Eldur kviknaði í Sæplasti á Dalvík

Eldur kviknaði ofan á einum bræðsluofni í verksmiðju Sæplasts á Dalvík laust fyrir klukkan fimm í morgun og var í fyrstu óttast að hann næði að teygja sig upp í klæðningu á lofti hússins og berast þá um allt.

Starfsmenn sem voru við vinnu hófu strax slökkvistörf og síðan kom slökkvilið Dalvíkur á vettvang og lauk slökkivstarfinu áður en eldurinn náði útbreiðslu. Loftræstikerfi hússins sá svo um reykræstingu.

Eldsupptök verða könnuð þegar ofninn hefur náð að kólna niður, að sögn lögreglu.