Sóttvarnalæknir segir enga ástæðu til þess að flýta 18 mánaða bólusetningu gegn mislingum vegna þess eina tilfellis sem greindist hér á landi á dögunum. Þá segir hann að ekki sé ráðlagt að bólusetja börn yngri en 9 mánaða vegna þess að litlar líkur séu á að bóluefnið virki hjá svo ungum börnum.
Þetta kemur fram á heimasíðu landlæknis, en greint var frá því í gær að níu mánaða barn hefði greinst með mislinga hér á landi eftir ferðalag í Taílandi fyrr í mánuðnum. Sóttvarnalæknir segir einu ástæðurnar til að flýta 18 mánaða bólusetningunni eftirfarandi:
Börnum 9 mánaða eða eldri sem á undangengnum þremur dögum hafa umgengst einstakling með staðfesta mislinga.
Börnum 9 mánaða eða eldri sem líklega munu komast í tæri við mislinga t.d. vegna ferðalaga.
Ef fleiri mislingatilfelli fara að greinast hér á landi þá getur þurft að hefja bólusetningu hjá yngri börnum en það verður þá tilkynnt sérstaklega.
Sóttvarnalæknir segir enga ástæðu til að flýta bólusetningu
Tengdar fréttir
Íslenskt barn greint með mislinga
Níu mánaða barn greindist með mislinga.
Fáir sjúkdómar jafn smitandi og mislingar
Formaður Félags íslenskra barnalækna, segir mikilvægt að fólk láti bólusetja börnin sín samkvæmt ráðleggingum.
