Borgarstjóri um framtíð Reykjavíkurflugvallar: „Miðað við stjórnarsáttmálann erum við býsna samstíga“ Hulda Hólmkelsdóttir skrifar 12. janúar 2017 16:35 Borgarstjóri segist telja að málið sé á borði innanríkisráðuneytisins. Vísir/Ernir Á fundi borgarstjórnar Reykjavíkur þann 10. janúar síðastliðinn samþykkti borgarstjórn að beina því til innanríkisráðuneytisins að kanna hvort tilefni sé til að opna flugbraut 07/25 á Keflavíkurflugvelli. Sú braut gæti tekið við sjúkraflugvélum í neyðartilfellum í stað NA/SV flugbrautar Reykjavíkurflugvallar, sem oft er kölluð neyðarbrautin. Borgarstjóri segist telja að málið sé á borði innanríkisráðuneytisins og að borgaryfirvöld séu tilbúin að ræða málefni flugvallarins við Jón Gunnarsson, nýskipaðan samgöngumálaráðherra. Tillagan sem samþykkt var á fundinum var breytingartillaga við svohljóðandi tillögu borgarfulltrúa Framsóknar og flugvallarvina:Borgarstjórn samþykkir að borgarstjóri ræði við innanríkisráðherra og veiti ríkinu heimild Reykjavíkurborgar til þess að hafa NA/SV flugbrautina á Reykjavíkurflugvelli opna fyrir sjúkraflug fram á vor.Minnihlutinn í borginni sat hjá við afgreiðslu málsins og lét bókun fylgja í fundargerð þar sem hann lýsti yfir furðu sinni yfir því að meirihlutinn „treysti sér ekki til að taka tillögu Framsóknar og flugvallarvina til atkvæðagreiðslu og leggi fram nýja tillögu sem meirihlutinn kallar breytingartillögu sem hún er auðvitað ekki.“Sambærileg braut í Keflavík Borgarstjóri segir að ítrekað hafi verið bent á að sambærileg braut sé til staðar í Keflavík „Við vöktum athygli innanríkisráðuneytisins á því í bréfi fyrir einu og hálfu ári síðan, þegar við vorum að þrýsta á um að samningar yrðu virtir varðandi þriðju brautina, að ef að ráðuneytið teldi að öryggissjónarmið kölluðu á braut í þessari stefnu á suðvesturhorninu þá væri til sambærileg braut í Keflavík sem hefur verið lokuð árum saman,“ segir Dagur B. Eggertsson borgarstjóri í samtali við Vísi. „Öryggisnefnd félags íslenskra atvinnuflugmanna hefur bent á það sama, ítrekað reyndar. Þannig að við teljum málið vera á borði innanríkisráðherra á réttum vettvangi frekar en það eigi heima í umræðu í sölum borgarstjórnar. Það liggur fyrir að ISAVIA sem rekur flugvellina á Íslandi lagði það mat á í lok 2013 að beiðni ráðuneytisins að það væri ekki nauðsynlegt að opna brautina, jafnvel þó að þriðja brautin yrði lokuð á Reykjavíkurflugvelli. Kannski er það bara það mat sem hefur verið ofan á á borði ráðuneytisins, en það er auðvitað ekki mitt að svara því.“ Jón Gunnarsson samgönguráðherra sagði í samtali við Vísi í gær að engin önnur lausn væri í stöðunni en að hafa flugvöllinn áfram í Vatnsmýri. Dagur segir að borgarstjórn sé tilbúin til að ræða málefni Reykjavíkurflugvallar við samgönguráðherra.Sjá einnig: Nýr samgönguráðherra: Engin önnur lausn í stöðunni en að hafa flugvöllinn áfram í Vatnsmýri„Ráðherra hefur náttúrulega heimild til að ræða framtíð Reykjavíkurflugvallar og við erum alveg tilbúin til þess og teljum að Rögnunefndin hafi gefið okkur nokkuð góðan grunn að því með því að fara yfir helstu kosti sem eru í stöðunni. Ég á von á því að við munum finna tíma fljótlega til að setjast yfir þau mál og koma þeim í einhvern formlegan farveg,“ segir Dagur í samtali við Vísi. „Ég held það skipti reyndar mjög miklu máli að Reykjavík og höfuðborgarsvæðið í heild eigi gott samstarf við samgönguráðherra því það þarf mikið átak í samgöngumálum höfuðborgarsvæðisins. Við erum ekki alveg samstíga í flugvallarmálinu en miðað við stjórnarsáttmálann erum við býsna samstíga í því að það þurfi að fara að taka á því máli og horfa til framtíðar,“ segir Dagur. Þar vísar hann í stjórnarsáttmála nýrrar ríkisstjórnar þar sem segir að hún muni beita sér fyrir lausn í deilunni með því að stofna til formlegra viðræðna samgönguyfirvalda, heilbrigðisyfirvalda, Reykjavíkurborgar, annarra sveitarfélaga og hagsmunaaðila. „Auðvitað verður reynslan að leiða í ljós hvernig það gengur en ef maður á að taka mið af stjórnarsáttmálanum erum við að minnsta kosti að fara að setjast niður og sjá hvort að hagsmunir geti ekki farið saman og við getum fundið sameiginlega lausn sem allir landsmenn geti miðað við.“ Mest lesið Með nettengingu í trássi við öryggisreglur til að komast inn á Signal Erlent Árásarmaðurinn sagður aðhyllast hugmyndir Hitler Erlent Meintir hópnauðgarar á bannlista skemmtistaðar Innlent Neituðu sök en viðurkenna nú að hafa drepið hjálparstarfsmann Erlent Vagga Akureyrarflugs er á Melgerðismelum Innlent Alvarlegt ef þrefalda á strandveiðikvóta á kostnað annarra Innlent Setja þurfi skýrar reglur um sæðisgjöf á Íslandi Innlent Leigubílstjóri og vinur hans dæmdir fyrir nauðgun Innlent Sýknaður af ákæru fyrir kynferðisáreitni gegn barni Innlent „Vladímír, HÆTTU!“ Erlent Fleiri fréttir Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sólveig Anna segir skilið við Sósíalista Ríkissaksóknari staðfestir niðurfellingu í stórri slysasleppingu Sjá meira
Á fundi borgarstjórnar Reykjavíkur þann 10. janúar síðastliðinn samþykkti borgarstjórn að beina því til innanríkisráðuneytisins að kanna hvort tilefni sé til að opna flugbraut 07/25 á Keflavíkurflugvelli. Sú braut gæti tekið við sjúkraflugvélum í neyðartilfellum í stað NA/SV flugbrautar Reykjavíkurflugvallar, sem oft er kölluð neyðarbrautin. Borgarstjóri segist telja að málið sé á borði innanríkisráðuneytisins og að borgaryfirvöld séu tilbúin að ræða málefni flugvallarins við Jón Gunnarsson, nýskipaðan samgöngumálaráðherra. Tillagan sem samþykkt var á fundinum var breytingartillaga við svohljóðandi tillögu borgarfulltrúa Framsóknar og flugvallarvina:Borgarstjórn samþykkir að borgarstjóri ræði við innanríkisráðherra og veiti ríkinu heimild Reykjavíkurborgar til þess að hafa NA/SV flugbrautina á Reykjavíkurflugvelli opna fyrir sjúkraflug fram á vor.Minnihlutinn í borginni sat hjá við afgreiðslu málsins og lét bókun fylgja í fundargerð þar sem hann lýsti yfir furðu sinni yfir því að meirihlutinn „treysti sér ekki til að taka tillögu Framsóknar og flugvallarvina til atkvæðagreiðslu og leggi fram nýja tillögu sem meirihlutinn kallar breytingartillögu sem hún er auðvitað ekki.“Sambærileg braut í Keflavík Borgarstjóri segir að ítrekað hafi verið bent á að sambærileg braut sé til staðar í Keflavík „Við vöktum athygli innanríkisráðuneytisins á því í bréfi fyrir einu og hálfu ári síðan, þegar við vorum að þrýsta á um að samningar yrðu virtir varðandi þriðju brautina, að ef að ráðuneytið teldi að öryggissjónarmið kölluðu á braut í þessari stefnu á suðvesturhorninu þá væri til sambærileg braut í Keflavík sem hefur verið lokuð árum saman,“ segir Dagur B. Eggertsson borgarstjóri í samtali við Vísi. „Öryggisnefnd félags íslenskra atvinnuflugmanna hefur bent á það sama, ítrekað reyndar. Þannig að við teljum málið vera á borði innanríkisráðherra á réttum vettvangi frekar en það eigi heima í umræðu í sölum borgarstjórnar. Það liggur fyrir að ISAVIA sem rekur flugvellina á Íslandi lagði það mat á í lok 2013 að beiðni ráðuneytisins að það væri ekki nauðsynlegt að opna brautina, jafnvel þó að þriðja brautin yrði lokuð á Reykjavíkurflugvelli. Kannski er það bara það mat sem hefur verið ofan á á borði ráðuneytisins, en það er auðvitað ekki mitt að svara því.“ Jón Gunnarsson samgönguráðherra sagði í samtali við Vísi í gær að engin önnur lausn væri í stöðunni en að hafa flugvöllinn áfram í Vatnsmýri. Dagur segir að borgarstjórn sé tilbúin til að ræða málefni Reykjavíkurflugvallar við samgönguráðherra.Sjá einnig: Nýr samgönguráðherra: Engin önnur lausn í stöðunni en að hafa flugvöllinn áfram í Vatnsmýri„Ráðherra hefur náttúrulega heimild til að ræða framtíð Reykjavíkurflugvallar og við erum alveg tilbúin til þess og teljum að Rögnunefndin hafi gefið okkur nokkuð góðan grunn að því með því að fara yfir helstu kosti sem eru í stöðunni. Ég á von á því að við munum finna tíma fljótlega til að setjast yfir þau mál og koma þeim í einhvern formlegan farveg,“ segir Dagur í samtali við Vísi. „Ég held það skipti reyndar mjög miklu máli að Reykjavík og höfuðborgarsvæðið í heild eigi gott samstarf við samgönguráðherra því það þarf mikið átak í samgöngumálum höfuðborgarsvæðisins. Við erum ekki alveg samstíga í flugvallarmálinu en miðað við stjórnarsáttmálann erum við býsna samstíga í því að það þurfi að fara að taka á því máli og horfa til framtíðar,“ segir Dagur. Þar vísar hann í stjórnarsáttmála nýrrar ríkisstjórnar þar sem segir að hún muni beita sér fyrir lausn í deilunni með því að stofna til formlegra viðræðna samgönguyfirvalda, heilbrigðisyfirvalda, Reykjavíkurborgar, annarra sveitarfélaga og hagsmunaaðila. „Auðvitað verður reynslan að leiða í ljós hvernig það gengur en ef maður á að taka mið af stjórnarsáttmálanum erum við að minnsta kosti að fara að setjast niður og sjá hvort að hagsmunir geti ekki farið saman og við getum fundið sameiginlega lausn sem allir landsmenn geti miðað við.“
Mest lesið Með nettengingu í trássi við öryggisreglur til að komast inn á Signal Erlent Árásarmaðurinn sagður aðhyllast hugmyndir Hitler Erlent Meintir hópnauðgarar á bannlista skemmtistaðar Innlent Neituðu sök en viðurkenna nú að hafa drepið hjálparstarfsmann Erlent Vagga Akureyrarflugs er á Melgerðismelum Innlent Alvarlegt ef þrefalda á strandveiðikvóta á kostnað annarra Innlent Setja þurfi skýrar reglur um sæðisgjöf á Íslandi Innlent Leigubílstjóri og vinur hans dæmdir fyrir nauðgun Innlent Sýknaður af ákæru fyrir kynferðisáreitni gegn barni Innlent „Vladímír, HÆTTU!“ Erlent Fleiri fréttir Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sólveig Anna segir skilið við Sósíalista Ríkissaksóknari staðfestir niðurfellingu í stórri slysasleppingu Sjá meira