Hildur Yeoman og 66°Norður í eina sæng Guðný Hrönn skrifar 5. mars 2017 15:00 Hildur Yeoman mun kynna samstarf sitt við 66°Norður á HönnunarMars. Vísir/Stefán Brátt kynna 66°Norður og Hildur Yeoman samstarf sitt en um er að ræða línu sem er innblásin af hafinu. Hingað til hefur 66°N unnið mikið með sjóinn og það hefur Hildur líka gert, en á gjörólíkan hátt. Þar sem sjórinn hefur verið í brennidepli hjá bæði hönnunarteymi 66°Norður og Hildi Yeoman með ólíkri útkomu er um áhugavert samstarf að ræða. „Þau í hönnunarteyminu höfðu samband við mig upp á að vinna með þeim að skemmtilegri afmælislínu. Mér fannst þetta mjög spennandi þar sem ég hef ekki gert mikið af útivistarfatnaði áður og sló til,“ segir Hildur spurð út í hvernig þetta hafi komið til. „Línan er byggð á sniðum frá már þó að við höfum einnig búið til ný snið sérstaklega fyrir samstarfið. Einnig hannaði ég prent sérstaklega fyrir línuna, við köllum það ölduprentið og það verður túlkað í prjónaflíkum sem eru fyrir bæði kyn. Þau hjá 66°Norður eru svo með snillinga á sínum snærum þegar kemur að því að finna góð efni sem henta vel í íslenska veðráttu. Það var mjög gefandi að vinna með hönnunarteyminu þeirra við að leysa ýmis mál, eins og útfærslu prents yfir í prjón og fleira þess háttar.“ Hildur segir samstarfið hafa verið ánægjulegt og ákveðna tilbreytingu fyrir sig. „Þetta er búið að vera mjög skemmtilegt ferli og virkilega gaman að vinna með teyminu þeirra. Það er valinn maður í hverri stöðu sem er spennandi fyrir mig sem er einyrki,“ útskýrir Hildur. Þó að fatnaður hennar sé gjörólíkur flíkum frá 66°Norður þá small þetta vel saman að hennar sögn. „Ég er þekktari fyrir fatnað sem konur klæðast bæði við vinnu og í drykk eftir vinnu, einnig er ég þekkt fyrir klæðnað sem konur klæðast við hátíðleg tilefni. Það var því skemmtilegt að fara út fyrir sitt vanalega hönnunarumhverfi og hanna föt sem munu henta vel á sjóinn, í útileguna eða í fjallgöngu. Línan verður frumsýnd á HönnunarMars. Þetta eru ullarpeysur, húfur, treflar og geggjaður regnjakki sem ég get ekki beðið eftir því að klæðast,“ segir Hildur sem tekur svo fram að línunni verði fagnað þann 24. mars í verslun 66°Norður á Laugavegi. „Við erum að vinna að umgjörðinni á því eins og stendur.“ Tíska og hönnun Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Syntu í hverri einustu laug landsins Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Brátt kynna 66°Norður og Hildur Yeoman samstarf sitt en um er að ræða línu sem er innblásin af hafinu. Hingað til hefur 66°N unnið mikið með sjóinn og það hefur Hildur líka gert, en á gjörólíkan hátt. Þar sem sjórinn hefur verið í brennidepli hjá bæði hönnunarteymi 66°Norður og Hildi Yeoman með ólíkri útkomu er um áhugavert samstarf að ræða. „Þau í hönnunarteyminu höfðu samband við mig upp á að vinna með þeim að skemmtilegri afmælislínu. Mér fannst þetta mjög spennandi þar sem ég hef ekki gert mikið af útivistarfatnaði áður og sló til,“ segir Hildur spurð út í hvernig þetta hafi komið til. „Línan er byggð á sniðum frá már þó að við höfum einnig búið til ný snið sérstaklega fyrir samstarfið. Einnig hannaði ég prent sérstaklega fyrir línuna, við köllum það ölduprentið og það verður túlkað í prjónaflíkum sem eru fyrir bæði kyn. Þau hjá 66°Norður eru svo með snillinga á sínum snærum þegar kemur að því að finna góð efni sem henta vel í íslenska veðráttu. Það var mjög gefandi að vinna með hönnunarteyminu þeirra við að leysa ýmis mál, eins og útfærslu prents yfir í prjón og fleira þess háttar.“ Hildur segir samstarfið hafa verið ánægjulegt og ákveðna tilbreytingu fyrir sig. „Þetta er búið að vera mjög skemmtilegt ferli og virkilega gaman að vinna með teyminu þeirra. Það er valinn maður í hverri stöðu sem er spennandi fyrir mig sem er einyrki,“ útskýrir Hildur. Þó að fatnaður hennar sé gjörólíkur flíkum frá 66°Norður þá small þetta vel saman að hennar sögn. „Ég er þekktari fyrir fatnað sem konur klæðast bæði við vinnu og í drykk eftir vinnu, einnig er ég þekkt fyrir klæðnað sem konur klæðast við hátíðleg tilefni. Það var því skemmtilegt að fara út fyrir sitt vanalega hönnunarumhverfi og hanna föt sem munu henta vel á sjóinn, í útileguna eða í fjallgöngu. Línan verður frumsýnd á HönnunarMars. Þetta eru ullarpeysur, húfur, treflar og geggjaður regnjakki sem ég get ekki beðið eftir því að klæðast,“ segir Hildur sem tekur svo fram að línunni verði fagnað þann 24. mars í verslun 66°Norður á Laugavegi. „Við erum að vinna að umgjörðinni á því eins og stendur.“
Tíska og hönnun Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Syntu í hverri einustu laug landsins Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira