Meistari samfélags-miðlanna með nýja plötu Stefán Þór Hjartarson skrifar 30. apríl 2016 10:00 Rapparinn Drake gaf út plötuna Views á fimmtudaginn. Mynd/Getty Rapparinn Drake er einn vinsælasti popptónlistarmaður heimsins í dag. Drake er ásamt Kanye West, Beyoncé og fleirum poppurum hluti af nýrri kynslóð tónlistarmanna sem hafa aðlagast nýju landslagi á poppmarkaðnum sem varð til með tilkomu internetsins, hruni geisladiskasölu með ólöglegu niðurhali og risi samfélagsmiðla. Ef litið er á síðustu útgáfur þessara tónlistamanna er auðvelt að greina ákveðið mynstur: Kanye West fór á Twitter og reitti af sér yfirlýsingarnar rétt áður en hann gaf út ókláruðu plötuna The Life of Pablo og einungis á tónlistarþjónustunni Tidal, Beyoncé gefur tvær síðustu plötur sínar út óvænt og þeim fylgja myndbandsverk þar sem hún er pólitísk og ýjar að vandamálum í sambandi við eiginmann sinn og Drake býr til „memes“, brandara á internetinu sem allir geta tekið þátt í. Þau kynna öll plöturnar með „viral“ aðgerðum sem virkja fólk á samfélagsmiðlum til að taka þátt í markaðssetningunni án þess kannski að vera fullkomlega meðvitað um það.Það er ljóst að Drake hefur húmor fyrir sjálfum sér enda hefur hann notað brandarana til að auglýsa sjálfan sig. Mynd/GettyFyrir útgáfu Views setti Drake mynd af plötuumslaginu á Twitter en framan á plötunni er mynd af CN turninum í Toronto, heimabæ Drakes, og má sjá Drake sitjandi ofan á byggingunni. Fljótlega fóru margir notendur Twitter að búa til sínar eigin útgáfur þar sem Drake situr á alls kyns undarlegum stöðum og svo virtist sem allir væru að ræða Views í kjölfar þess þó að í raun væri ekki mikið komið á hreint um plötuna nema bara myndin af plötuumslaginu og lagalisti. Drake sjálfur hefur sett svipaðar myndir inn á Instagram-reikning sinn en þar er lítil útgáfa af honum sitjandi með á myndum af þeim tónlistarmönnum sem koma fram í gestahlutverkum á plötunni. Sérstök vefsíða býður fólki svo upp á að búa til sínar eigin útgáfur af umslaginu og önnur inniheldur leik þar sem notendur geta kastað Drake fram af turninum. Þetta er alls ekki í fyrsta sinn sem Drake hefur orðið að „meme“. Líklega varð hann það fyrst þegar Jimmy Brooks, karakterinn sem hann lék í Degrassi-þáttunum, var notaður í brandarann „Wheelchair Drake“ um 2010 – en persónan var um skeið í hjólastól í þáttunum. Þessi brandari snerist aðallega um að myndir af Drake í hjólastól voru notaðar ásamt textum úr lögunum hans til að segja hjólastólabrandara. Síðan komu „type of“ brandararnir, þar sem var grínast með hvað Drake er af mörgum talinn mjúkur, frasinn YOLO sem Drake gerði vinsælan í laginu The Motto, Photoshop-brjálæði eftir að myndbandið No New Friends kom út, fólk að gera eigin útgáfur af plötuumslaginu af If You’re Reading This It’s Too Late, frægt fólk að herma eftir Hotline Bling myndbandinu og síðan deilur Drakes við rapparann Meek Mill sem vöktu athygli um allan heim. Drake er svo sem ekki einsdæmi þegar kemur að því að verða skotspónn internetsins en fáir hafa verið eins meðvitaðir um það og notað sér svo grínið til eigin markaðssetningar eins og hann. Meira að segja lagatitlarnir hans virðast hannaðir til að vera notaðir undir myndum á samfélagsmiðlum. Tónlist Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Rapparinn Drake er einn vinsælasti popptónlistarmaður heimsins í dag. Drake er ásamt Kanye West, Beyoncé og fleirum poppurum hluti af nýrri kynslóð tónlistarmanna sem hafa aðlagast nýju landslagi á poppmarkaðnum sem varð til með tilkomu internetsins, hruni geisladiskasölu með ólöglegu niðurhali og risi samfélagsmiðla. Ef litið er á síðustu útgáfur þessara tónlistamanna er auðvelt að greina ákveðið mynstur: Kanye West fór á Twitter og reitti af sér yfirlýsingarnar rétt áður en hann gaf út ókláruðu plötuna The Life of Pablo og einungis á tónlistarþjónustunni Tidal, Beyoncé gefur tvær síðustu plötur sínar út óvænt og þeim fylgja myndbandsverk þar sem hún er pólitísk og ýjar að vandamálum í sambandi við eiginmann sinn og Drake býr til „memes“, brandara á internetinu sem allir geta tekið þátt í. Þau kynna öll plöturnar með „viral“ aðgerðum sem virkja fólk á samfélagsmiðlum til að taka þátt í markaðssetningunni án þess kannski að vera fullkomlega meðvitað um það.Það er ljóst að Drake hefur húmor fyrir sjálfum sér enda hefur hann notað brandarana til að auglýsa sjálfan sig. Mynd/GettyFyrir útgáfu Views setti Drake mynd af plötuumslaginu á Twitter en framan á plötunni er mynd af CN turninum í Toronto, heimabæ Drakes, og má sjá Drake sitjandi ofan á byggingunni. Fljótlega fóru margir notendur Twitter að búa til sínar eigin útgáfur þar sem Drake situr á alls kyns undarlegum stöðum og svo virtist sem allir væru að ræða Views í kjölfar þess þó að í raun væri ekki mikið komið á hreint um plötuna nema bara myndin af plötuumslaginu og lagalisti. Drake sjálfur hefur sett svipaðar myndir inn á Instagram-reikning sinn en þar er lítil útgáfa af honum sitjandi með á myndum af þeim tónlistarmönnum sem koma fram í gestahlutverkum á plötunni. Sérstök vefsíða býður fólki svo upp á að búa til sínar eigin útgáfur af umslaginu og önnur inniheldur leik þar sem notendur geta kastað Drake fram af turninum. Þetta er alls ekki í fyrsta sinn sem Drake hefur orðið að „meme“. Líklega varð hann það fyrst þegar Jimmy Brooks, karakterinn sem hann lék í Degrassi-þáttunum, var notaður í brandarann „Wheelchair Drake“ um 2010 – en persónan var um skeið í hjólastól í þáttunum. Þessi brandari snerist aðallega um að myndir af Drake í hjólastól voru notaðar ásamt textum úr lögunum hans til að segja hjólastólabrandara. Síðan komu „type of“ brandararnir, þar sem var grínast með hvað Drake er af mörgum talinn mjúkur, frasinn YOLO sem Drake gerði vinsælan í laginu The Motto, Photoshop-brjálæði eftir að myndbandið No New Friends kom út, fólk að gera eigin útgáfur af plötuumslaginu af If You’re Reading This It’s Too Late, frægt fólk að herma eftir Hotline Bling myndbandinu og síðan deilur Drakes við rapparann Meek Mill sem vöktu athygli um allan heim. Drake er svo sem ekki einsdæmi þegar kemur að því að verða skotspónn internetsins en fáir hafa verið eins meðvitaðir um það og notað sér svo grínið til eigin markaðssetningar eins og hann. Meira að segja lagatitlarnir hans virðast hannaðir til að vera notaðir undir myndum á samfélagsmiðlum.
Tónlist Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira