Losna við að hafa áhyggjur af myndbyggingu Gunnþóra Gunnarsdóttir skrifar 1. apríl 2017 09:15 "Þegar mér bauðst sýningarpláss hér í Hannesarholti ákvað ég að slá til, enda með myndir í þeirri stærð sem hentar vel fyrir staðinn,“ segir Hlynur. Fréttablaðið/Eyþór Árnason Eitt verkanna á sýningunni í Hannesarholti. Þetta er það sem ég hef verið að fást við undanfarin tvö til þrjú ár,“ segir Hlynur Helgason, listfræðingur og myndlistarmaður, um blek- og olíumálverk sem hann er að koma fyrir í veglegum veitingastofum Hannesarholts við Grundarstíg 10. Hann hefur ekki sýnt í fjórtán ár en kveðst beita svolítið sérstakri tækni við gerð þessara nýlegu mynda. Hún felist í vissri aðferð við að blanda litinn. „Ég mála rendur á strigann og læt svo málningu leka yfir flötinn á kerfisbundinn hátt þannig að hvert málverk er um tvo mánuði að verða til,“ segir hann og lýsir ferlinu nánar: „Á hverri mynd eru tólf rendur, ég mála eina í einu og síðan sný ég striganum þannig að málningin fer að leka niður flötinn. Þetta er aðferð sem byggir á mörg hundruð ára gamalli hefð en þó er kannski viss frumleiki í að nota hana svona. Hugmyndin sem að baki býr hjá mér er að losna við að hafa áhyggjur af myndbyggingu.“ Aðferðin er ekki eins einföld og hún hljómar því Hlynur viðurkennir að nota vissa útreikninga við hana. „Myndirnar byggja sig upp sjálfar út frá kerfi sem ég er búinn að búa til fyrirfram. Þar ræður að hluta til regla byggð á aukastöfum útreikninga á ummáli hrings, pí sem er reglulegasta tala sem til er í heiminum en verður nákvæmlega eins og handahóf þegar hún er komin í þetta samhengi.“ Nú ranghvolfir blaðamaður augunum og skilur voða lítið. Hlyni er skemmt. „Þetta er svona léttur leikur, smá kerskni, getum við sagt!“ Best að snúa sér að einfaldari atriðum. Af hverju varð Hannesarholt fyrir valinu þegar hann ákvað að setja upp sýningu eftir fjórtán ára hlé? „Mér var boðið að sýna hér og fannst það tilvalið. Myndirnar í þessari myndröð eru það litlar, lunginn af þeim er 50x50 sentimetra olíumálverk, svo er ég með nokkur blekmálverk líka sem eru 50x70.“ Aðalstarf Hlyns er að kenna listfræði í Háskóla Íslands. Eigin listsköpun hefur verið hliðargrein hjá honum síðustu ár. „Ég var með svona sex, sjö fermetra pláss hjá Myndhöggvarafélaginu í mörg ár, þar sem ég gat sest inn og gert eina og eina vatnslitamynd, skissu eða vídeó en svo var ég kominn með svo mikið af hugmyndum að ég ákvað að fá mér vinnustofu upp á 35 fermetra. Síðustu misserin hef ég aðallega verið að keyra í gegnum hugmyndirnar og þegar mér bauðst sýningarpláss hér í Hannesarholti ákvað ég að slá til, enda með myndir í þeirri stærð sem hentar vel fyrir staðinn.“ Greinin birtist fyrst í Fréttablaðinu 1. apríl 2017 Mest lesið „Þegar menn vaða svona í fjölskylduna mína þá tek ég boxhanskana af“ Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Kolbrún ber laxerolíu á andlitið Lífið Íslensk börn skorti meiri aga Lífið Maggie Smith er látin Lífið Kallaður hinn íslenski Forrest Gump af stóra bróður Lífið Fyndnustu dýralífsmyndir ársins Lífið Þriðja barnið á leiðinni Lífið Fleiri fréttir Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Eitt verkanna á sýningunni í Hannesarholti. Þetta er það sem ég hef verið að fást við undanfarin tvö til þrjú ár,“ segir Hlynur Helgason, listfræðingur og myndlistarmaður, um blek- og olíumálverk sem hann er að koma fyrir í veglegum veitingastofum Hannesarholts við Grundarstíg 10. Hann hefur ekki sýnt í fjórtán ár en kveðst beita svolítið sérstakri tækni við gerð þessara nýlegu mynda. Hún felist í vissri aðferð við að blanda litinn. „Ég mála rendur á strigann og læt svo málningu leka yfir flötinn á kerfisbundinn hátt þannig að hvert málverk er um tvo mánuði að verða til,“ segir hann og lýsir ferlinu nánar: „Á hverri mynd eru tólf rendur, ég mála eina í einu og síðan sný ég striganum þannig að málningin fer að leka niður flötinn. Þetta er aðferð sem byggir á mörg hundruð ára gamalli hefð en þó er kannski viss frumleiki í að nota hana svona. Hugmyndin sem að baki býr hjá mér er að losna við að hafa áhyggjur af myndbyggingu.“ Aðferðin er ekki eins einföld og hún hljómar því Hlynur viðurkennir að nota vissa útreikninga við hana. „Myndirnar byggja sig upp sjálfar út frá kerfi sem ég er búinn að búa til fyrirfram. Þar ræður að hluta til regla byggð á aukastöfum útreikninga á ummáli hrings, pí sem er reglulegasta tala sem til er í heiminum en verður nákvæmlega eins og handahóf þegar hún er komin í þetta samhengi.“ Nú ranghvolfir blaðamaður augunum og skilur voða lítið. Hlyni er skemmt. „Þetta er svona léttur leikur, smá kerskni, getum við sagt!“ Best að snúa sér að einfaldari atriðum. Af hverju varð Hannesarholt fyrir valinu þegar hann ákvað að setja upp sýningu eftir fjórtán ára hlé? „Mér var boðið að sýna hér og fannst það tilvalið. Myndirnar í þessari myndröð eru það litlar, lunginn af þeim er 50x50 sentimetra olíumálverk, svo er ég með nokkur blekmálverk líka sem eru 50x70.“ Aðalstarf Hlyns er að kenna listfræði í Háskóla Íslands. Eigin listsköpun hefur verið hliðargrein hjá honum síðustu ár. „Ég var með svona sex, sjö fermetra pláss hjá Myndhöggvarafélaginu í mörg ár, þar sem ég gat sest inn og gert eina og eina vatnslitamynd, skissu eða vídeó en svo var ég kominn með svo mikið af hugmyndum að ég ákvað að fá mér vinnustofu upp á 35 fermetra. Síðustu misserin hef ég aðallega verið að keyra í gegnum hugmyndirnar og þegar mér bauðst sýningarpláss hér í Hannesarholti ákvað ég að slá til, enda með myndir í þeirri stærð sem hentar vel fyrir staðinn.“ Greinin birtist fyrst í Fréttablaðinu 1. apríl 2017
Mest lesið „Þegar menn vaða svona í fjölskylduna mína þá tek ég boxhanskana af“ Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Kolbrún ber laxerolíu á andlitið Lífið Íslensk börn skorti meiri aga Lífið Maggie Smith er látin Lífið Kallaður hinn íslenski Forrest Gump af stóra bróður Lífið Fyndnustu dýralífsmyndir ársins Lífið Þriðja barnið á leiðinni Lífið Fleiri fréttir Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira