Fann aftur ánægjuna við að semja tónlist og halda tónleika Guðný Hrönn skrifar 6. maí 2017 13:15 Sóley Stefánsdóttir heldur uppi stuðinu í Mengi í kvöld. FRÉTTABLAÐIÐ/EYÞÓR Sóley Stefánsdóttir mun koma fram á tónleikum í kvöld í Mengi en tilefnið er nýjasta plata Sóleyjar sem ber heitið Endless Summer. Sóley segir nýju plötuna vera glaðværari en fyrri plötur og hún naut þess í botn að semja hana. Endless Summer, þriðja breiðskífa Sóleyjar Stefánsdóttur, kom út í gær en sú plata mun vera frábrugðin fyrri plötum hennar. „Ég gaf út plötuna Ask the Deep fyrir tveimur árum og hún var frekar þung, bæði í smíðum og flutningi. Eftir árs tónleikaferðalag fékk ég alveg nóg af því að spila hana, það er ótrúlegt hvað svona plata getur haft áhrif á andlega líðan. Ég kom heim, keypti mér flygil, málaði stúdíóið mitt gult og fjólublátt, settist niður og byrjaði að semja Endless Summer. Þarna var ég komin aftur á byrjunarreit. Ég og píanóið,“ útskýrir Sóley sem fékk mikla útrás við gerð plötunnar. „Mig langaði til að finna löngunina í að semja aftur, hún var nánast horfin og sömuleiðis ánægjan við tónleikahald. Endless Summer kom á fjórum mánuðum. Ég nánast ældi lögunum upp úr mér. Ég naut þess mikið að semja hana. Ég naut þess líka að vera heima í rútínu og með dóttur minni. Þessi tónleikaferðalög rífa mann svolítið í tætlur. Svo það fyndna við þetta allt saman að á þessari plötu hélt ég að ég hefði masterað þetta svokallaða gleðipopp af því að ég skellti inn nokkrum dúr-hljómum hér og þar en svo þegar ég leyfði fólki að hlusta þá var það víst ekki raunin! Sorgleg og falleg voru viðbrögðin. Endless Summer fjallar um von, fegurð og þrá.“ Spurð nánar út í titil plötunnar, Endless Summer, sem þýðist sem eilíft sumar, segir hún skammdegið í raun hafa veitt henni innblástur. „Titillinn kom áður en ég byrjaði að semja plötuna. Platan var samin í janúar/febrúarmyrkrinu. Ég er með glugga á stúdíóinu mínu svo ég verð vör við allar veðurbreytingar, ólíkt gluggalausum stúdíóum þá held ég að þessi gluggi hafi mikil áhrif á mig, að sjá dýnamíkina í veðrinu. Enda er þetta ekki beint sumarplata. Það er sumarþráin sem við finnum svo sterkt fyrir í skammdeginu. Það er líka þráin í þetta góða og bjarta. Fjarlægðin gerir fjöllin blá.“ „En íslenska sumarið er eins og draumur. Kemur og fer áður en þú áttar þig á því. Dagur verður að nótt sem verður að öðrum degi. Það er svolítið magnað og virðist svolítið endalaust þar til þér er kippt aftur inn í raunveruleikann.“ Hélt hún myndi aldrei semja mömmutónlistAðspurð um uppáhaldslag af plötunni segir Sóley: „Það breytist svo sem dag frá degi en núna er það fyrsta lag plötunnar, sem heitir Úa. Dóttir mín heitir Úlfhildur og ég samdi þetta lag til hennar. Ég, sem aldrei ætlaði að semja mömmutónlist. Þið vitið hvernig það er að eignast barn. Ég hélt það væri ekki hægt að elska svona mikið. Lagið er kannski aðeins sorglegt en það fjallar um að ég sé alltaf að fara frá henni. Það eina sem ég get sagt við hana er að ég komi alltaf aftur. Það tekur á fyrir okkur báðar. Svo er titillag plötunnar, Endless Summer, líka í miklu uppáhaldi. Það er svona sorglega fallegt sumarnæturlag.“ Sóley mun koma fram ásamt hljómsveit í kvöld klukkan 20.30 í Mengi og leyfa fólki að kynnast nýju plötunni. Hún lofar góðri stemningu.„Við ætlum að spila lög af plötunni, flest lögin allavega. Svo gömul lög í bland. Eftir tónleikana verður útgáfuhóf og þar getur fólk staldrað við, keypt sér eintak, kannski fengið sér smá í glas og spjallað. En þetta eru samt ekki útgáfutónleikar, ég ætla að halda útgáfutónleika í sumar með stærri hljómsveit.“ Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið Ekki búið spil Lífið „Klæddu þig eftir veðri, ekki verði“ Tíska og hönnun Búið spil Lífið Dró Antonio grunlausan með sér í Gamla bíó Lífið Fleiri fréttir Ekki búið spil Randy er litríkasti gaurinn í hinni geggjuðu Pittsburgh Byrjaði í smábrotum en vatt svo upp á sig Fréttatía vikunnar: Vindmyllur, tannlæknar og fegurðardrottningar Heitustu hinsegin pör landsins Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Sjá meira
Sóley Stefánsdóttir mun koma fram á tónleikum í kvöld í Mengi en tilefnið er nýjasta plata Sóleyjar sem ber heitið Endless Summer. Sóley segir nýju plötuna vera glaðværari en fyrri plötur og hún naut þess í botn að semja hana. Endless Summer, þriðja breiðskífa Sóleyjar Stefánsdóttur, kom út í gær en sú plata mun vera frábrugðin fyrri plötum hennar. „Ég gaf út plötuna Ask the Deep fyrir tveimur árum og hún var frekar þung, bæði í smíðum og flutningi. Eftir árs tónleikaferðalag fékk ég alveg nóg af því að spila hana, það er ótrúlegt hvað svona plata getur haft áhrif á andlega líðan. Ég kom heim, keypti mér flygil, málaði stúdíóið mitt gult og fjólublátt, settist niður og byrjaði að semja Endless Summer. Þarna var ég komin aftur á byrjunarreit. Ég og píanóið,“ útskýrir Sóley sem fékk mikla útrás við gerð plötunnar. „Mig langaði til að finna löngunina í að semja aftur, hún var nánast horfin og sömuleiðis ánægjan við tónleikahald. Endless Summer kom á fjórum mánuðum. Ég nánast ældi lögunum upp úr mér. Ég naut þess mikið að semja hana. Ég naut þess líka að vera heima í rútínu og með dóttur minni. Þessi tónleikaferðalög rífa mann svolítið í tætlur. Svo það fyndna við þetta allt saman að á þessari plötu hélt ég að ég hefði masterað þetta svokallaða gleðipopp af því að ég skellti inn nokkrum dúr-hljómum hér og þar en svo þegar ég leyfði fólki að hlusta þá var það víst ekki raunin! Sorgleg og falleg voru viðbrögðin. Endless Summer fjallar um von, fegurð og þrá.“ Spurð nánar út í titil plötunnar, Endless Summer, sem þýðist sem eilíft sumar, segir hún skammdegið í raun hafa veitt henni innblástur. „Titillinn kom áður en ég byrjaði að semja plötuna. Platan var samin í janúar/febrúarmyrkrinu. Ég er með glugga á stúdíóinu mínu svo ég verð vör við allar veðurbreytingar, ólíkt gluggalausum stúdíóum þá held ég að þessi gluggi hafi mikil áhrif á mig, að sjá dýnamíkina í veðrinu. Enda er þetta ekki beint sumarplata. Það er sumarþráin sem við finnum svo sterkt fyrir í skammdeginu. Það er líka þráin í þetta góða og bjarta. Fjarlægðin gerir fjöllin blá.“ „En íslenska sumarið er eins og draumur. Kemur og fer áður en þú áttar þig á því. Dagur verður að nótt sem verður að öðrum degi. Það er svolítið magnað og virðist svolítið endalaust þar til þér er kippt aftur inn í raunveruleikann.“ Hélt hún myndi aldrei semja mömmutónlistAðspurð um uppáhaldslag af plötunni segir Sóley: „Það breytist svo sem dag frá degi en núna er það fyrsta lag plötunnar, sem heitir Úa. Dóttir mín heitir Úlfhildur og ég samdi þetta lag til hennar. Ég, sem aldrei ætlaði að semja mömmutónlist. Þið vitið hvernig það er að eignast barn. Ég hélt það væri ekki hægt að elska svona mikið. Lagið er kannski aðeins sorglegt en það fjallar um að ég sé alltaf að fara frá henni. Það eina sem ég get sagt við hana er að ég komi alltaf aftur. Það tekur á fyrir okkur báðar. Svo er titillag plötunnar, Endless Summer, líka í miklu uppáhaldi. Það er svona sorglega fallegt sumarnæturlag.“ Sóley mun koma fram ásamt hljómsveit í kvöld klukkan 20.30 í Mengi og leyfa fólki að kynnast nýju plötunni. Hún lofar góðri stemningu.„Við ætlum að spila lög af plötunni, flest lögin allavega. Svo gömul lög í bland. Eftir tónleikana verður útgáfuhóf og þar getur fólk staldrað við, keypt sér eintak, kannski fengið sér smá í glas og spjallað. En þetta eru samt ekki útgáfutónleikar, ég ætla að halda útgáfutónleika í sumar með stærri hljómsveit.“
Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið Ekki búið spil Lífið „Klæddu þig eftir veðri, ekki verði“ Tíska og hönnun Búið spil Lífið Dró Antonio grunlausan með sér í Gamla bíó Lífið Fleiri fréttir Ekki búið spil Randy er litríkasti gaurinn í hinni geggjuðu Pittsburgh Byrjaði í smábrotum en vatt svo upp á sig Fréttatía vikunnar: Vindmyllur, tannlæknar og fegurðardrottningar Heitustu hinsegin pör landsins Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Sjá meira