Umfjöllun og viðtöl: ÍBV - FH 30-21 | FH-ingar fengu skell í Eyjum Gabríel Sighvatsson í Eyjum skrifar 9. mars 2017 21:30 Það er mikið undir hjá Kára Kristjáni og félögum í ÍBV í kvöld. vísir/eyþór Eyjamenn blésu í herlúðranna og sendu sterk skilaboð til annarra liða í Olís-deildinni með öruggum níu marka sigri á FH í Olís-deild karla en leiknum lauk með 30-21 sigri Eyjamanna í Eyjum. Ákveðið var að spilað yrði í nýja salnum aftur til að fá fleiri áhorfendur á leikinn og það má segja að það heppnaðist fullkomlega. Allt var troðið og stemningin var mögnuð sem hjálpaði Eyjamönnum klárlega þegar á hólminn var komið. Bæði liðin fóru með gott veganesti inn í leikinn, sigrar í síðustu umferð og í raun voru liðin bæði taplaus á árinu 2017. Það var ekki að sjá að liðin væru svona jöfn í deildinni því lokatölur voru 30-21 fyrir heimamenn sem gjörsigruðu Hafnfirðingana. Fyrri hálfleikur var gríðarlega jafn og spennandi. FH byrjaði betur og komst í þriggja marka forystu sem ÍBV sneri svo við. Það fór svo að Eyjamenn skoruðu flautumark og leiddu því 14-13 í hálfleik. Í seinni hálfleik breyttist allt. ÍBV stakk gestina af og virkuðu þeir kraftlausir. Vörnin og markvarslan hjá Eyjamönnum var geggjuð en FH skoraði einungis 8 mörk í seinni hálfleik. Stephen Nielsen átti stjörnuleik og var með 25 varin skot í leiknum. Theodór var eins og oft áður markahæstur með 8 mörk. Hjá FH náði enginn sér á strik í dag. Vörnin fór út um þúfur í síðari hálfleik og markvarslan þar með. Það sem var undravert við varnarleikinn hjá þeim var hinsvegar sú staðreynd að liðið fékk ekki á sig neina tveggja mínútna brottvísun. Næstu leikir liðanna eru gegn liðum í botnbaráttu, ÍBV tekur á móti Stjörnunni eftir viku og FH fær Fram í heimsókn. Arnar: Erum að taka tröppurnar upp á við Arnar Pétursson var heldur betur ánægður með sína menn að leikslokum en ÍBV er núna eina liðið sem er enn ósigrað á þessu ári. „Ég er mjög ánægður með leikinn í dag og þær framfarir sem eru í gangi hjá okkur. Við erum að taka tröppurnar eins og við viljum og erum að bæta okkur leik eftir leik.“ Í dag var ákveðið að spila í stóra salnum en undanfarið hefur gamli salurinn verið notaður meira þar sem dúkurinn í hinum salnum er orðinn ansi slakur. „Já, við vitum að við eigum frábæra áhorfendur og þeir vilja vera í stóra salnum. Það er vika í næsta leik þannig að við ákváðum að gefa þessu séns, að menn fái tíma til að jafna sig eftir dúkinn sem er allavega ekki góður og það skilaði sér í dag.“ Varnarvinna Eyjamanna var mögnuð í dag og FH-ingar skoruðu aðeins 8 mörk í seinni hálfleik. „Maggi (Stefánsson) og Sindri (Haraldsson) voru frábærir, öll varnarvinnan og markvarslan var frábær. Sindri og Maggi eru stórkostlegir varnarmenn og að mínu mati þeir bestu í deildinni, þeir sýndu það hérna í dag og þeir eru okkur gríðarlega mikilvægir. Maggi var með niðurgang í tvo daga og kemur svo og klárar þennan leik,“ sagði Arnar en það var smá flensa að hrjá suma í hópnum fyrir leik. Stephen Nielsen var annar maður sem stóð sig frábærlega, var með 25 varða bolta í leiknum. „Stephen er mikilvægur í hópnum, í seinasta leik kom Kolli inn og kláraði þann leik eins og höfðingi en ég vil ekki setja þetta þannig að munurinn á þessum leik og hinum leikjunum gegn FH sé Stephen. Við erum bara hægt og rólega að bæta okkur eftir hvern leik. Stephen var frábær í dag og hjálpaði okkur klárlega að vinna þennan leik.“ Arnar hrósaði liði FH að leikslokum. „Þeir eru frábærir og eru með virkilega gott lið og frábæran þjálfara. Það sést á liðinu að þetta er gott lið og þess vegna er ég gríðarlega sáttur við okkar leik í dag. Þeir gáfu aðeins eftir og gáfust eiginlega bara upp þegar 8-9 mínútur voru eftir og við kláruðum þetta sannfærandi.“ sagði Arnar að lokum. Halldór Jóhann: Fengum á lúðurinnHalldór Jóhann Sigfússon var ekki alls kostar sáttur við sína menn eftir skellinn sem þeir fengum í Eyjum. „Þetta er allt of stórt tap. 14-13 í hálfleik, ég veit bara ekki hvað gerðist í seinni hálfleik. Við komum ekki út úr hálfleiknum, mér fannst þetta í raun bara sorgleg frammistaða í seinni hálfleik, það var flott umgjörð hérna til að eiga flottan leik en við fengum á lúðurinn,“ sagði Halldór. Markvarslan var eitt af mörgu sem var í toppstandi hjá ÍBV í dag á meðan hlutirnir gengu ekki jafn vel fyrir sig hjá gestunum. „Mér fannst varnarleikurinn vera góður lengst af en við erum ekki með neina markvörslu. Við erum með sjö bolta varða á meðan hann (Stephen Nielsen) er með 20 og eitthvað hinum megin,“ sagði Halldór og hélt áfram: „Svo erum við slakir sóknarlega, ég veit ekki hvað við klúðrum mörgum dauðafærum og tökum fullt af röngum ákvörðunum. Við spilum okkur í raun út úr leiknum, hættum að gera þá hluti sem hafa einkennt okkur í vetur og skiluðu okkur í 2. sæti. Þegar við erum í svona gír lítum við ekki út fyrir að vera lið í 2. sæti.“ Halldór var sérstaklega ósáttur með hversu stórt lið hans tapaði. „Þetta er stór skellur, ég veit ekki hvort menn héldu að þeir væru komnir lengra en við erum í raun. Þú getur alveg komið til Eyja og tapað, þeir eru auðvitað með frábært lið en þú þarft ekki að tapa með níu mörkum,“ Olís-deild karla Mest lesið Hafþór Júlíus keppir á móti í Síberíu Sport Stórefast um framtíð íslenska körfuboltans ef ekkert verði gert Körfubolti Englendingar gætu verið með sjö lið í Meistaradeildinni á næstu leiktíð Enski boltinn Greint frá ósæmilegri hegðun í aðdraganda þings KKÍ Körfubolti „Hefur verið draumur minn síðan ég var lítill“ Handbolti Liðsfélaga landsliðsfyrirliðans var ekki hleypt inn í landið Fótbolti Skoraði Messi þá ólöglegt mark í úrslitaleik HM í Katar? Fótbolti McLaren með tvo fremstu menn á ráspól í fyrstu keppni ársins Formúla 1 Aron verður heldur ekki með í dag Handbolti Guðrún Karítas bætti tvö met tvisvar á sama kvöldinu Sport Fleiri fréttir „Viljum klára það eins fljótt og hægt er“ Aron verður heldur ekki með í dag „Hefur verið draumur minn síðan ég var lítill“ „Að fá að gera þetta alla daga er draumur“ Síðustu miðarnir ruku út og uppselt í Laugardalshöllina á morgun Donni: Ekki spilað með helmingnum af þessum strákum Róbert aðstoðar Ágúst á Hlíðarenda „Engin draumastaða“ Alfreð fyrsti íslenski þjálfarinn til að tapa stigi Hart barist um að fylgja Íslandi á EM Gunnar tekur aftur við Haukum „Við endum í þessu þriðja sæti og þannig er bara lífið“ Gróttukonur gerðu aftur góða ferð á Selfoss Uppgjör: Fram-Haukar 26-23 | Hefndu fyrir tap í bikarúrslitaleiknum „Frábært að fá fleiri gaura inn í systemið“ „Finnst við hafa sýnt hversu góðir við erum“ Hálfleiksræða Dags kveikti á króatíska liðinu Gísli og Ómar gerðir útlægir vegna skautasýningar Uppgjörið: Grikkland - Ísland 25-34 | Sannfærandi hjá strákaunum okkar þrátt fyrir forföll Ljónin staðfesta komu Hauks rétt fyrir landsleik „Það dugar yfirleitt til að spila handboltaleik“ Velta því fyrir sér hvort fimmtán ára HK-ingur hafi skorað mark ársins Skiptir úr sálfræðinni í Duolingo Strákarnir sem mæta Grikkjum í dag: Margir aðalleikarar utan hóps „Mjög undarlegt að þessi höll standist kröfur“ Prentuðu Dag Sig og strákana hans á frímerki Aron enn einn lykilmaðurinn sem missir af Grikklandsleiknum Aldís Ásta og félagar fóru illa með liðið fyrir neðan þær í töflunni Eftirmaður Þóris segir stelpurnar þurfa að æfa sig í að senda og grípa „Við erum of mistækir“ Sjá meira
Eyjamenn blésu í herlúðranna og sendu sterk skilaboð til annarra liða í Olís-deildinni með öruggum níu marka sigri á FH í Olís-deild karla en leiknum lauk með 30-21 sigri Eyjamanna í Eyjum. Ákveðið var að spilað yrði í nýja salnum aftur til að fá fleiri áhorfendur á leikinn og það má segja að það heppnaðist fullkomlega. Allt var troðið og stemningin var mögnuð sem hjálpaði Eyjamönnum klárlega þegar á hólminn var komið. Bæði liðin fóru með gott veganesti inn í leikinn, sigrar í síðustu umferð og í raun voru liðin bæði taplaus á árinu 2017. Það var ekki að sjá að liðin væru svona jöfn í deildinni því lokatölur voru 30-21 fyrir heimamenn sem gjörsigruðu Hafnfirðingana. Fyrri hálfleikur var gríðarlega jafn og spennandi. FH byrjaði betur og komst í þriggja marka forystu sem ÍBV sneri svo við. Það fór svo að Eyjamenn skoruðu flautumark og leiddu því 14-13 í hálfleik. Í seinni hálfleik breyttist allt. ÍBV stakk gestina af og virkuðu þeir kraftlausir. Vörnin og markvarslan hjá Eyjamönnum var geggjuð en FH skoraði einungis 8 mörk í seinni hálfleik. Stephen Nielsen átti stjörnuleik og var með 25 varin skot í leiknum. Theodór var eins og oft áður markahæstur með 8 mörk. Hjá FH náði enginn sér á strik í dag. Vörnin fór út um þúfur í síðari hálfleik og markvarslan þar með. Það sem var undravert við varnarleikinn hjá þeim var hinsvegar sú staðreynd að liðið fékk ekki á sig neina tveggja mínútna brottvísun. Næstu leikir liðanna eru gegn liðum í botnbaráttu, ÍBV tekur á móti Stjörnunni eftir viku og FH fær Fram í heimsókn. Arnar: Erum að taka tröppurnar upp á við Arnar Pétursson var heldur betur ánægður með sína menn að leikslokum en ÍBV er núna eina liðið sem er enn ósigrað á þessu ári. „Ég er mjög ánægður með leikinn í dag og þær framfarir sem eru í gangi hjá okkur. Við erum að taka tröppurnar eins og við viljum og erum að bæta okkur leik eftir leik.“ Í dag var ákveðið að spila í stóra salnum en undanfarið hefur gamli salurinn verið notaður meira þar sem dúkurinn í hinum salnum er orðinn ansi slakur. „Já, við vitum að við eigum frábæra áhorfendur og þeir vilja vera í stóra salnum. Það er vika í næsta leik þannig að við ákváðum að gefa þessu séns, að menn fái tíma til að jafna sig eftir dúkinn sem er allavega ekki góður og það skilaði sér í dag.“ Varnarvinna Eyjamanna var mögnuð í dag og FH-ingar skoruðu aðeins 8 mörk í seinni hálfleik. „Maggi (Stefánsson) og Sindri (Haraldsson) voru frábærir, öll varnarvinnan og markvarslan var frábær. Sindri og Maggi eru stórkostlegir varnarmenn og að mínu mati þeir bestu í deildinni, þeir sýndu það hérna í dag og þeir eru okkur gríðarlega mikilvægir. Maggi var með niðurgang í tvo daga og kemur svo og klárar þennan leik,“ sagði Arnar en það var smá flensa að hrjá suma í hópnum fyrir leik. Stephen Nielsen var annar maður sem stóð sig frábærlega, var með 25 varða bolta í leiknum. „Stephen er mikilvægur í hópnum, í seinasta leik kom Kolli inn og kláraði þann leik eins og höfðingi en ég vil ekki setja þetta þannig að munurinn á þessum leik og hinum leikjunum gegn FH sé Stephen. Við erum bara hægt og rólega að bæta okkur eftir hvern leik. Stephen var frábær í dag og hjálpaði okkur klárlega að vinna þennan leik.“ Arnar hrósaði liði FH að leikslokum. „Þeir eru frábærir og eru með virkilega gott lið og frábæran þjálfara. Það sést á liðinu að þetta er gott lið og þess vegna er ég gríðarlega sáttur við okkar leik í dag. Þeir gáfu aðeins eftir og gáfust eiginlega bara upp þegar 8-9 mínútur voru eftir og við kláruðum þetta sannfærandi.“ sagði Arnar að lokum. Halldór Jóhann: Fengum á lúðurinnHalldór Jóhann Sigfússon var ekki alls kostar sáttur við sína menn eftir skellinn sem þeir fengum í Eyjum. „Þetta er allt of stórt tap. 14-13 í hálfleik, ég veit bara ekki hvað gerðist í seinni hálfleik. Við komum ekki út úr hálfleiknum, mér fannst þetta í raun bara sorgleg frammistaða í seinni hálfleik, það var flott umgjörð hérna til að eiga flottan leik en við fengum á lúðurinn,“ sagði Halldór. Markvarslan var eitt af mörgu sem var í toppstandi hjá ÍBV í dag á meðan hlutirnir gengu ekki jafn vel fyrir sig hjá gestunum. „Mér fannst varnarleikurinn vera góður lengst af en við erum ekki með neina markvörslu. Við erum með sjö bolta varða á meðan hann (Stephen Nielsen) er með 20 og eitthvað hinum megin,“ sagði Halldór og hélt áfram: „Svo erum við slakir sóknarlega, ég veit ekki hvað við klúðrum mörgum dauðafærum og tökum fullt af röngum ákvörðunum. Við spilum okkur í raun út úr leiknum, hættum að gera þá hluti sem hafa einkennt okkur í vetur og skiluðu okkur í 2. sæti. Þegar við erum í svona gír lítum við ekki út fyrir að vera lið í 2. sæti.“ Halldór var sérstaklega ósáttur með hversu stórt lið hans tapaði. „Þetta er stór skellur, ég veit ekki hvort menn héldu að þeir væru komnir lengra en við erum í raun. Þú getur alveg komið til Eyja og tapað, þeir eru auðvitað með frábært lið en þú þarft ekki að tapa með níu mörkum,“
Olís-deild karla Mest lesið Hafþór Júlíus keppir á móti í Síberíu Sport Stórefast um framtíð íslenska körfuboltans ef ekkert verði gert Körfubolti Englendingar gætu verið með sjö lið í Meistaradeildinni á næstu leiktíð Enski boltinn Greint frá ósæmilegri hegðun í aðdraganda þings KKÍ Körfubolti „Hefur verið draumur minn síðan ég var lítill“ Handbolti Liðsfélaga landsliðsfyrirliðans var ekki hleypt inn í landið Fótbolti Skoraði Messi þá ólöglegt mark í úrslitaleik HM í Katar? Fótbolti McLaren með tvo fremstu menn á ráspól í fyrstu keppni ársins Formúla 1 Aron verður heldur ekki með í dag Handbolti Guðrún Karítas bætti tvö met tvisvar á sama kvöldinu Sport Fleiri fréttir „Viljum klára það eins fljótt og hægt er“ Aron verður heldur ekki með í dag „Hefur verið draumur minn síðan ég var lítill“ „Að fá að gera þetta alla daga er draumur“ Síðustu miðarnir ruku út og uppselt í Laugardalshöllina á morgun Donni: Ekki spilað með helmingnum af þessum strákum Róbert aðstoðar Ágúst á Hlíðarenda „Engin draumastaða“ Alfreð fyrsti íslenski þjálfarinn til að tapa stigi Hart barist um að fylgja Íslandi á EM Gunnar tekur aftur við Haukum „Við endum í þessu þriðja sæti og þannig er bara lífið“ Gróttukonur gerðu aftur góða ferð á Selfoss Uppgjör: Fram-Haukar 26-23 | Hefndu fyrir tap í bikarúrslitaleiknum „Frábært að fá fleiri gaura inn í systemið“ „Finnst við hafa sýnt hversu góðir við erum“ Hálfleiksræða Dags kveikti á króatíska liðinu Gísli og Ómar gerðir útlægir vegna skautasýningar Uppgjörið: Grikkland - Ísland 25-34 | Sannfærandi hjá strákaunum okkar þrátt fyrir forföll Ljónin staðfesta komu Hauks rétt fyrir landsleik „Það dugar yfirleitt til að spila handboltaleik“ Velta því fyrir sér hvort fimmtán ára HK-ingur hafi skorað mark ársins Skiptir úr sálfræðinni í Duolingo Strákarnir sem mæta Grikkjum í dag: Margir aðalleikarar utan hóps „Mjög undarlegt að þessi höll standist kröfur“ Prentuðu Dag Sig og strákana hans á frímerki Aron enn einn lykilmaðurinn sem missir af Grikklandsleiknum Aldís Ásta og félagar fóru illa með liðið fyrir neðan þær í töflunni Eftirmaður Þóris segir stelpurnar þurfa að æfa sig í að senda og grípa „Við erum of mistækir“ Sjá meira