitilinn Í Olís deild karla í handbolta gegn Aftureldingu með 28-25 sigri á útivelli í kvöld. Afturelding vann fyrsta leikinn í Hafnarfirði og því er staðan jöfn 1-1 eftir tvo leiki. Vinna þarf þrjá leiki til að vinna Íslandsmeistaratitilinn.Anton Brink, ljósmyndari Fréttablaðsins og Vísis, var í Mosfellsbænum í kvöld og tók meðfylgjandi myndir. Lélegur varnarleikur einkenndi fyrsta leikinn en allt annað var uppi á teningnum í kvöld þó leikurinn hafi verið hraður. Leikurinn var í járnum í fyrri hálfleik en Haukar gerðu sig seka um að klúðra fjórum dauðafærum á línunni í hálfleiknum og áttu í miklum vandræðum með Davíð Svansson sem fór á kostum í mark Aftureldingar. Afturelding var tveimur mörkum yfir í hálfleik en Haukar mættu mun einbeittari til leiks í seinni hálfleik og skutu mun betur á markið. Á sama tíma dró af leikmönnum Aftureldingar sóknarlega og fundu lykilmenn eins og Mikk Pinnonen og Jóhann Gunnar Einarsson sig ekki í seinni hálfleiknum. Haukar náðu sex marka forystu en Afturelding skoraði aðeins 8 mörk á 26 fyrstu mínútum seinni hálfleiks. Heimamenn náðu að skora fimm mörk á síðustu fjórum mínútunum og fyrir vikið komst spenna í leikinn undir lokin. Janus Daði Smárason sem bar Haukasóknina á herðum sér í leiknum skoraði þó síðasta mark leiksins og þegar uppi var staðið var forskot Hauka of mikið fyrir Aftureldingu að vinna upp á knöppum tíma. Vörn Hauka var lengst af mjög öflug í leiknum. Leikmenn liðsins voru ákveðnir og hreyfanlegir og fengu Mosfellingar fá skot án þess að út í þá væri gengið. Janus Daði átti stórleik í sókninni og Jón Þorbjörn Jóhannesson nýtti færin mjög vel í seinni hálfleik eftir erfiðan fyrri hálfleik. Egill Eiríksson átti einnig góða innkomu hjá Haukum og skoraði mikilvæg mörk. Adam Haukur Baumruk náði sér ekki á strik sóknarlega en lék mjög góða vörn gegn hægri skyttum Mosfellinga. Davíð Svansson var besti maður Aftureldingar fyrir aftan fína vörnina sem réð fyrst og fremst illa við Janus. Árni Bragi Eyjólfsson skilaði sínu en miklu munaði um að lykilmenn virtust þreytast nokkuð er leið á leikinn. Þriðji leikur liðanna verður á laugardaginn klukkan 16 í Schenkerhöllinni að Ásvöllum.Jón Þorbjörn: Fengum nokkur vel valin orð inni í klefa Jón Þorbjörn var mjög öflugur í hjarta varnarinnar hjá Haukum en hann og aðrir leikmenn Hauka voru ákveðnir í að bjóða ekki upp á sama hripleka varnarleikinn og í fyrsta leik liðanna. „Ég efast um að þú sjáir þetta aftur næstu árin. Þetta var ógeðslega lélegt í síðasta leik, sérstaklega í fyrri hálfleik. Við gátum ekki gert annað en að bæta fyrir það,“ sagði Jón Þorbjörn eftir leikinn í kvöld. „Ég veit ekki hvað gerðist síðast. Gunni (Gunnar Magnússon) tók tvo fundi á tveimur dögum og við erum komnir með nóg að því. Nenntum því ekki aftur,“ gantaðist Jón. „Þetta eru búin að vera tvö lið með mjög góða vörn í allan vetur. 40 mörk í fyrri hálfleik í leik milli okkar gengur ekki. Við vissum allan tímann að þetta yrði eðlilegra.“ Línumenn Hauka og þá ekki síst Jón Þorbjörn gerðu sig seka um að fara illa með dauðafærin í fyrri hálfleik en Jón bætti fyrir það með mjög góðri frammistöðu í sókninni í seinni hálfleik. „Við töluðum um hvað við vorum að gera vitlaust. Við skutum á fyrsta tempói í fyrri hálfleik og Davíð (Svansson) er það góður markmaður að hann tekur það. Svo biðum við á hann og þá náðum við að setja hann, bæði ég og Heimir (Óli Heimisson). „Við förum með fjögur færi á línunni í fyrri hálfleik. Þetta voru allt dauðafæri. Það gengur ekki ef maður ætlar að vinna leikina. „Ég og Heimir töluðum saman á leiðinni inn í klefa og svo fengum við nokkur vel valin orð frá nokkrum inni í klefa og við urðum að svara fyrir það. Við erum betri en þetta, bæði ég og Heimir,“ sagði Jón. Eftir að Afturelding vann fyrsta leikinn var mikið rætt og ritað um það að Mosfellingar væru líklegri í einvíginu með unninn heimavallarrétt. Haukar heyrðu þetta og notuðu sem hvatningu fyrir leikinn í kvöld. „Auðvitað les maður blöðin og allt þetta. En það er allt annað mál hvort við höfum hlustað á þetta. Við erum betri en við sýndum í síðsta leik og ætluðum að sýna það og það gerðum við. Nú er þetta einvígi aftur. Það eru Ásvellir næst og ég hlakka bara til,“ sagði Jón Þorbjörn að lokum.Einar Andri: Getum unnið aftur á Ásvöllum „Við spiluðum mjög góðan fyrri hálfleik og vorum í nokkuð góðum málum. Svo byrjum við seinni hálfleikinn illa og við gefum eftir hægt og rólega,“ sagði Einar Andri Einarsson þjálfari Aftureldingar. „Ég hefði kannski átt að rúlla liðinu meira allan seinni hálfleikinn. Það var kannski einhver þreyta en Haukarnir spiluðu vel í seinni hálfleik og voru betri en við. „Við héldum alltaf áfram en skotin urðu ónákvæmari og svo fengu þeir þrjú sóknarfráköst og ódýr mörk. Við breytum aðeins vörninni sem gekk fyrst en svo datt botninn úr því.“ Haukar fóru illa með dauðafærin í fyrri hálfleik en það snérist við í seinni hálfleik og á þeim kafla þegar Haukar lögðu grunninn að forskoti sínu voru það heimamenn sem fóru illa að ráði sínu í góðum færum. „Þetta eru tvö jöfn og góð lið og þetta fellur oft á þessu. Við vorum yfir 16-15. Svo komast þeir í 18-16 og við vorum í yfirtölu og förum illa með tvö dauðafæri. Við hefðum getað verið yfir ef við hefðum nýtt færin. Þetta er oft það sem skilur á milli.“ Afturelding vann fyrsta leikinn á Ásvöllum og hefur Einar Andri fulla trú á að Afturelding geti endurtekið þann leik. „Það er verkefnið. Við unnum þar síðast og þá getum við alveg gert það aftur. Við erum með stórkostlegan stuðning með okkur. Það er aðeins öðruvísi gólfið og veggirnir en annars er þetta sama og alltaf 20 sinnum 40,“ sagði Einar og vísaði þar til stærðar vallarins.Einar Andri á hliðarlínunni í kvöld.vísir/antonJón Þorbjörn var öflugur á línunni.vísir/anton
Olís-deild karla Mest lesið Hafþór Júlíus annar sterkasti maður jarðar: Setti tvö heimsmet Sport Fékk rautt spjald fyrir að pissa Fótbolti Vill eignast lið í hverri heimsálfu Fótbolti Undirbýr sig fyrir NBA tímabilið á bólakafi Körfubolti Níræð tugþrautarkona með 35 heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Segir Sterling hafa brugðist liðsfélögum sínum Enski boltinn Bronshetja Svía í bann fyrir mótmælin Sport „Við erum með YouTube-gaur að berjast við besta boxara sögunnar“ Sport Fleiri fréttir Fóru illa að ráði sínu gegn Egyptum Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Sjá meira