Tveir létust í skotárás í grunnskóla í Kaliforníu

Tveir eru látnir og tveir særðir eftir að skotum var hleypt af í grunnskóla í San Bernardino í Kaliforníufylki skömmu fyrir hádegi að staðartíma. Atvikið átti sér stað inni í skólastofu. NBC greinir frá.

Lögregluyfirvöld á staðnum segja hina tvo látnu að öllum líkindum hafa átt í heimiliserjum. Árásarmaðurinn er talinn vera annar þeirra.

Hinir tveir særðu eru sagðir nemendur við skólann. Þeir hafa verið fluttir á sjúkrahús.

Lögregla á svæðinu hefur girt skólann af en segir ekki lengur hættu á ferðum.

Two adults are deceased in a classroom, believed to be a murder suicide. We believe the suspect is down and there's no further threat.

— Chief Jarrod Burguan (@SBPDChief) April 10, 2017