Lögreglunni hafa borist margar ábendingar vegna hvarfs Birnu Brjánsdóttur. Þeirra á meðal er ábending frá konu sem setti sig í samband við lögreglu í gær og sagði frá árás sem hún varð fyrir ofarlega í Bankastræti aðfaranótt 8. janúar.
Skór Birnu fundust við Hafnarfjarðarhöfn í gærkvöldi og hefur umfangsmikil leitaraðgerð farið fram á svæðinu í alla nótt. Engar frekari vísbendingar hafa þó fundist.
Ítarlegt uppgjör á atburðum næturinnar eftir að skórnir fundust má lesa hér.
Í samtali við Fréttablaðið sagði konan frá því hvernig nokkrir menn réðust að henni þar sem hún var á göngu upp Bankastrætið upp úr klukkan fimm að morgni. Eiginmaður hennar, sem var aðeins ofar í götunni, kom konu sinni til bjargar og lenti í stympingum við mennina.
Þá leitaði önnur kona aðstoðar lögreglu vegna gruns um að hafa verið byrlað ólyfjan á skemmtistaðnum Húrra, kvöldið sem Birna hvarf.
„Sem betur fer er hægt að halda því fram í þessu tilfelli að þó það sjáist að Birna hafi neytt áfengis þá ber hún sig ekki þannig að henni hafi verið gefið slíkt deyfiefni,“ segir Grímur Grímsson yfirlögregluþjónn.
Fréttin birtist fyrst í Fréttablaðinu.
Lögreglu borist fjölmargar ábendingar

Tengdar fréttir

Leitin að Birnu: Fjölmargar ábendingar frá borgurum hafa engu skilað
Björgunarsveitarmenn fundu engar vísbendingar í miðbænum.

Móðir Birnu: „Það er svolítið skýrt að hún er í hættu“
Hafði nýverið skráð sig á Tinder.

Ökumaður rauða bílsins enn ekki gefið sig fram
Lögregla reynir að fylgja öllum vísbendingum.

Óskað eftir aðstoð sporhunda við leitina að Birnu
Lögregla er engu nær um hvar Birna Brjánsdóttir er niðurkomin.