Forseti Brasilíu flýr draugahöll

Forseti Brasilíu, Michel Temer, er fluttur út úr embættisbústað sínum ásamt eiginkonu og syni vegna „slæmrar orku“ í forsetahöllinni. Hann hafi átt erfitt með að sofna frá því að hann flutti inn í forsetahöllina sem er 7.300 fermetrar að stærð.

Samkvæmt fréttablaðinu Globo fékk forsetinn prest til að reyna að reka út illa anda úr embættisbústaðnum en það bar ekki árangur.

Forsetafjölskyldan er nú flutt á ný inn í aðra höll sem var bústaður Temers á meðan hann gegndi embætti varaforseta. 

Fréttin birtist fyrst í Fréttablaðinu.