Þann 1. mars tók í gildi skipulagsbreyting og breytt skipurit hjá 365 miðlum með það að markmiði að hagræða, einfalda skipulag. Til varð Ljósvakasvið en undir því verður öll ljósvakastarfsemi 365, sjónvarps-, útvarps- og íþróttadeild. Þetta kemur fram í tilkynningu frá 365.
Ágúst Héðinsson verður framkvæmdastjóri Ljósvakasviðs en hann hefur stýrt útvarpi og sporti undanfarin misseri. Jóhanna Margrét Gísladóttir mun vera Ágústi innan handar í rekstri sviðsins.
Arndís Huld Hákonardóttir tekur við sem markaðsstjóri 365 miðla hf., frá og með 1. mars. Arndís hefur unnið hjá markaðsdeild 365 undanfarin tvö ár.
„Þetta verður bara spennandi. Ég hef komið að ýmsu í þessum fjölmiðlageira í gegnum árin.Það má segja að við séum stödd í smá ólgusjó þegar kemur að dreifingu sjónvarpsefnis og það er bara spennandi áskorun að taka þátt í þessari öru þróun,“ segir Ágúst.
Ágúst Héðinsson ráðinn framkvæmdastjóri nýs Ljósvakasviðs hjá 365
Tengdar fréttir
Vodafone kaupir hluta 365 miðla á 6,8 milljarða
Aðilar hafa náð samkomulagi um kaupverð á grundvelli fyrirliggjandi upplýsinga úr fyrrgreindri áreiðanleikakönnun og áframhald einkaviðræðna.
Vodafone vill kaupa ljósvakamiðla og fjarskiptaþjónustu 365
Fjarskipti hf. og 365 miðlar hf. hafa undirritað samkomulag um einkaviðræður og helstu forsendur og skilmála kaupsamnings varðandi möguleg kaup á eignum og rekstri ljósvakamiðla og fjarskiptaþjónustu 365 miðla hf.
