Þórunn Antonía selur íbúð sína í 101

Poppsöngkonan Þórunn Antonía Magnúsdóttir hefur sett íbúð sína á Laugaveginum á sölu. Um er að ræða bjarta 86 fermetra ris íbúð á horni Laugavegar og Frakkastígs sem vel hentar fyrir listamenn og annað fólk sem lifir og hrærist í skapandi umhverfi 101 Reykjavík.

Að ljósmyndum að dæma hefur Þórunn Antónía mjög naumhyggjulegan stíl og er greinilega ekki mjög gefin fyrir mikla litagleði þegar kemur að innanhúsinnréttingu. Á myndunum sem fylgja auglýsingunni er nánast allt skjannahvítt fyrir utan tek-málaða viðarbúta í ris-loftinu.

Á myndunum má sjá litlar svalir þar sem söngkonan hefur eflaust eytt daggóðum stundum í sólinni og búið til laglínur á meðan hún sleikti sólina. Inn í stofu hanga gítarar sem eflaust hefur verið gripið í að kvöldlagi þegar söngkonan hefur tekið á móti gestum.

Söluverð á íbúðinni eru tæpar 42 milljónir króna en auglýsinguna má sjá hér.